കശ്മീര്‍ സ്വതന്ത്രമാക്കണം; മലപ്പുറത്ത്‌ പോസ്റ്റര്‍ പതിച്ച രണ്ട് വിദ്യാര്‍ത്ഥികള്‍ അറസ്റ്റില്‍

കശ്മീര്‍ സ്വതന്ത്രമാക്കണം; മലപ്പുറത്ത്‌ പോസ്റ്റര്‍ പതിച്ച രണ്ട് വിദ്യാര്‍ത്ഥികള്‍ അറസ്റ്റില്‍ മലപ്പുറം: മലപ്പുറത്ത്‌ രണ്ട് വിദ്യാര്‍ത്ഥികളെ രാജ്യദ്രോഹക്കുറ്റം ചുമത്തി അറസ്റ്റ് ചെയ്തു. മലപ്പുറം ഗവ. കോളേജിലെ വിദ്യാര്‍ത്ഥികളാണ് ഇരുവരും. ഒന്നാം വര്‍ഷ ഇസ്ലാമിക് ഹിസ്റ്ററി വിദ്യാര്‍ത്ഥി പാണക്കാട് സ്വദേശി മുഹമ്മദ് ഫാരിസ്, രണ്ടാം വര്‍ഷ ബി. കോം വിദ്യാര്‍ത്ഥി പന്തല്ലൂര്‍ സ്വദേശി റിന്‍ഷാദ് എന്നിവരെയാണ് പോലീസ് അറസ്റ്റ് ചെയ്തത്. കശ്മീര്‍ സ്വതന്ത്രമാക്കണമെന്നും ആസാദി ഫോര്‍ കശ്മീര്‍ തുടങ്ങിയ പോസ്റ്ററുകള്‍ കോളേജില്‍ പതിച്ചതിനാണ് ഇരുവര്‍ക്കുമെതിരെ കേസെടുത്തത്. ഇടതുപക്ഷ അനുഭാവിയായ റിൻഷാദ് എസ് എഫ് ഐക്ക് തീവ്രത പോരെന്ന കാരണത്താല്‍ റാഡിക്കല്‍ സ്റ്റുഡന്റ്സ് ഫോറം എന്ന സംഘടന രൂപീകരിക്കുകയായിരുന്നു. ഈ സംഘടനയുടെ പേരിലാണ് പോസ്റ്ററുകള്‍ പതിച്ചത്. പോലീസ് കസ്റ്റഡിയില്‍ എടുത്ത ഇരുവരെയും സ്പെഷ്യല്‍ ബ്രാഞ്ചും ചോദ്യം ചെയ്തു വരുന്നു. ഇവര്‍ക്ക് പുറമേ നിന്ന് സഹായമോ പിന്തുണയോ ലഭിക്കുന്നുണ്ടോയെന്ന് പരിശോധിച്ച് വരികയാണ്.…

വിവാഹമോചനം നേടാതെ മറ്റൊരാളെ വിവാഹം കഴിച്ചു; യുവതിക്ക് നല്ലനടപ്പും ഒരു ലക്ഷം രൂപയും ശിക്ഷ

വിവാഹമോചനം നേടാതെ മറ്റൊരാളെ വിവാഹം കഴിച്ചു; യുവതിക്ക് നല്ലനടപ്പും ഒരു ലക്ഷം രൂപയും ശിക്ഷ ആദ്യ വിവാഹം ഒഴിയാതെ മറ്റൊരു വിവാഹം കഴിച്ച സ്ത്രീയ്ക്ക് നല്ലനടപ്പും ഒരുലക്ഷം രൂപ പിഴയും വിധിച്ചു. ആദ്യ ഭര്‍ത്താവ് നല്‍കിയ പരാതിയിലാണ് കോടതിയുടെ വിധി. ആദ്യ വിവാഹം നിലനില്‍ക്കെയാണ് തിരുവന്നൂര്‍ നട മണ്ടടത്ത് പറമ്പ് എം ടി ഷമീനെയാണ് ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് കോടതി ശിക്ഷിച്ചത്. മൂന്ന് കൊല്ലം നല്ല നടപ്പിനാണ് ശിക്ഷിച്ചത്. കൂടാതെ ഒരു ലക്ഷം രൂപയും ശിക്ഷിച്ചിട്ടുണ്ട്. ഈ തുക നഷ്ട്ടപരിഹാരമായി ആദ്യ ഭര്‍ത്താവിന് നല്‍കണം. പരാതിക്കാരനായ ആദ്യ ഭര്‍ത്താവ്‌ അബ്ദുല്‍ സാലിഹിന് കോടതി ചെലവ് ഇനത്തില്‍ പതിനായിരം രൂപ നല്‍കാനും കോടതി വിധിച്ചു. താനുമായുള്ള വിവാഹ ബന്ധം നിലനില്‍ക്കെ നിയമാനുസൃതം വിവാഹ മോചനം നേടാതെ മറ്റൊരാളെ വിവാഹം കഴിച്ചത് ഐ പി സി 494 പ്രകാരം…

മിന്നല്‍ ഹര്‍ത്താല്‍; ഡീന്‍ കുര്യാക്കോസിനെ ഹര്‍ത്താല്‍ ദിനത്തിലെ എല്ലാ കേസിലും പ്രതിയാക്കണമെന്ന് ഹൈക്കോടതി

മിന്നല്‍ ഹര്‍ത്താല്‍; ഡീന്‍ കുര്യാക്കോസിനെ ഹര്‍ത്താല്‍ ദിനത്തിലെ എല്ലാ കേസിലും പ്രതിയാക്കണമെന്ന് ഹൈക്കോടതി കൊച്ചി: കാസര്‍ഗോഡ്‌ ഇരട്ട കൊലപാതകത്തില്‍ പ്രതിഷേധിച്ച് ഹര്‍ത്താല്‍ പ്രഖ്യാപിച്ച യൂത്ത്കോണ്‍ഗ്രസ് സംസ്ഥാന പ്രസിഡണ്ട്‌ ഡീന്‍ കുര്യാക്കോസിനെ എല്ലാ കേസിലും പ്രതിയാക്കണമെന്ന് ഹൈക്കോടതി. മിന്നല്‍ ഹര്‍ത്താല്‍ പ്രഖ്യാപിക്കരുതെന്ന ഹൈക്കോടതിയുടെ ഇടക്കാല ഉത്തരവ് നിലനില്‍ക്കെയാണ് ഹര്‍ത്താല്‍ പ്രഖ്യാപിച്ചത്. ഡീന്‍ കുര്യാക്കോസിനെ കൂടാതെ കാസര്‍ഗോഡ്‌ യു ഡി എഫ് നേതാക്കളെയും പ്രതി ചേര്‍ക്കാനും ഹൈക്കോടതി പോലീസിനോട് നിര്‍ദേശിച്ചു. മിന്നല്‍ ഹര്താളിനെതിരെ കര്‍ശന നടപടിയാണ് ഹൈക്കോടതി സ്വീകരിച്ചിരിക്കുന്നത്. ഹര്‍ത്താലില്‍ സംസ്ഥാനത്തുണ്ടായ മുഴുവന്‍ നഷ്ടങ്ങള്‍ക്കും തുല്യമായ തുക യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഡീന്‍ കുര്യാക്കോസില്‍ നിന്നും ഈടാക്കാന്‍ ഹൈക്കോടതി നിര്‍ദേശിച്ചു. ഇതോടെ ഹര്‍ത്താല്‍ ദിനത്തില്‍ വിവിധ ജില്ലകളില്‍ രജിസ്റ്റര്‍ ചെയ്ത 189 കേസുകളിലും ഡീന്‍ കുര്യാക്കോസ് പ്രതിയാകും. അതേസമയം കാസര്‍ഗോഡ്‌ ഇരട്ട കൊലപാതക കേസ് ക്രൈം ബ്രാഞ്ചിന് വിട്ടു.

ക്രിമിനിലുകളോട് സഹതാപമില്ല; ആശാറാം ബാപ്പുവിന്റെ ജാമ്യാപേക്ഷ ഹൈക്കോടതി തള്ളി

ക്രിമിനിലുകളോട് സഹതാപമില്ല; ആശാറാം ബാപ്പുവിന്റെ ജാമ്യാപേക്ഷ ഹൈക്കോടതി തള്ളി ആശാറാം ബാപ്പുവിന്റെ ജാമ്യാപേക്ഷ രാജസ്ഥാന്‍ ഹൈക്കോടതി തള്ളി. ബലാത്സംഗക്കേസില്‍ പ്രതിയായ സ്വയം പ്രഖ്യാപിത ആള്‍ദൈവം ആശാറാം ബാപ്പു അഞ്ചു വര്‍ഷങ്ങളായി ജയിലിലാണ്. ഭാര്യ ലക്ഷ്മി ഗരുതരാവസ്ഥയില്‍ ജയിലിലാണെന്നും തനിക്ക് ഭാര്യയെ കാണാന്‍ അനുമതി തരണമെന്നുമായിരുന്നു ജാമ്യാപേക്ഷയില്‍ ആശാറാം ബാപ്പു അറിയിച്ചത്. എന്നാല്‍ ഇയാളുടെ ജാമ്യാപേക്ഷ തള്ളുകയും ഇത്തരം ക്രിമിനലുകളോട് കോടതിക്ക് യാതൊരുവിധ ദയയുമില്ലെന്നും ജസ്റ്റിസ് സന്ദീപ് മെഹ്ത്ത പറഞ്ഞു. എന്നാല്‍ ആശാറാം ബാപ്പുവിന്റെ ഭാര്യ ഗുരുതരാവസ്ഥയിലല്ലെന്ന് തെളിയിക്കുന്ന അവരുടെ മെഡിക്കല്‍ റിപ്പോര്‍ട്ട്് കോടതിയില്‍ ഹാജരാക്കി സര്‍ക്കാര്‍ വാദിച്ചു. പതിനാറുകാരിയായ പെണ്‍കുട്ടിയെ ബലാത്സംഗം ചെയ്ത കേസില്‍ ജോധ്പൂര്‍ സെന്‍ട്രല്‍ ജയിലില്‍ ജീവപര്യന്തം ശിക്ഷ അനുഭവിച്ചുവരികയാണ് ആശാറാം ബാപ്പു.

ടിക് ടോക് വീഡിയോ ചെയ്യാനായി കടലുണ്ടിപ്പുഴയില്‍ ചാടിയ വിദ്യാര്‍ത്ഥികളെ മത്സ്യത്തൊഴിലാളികള്‍ രക്ഷിച്ചു

ടിക് ടോക് വീഡിയോ ചെയ്യാനായി കടലുണ്ടിപ്പുഴയില്‍ ചാടിയ വിദ്യാര്‍ത്ഥികളെ മത്സ്യത്തൊഴിലാളികള്‍ രക്ഷിച്ചു യുവാക്കള്‍ക്കിടയില്‍ ടിക് ടോക് ഷൂട്ടിങ് വലിയ ദുരന്തമായി മാറിക്കൊണ്ടിരിക്കുകയാണ്.കൂടുതല്‍ ലൈക്കുകളും വ്യൂസും കിട്ടാനായി ജീവനു ഭീഷനിയായ ദൗത്യങ്ങള്‍ ചെയ്യാന്‍ പോലും മിക്കവരും തയാറാകുന്നുവെന്ന റിപ്പോര്‍ട്ടുകളാണ് വരുന്നത്. കഴിഞ്ഞ ദിവസം കോഴിക്കോട് പത്ത് വിദ്യാര്‍ഥികള്‍ ടിക് ടോക് വീഡിയോ ഷൂട്ട് ചെയ്യാനായി പാലത്തില്‍ നിന്നു ചാടി. ഇവര്‍ രക്ഷപ്പെട്ടത് ഭാഗ്യംകൊണ്ടു മാത്രമാണ്. കടലുണ്ടിപുഴ പാലത്തിന് മുകളില്‍ നിന്നാണ് പത്തോളം വിദ്യാര്‍ഥികള്‍ ആഴമുള്ള പുഴയിലേക്ക് എടുത്തു ചാടിയത്. ശക്തമായ അടിയൊഴുക്കുള്ള ഭാഗത്താണ് ഇവര്‍ ചാടിയത്. പുഴയിലേക്ക് ചാടിയ വിദ്യാര്‍ഥികള്‍ അപകടത്തില്‍പെട്ടതോടെയാണ് മത്സ്യത്തൊഴിലാളികള്‍ ബോട്ടുമായി രക്ഷിക്കാനിറങ്ങിയത്. പുഴയിലേക്ക് ചാടുന്നതിന്റെയും മല്‍സ്യത്തൊഴിലാളികള്‍ രക്ഷിക്കുന്നതിന്റെയും വീഡിയോകള്‍ സോഷ്യല്‍മീഡിയകളില്‍ പ്രചരിക്കുന്നുണ്ട്. പാലത്തിന്റെ കൈവരികളില്‍ നിന്നാണ് ചാടിയത്. നേരത്തെയും ഇവിടെ നിന്ന് ടിക് ടോക് വീഡിയോകള്‍ ഷൂട്ട് ചെയ്തിരുന്നു. ഈ വീഡിയോകള്‍ വന്‍ ഹിറ്റായതോടെയാണ്…

കാസര്‍കോട് ഇരട്ടക്കൊലപാതകം: അന്വേഷണം ക്രൈംബ്രാഞ്ചിന്

കാസര്‍കോട് ഇരട്ടക്കൊലപാതകം: അന്വേഷണം ക്രൈംബ്രാഞ്ചിന് കാസര്‍കോട്ട് യൂത്ത് കോണ്‍ഗ്രസ് പ്രവര്‍ത്തകരായ കൃപേഷിനെയും ശരത് ലാലിനെയും വെട്ടിക്കൊലപ്പെടുത്തിയ കേസിന്റെ അന്വേഷണം ക്രൈംബ്രാഞ്ചിന് കൈമാറി. അന്വേഷണം ക്രൈംബ്രാഞ്ചിന് കൈമാറാന്‍ ഡി.ജി.പി ലോക്നാഥ് ബെഹ്‌റയാണ് ഉത്തരവിട്ടത്. കേസ് സി.ബി.ഐ അന്വേഷിക്കണമെന്ന് കോണ്‍ഗ്രസ് ആവശ്യപ്പെടുന്നതിനിടെയാണ് ക്രൈംബ്രാഞ്ച് അന്വേഷണം പ്രഖ്യാപിച്ചിരിക്കുന്നത്. അന്വേഷണത്തിന്റെ മേല്‍നോട്ടച്ചുമതല ഐ.ജി ശ്രീജിത്തിന് നല്‍കിയതായാണ് റിപ്പോര്‍ട്ടുകള്‍. നിലവില്‍ ജില്ലാപൊലീസ് മേധാവി എ.ശ്രീനിവാസിന്റെ മേല്‍നോട്ടത്തില്‍ പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. അന്വേഷണ സംഘത്തിലുള്ളവരെ ഐ.ജി തീരുമാനിക്കും. അതേസമയം കൊലപാതകവുമായി ബന്ധപ്പെട്ട് പൊലീസ് കസ്റ്റഡിയിലുണ്ടായിരുന്ന അഞ്ചുപേരുടെ അറസ്റ്റുകൂടി ഇന്ന് രേഖപ്പെടുത്തി. എച്ചിലടുക്കം സ്വദേശികളായ കെ.എം.സുരേഷ്, കെ,?അനില്‍കുമാര്‍, കുണ്ടംകുഴി സ്വദേശി അശ്വിന്‍, കല്യോട്ട് സ്വദേശികളായ ശ്രീരാഗ്, ഗിജിന്‍ എന്നവരെയാണ് ഇന്ന് അറസ്റ്റുചെയ്തത്. ഇതോടെ കേസില്‍ അറസ്റ്റിലായവരുടെ എണ്ണം ഏഴായി.

സമൂഹ മനസാക്ഷിയെ ഞെട്ടിക്കുന്ന കുറ്റകൃത്യമെന്ന് കോടതി: പീതാംബരനെ 7 ദിവസം പോലീസ് കസ്റ്റഡിയില്‍ വിട്ടു

പെരിയയിലെ യൂത്ത് കോണ്‍ഗ്രസ് പ്രവര്‍കത്തകരുടെ ഇരട്ടക്കൊലപാതകത്തില്‍ അറസ്റ്റിലായ മുന്‍ സിപിഎം ലോക്കല്‍ കമ്മിറ്റി അംഗം പീതാംബരനെ പൊലീസ് കസ്റ്റഡിയില്‍ വിട്ടു. ഹൊസ്ദുര്‍ഗ് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് പീതാംബരനെ ഹാജരാക്കിയത്. കേസിന്റെ തുടര്‍ന്നുള്ള അന്വേഷണത്തിനും ചോദ്യംചെയ്യലിനുമായി പീതാംബരനെ കസ്റ്റഡിയില്‍വിട്ടുകിട്ടാന്‍ പോലീസ് അപേക്ഷ നല്‍കിയിരുന്നു. ഇത് പരിഗണിച്ച് പ്രതിയെ ഏഴുദിവസത്തെ പോലീസ് കസ്റ്റഡിയില്‍ വിടുന്നതായി കോടതി ഉത്തരവിട്ടു. പെരിയ ഇരട്ടക്കൊലപാതകം സമൂഹ മനസാക്ഷിയെ ഞെട്ടിക്കുന്ന കുറ്റകൃത്യമാണെന്നും രാഷ്ട്രീയവിരോധമാണ് കൊലപാതകങ്ങളില്‍ കലാശിച്ചതെന്നും കോടതി നിരീക്ഷിച്ചു. പീതാംബരനെയും കൊണ്ട് പൊലീസ് തെളിവെടുപ്പിനായി സംഭവ സ്ഥലത്തെത്തിയപ്പോള്‍ കയ്യേറ്റ ശ്രമം ഉണ്ടായി. ഇവിടെനിന്നും കൊലപാതകത്തിന് ഉപയോഗിച്ച ഇരുമ്പ് ദണ്ഡുകളും വാളുകളും കണ്ടെത്തിയിരുന്നു.

കാസര്‍ഗോഡ്‌ ഇരട്ടകൊലപാതകം; കഞ്ചാവ് ലഹരിയില്‍ വെട്ടിയത് താനെന്ന് പീതാംബരന്‍: വിശ്വസിക്കാതെ പോലീസ്

കാസര്‍ഗോഡ്‌ ഇരട്ടകൊലപാതകം; കഞ്ചാവ് ലഹരിയില്‍ വെട്ടിയത് താനെന്ന് പീതാംബരന്‍: വിശ്വസിക്കാതെ പോലീസ് കാസര്‍ഗോഡ്‌: കാസര്‍ഗോഡ്‌ ഇരട്ടകൊലപാതക കേസില്‍ ശരത്തിനെയും കൃപേഷിനെയും വെട്ടിയത് താനാണെന്ന് സി പി എം ലോക്കല്‍ കമ്മറ്റിയംഗം പീതാംബരന്റെ മൊഴി. കഞ്ചാവ് ലഹരിയിലാണ് താന്‍ കൊല നടത്തിയതെന്നാണ്‌ പീതാംബരന്‍ പോലീസിന് നല്‍കിയിരിക്കുന്ന മൊഴി. കൃപേഷും ശരത്തും ചേര്‍ന്ന് തന്നെ ആക്രമിച്ചതില്‍ പാര്‍ടി നടപടി എടുക്കാതിരുന്നതില്‍ നിരാശയുണ്ടായിരുന്നു. തന്നെ ആക്രമിച്ചതിലുള്ള അപമാനവും പകയും നിരാശയുമാണ്‌ കൊലപാതകം ചെയ്യാന്‍ പ്രേരിപ്പിച്ചതെന്നാണ് പീതാംബരന്റെ മൊഴിയില്‍ പറയുന്നതും. എന്നാല്‍ പീതാംബരന്റെ മൊഴി പോലീസ് പൂര്‍ണ്ണമായും വിശ്വസിച്ചിട്ടില്ല. അന്വേഷണം മറ്റുള്ളവരിലേക്ക് എത്താതിരിക്കനാണ് പീതാംബരന്‍ ഇത്തരത്തില്‍ ഒരു മൊഴി നല്‍കിയതെന്നാണ് അന്വേഷണ സംഘത്തിന്‍റെ വിലയിരുത്തല്‍. തന്നെ ആക്രമിച്ച വിഷയത്തില്‍ പാര്‍ട്ടി കാര്യാമായി ഇടപെട്ടില്ല. നേരത്തെ ശരത്തും കൃപേഷും പീതംബാരനെ ആക്രമിച്ച് കൈ ഒടിഞ്ഞിരുന്നു. ഈ കേസില്‍ ശരത്ത് ദിവസങ്ങള്‍ക്ക് മുന്‍പാണ് ജാമ്യത്തിലിറങ്ങിയത്. എന്നാല്‍…

സാംസ്‌കാരിക നായകര്‍ തങ്ങളുടെ നാക്കും വാക്കും സിപിഎമ്മിന് പണയപ്പെടുത്തിയിരിക്കുകയാണ്; കെ എം അഭിജിത്

സാംസ്‌കാരിക നായകര്‍ തങ്ങളുടെ നാക്കും വാക്കും സിപിഎമ്മിന് പണയപ്പെടുത്തിയിരിക്കുകയാണ്; കെ എം അഭിജിത് സിപിഎമ്മിന് മുന്നില്‍ കുനിഞ്ഞിരിക്കുന്ന നാറികളാണ് സാംസ്‌കാരിക നായകരെന്ന് കെഎസ്‌യു സംസ്ഥാന പ്രസിഡന്റ് കെ എം അഭിജിത്. തങ്ങളുടെ നാക്കും വാക്കും സാംസ്‌കാരിക നായകര്‍ സിപിഎമ്മിന് പണയപ്പെടുത്തിയിരിക്കുകയാണെന്നും സര്‍ക്കാര്‍ നല്‍കുന്ന അപ്പക്കഷണം പ്രതീക്ഷിച്ചിരിക്കുകയാണ് ഇക്കൂട്ടരെന്നും കെ എം അഭിജിത് ആരോപിച്ചു. സാംസ്‌കാരിക രംഗത്തുനിന്നും കാസര്‍കോട്ടെ യൂത്ത് കോണ്‍ഗ്രസ് പ്രവര്‍ത്തകരുടെ ഇരട്ടക്കൊലപാതകത്തില്‍ വേണ്ടത്ര പ്രതിഷേധം ഉയരുന്നില്ലെന്നാണ് കെഎസ്‌യു പറയുന്നത്. ആശയങ്ങളെ കഠാര കൊണ്ട് നേരിടാനാണെങ്കില്‍ ജീവന്‍ കളയാനും കെഎസ്‌യു പ്രവര്‍ത്തകര്‍ തയ്യാറാണ്. അക്രമങ്ങള്‍ തടയാന്‍ മുഖ്യമന്ത്രി തയ്യാറായില്ലെങ്കില്‍ കെഎസ്‌യു തിരിച്ചടിക്കുമെന്നും അഭിജിത് വ്യക്തമാക്കി. കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരായ കൃപേഷിന്റേയും ശരത് ലാലിന്റേയും സഹോദരിമാരുടെ പഠനച്ചെലവ് കെഎസ്‌യു ഏറ്റെടുക്കുമെന്നും അഭിജിത് പറഞ്ഞു.

ആലുവ യുവതിയുടെ വായില്‍ തുണിതിരുകി കൊലപ്പെടുത്തി പെരിയാറില്‍ തള്ളിയ സംഭവം; മൃതദേഹം തിരിച്ചറിയാന്‍

ആലുവ യുവതിയുടെ വായില്‍ തുണിതിരുകി കൊലപ്പെടുത്തി പെരിയാറില്‍ തള്ളിയ സംഭവം; മൃതദേഹം തിരിച്ചറിയാന്‍ ആലുവ: ആലുവ യു സി കോളേജിന് സമീപം പെരിയാറില്‍ കണ്ട യുവതിയെ ഇതുവരെ തിരിച്ചറിയാന്‍ കഴിഞ്ഞിട്ടില്ല. വായില്‍ തുണി തിരുകി പുതപ്പില്‍ പൊതിഞ്ഞുകെട്ടി പെരിയാറില്‍ കല്ല്‌ കെട്ടി താഴ്ത്തിയ നിലയിലാണ് മൃതദേഹം കണ്ടത്. 30 -35 വയസ്സ് പ്രായം തോന്നിക്കുന്ന യുവതിയുടെ മൃതദേഹം തിരിച്ചറിയാനുള്ള ഒരു സൂചനയും ഇതുവരെ പോലീസിന് ലഭിച്ചിട്ടില്ല. അതേസമയം യുവതിയുടെ മൃതദേഹത്തില്‍ കണ്ടെത്തിയ പുതപ്പ് വാങ്ങിയത് ഒരു സ്ത്രീയും പുരുഷനും ആണെന്ന് പോലീസ് കണ്ടെത്തിയിരുന്നു. കളമശ്ശേരിയിലെ ഒരു തുണിക്കടയില്‍ നിന്നുമാണ് ഇവര്‍ പുതപ്പു വാങ്ങിയതെന്ന് പോലീസ് അറിയിച്ചു. എന്നാല്‍ ഇവരെയും കണ്ടെത്താന്‍ പോലീസിന് ഇതുവരെ സാധിച്ചിട്ടില്ല. യുവതിയെ കണ്ടെത്താനുള്ള ശ്രമത്തിലാണ് പോലീസ്. യുവതിയുടെ മൃതദേഹത്തില്‍ ധരിച്ചിരുന്ന വസ്ത്രങ്ങള്‍ പരസ്യപ്പെടുത്തുന്നതിലൂടെ യുവതിയെക്കുരിച്ചുള്ള സൂചനകള്‍ ലഭിക്കുമെന്ന പ്രത്യാശയിലാണ് ആലുവാ പോലീസ്. യുവതിയെക്കുറിച്ചുള്ള…