ആശുപത്രി വിവാഹ വേദിയാക്കി; രോഗബാധിതനായ അച്ഛന്റെ മുന്നില്‍ മംഗല്യം

യു എ ഇയുടെ ചരിത്രത്തിലാദ്യമായി ആശുപത്രി വിവാഹ വേദിയാകുന്നു. ബംഗ്ലാദേശ് പൗരനായ റിബതും പാക്കിസ്ഥാനി പൗരയായ സനയുമാണ് മങ്കൂളിലെ ആസ്റ്റര്‍ ആശുപത്രിയില്‍ വെച്ച്‌ വിവാഹിതരായത്. ശനിയാഴ്ച രാത്രിയായിരുന്നു വിവാഹം. പിതാവിന്റെ രോഗാവസ്ഥയെ കണക്കിലെടുത്ത് അച്ഛന് മുന്നില്‍ വിവാഹ വേദിയൊരുങ്ങി. ആശുപത്രിയിലെ കോണ്‍ഫറന്‍സ് ഹാളില്‍ കുടുംബാംഗങ്ങളുടേയും ഡോക്ടര്‍മാരുടേയും നഴ്‌സുമാരുടേയും സാന്നിദ്ധ്യത്തിലായിരുന്നു നിക്കാഹ്. കാനഡയിലെ ടൊറന്റോയില്‍ നിന്ന് ജൂലൈ 16നാണ് വധൂവരന്മാര്‍ യു എ ഇയിലെത്തിയത്. റിബതിന്റെ പിതാവ് ഷഹാദത്ത് ചൗധരിയാണ് പൊടുന്നനെ രോഗബാധിതനായത്. വെന്റിലേഷന്‍ സപ്പോര്‍ട്ടിലാണിദ്ദേഹം.കാനഡയില്‍ വിവാഹത്തിനുള്ള തയ്യാറെടുപ്പുകള്‍ പൂര്‍ത്തിയാക്കി. വേദി ബുക്ക് ചെയ്തു. എന്നാല്‍ പിതാവ് രോഗബാധിതനായതോടെ അതെല്ലാം റദ്ദാക്കി ഇരുവരും യു എ ഇയ്ക്ക് പറക്കുകയായിരുന്നു. ഒരു വര്‍ഷം മുന്‍പാണ് ഇരുവരും റിബതും സനയും യൂണിവേഴ്‌സിറ്റിയില്‍ വെച്ച്‌ കണ്ടുമുട്ടുന്നത്. തുടര്‍ന്ന് ഇരുവരും പ്രണയത്തിലായി. വിവാഹിതരാകാന്‍ തീരുമാനിച്ചു.

പ്ലാസ്റ്റിക് വളയത്തില്‍ കുടുങ്ങി മരണത്തിലേക്കു അടുത്ത കൊക്കിനു പുനര്‍ജന്മം

പ്ലാസ്റ്റി്ക്കിന്‍റെ അതി പ്രസരം മ്യഗങ്ങള്‍ക്ക് ഭീഷണിയാകുന്നു. മനുഷ്യന്‍റെ ഹീനപ്രവൃത്തി കാരണം ഇരയായത് പാവം കൊക്കാണ് . ബ്ലാക്ക് നെക്ക്ഡ് സ്റ്റോര്‍ക്കിനെയാണ് (കരിങ്കഴുത്തന്‍ കൊക്ക്) ഒരുകൂട്ടം പക്ഷിസ്‌നേഹികളും പരിസ്ഥിതി പ്രവര്‍ത്തകരും ചേര്‍ന്ന് രക്ഷപ്പെടുത്തിയത്. രക്ഷ യായത്‌ മ്യഗസ്നേഹിയായ മനോജ് എടുത്ത ചിത്രം ആണ്.പക്ഷിനിരീക്ഷകനും ഡല്‍ഹിയില്‍ സ്വകാര്യകമ്പനിയില്‍ ജോലിക്കാരനുമായ പള്ളിക്കര കരുമനക്കണ്ടി മനോജാണ് ഗുഡ്ഗാവിലെ ബസായി ചതുപ്പില്‍ ജൂണ്‍ ആദ്യം അപകടനിലയിലായ പക്ഷിയെ കണ്ടത്. മനോജ് ജോലികഴിഞ്ഞു വീട്ടിലേക്കു മടങ്ങുംവഴിയാണ് അപൂര്‍വമായിമാത്രം കാണുന്ന പക്ഷിയെ കണ്ടത്. അപൂര്‍വ്വയിനം പക്ഷി ആയതിനാല്‍ അതിന്റെ ചിത്രവുമെടുത്തു. അഞ്ചടിയോളം ഉയരവും 12 കിലോ തൂക്കവുമുള്ള ഇത്തരം പക്ഷിയെ കേരളത്തില്‍ കാണാറില്ല.   വീട്ടിലെത്തി ചിത്രം കംപ്യൂട്ടറില്‍ നോക്കുമ്പോഴാണ് അതിന്‍റെ കൊക്കില്‍ പ്ലാസ്റ്റിക് വളയം കുടുങ്ങിയത് ശ്രദ്ധയില്‍പ്പെട്ടത്. പക്ഷിക്കു വായതുറക്കാനാകാത്ത നിലയിലായിരുന്നു. മനോജ് ഉടന്‍ പക്ഷിയുടെ ദൈന്യാവസ്ഥ ഡല്‍ഹിയിലെ പക്ഷിനിരീക്ഷകരായ ഫോട്ടോഗ്രാഫര്‍മാരുടെ ഫെയ്‌സ്ബുക്ക് കൂട്ടായ്മയില്‍ പോസ്റ്റ്…

മഹാരാജാസ‌് കോളേജ‌് ഹോസ‌്റ്റലിൽ എസ‌്എഫ‌്ഐ നേതാവിനെ കുത്തിക്കൊന്നു …ഇന്ന് പഠിപ്പ് മുടക്ക്

കൊച്ചി : കലാലയങ്ങളില്‍ രാഷ്ട്രീയം നിരോധിച്ചെങ്കിലും ഇപ്പോഴും രാഷ്ട്ട്രീയവും അക്രമങ്ങളും തുടരുന്നു.മഹാരാജാസ‌് കോളേജ‌് ഹോസ‌്റ്റലിൽ എസ‌്എഫ‌്ഐ നേതാവിനെ പോപ്പുലർ ഫ്രണ്ട‌്‐ക്യാമ്പസ‌് ഫ്രണ്ട‌് പ്രവർത്തകർ കുത്തിക്കൊന്നു. ഇടുക്കി വട്ടവട സ്വദേശിയും എസ‌്എഫ‌്ഐ ജില്ലാകമ്മിറ്റി അംഗവുമായ അഭിമന്യു(20) ആണ‌് കൊല്ലപ്പെട്ടത്. കൊലപാതകത്തില്‍ പ്രതിഷേധിച്ചു ഇന്ന്‌ സംസ്‌ഥാന വ്യാപകമായി പഠിപ്പുമുടക്കുമെന്ന്‌ എസ്‌എഫ്‌ഐ സംസ്‌ഥാന കമ്മിറ്റി അറിയിച്ചു.ആക്രമണത്തില്‍ രണ്ടുപേർക്ക‌് പരിക്കേറ്റു. അർജുൻ, വിനീത‌് എന്നിവർക്കാണ‌് പരിക്കേറ്റത‌്. ഇതിൽ അർജുന്റെ നില ഗുരുതരമാണ‌്.അർജുനെ മെഡിക്കൽ ട്രസ്‌റ്റ്‌ ആശുപത്രിയിൽ വെന്റിലേറ്റിലേക്ക്‌ മാറ്റി.മഹാരാജാസ‌് കോളേജിൽ ക്യാമ്പസ‌് ഫ്രണ്ടിന്റെ ആക്രമണഭീഷണി നേരത്തേയുണ്ടായിരുന്നു. 20ഓളം വരുന്ന സംഘം കോളേജിലേക്ക‌് ആക്രമിച്ചുകയറാൻ നോക്കിയത‌് ചോദ്യംചെയ‌്തപ്പോഴായിരുന്നു അക്രമം. തിങ്കളാഴ‌്ച പുലർച്ചെ 12.30 ഓടെ ഹോസ്‌റ്റലിൽ അതിക്രമിച്ചു കയറിയാണ്‌ കൊല ചെയ്‌തത്‌. അഭിമന്യുവിനെ ഒരാൾ പിന്നിൽനിന്ന‌ു പിടിച്ചുനിർത്തുകയും മറ്റൊരാൾ കത്തികൊണ്ട‌് നെഞ്ചിൽ കുത്തുകയുമായിരുന്നു. തൽക്ഷണം മരിച്ചു. കെമിസ്ട്രി രണ്ടാം വർഷ വിദ്യാർത്ഥിയാണ്‌ അഭിമന്യൂ. അഭിമന്യുവിന്റെ…

ക്യാപ്റ്റര്‍ രാജുവിനെ നാളെ കേരളത്തിലെത്തിക്കും

  മസ്തിഷ്‌കാഘാതത്തെ തുടര്‍ന്നു കിംസ് ഒമാന്‍ ആശുപത്രിയില്‍ ചികില്‍സയില്‍ കഴിയുന്ന നടന്‍ ക്യാപ്റ്റര്‍ രാജുവിനെ കൊച്ചിയിലേക്ക് കൊണ്ടു വരും.നാളെ രാവിലെ ഒൻപതിനുള്ള ഒമാൻ എയർ വിമാനത്തിൽ കൊണ്ടുപോകാനാണ് ഉദ്ദേശിക്കുന്നത്. തുടര്‍ ചികില്‍സയ്ക്കായി കൊച്ചി ആസ്റ്റര്‍ മെഡിസിറ്റിയിലേക്കാണു കൊണ്ടുപോകുന്നത്. സ്ട്രെച്ചറിൽ കിടത്തി കൊണ…കൊണ്ടുപോകുന്നതിനാൽ വിമാനത്തിൽ ചില ക്രമീകരണങ്ങൾ നടത്തേണ്ടതുണ്ട്. ക്യാപ്റ്റൻ രാജുവിന്റെ രക്തസമ്മർദവും രക്തത്തിലെ പഞ്ചസാരയുടെ അളവും സാധാരണ നിലയിലാണെന്നും മറ്റു പ്രശ്നങ്ങളില്ലെന്നും ആശുപത്രി വൃത്തങ്ങൾ അറിയിച്ചു.ഭാര്യ പ്രമീളയും കിംസിലെ മെഡിക്കല്‍ സംഘവും ഒപ്പമുണ്ടാകും. നടപടിക്രമങ്ങള്‍ പൂര്‍ത്തിയായാല്‍ നാളെ രാവിലെ ഒന്‍പതിനുള്ള ഒമാന്‍ എയര്‍ വിമാനത്തില്‍ കൊണ്ടുപോകാനാണ് നീക്കം.ഭാര്യയും മകനുമൊത്തു കൊച്ചിയില്‍ നിന്നു ന്യൂയോര്‍ക്കിലേക്കുള്ള യാത്രയ്ക്കിടെ മസ്തിഷ്‌കാഘാതം ഉണ്ടായതിനെ തുടര്‍ന്നാണു തിങ്കളാഴ്ച രാവിലെ വിമാനം മസ്‌കത്തില്‍ അടിയന്തരമായി ഇറക്കിയത്. മകന്റെ വിവാഹത്തിന് അമേരിക്കയിലേക്ക് പോകുമ്ബോഴായിരുന്നു ഇത്. ഈ സാഹചര്യത്തില്‍ മകന്റെ വിവാഹം നീട്ടി വച്ചേക്കും.

ദിലീപിനെ ‘അമ്മ’യില്‍ തിരിച്ചെടുത്ത നടപടിക്കെതിരെ സിനിമാപ്രവര്‍ത്തകരുടെ പ്രതിഷേധം ശക്തമാകുന്നു

കൊച്ചി : ദിലീപിനെ ‘അമ്മ’യില്‍ തിരിച്ചെടുത്ത നടപടിക്കെതിരെ സിനിമാപ്രവര്‍ത്തകരുടെ പ്രതിഷേധം ശക്തമാകുന്നു.ആക്രമണത്തില്‍ അതിജീവിച്ച നടിക്കും രാജിവെച്ചവര്‍ക്കും പിന്തുണയുമായും താരസംഘടനയുടെ തീരുമാനത്തിനെതിരായും 98 സിനിമാ പ്രവര്‍ത്തകര്‍ ഒപ്പുവെച്ച പ്രസ്താവന പുറത്തിറക്കി. അഭിനേതാക്കളായ വിനായകന്‍, അനുമോള്‍, ശ്രിന്ദ, കുക്കു സരിത, അലന്‍സിയര്‍, അര്‍ച്ചന പദ്മിനി തുടങ്ങിയവരും സംവിധായകരായ ദിലീഷ് പോത്തന്‍, കമല്‍, അമല്‍ നീരദ്, സമീര്‍ താഹിര്‍, വിധു വിന്‍സെന്റ് തുടങ്ങിയവരും മറ്റ് അഭിനേതാക്കളും അണിയറ പ്രവര്‍ത്തകും സാങ്കേതിപ്രവര്‍ത്തകരും ഉള്‍പ്പെടെയുള്ളവരാണ് ഒപ്പിട്ട് പ്രസ്താവന ഇറക്കിയിരിക്കുന്നത്. പ്രസ്‌‌താവന അതിക്രൂരമായ ലൈംഗികാക്രമണത്തെ അതിജീവിച്ച ഞങ്ങളുടെ സഹപ്രവര്‍ത്തയ്ക്കുള്ള പിന്തുണ ഒരിക്കല്‍ കൂടി ഞങ്ങള്‍ പരസ്യമായി പ്രഖ്യാപിക്കുന്നു. നിയമപരവും സാമൂഹ്യപരവും തൊഴില്‍ പരവുമായ അവളുടെ പോരാട്ടത്തിനും അഭിവാദ്യങ്ങള്‍. ഞങ്ങളുടെ സുഹൃത്ത് ഇരയല്ല, ശാരീരികവും ലൈംഗികവും മാനസികവുമായ ക്രൂര പീഡനത്തെ അതിജീവിച്ച് സമൂഹത്തിന് മാതൃകമായ ധീര യുവതിയാണ്. അഭിനേതാക്കളുടെ സംഘടനയിലെ ഒരംഗമായിരുന്ന ആ യുവതി, ആരോപണവിധേയനായ നടനെതിരെ…

പൊലീസ് ആകാന്‍ ആഗ്രഹിച്ചവന്‍ ഒടുവില്‍ കള്ളനായി

പൊലീസ് ആകാന്‍ ആഗ്രഹിച്ചവന്‍ ഒടുവില്‍ കള്ളനായി മീററ്റ് : ഉയരക്കുറവ് യുവാവിനെ എത്തിച്ചത് ഊരാക്കുടുക്കില്‍. പൊലീസ് ഇന്‍സ്‌പെക്ടറാ കാനുള്ള എഴുത്തുപരീക്ഷപാസായി. എന്നാല്‍ ഒരു സെന്റിമീറ്റര്‍ന്റെ ഉയരക്കുറവില്‍ ജോലി കിട്ടുമോ എന്ന അങ്കലാപ്പില്‍ യുവാവിനെ എത്തിച്ചത് ഊരാക്കുടുക്കില്‍. പൊലീസ് ആകാന്‍ ആഗ്രഹിച്ചവന്‍ ഒടുവില്‍ കള്ളനായി. മീററ്റ് ബുലന്ദ്‌ശെഹര്‍ സ്വദേശി അങ്കിത് കുമാറാണ് കൃത്രിമം കാട്ടി പിടിയിലായത്. എസ്‌ഐ ജോലി ലഭിക്കുന്നതിന് ആവശ്യമായ ഉയരം 168 സെന്റിമീറ്ററാണ്. എന്നാല്‍ അങ്കിത് കുമാറിന് 167 സെന്റിമീറ്റര്‍ ഉയരം മാത്രമാണ് ഉള്ളത്. ഉയരംവയ്ക്കൽ മരുന്നുകളും വ്യായാമമുറകളും ഫലിക്കാതെ വന്നപ്പോള്‍ നിരാശനായ അങ്കിത് അറ്റകൈക്ക്‌ തയ്യാറായി.ഹെയര്‍ സ്റ്റൈലില്‍ ഒരു കളവു കാട്ടി. ഉയരം വര്‍ധിപ്പിക്കുന്നതിന് അങ്കിത് കുറച്ച്‌ ഹെന്ന വാങ്ങി മുടിയുടെ അടിയില്‍ ഒളിപ്പിച്ചു. ഇത് തിരിച്ചറിയാത്ത വിധത്തില്‍ മുടി ചീകിയൊതുക്കുകയും ചെയ്തു. എന്നാല്‍ ഉയരം അളക്കാനെത്തിയ ഉദ്യോഗസ്ഥന് ചെറിയ സംശയം തോന്നി. തുടര്‍ന്ന്…

നടി ഊർമ്മിളാ ഉണ്ണിക്കൊപ്പം വേദി പങ്കിടാൻ ഇഷ്‌ടമില്ലെന്ന് എഴുത്തുകാരി ദീപാ നിശാന്ത്‌

വൈക്കം മുഹമ്മദ്‌ ബഷീറിന്റെ പേരിൽ ഏർപ്പെടുത്തിയ അക്ഷരപുരസ്‌ക്കാരം നടി ഊർമ്മിളാ ഉണ്ണിക്കൊപ്പം വേദി പങ്കിടാൻ ആഗ്രഹിക്കുന്നില്ലെന്ന് എഴുത്തുകാരി ദീപാ നിശാന്ത്‌. താരസംഘടനയുടെ യോഗത്തിൽ ദിലീപിനെ തിരിച്ചുകൊണ്ടുവരാൻ വേണ്ടിയുള്ള ഊർമ്മിള ഉണ്ണിയുടെ ചോദ്യത്തെ അത്ര നിഷ്‌കളങ്കമായി ഉൾക്കൊള്ളാൻ കഴിയില്ലെന്നും പ്രിവിലേജുകളിൽനിന്ന്‌ അനുഭവിക്കുന്ന സൗകര്യങ്ങൾ എല്ലാവർക്കുമുണ്ടെന്ന്‌ കരുതുന്ന വലംപിരി ശംഖിന്റെ പ്രചാരകരോട്‌ തനിക്കൊന്നും പറയാനില്ലെന്നും ദിപാ നിശാന്ത്‌ വ്യക്‌തമാക്കി പോസ്‌റ്റ്‌ ചുവടെ ജൂലൈ ഒന്നാം തിയ്യതി കോഴിക്കോടു വെച്ച് നടക്കുന്ന വൈക്കം മുഹമ്മദ് ബഷീർ അവാർഡ്ദാനച്ചടങ്ങിൽ നിന്ന് ഞാൻ വിട്ടു നിൽക്കുകയാണ്.ഒരു മഹാമനുഷ്യൻ്റെ പേരിലുള്ള ഒരു പുരസ്കാരത്തെ എല്ലാ ആദരവോടും കൂടെ മനസാ സ്വീകരിക്കുന്നതോടൊപ്പം ആ ചടങ്ങിൽ പങ്കെടുക്കുന്ന ഊർമ്മിള ഉണ്ണി എന്ന വ്യക്തിയോടുള്ള പ്രതിഷേധം എന്ന നിലയ്ക്ക് ഞാൻ മാറി നിൽക്കുന്നു. ഞാൻ പങ്കെടുത്തില്ലെങ്കിലും ആ ചടങ്ങിന് ഒന്നും സംഭവിക്കില്ല. പക്ഷേ ഞാൻ പങ്കെടുത്താൽ പ്രശ്നം എനിക്കു മാത്രമാണ്.…

‘മുറ്റത്തെ മുല്ല’ വായ്പാപദ്ധതിക്ക് ഇന്ന് തുടക്കം

‘മുറ്റത്തെ മുല്ല’ വായ്പാപദ്ധതിക്ക് ഇന്ന് തുടക്കം തിരുവനന്തപുരം: കൊള്ളപലിശക്കാരിൽ നിന്ന് സാധാരണക്കാരെ രക്ഷിക്കാൻ കുടുംബശ്രീയുമായി സഹകരിച്ചുള്ള ലഘുവായ്പാ പദ്ധതി കേരളാ സർക്കാർ പ്രഖ്യാപിച്ചു. സഹകരണ സംഘങ്ങളുമായി ചേർന്നുള്ള വായ്പാപദ്ധതിയുടെ പേര് ‘മുറ്റത്തെ മുല്ല’ എന്നാണ്. വ്യവസ്ഥാപിത മാര്‍ഗങ്ങളിലൂടെ വായ്പ എടുക്കാൻ താൽപര്യമില്ലാത്തവരുടെയും കൊള്ളപലിശക്കാരില്‍ നിന്നു വായ്പയെടുത്ത് കെണിയിലായവരുടെയും വീട്ടിലെത്തി ലളിതമായ നടപടി ക്രമങ്ങളിലൂടെ ഏറ്റവും കുറഞ്ഞ പലിശക്ക് ലഘുവായ്പ നല്‍കുകയാണ് പദ്ധതി കൊണ്ട് ലക്ഷ്യമിടുന്നത്. 1,000 മുതല്‍ 25,000 രൂപ വരെയാണ് വായ്പയായി നല്‍കുക. 52 തവണകളായി ആഴ്ചതോറും ലഘുവായ തിരിച്ചടവിലൂടെ വായ്പാതുക അടച്ചു തീർക്കണം. പദ്ധതിയുടെ സംസ്ഥാന തല ഉദ്ഘാടനം ജൂണ്‍ 26ന് പാലക്കാട് മണ്ണാര്‍കാട്ട് നിർവഹിക്കുമെന്ന് സഹകരണ മന്ത്രി കടകംപള്ളി സുരേന്ദ്രൻ അറിയിച്ചു. അട്ടപ്പാടി ആദിവാസി മേഖലയില്‍ സമഗ്ര ആരോഗ്യ പദ്ധതിക്ക് സഹകരണ വകുപ്പും പെരിന്തല്‍മണ്ണ ഇ.എം.എസ് ആശുപത്രിയും സഹകരിച്ചു നടപ്പാക്കുന്ന പദ്ധതിയും സഹകരണ…

14കാരനെ കള്ളക്കേസ് ചുമത്തി അറസ്റ്റ് ചെയ്ത ഒന്‍പത് പൊലീസ് ഉദ്യോഗസ്ഥരെ സസ്‌പെന്‍ഡ് ചെയ്തു

14കാരനെ കള്ളക്കേസ് ചുമത്തി അറസ്റ്റ് ചെയ്ത ഒന്‍പത് പൊലീസ് ഉദ്യോഗസ്ഥരെ സസ്‌പെന്‍ഡ് ചെയ്തു പാറ്റ്ന: പച്ചക്കറി വില്‍പ്പനക്കാരനായ 14കാരനെ കള്ളക്കേസ് ചുമത്തി അറസ്റ്റ് ചെയ്ത ഒന്‍പത് പൊലീസ് ഉദ്യോഗസ്ഥരെ സസ്‌പെന്‍ഡ് ചെയ്തു.പാറ്റ്നയില്‍ പച്ചക്കറി വില്‍പ്പന നടത്തി വന്നിരുന്ന കുട്ടിയെ ബൈക്ക് മോഷണമുള്‍പ്പടെയുള്ള കുറ്റങ്ങള്‍ ചുമത്തിയാണ് ഇക്കഴിഞ്ഞ മാര്‍ച്ച്‌ 20 ന് പൊലീസ് അറസ്റ്റ് ചെയ്തത്. കുട്ടിയുടെ പക്കല്‍ നിന്ന് മാരകായുധങ്ങള്‍ കണ്ടെടുത്തെന്നും പോലീസ് വ്യക്തമാക്കിയിരുന്നു. പോലീസിന് ഓസ് നിഷേധിച്ച തിനെ തുടര്‍ന്ന് കുട്ടി മൂന്ന് മാസമായി പാറ്റ്നയിലെ ബീര്‍ ജയിലില്‍ തടവിലായിരുന്നു.സംഭവം സോഷ്യല്‍ മീഡിയയില്‍ ചര്‍ച്ചയായതോടെയാണ് ഇത് സംബന്ധിച്ച്‌ അന്വേഷണത്തിന് ഉന്നത ഉദ്യോഗസ്ഥര്‍ ഉത്തരവിട്ടത്.

ആര്യങ്കാവ് ചെക്ക് പോസ്‌റ്റില്‍ ഫോര്‍മാലിന്‍ കലര്‍ന്ന 9,500 കിലോ മത്സ്യം പിടിച്ചെടുത്തു

ആര്യങ്കാവ് ചെക്ക് പോസ്‌റ്റില്‍ ഫോര്‍മാലിന്‍ കലര്‍ന്ന 9,500 കിലോ മത്സ്യം പിടിച്ചെടുത്തു കൊല്ലം : കൊല്ലം ആര്യങ്കാവ് ചെക്ക് പോസ്‌റ്റില്‍ ഭക്ഷ്യ സുരക്ഷാ വകുപ്പ് ഫോര്‍മാലിന്‍ കലര്‍ന്ന 9,500 കിലോ മത്സ്യം പിടിച്ചെടുത്തു. പരിശോധനയിൽ ഫോ‌ർമാലിന്റെ സാന്നിദ്ധ്യം കൂടിയ അളവിൽ കണ്ടെത്തിയതിനെ തുടർന്നാണ് മീൻ പിടിച്ചെടുത്തത്. ഇന്നലെ രാത്രി ഏഴരയ്‌ക്ക് ആരംഭിച്ച പരിശോധന ഇന്ന് പുലര്‍ച്ചെ രണ്ടര വരെ തുടര്‍ന്നു. ഓപ്പറേഷൻ സാഗർ റാണിയുടെ ഭാഗമായി ഫുഡ് സേഫ്റ്റി വിഭാഗം നടത്തിയ പരിശോധനയിലാണ്‌ ഇവ പിടിച്ചത്‌. കൊച്ചിയിലെ സെന്‍ട്രല്‍ ഇന്‍സ്‌റ്റിറ്റ്യുട്ട് ഒഫ് ഫിഷറീസ് ടെക്‌നോളജി രൂപകല്‍പ്പന ചെയ്‌ത കിറ്റുപയോഗിച്ചുള്ള പരിശോധനയിലാണ് മത്സ്യത്തില്‍ മാരക വിഷമായ ഫോര്‍മാലിന്‍ കലര്‍ന്നിട്ടുണ്ടെന്ന് സ്ഥിരീകരിച്ചത്. തമിഴ് നാട് തൂത്തുകുടി,രാമേശ്വരം മണ്ഡപം എന്നിവടങ്ങളിൽ നിന്ന് രണ്ടു ലോറികളിലായി കൊച്ചിയിലേക്കും ഏറ്റുമാനൂരേക്കും കടത്തിയ 7000 കിലോ ചെമ്മീനും,2000 കിലോ മറ്റ് മത്സ്യവും പരിശോധിച്ചതിൽ ഫോർമാലിന്റെ സാന്നിദ്ധ്യം കണ്ടെത്തുകയായിരുന്നു.മൃതദേഹം…