വ്യത്യസ്തമായ രീതിയില്‍ കുഞ്ഞിനു പേരിടല്‍ ; തിരഞ്ഞെടുപ്പിലൂടെയാണ് പേര് കണ്ടെത്തിയത്

വ്യത്യസ്തമായ രീതിയില്‍ കുഞ്ഞിനു പേരിടല്‍ ; തിരഞ്ഞെടുപ്പിലൂടെയാണ് പേര് കണ്ടെത്തിയത് ടെക്നോളജി വികസിച്ചതോടെ ഗൂഗിളില്‍ നിന്ന് സെര്‍ച്ച്‌ ചെയ്താണ് ഇപ്പോള്‍ കുഞ്ഞുങ്ങള്‍ക്ക്‌ പേര് കണ്ടെത്തുന്നത്. എന്നാല്‍ തീര്‍ത്തും വ്യത്യസ്തമായി പുതിയ രീതി അരങ്ങേറിയത് മഹാരാഷ്ട്രയിലെ ഗോണ്ടിയയില്‍. ഇവിടെ ഒരു അച്ഛനും അമ്മയും വ്യത്യസ്തരാകുന്നത് അവന് പേരിടാന്‍ കണ്ടുപിടിച്ച മാര്‍ഗത്തിലൂടെയാണ്. ഒരു ഇലക്ഷന്‍ നടത്തിയാണ് മാതാപിതാക്കള്‍ കുഞ്ഞിന്റെ പേര് തെരഞ്ഞെടുത്തത്.കുഞ്ഞിന്റെ പേരിടല്‍ ചടങ്ങിന് പങ്കെടുത്ത അതിഥികളാണ് പേരിന് വേണ്ടി വോട്ട് ചെയ്തത്. യഥാര്‍ത്ഥ വോട്ടെടുപ്പിന് സമാനമായി പ്രത്യേകം സജ്ജീകരിച്ച ഹാളിലായിരുന്നു വോട്ടെടുപ്പ്. സാധരണ ഇലക്ഷന്‍ പോലെ എന്നാല്‍ ബാലറ്റിന് പകരം സാധാരണ പേപ്പറില്‍ സ്ഥാനാര്‍ത്ഥികളുടെ പേര് നല്‍കുന്നതിന് സമാനമായി മൂന്നു പേരുകള്‍ എഴുതിയിരുന്നു. ഇതില്‍ നിന്നും താത്പര്യമുള്ള പേരിന് നേരെ അത് നല്ലതെന്ന് അറിയിക്കാനുള്ള കോളവും നല്‍കിയിരുന്നു. ഇത്തരമൊരു മാര്‍ഗം സ്വീകരിക്കാനുണ്ടായ കാരണമാണ് അതിലും രസകരം. ഭാവിയില്‍ കുട്ടി…

കുട്ടികളുടെ സ്വകാര്യതയെ ഹനിക്കുന്ന വീഡിയോ പ്രചരിപ്പിച്ചതിനു രാഹുല്‍ ഗാന്ധിക്കെതിരെ കേസ്

കുട്ടികളുടെ സ്വകാര്യതയെ ഹനിക്കുന്ന വീഡിയോ പ്രചരിപ്പിച്ചതിനു രാഹുല്‍ ഗാന്ധിക്കെതിരെ കേസ് l Pocso case aganist rahul gandhi l Rashtrabhoomi

കുട്ടികളുടെ സ്വകാര്യതയെ ഹനിക്കുന്ന വീഡിയോ പ്രചരിപ്പിച്ചതിനു രാഹുല്‍ ഗാന്ധിക്കെതിരെ കേസ് കോണ്‍ഗ്രസ് പ്രസിഡന്റ് രാഹുല്‍ ഗാന്ധിക്കെതിരെ മഹാരാഷ്ട്ര ശിശു അവകാശ കമ്മീഷന്‍ ആണ് നോട്ടീസ് അയച്ചത്. അമോല്‍ ജാദവ് എന്നയാളുടെ പരാതിയിലാണ് നടപടി. ജല്‍ഗാവില്‍ ദളിത് കുട്ടികള്‍ക്ക് മര്‍ദ്ദനമേറ്റതിന്റെ വീഡിയോ രാഹുല്‍ ട്വിറ്ററിലൂടെ പ്രചരിപ്പിച്ചിരുന്നു. എന്നാല്‍ കുട്ടികളുടെ സ്വകാര്യതയെ ഹനിക്കുന്ന വീഡിയോ ഇത്തരത്തില്‍ പ്രചരിപ്പിച്ചതിനാണ് പോക്‌സോ നിയമപ്രകാരം കേസെടുത്തിരിക്കുന്നത്. സംഭവത്തില്‍ പത്ത് ദിവസത്തിനുള്ളില്‍ വിശദീകരണം നല്‍കണമെന്നാണ് നോട്ടീസിലുള്ളത്.

പുത്തൂരിൽ അനാശാസ്യം ആരോപിച്ച് പിടികൂടിയ യുവാവ് റെയില്‍വെ ട്രാക്കില്‍ മരിച്ച നിലയില്‍

ശ്രീജിത്ത്‌ പേരുകാരുടെ കഷ്ട്ടകാലം മാറുന്നില്ല ; സദാചാരക്കാരുടെ കയ്യില്‍ നിന്നും പോലീസ് രക്ഷിച്ചെങ്കിലും യുവാവ് റെയില്‍വെ ട്രാക്കില്‍ മരിച്ച നിലയില്‍ കൊട്ടാരക്കര : പുത്തൂരില്‍ അനാശാസ്യം ആരോപിച്ച് പിടികൂടിയ യുവാവിനെ റെയില്‍വെ ട്രാക്കില്‍ മരിച്ച നിലയില്‍ കണ്ടെത്തി. നെടുവത്തൂര്‍ കാര്‍ഷിക വിപണിക്ക് സമീപം ആണ് കണ്ടെത്തിയത്. .ട്രയിന്‍ കയറി തലയും ഉടലും വേര്‍പെട്ട നിലയിലയിലായിരുന്നു.മാതാപിതാക്കൾ മരിച്ചു പോയ ശ്രീജിത്ത് വീട്ടില്‍ ഒറ്റയ്ക്ക് ആയിരുന്നു താമസം. കഴിഞ്ഞ ഞായറാഴ്ച വീട്ടില്‍ ശ്രീജിത്ത് ഒരു യുവതിയുമായി എത്തിയിരുന്നു.അനാശാസ്യം നടത്തിയെന്നാരോപിച്ച് ബന്ധുക്കളും നാട്ടുകാരും കൂടി യുവതിക്കൊപ്പം വീട്ടില്‍ നിന്നും ശ്രീജിത്തിനെ പിടികൂടി.നാട്ടുകാര്‍ പുത്തൂര്‍ പോലീ സിൽ അറിയിച്ചതനുസരിച്ച് പോലീസ് സ്ഥലത്തു എത്തിയുവതിയെ വീട്ടില്‍ അറിയിച്ചു മടക്കി വിട്ടിരുന്നു.

ലോകത്തിലെ ഏറ്റവും പ്രായമുള്ള സുമാത്രന്‍ ഒറാങ് ഉട്ടാന്‍ യാത്രയായി

ലോകത്തിലെ ഏറ്റവും പ്രായമുള്ള സുമാത്രന്‍ ഒറാങ് ഉട്ടാന്‍ യാത്രയായി സിഡ്‌നി: ലോകത്തിലെ ഏറ്റവും പ്രായമുള്ള സുമാത്രന്‍ ഒറാങ് ഉട്ടാന്‍ മരിച്ചു. 62 വയസ് പ്രായമുണ്ടായിരുന്നു. പ്രായാധിക്യം മൂലം അവശതയിലായിരുന്നു പുവാന്‍. ഓസ്‌ട്രേലിയയിലെ പെര്‍ത്ത് മൃഗശാലയില്‍ ജീവിച്ചിരുന്ന പുവാന്‍ എന്ന പെണ്‍ ഒറാങ് ഉട്ടാനാണ് മരിച്ചത്.1956ല്‍ സുമാത്രയിലാണ് പുവാന്‍ ജനിച്ചത്. 1968ല്‍ പെര്‍ത്തിലെ മൃഗശാലയില്‍ എത്തി. 2016ലെ ഗിന്നസ് വേള്‍ഡ് റെക്കോര്‍ഡ് പ്രകാരം ലോകത്ത് ജീവിച്ചിരിക്കുന്നതില്‍ ഏറ്റവും പ്രായം കൂടിയ സുമാത്രന്‍ ഒറാങ് ഉട്ടാനായി പുവാനെ തെരഞ്ഞെടുത്തിരുന്നു. അതീവ വംശനാശ ഭീഷണി നേരിടുന്ന പട്ടികയുള്‍പ്പെട്ട വിഭാഗമാണ് ഇവയുടേത്. 11 മക്കളും, ഓസ്‌ട്രേലിയ, അമേരിക്ക, ഇന്തൊനേഷ്യ എന്നീ രാജ്യങ്ങളിലായി 54 കൊച്ചുമക്കളും പുവാനുണ്ട്.

പൊലീസ് ഉന്നതരുടെ വീടുകളിലും ക്യാമ്പ് ഓഫീസുകളിലും അനധികൃതമായി ജോലി ചെയ്യുന്ന പൊലീസ് ഉദ്യോഗസ്ഥരേ തിരിച്ചു വിളിച്ചു

അനധികൃതമായി ജോലി ചെയ്യുന്ന പൊലീസ് ഉദ്യോഗസ്ഥരേ തിരിച്ചു വിളിച്ചു l Illegal duty police officers were called back l Rashtrabhoomi

പൊലീസ് ഉന്നതരുടെ വീടുകളിലും ക്യാമ്പ് ഓഫീസുകളിലും അനധികൃതമായി ജോലി ചെയ്യുന്ന പൊലീസ് ഉദ്യോഗസ്ഥരേ തിരിച്ചു വിളിച്ചു മുഖ്യമന്ത്രിയുടെ നിര്‍ദേശപ്രകാരം പൊലീസ് ആസ്ഥാനത്തെ ഭരണവിഭാഗം എഡിജിപി എസ് ആനന്ദകൃഷ്ണന്‍ വിശദമായ കണക്ക് ആവശ്യപ്പെട്ട് മുഴുവന്‍ പൊലീസ് ഉദ്യോഗസ്ഥര്‍ക്കും സര്‍ക്കുലര്‍ അയച്ചു. ഞായറാഴ്ച ഉച്ചയോടെ കണക്ക് എത്തിക്കണമെന്നായിരുന്നു നിര്‍ദേശം. ഉന്നത പോലീസ് ഉദ്യോഗസ്ഥരുടെ വീട്ടുപണി ചെയ്യേണ്ടതില്ലെന്ന് ക്യാമ്പ് ഫോളോവേഴ്സ് അസോസിയേഷന്റെ നിര്‍ദേശം.ഇതുസംബന്ധിച്ച് ഡിജിപിക്കും യൂണിറ്റ് മേധാവികള്‍ക്കും അസോസിയേഷന്‍ നിവേദനം നല്‍കും.എസ്എപി ക്യാമ്പ് ഡെപ്യൂട്ടി കമാന്‍ഡന്റ് പികെ രാജുവിനെ സ്ഥലം മാറ്റിയേക്കും. വീട്ടില്‍ ടൈല്‍ഡ് പണിക്ക് രാജു ക്യാമ്പ് ഫോളോവര്‍മാരെ ഉപയോഗിച്ചു എന്ന കണ്ടെത്തലിനെ തുടര്‍ന്നാണിത്. അതിനിടെ, എസ്എപി ഡപ്യൂട്ടി കമാണ്ടന്റ് അനധികൃതമായി ഡ്യൂട്ടിക്ക് നിയോഗിച്ചുവെന്ന് കാട്ടി ക്യാമ്പ് ഫോളോവേഴ്‌സ് പ്രതിനിധികള്‍ പൊലീസ് മേധാവിക്ക് പരാതി നല്‍കി.

ക്ഷീര കര്‍ഷകര്‍ക്ക് ഇരുട്ടടിയുമായി മില്‍മ മലബാര്‍ യൂനിയന്റെ സര്‍ക്കുലര്‍

പാലക്കാട്: സഹകരണ സംഘങ്ങള്‍ വഴി കൂടുതല്‍ പാല്‍ നല്‍കുന്ന ക്ഷീര കര്‍ഷകര്‍ക്ക് നല്‍കിയിരുന്ന ലിറ്ററിന് 10.55 രൂപ ഇനി മുതല്‍ വെട്ടിച്ചുരുക്കുമെന്ന് കാണിച്ച് സര്‍ക്കുലര്‍ ഇറക്കി. പാലുത്പാദനത്തിനൊപ്പം ചെലവ് കൂടാത്തത് മൂലം പാല്‍ കെട്ടിക്കിടക്കുന്നതിനാല്‍ നഷ്ടം ഒഴിവാക്കുന്നതിനാണ് ഈ തീരുമാനം. അതേസമയം മില്‍മ നാല് ശതമാനം കമ്മീഷന്‍ മാത്രമാണ് വില്‍പ്പനക്കാര്‍ക്ക് നല്‍കുന്നത്. ഇതുമൂലം വില്‍പ്പനക്കാര്‍ ഇതരസംസ്ഥാനത്തെ കമ്പനികളുടെ പാല്‍ ഉത്പന്നങ്ങളാണ് വില്‍ക്കുന്നത്. സംഭരിക്കുന്ന പാല്‍ മിച്ചം വരികയാണെങ്കില്‍ പാല്‍പ്പൊടിയാക്കുന്നത് സാമ്പത്തിക നഷ്ടത്തിന് ഇടവരുത്തും. സംസ്ഥാനത്തിന്റെ കാര്‍ഷിക വരുമാനത്തിന്റെ 14 ശതമാനവും നല്‍കുന്നത് ക്ഷീരകര്‍ഷക മേഖലയാണ്. ഇതര സംസ്ഥാനങ്ങളില്‍ നിന്നെത്തുന്ന പാല്‍ വില കുറച്ചും വില്‍പ്പനക്കാര്‍ക്ക് വലിയ കമ്മീഷനും മറ്റ് ആനുകൂല്യങ്ങളും നല്‍കി വിപണി കീഴടക്കിയിരിക്കുകയാണ്. പ്രതിവര്‍ഷം 3,500 കോടി രൂപയുടെ പാല്‍, പാലുത്പന്ന വിപണനം സംസ്ഥാനത്ത് നടക്കുമ്പോഴും കര്‍ഷകര്‍ക്ക് വലിയ ലാഭമൊന്നും ലഭിക്കുന്നില്ലെന്നും ക്ഷീര കര്‍ഷകര്‍ പറയുന്നു.

കുപ്പിവെള്ളം വില്‍ക്കുന്ന നാലു കമ്പനികളുടെ വെള്ളം സുരക്ഷിതമല്ലെന്ന് ഭക്ഷ്യസുരക്ഷാ വകുപ്പ്.

കുപ്പിവെള്ളം വില്‍ക്കുന്ന നാലു കമ്പനികളുടെ വെള്ളം സുരക്ഷിതമല്ലെന്ന് ഭക്ഷ്യസുരക്ഷാ വകുപ്പ് തിരുവനന്തപുരം: കേരളത്തില്‍ കുപ്പിവെള്ളം വില്‍ക്കുന്ന നാലു കമ്പനികളുടെ വെള്ളം സുരക്ഷിതമല്ലെന്ന് ഭക്ഷ്യസുരക്ഷാ വകുപ്പ്. ശുദ്ധീകരിക്കാത്ത വെള്ളം യാതൊരു സുരക്ഷാ പരിശോധനയും ഇല്ലാതെ വില്‍ക്കുന്ന നാലു കമ്പനികളോടും പ്രവര്‍ത്തനം ആവസാനിപ്പിക്കാന്‍ നിയമനടപടികള്‍ ആരംഭിച്ചു. കമ്പനികള്‍ വെള്ളം ശേഖരിക്കുന്നത് വൃത്തിയില്ലാത്ത ഇടങ്ങളില്‍ നിന്നാണെന്ന് പരിശോധനയില്‍ വ്യക്തമായി. ഗുണമേന്മയില്ലാത്ത കുപ്പിവെള്ളം വില്‍ക്കുന്ന പത്തു കമ്പനികളെയും പരിശോധനയില്‍ പിടികൂടിയിട്ടുണ്ട്. ഇവരോടു നിബന്ധനകള്‍ പാലിക്കുന്നതുവരെ പ്രവര്‍ത്തനം അവസാനിപ്പിക്കാനാണ് ആവശ്യപ്പെട്ടിരിക്കുന്നത്. നിയമ നടപടികള്‍ പൂര്‍ത്തിയായതിനുശേഷം കുപ്പിവെള്ള കമ്പനികളുടെ പേരുവിവരം വെളിപ്പെടുത്തും. സുരക്ഷിതമല്ലാത്ത വെള്ളം വില്‍പന നടത്തുന്നതായി പരാതികള്‍ ലഭിച്ചതിനെത്തുടര്‍ന്നാണ് ഭക്ഷ്യസുരക്ഷാവകുപ്പ് പരിശോധന നടത്തിയത്. രാജ്യത്തു വില്‍ക്കുന്ന കുപ്പിവെള്ളത്തില്‍ പ്ലാസ്റ്റിക്കിന്റെ സാന്നിധ്യമുണ്ടെന്ന് കേന്ദ്ര ഉപഭോക്തൃകാര്യ വകുപ്പ് വെളിപ്പെടുത്തിയിരുന്നു. ഇന്ത്യയില്‍ വില്‍പന നടത്തുന്ന കുപ്പിവെള്ളത്തില്‍ മൂന്നെണ്ണമെങ്കിലും മലിനമാണെന്നും കണ്ടെത്തിയിട്ടുണ്ട്. സംസ്ഥാനത്തെ അറുന്നൂറോളം വരുന്ന കുപ്പിവെള്ള യൂണിറ്റുകളില്‍ 141 എണ്ണത്തിനാണ്…

കാറില്‍ നിന്ന് ചീത്ത വാക്കുകള്‍ കൊണ്ട് അഭിഷേകം..വലിച്ചെറിഞ്ഞ മാലിന്യത്തെക്കാള്‍ അസഹനയീനമായിരുന്നു വാക്കുകളെന്ന് യുവാവ് : അനുഷ്ക-കോഹ് ലി പെര്‍ഫോര്‍മന്‍സ്

കാറില്‍ നിന്ന് ചീത്ത വാക്കുകള്‍ കൊണ്ട് അഭിഷേകം… വലിച്ചെറിഞ്ഞ മാലിന്യത്തെക്കാള്‍ അസഹനയീനമായിരുന്നു വാക്കുകളെന്ന് യുവാവ് : അനുഷ്ക-കോഹ് ലി പെര്‍ഫോര്‍മന്‍സ് മുംബൈ ലക്ഷ്വറി കാറില്‍ നിന്നു മാലിന്യം വലിച്ചെറിഞ്ഞ യുവാവിനു നേരെ ബോളിവുഡ് നടി അനുഷ്‌ക ശര്‍മയുടെയും ഇന്ത്യന്‍ ക്രിക്കറ്റ് ടീം ക്യാപ്റ്റനുമായ വിരാട് കോഹ് ലി യുടെയും ആക്രോശം. മാലിന്യം വലിച്ചെറിഞ്ഞ അര്‍ഹാന്റെ കാര്‍ തടഞ്ഞ് ‘ഇതു ശരിയല്ല, പ്ലാസ്റ്റിക് മാലിന്യങ്ങള്‍ ഇങ്ങനെ വലിച്ചെറിയരുത്, പകരം ചവറ്റുകുട്ട ഉപയോഗിക്കണം’ എന്നാണ് അനുഷ്‌ക ശാസിച്ചത്. എന്നാല്‍ ലക്ഷ്വറി കാറില്‍ യാത്ര ചെയ്ത് മാലിന്യം വലിച്ചെറിയുന്ന ഇവരുടെ ചിന്താശേഷി ഇല്ലാതായോ എന്ന ചോദ്യത്തോടെയായിരുന്നു കോഹ് ലിയുടെ ട്വീറ്റ്. ഇതിന്റെ വിഡിയോയും അദ്ദേഹം ഷെയര്‍ ചെയ്തു. ഇതിനു മറുപടിയായാണു അര്‍ഹാന്‍ രംഗത്തെത്തിയത്. റോഡിലുണ്ടായത് ഞെട്ടിപ്പിക്കുന്ന അനുഭവമാണെന്നും യുവാവ് കുറിക്കുന്നു.ഇതിനു മറുപടിയായാണു അര്‍ഹാന്‍ രംഗത്തെത്തിയത്. എന്റെ ലക്ഷ്വറി കാറില്‍ നിന്ന് അബദ്ധവശാല്‍ താഴെ വീണ…

കുട്ടികളിലെ പ്രമേഹം നേരത്തെ കണ്ടെത്തി ചികിത്സിക്കാന്‍ സര്‍ക്കാറിന്റെ മിഠായി പദ്ധതി

കുട്ടികളിലെ പ്രമേഹം നേരത്തെ കണ്ടെത്തി ചികിത്സിക്കാന്‍ സര്‍ക്കാറിന്റെ മിഠായി പദ്ധതി കുട്ടികളിലെ പ്രമേഹം നേരത്തെ കണ്ടെത്തി ചികിത്സിക്കാന്‍ സര്‍ക്കാറിന്റെ മിഠായി പദ്ധതി.ടൈപ്പ് ഒന്ന് പ്രമേഹം ബാധിച്ച് ഗുരുതരാവസ്ഥയിലായ പെരുമ്പാവൂരിനടുത്തുള്ള കുഞ്ഞ് ഫാത്തിമയുടെ അനുഭവമാണ് ഈ പദ്ധതിയുടെ പ്രേരകമായാത്. മുതിര്‍ന്നവരില്‍ കാണുന്ന ടൈപ്പ് ടു പ്രമേഹത്തേക്കാളും സങ്കീര്‍ണമാണ് കുട്ടികളിലെത്. കുട്ടികളിലെ പ്രമേഹം നേരത്തെ കണ്ടെത്തി ചികിത്സിച്ചില്ലെങ്കില്‍ അപകടകരമാകുമെന്ന സാഹചര്യം മുന്‍നിര്‍ത്തിയാണ് പദ്ധതിയുമായി സാമൂഹ്യ സുരക്ഷാ മിഷന്‍ രംഗത്തെത്തിയത്. ടൈപ്പ് ഒന്ന് പ്രമേഹം ബാധിച്ചവര്‍ക്ക് ഇന്‍സുലിന്‍ പെന്‍, തുടര്‍ച്ചയായ പഞ്ചസാര നിരീക്ഷണം, ഇന്‍സുലിന്‍ പമ്പ് തുടങ്ങിയവ ഉപയോഗിച്ച് ആധുനിക ചികിത്സയും ആവശ്യമായ ആരോഗ്യ, ചികിത്സാ, ഭക്ഷണ ഉപദേശങ്ങളും പരിരക്ഷയും നല്‍കുന്ന സമഗ്ര പദ്ധതിയാണ് മിഠായി. കാലങ്ങളായി കുട്ടികള്‍ ഉപയോഗിച്ചിരുന്നത് കുപ്പികളില്‍ വരുന്ന വയല്‍ ഇന്‍സുലിന്‍ ആയിരുന്നു. സിറിഞ്ചും സൂചിയും ഉപയോഗിച്ച് എടുക്കേണ്ട ഇത് ഐസ് ബോക്‌സിലോ തെര്‍മോ ഫഌസ്‌കിലോ വേണം…

മെട്രോ നഗരത്തിലൂടെ ഓഫീസിലേക്ക് കുതിര സവാരിയുമായി യുവ എഞ്ചിനീയര്‍

മെട്രോ നഗരത്തിലൂടെ ഓഫീസിലേക്ക് കുതിര സവാരിയുമായി യുവ എഞ്ചിനീയര്‍ ബംഗളുരു : ഒഫീസിലേക്ക് നഗരത്തിലൂടെ കുതിരപുറത്തേറി യാത്രചെയ്ത് യുവ എഞ്ചിനീയര്‍. ബംഗളുരുവിലെ സോഫ്റ്റ് വെയര്‍ എഞ്ചിനീയറായ രൂപേഷ്‌കുമാറാണ് കഴിഞ്ഞ ദിവസം ഓഫീസിലേക്ക് കുതിരപുറത്തേറി ഓഫീസില്‍ എത്തിയത്. ഗതാഗത സ്തംഭനത്തിനെതിരെ വ്യത്യസ്ത ബോധവത്ക്കരണ രീതി സ്വീകരിക്കുകയായിരുന്നു യുവാവ്.‍ തിരക്കേറിയ സമയത്ത് കുരുങ്ങിക്കിടക്കുന്ന വാഹനങ്ങള്‍ക്കിടയിലൂടെ ഒരു വെള്ള കുതിരയുടെ പുറത്തേറി സഞ്ചരിക്കുന്ന രൂപേഷിന്റെ ചിത്രമാണ് ഇപ്പോള്‍ സോഷ്യല്‍ മിഡിയയില്‍ വൈറലായിരിക്കുന്നത്.ഗതാഗതക്കുരുക്കില്‍ കുടുങ്ങി മണിക്കൂറുകളോളം റോഡില്‍ കിടക്കേണ്ടി വരുന്ന അവസ്ഥയില്‍ സഹികെട്ടാണ് ബോധവത്കരണമെന്നോണം രൂപേഷ് കുതിരപ്പുറത്ത് യാത്ര ചെയ്യാന്‍ തീരുമാനിച്ചത്. ജോലിയുടെ അവസാന ദിവസമാണ് രൂപേഷ് വ്യത്യസ്ത ആശയം നടപ്പിലാക്കിയത്. എട്ട് വര്‍ഷമായി ബംഗളുരുവില്‍ എഞ്ചിനീയറായി ജോലി ചെയ്യുന്ന രൂപേഷ് സ്വന്തമായി ഒരു സംരംഭം തുടങ്ങുന്നതിനായാണ് ജോലി അവസാനിപ്പിക്കുന്നത്. അതിനു മുന്നോടിയായാണ് അവസാന പ്രവൃത്തിദിവസം ഗതാഗതസ്തംഭനത്തിനെതിരെ ബോധവത്ക്കരണം നടത്തിയത്. ഓഫീസിലേക്കുള്ള വേഷത്തില്‍…