മുടിയഴകിന് പേരയില

മുടിയഴകിന് പേരയില l mudiyazhakinu perayila health l Rashtrabhoomi

മുടിയഴകിന് പേരയില മുടിയഴകിന്റെ കാര്യത്തിൽ ഞാനോ നീയോ എന്ന് ആണും പെണ്ണും മത്സരിക്കുമ്പോഴാണ് പ്രായഭേദമില്ലാതെ മുടികൊഴിച്ചലും അകാലനരയുമൊക്കെ ഇരുകൂട്ടർക്കും ഭീഷണിയാവുന്നത്. പരസ്യങ്ങളിലും മറ്റും കാണുന്ന എണ്ണകൾ മാറി മാറി പരീക്ഷിച്ചിട്ടും ഒരു രക്ഷയുമില്ലെന്ന് പരാതി പറയുന്നവർ നിരവധിയാണ്. ഈ പ്രശ്നത്തിന് ഒരുഗ്രൻ പ്രതിവിധിയാണ് പേരയിലയിട്ട് തിളപ്പിച്ച വെള്ളത്തിൽ മുടികഴുകുക എന്നത്. അകാലനരയും മുടികൊഴിച്ചിലും മാറി ആരോഗ്യമുള്ള മുടി വളരാൻ ആഴ്ചയിൽ മൂന്ന് ദിവസം ഇത് ഉപയോഗിക്കാം. ഒരു പിടി പേരയില ഒരു ലിറ്റർ വെള്ളത്തിലിട്ട് ഇരുപത് മിനിറ്റ് തിളപ്പിക്കുക. താരനുള്ളവർക്ക് പേരയിലവെള്ളത്തിൽ ഇത്തിരി നാരങ്ങാനീരുകൂടി ചേർക്കാം. ഈ മിശ്രിതം തണുത്ത്കഴിയുമ്പോൾ നല്ലപോലെ തലയിൽ തേച്ചുപിടിപ്പിച്ച് തണുത്ത വെള്ളത്തിൽ മുടി കഴുകിക്കളയാം. തുടർച്ചയായി ചെയ്താൽ ഫലമുണ്ടാവുമെന്നകാര്യത്തിൽ സംശയമേ വേണ്ട.

ചികിത്സ നിഷേധിച്ച ഡോക്ട്ടർക്കെതിരെ ഗർഭിണിയുടെ ഫേസ്ബുക്ക് വീഡിയോ

ചികിത്സ നിഷേധിച്ച ഡോക്ട്ടർക്കെതിരെ ഗർഭിണിയുടെ ഫേസ്ബുക്ക് വീഡിയോ l pregnant lady viral post aganisst Dr abdul rasheed mananthavady govt hospital l Rashtrabhoomi

പിച്ച കാശിന് വേണ്ടി ഗര്‍ഭിണിക്ക് ശകാരം ; ഡോക്ട്ടർക്കെതിരെ ഗർഭിണിയുടെ ഫേസ്ബുക്ക് പോസ്റ്റ്‌ വൈറല്‍ മാന്തവാടി : മാനന്തവാടി ഗവണ്മെന്റ് ഹോസ്പിറ്റലിലെ കുപ്രസിദ്ധ ഗൈനക്കോളജിസ്റ്റ് ഡോ : അബ്‌ദുൾ റഷീദിനെതിരെയാണ് ഗർഭിണിയായ യുവതി ഫേസ്ബുക്ക്പോസ്റ്റിലൂടെ പ്രതികരിച്ചത്. തന്റെ കുഞ്ഞുമായി ഗവൺമെന്റ് ആശുപത്രിയിലെത്തിയ തനിക്ക് അർഹതപ്പെട്ട സൗജന്യ സ്കാനിങ് നിഷേധിക്കുകയും മാനസികമായി തന്നെ തളർത്തുകയും ചെയ്തതിന്റെ പേരിലാണ് യുവതി ഫേസ്ബുക് വീഡിയോ ചെയ്തത്. ഛർദ്ദിച്ചവശയായി ആശുപത്രിയിലെത്തിയ താൻ ഇത്തവണ സ്കാനിങ് ആശുപത്രിയിൽ തന്നെ ചെയ്യാനുള്ള കുറിപ്പ് നൽകണം എന്ന് ആവശ്യപ്പെട്ടപ്പോഴാണ് മറ്റു രോഗികളുടെ മുന്നിൽ വച്ച് തന്നെ അപമാനിക്കുകയും മാനസികമായി തളർത്തുകയും ചെയ്തതെന്ന് എലിസബത്ത് പോസ്റ്റിൽ പറയുന്നു. കരഞ്ഞുകലങ്ങിയ കണ്ണുകളുമായി ഗർഭിണിയായിരിക്കുന്ന അവസ്ഥയിൽ തന്റെ കുഞ്ഞ്മകന്റെ കൈപിടിച്ചു പോലീസ് സ്റ്റേഷനിൽ കയറേണ്ടിവന്ന തന്റെ ദുരവസ്ഥ വല്ലാത്ത മാനസികസംഘർഷത്തിന് ഇടയാക്കിയെന്നും നീതി കിട്ടാഞ്ഞാൽ ആത്മഹത്യ ചെയ്യുമെന്നും യുവതി കുറിച്ചു. “എന്റെ…

വെസ്റ്റ്‌നൈലിൽ ആരോഗ്യ വകുപ്പിന് ആശ്വാസം

വെസ്റ്റ്‌നൈലിൽ ആരോഗ്യ വകുപ്പിന് ആശ്വാസം കോഴിക്കോട്: ആരോഗ്യ വകുപ്പിനെ ആശങ്കയിലാക്കി വെള്ളിയാഴ്ച വെസ്റ്റ്നൈൽ പനി ലക്ഷണങ്ങൾ കണ്ടെത്തിയയാൾ സുഖം പ്രാപിക്കുന്നു. സമാന ലക്ഷണങ്ങളോടെയുള്ള കേസുകൾ ഇതുവരെ ഒന്നും പിന്നീട് റിപ്പോർട്ട് ചെയ്തിട്ടില്ല. ജൂലൈ 13 നാണ് വെസ്റ്റ്നൈൽ ലക്ഷണങ്ങളോടെ പാവങ്ങാട് സ്വദേശിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. കൂടുതൽ പരിശോധനയ്ക്കായി ഇവരുടെ സ്രവങ്ങള്‍ പൂനെ വൈറോളജി ഇന്‍സ്റ്റിറ്റ്യൂട്ടിലേക്ക് രണ്ടുപ്രാവശ്യം അയച്ചിരുന്നു. ആദ്യഫലം പോസിറ്റിവായിരുന്നു.എന്നാൽ രണ്ടാമത്തെ റിസല്‍ട്ട് കൂടി പോസിറ്റിവായാലേ രോഗം സ്ഥിരീകരിക്കാന്‍ സാധിക്കുകയുള്ളൂവെന്ന് ഡി.എം.ഒ ഡോ. വി. ജയശ്രീ വെള്ളിയാഴ്ച വ്യക്തമാക്കിയിരുന്നു. എന്നാൽ രോഗിയുടെ നില മെച്ചപ്പെട്ടു വരുന്നത് ആരോഗ്യ വകുപ്പിനും ആശ്വാസമേകുന്നുണ്ട്.അതേസമയം വെസ്റ്റ്നൈൽ അത്ര മാരകമല്ലെന്നും ജപ്പാൻ ജ്വരത്തിന് സമാനമായ പനി മാത്രമാണെന്നും മണിപ്പാൽ വൈറോളജി ഇൻസ്റ്റിറ്റ്യൂട്ട് ഡയറക്ടർ ഡോ.ജി.അരുൺകുമാർ പറഞ്ഞു.

കൊച്ചിയിൽ ഹോട്ടലുകളില്‍ പഴകിയ ഭക്ഷണപദാർത്ഥങ്ങൾ പിടികൂടി

കൊച്ചിയിൽ ഹോട്ടലുകളില്‍ പഴകിയ ഭക്ഷണപദാർത്ഥങ്ങൾ പിടികൂടി l food safety department action agaist hotels in kochi edappally l Rashtrabhoomi

കൊച്ചിയിൽ ഹോട്ടലുകളില്‍ പഴകിയ ഭക്ഷണപദാർത്ഥങ്ങൾ പിടികൂടി ; മിൽമ കാന്റീനിൽ നിന്ന് 2കിലോ പഴകിയ ബീഫ് പിടികൂടി ഭക്ഷണത്തിലും മായം കലർത്തി കൊച്ചിയിലെ ഹോട്ടലുകൾ. കളമശേരി, ഇടപ്പള്ളി ടോൾ പരിസരങ്ങളിൽ നിന്നും പഴകിയ ഭക്ഷണപദാർത്ഥങ്ങൾ നഗരസഭാ ആരോഗ്യവിഭാഗം കണ്ടെത്തി.ഇടപ്പള്ളി ടോളിലെ ഇഫ്ത്താർ ഹോട്ടലിൽ നിന്നും മൂന്ന് കിലോ പഴകിയ ചിക്കൻ ഫ്രൈയും, ടോളിലെ തന്നെ താൽ റസ്റ്റോറ്റോറന്റിൽ നിന്ന് പഴകിയ അപ്പം, പൊറോട്ട, ബീഫ് ഫ്രൈ തുടങ്ങിയവയുമാണ് പിടിച്ചെടുത്തത്. ടോളിലെ ഐപിഎൽ ഹോട്ടലിൽ നിന്ന് മൂന്ന് കിലോ പഴകിയ മീൻ കറി, പഴയ ചപ്പാത്തി ഹോട്ടൽ അഭിരാമിയിൽ നിന്ന് ഉപയോഗശൂന്യമായ പഴകിയ 15 ലിറ്റർ കറുത്ത എണ്ണയും 20 ലിറ്റർ പഴകിയ കഞ്ഞിയും പിടികൂടി. പത്തടിപ്പാലം മിൽമ കാന്റീനിൽ നിന്ന് 2കിലോ പഴകിയ ബീഫ് റോസ്റ്റാണ് പരിശോധനയിൽ കിട്ടിയത്. നഗരസഭയ്ക്ക് സമീപം പ്രവർത്തിക്കുന്ന ബിരിയാണി ചെമ്പ് ഹോട്ടലിൽ…

യൂട്യൂബ് വീഡിയോ നോക്കി പ്രസവമെടുത്ത യുവതിക്ക് ദാരുണാന്ത്യം

യൂട്യൂബ് വീഡിയോ നോക്കി പ്രസവമെടുത്ത യുവതിക്ക് ദാരുണാന്ത്യം l self delivey death youtube l Rashtrabhoomi

യൂട്യൂബ് വീഡിയോ നോക്കി പ്രസവമെടുത്ത യുവതിക്ക് ദാരുണാന്ത്യം യൂടൂബിന്റെ സഹായത്തോടെ പ്രസവമെടുക്കാൻ ശ്രമിച്ച അധ്യാപിക രക്തസ്രാവം മൂലം മരിച്ചു.തമിഴ്നാട്ടിലെ തിരുപ്പൂർ സ്വദേശിയായ കൃതിക(28)യാണ് മരിച്ചത്.ഗർഭം ധരിച്ചപ്പോൾ മുതൽ സ്വയം ചികിത്സയിലായിരുന്നു ഇവർ. പ്രസവ സമയത്തും ആശുപത്രിയെ സമീപിക്കാതെ യൂട്യൂബിന്റെ സഹായം സ്വീകരിക്കാൻ തീരുമാനിക്കുകയായിരുന്നു ഇവർ.ഇതിനു സഹായകമാകുന്ന വീഡിയോകളും സ്ഥിരമായി കണ്ടിരുന്നു.ഗർഭിണിയായ യുവതികൾ ആരോഗ്യകേന്ദ്രത്തിൽ റിപ്പോർട്ട് ചെയ്യണമെന്ന ചട്ടവും ഇവർ പാലിച്ചില്ല. പ്രസവ വേദന അനുഭവപ്പെട്ട പിന്നാലെ യുട്യൂബില്‍ നിന്ന് വീഡിയോയുടെ സഹായത്തോടെ പ്രസവം എടുക്കാന്‍ കൃതികയും രണ്ട് സുഹൃത്തുക്കളും ചേര്‍ന്ന് തിരുമാനിച്ചു.എന്നാല്‍ പ്രസവ സമയത്തുണ്ടായ സങ്കീര്‍ണതകളെ തുടര്‍ന്ന് രക്തസ്രാവമുണ്ടാവുകയും കൃതിക മരണപ്പെടുകയുമായിരുന്നു.ഇവരുടെ ഭർത്താവിനെതിരെ പോലീസ് കേസെടുത്തു.

ഷിഗെല്ല മുൻകരുതലുകൾ എന്തെല്ലാം…?

ഷിഗെല്ല മുൻകരുതലുകൾ എന്തെല്ലാം…? പെയ്തൊഴിയാത്ത മഴയോടൊപ്പം പകർച്ച വ്യാധികളുടെയും വരവായി. നിപ്പയ്ക്കു പിന്നാലെ ഷിഗെല്ലയും പിടിമുറുക്കുമ്പോൾ വേണ്ടകരുതൽ എടുത്താൽ ഒരു പരിധി വരെ ഒഴിവാക്കാവുന്നതാണ് ഷിഗെല്ല എന്നാണ് ആരോഗ്യവകുപ്പിന്റെ നിരീക്ഷണം. അതെസമയം കഴിഞ്ഞ ദിവസം കോഴിക്കോട് മരിച്ച കുട്ടിക്ക് ഷിഗല്ല അല്ലെന്ന് സ്ഥിരീകരിച്ചു. എന്തൊക്കെയാണ് സൂക്ഷിക്കേണ്ടത്..? മലിനജലത്തിന്റെ ഉപയോഗം തന്നെയാണ് ഷിഗെല്ല വയറിളക്കത്തിന്റെയും കാരണം. എന്നാൽ ഇത് സാധാരണ വയറിളക്കത്തെക്കാൾ മാരകമാണ്. 1.ഭക്ഷണത്തിന് മുമ്പ് നിർബന്ധമായും കൈകൾ സോപ്പുപയോഗിച്ച് കഴുകുക. 2.തിളപ്പിച്ചാറിയ വെള്ളം മാത്രം ഉപയോഗിക്കുക. 3.ഭക്ഷണം തയാറാക്കുമ്പോൾ കൈകൾ വൃത്തിശുള്ളതാണെന്ന് ഉറപ്പാക്കുക. 5.ശുചിമുറിയുടെ ഉപയോഗത്തിനു ശേഷം കൈകൾ നിർബന്ധമായും സോപ്പുപയോഗിച്ചു വൃത്തിയാക്കുക. 6.പുറത്തു നിന്നുള്ള ആഹാരം പരമാവധി ഒഴിവാക്കുക. 7.കുട്ടികളുടെ വ്യക്തിശുചിത്വം ഉറപ്പാക്കുക. 8.തുറന്നു വച്ചതും പഴകിയതുമായ ആഹാര പദാർത്ഥങ്ങൾ നിർബന്ധമായും ഒഴിവാക്കുക.

നിപ്പയുടെ പിന്നാലെ ഷിഗല്ല..ചികിത്സയിലായിരുന്ന രണ്ടു വയസ്സുകാരൻ മരിച്ചു

നിപ്പയുടെ പിന്നാലെ ഷിഗല്ല..ചികിത്സയിലായിരുന്ന രണ്ടു വയസ്സുകാരൻ മരിച്ചു നിപ്പ ഭീതി വിട്ടൊഴിയും മുൻപേ പുതിയ രോഗത്തിന്റെ പിടിയിൽ കേരളം.ഷിഗല്ല ബാക്ടീരയുടെ സാന്നിധ്യം സ്ഥിരീകരിച്ചതിനു പിന്നാലെ ബാക്ടീരിയ ബാധിച്ചു രണ്ടു വയസ്സുകാരൻ മരിച്ചു.അടിവാരം തെക്കേതിൽ ഹർഷാദിന്റെ മകൻ സിയാൻ ആണ് മരിച്ചത്. ഇന്നലെയാണ് കുട്ടിയെ മെഡിക്കൽ കോളേജിൽ പ്രവേശിപ്പിച്ചത്.ഇരട്ടക്കുട്ടികളായ ഇവരിൽ സഹോദരൻ ഫയാന്റെ നില മെച്ചപ്പെട്ടിട്ടുണ്ട്.കുട്ടിയെ ഇന്നു വാർഡിലേക്ക് മാറ്റും.നേരുത്തെ മലപ്പുറം ജില്ലയിൽ ഷിഗല്ല ബാധിച്ചു രണ്ടു മരണം റിപ്പോർട്ട് ചെയ്തിരുന്നു.സാധാരണ ബാക്ടീരിയെക്കാൾ അപകടകാരിയാണ് ഷിഗല്ല.

സ്മാർട്ട് ഫോണിലറിയാം ഇസിജി വ്യതിയാനം

സ്മാർട്ട് ഫോണിലറിയാം ഇസിജി വ്യതിയാനം l check ecg variations on smartphone biocalculus l Rashtrabhoomi

സ്മാർട്ട് ഫോണിലറിയാം ഇസിജി വ്യതിയാനം അസിത സഹീർ വിപ്ലവകരമായ മാറ്റങ്ങളും പുതിയ കണ്ടുപിടുത്തങ്ങളും അനുദിനം ഉണ്ടായിക്കൊണ്ടിരിക്കുന്ന മേഖലയാണ് ആരോഗ്യ മേഖല.പുത്തൻ സാങ്കേതിക വിദ്യയുടെ കടന്നു വരവുകൾ തെല്ലൊന്നുമല്ല ഈ രംഗത്തെ പുരോഗതിയിലേക്കെത്തിച്ചത്. കാര്യങ്ങൾ ഇങ്ങിനെയൊക്കെ ആണെങ്കിലും ഹൃദയസംബന്ധമായ അസുഖങ്ങളാൽ ചികിത്സ തേടിയെത്തുന്ന ആളുകളുടെ എണ്ണം അനുദിനം വർധിച്ചു വരികയാണ്. ഹൃദയതാളത്തിലെ വ്യതിയാനം കൃത്യസമയത്ത് അറിയാൻ സാധിക്കാതെ വരുന്നതോടു കൂടി അത് മരണത്തിനുവരെ ഇടയാകുന്നു.ഈ വളർച്ചയെ ഒരു പടികൂടി ഉയർത്തുകയാണ് ടെക്നോപാർക്കിലെ ജീവനക്കാരായ ഒരു കൂട്ടം യുവാക്കൾ.വാല്‍ഫെര്‍ ചിപ്സ് ടെക്നോ സൊലുഷന്‍സ് എന്ന സ്ഥാപനത്തിലെ അംഗങ്ങളാണ് ഈ സംരഭത്തിന് പിന്നില്‍. ഇവിടെയാണ് ഇത്തരം ഒരു ഉപകരണത്തിന്റെ പ്രസക്തി എന്നാണ് ഇവരുടെ പക്ഷം. ഇസിജി യിലെ വ്യതിയാനങ്ങളെ നിമിഷ നേരം കൊണ്ട് കണ്ടെത്താൻ സഹായിക്കുന്ന ഒരു ഉപകരണമാണ് ഇവർ കണ്ടെത്തിയിരിക്കുന്നത്.പോക്കറ്റിൽ സൂക്ഷിക്കാവുന്ന ഈ ഉപകരണം ബ്ലൂടൂത്തു വഴി ഫോണിൽ ഘടിപ്പിച്ചിരിക്കും.…

ഇനി ജീവനക്കാര്‍ക്ക് ഇരുന്ന് ജോലി ചെയ്യാം ; നിയമ ഭേദഗതിക്ക് അംഗീകാരം

ഇനി ജീവനക്കാര്‍ക്ക് ഇരുന്ന് ജോലി ചെയ്യാം ; നിയമ ഭേദഗതിക്ക് അംഗീകാരം l Jeevanakkarkku ini irunnu joli cheyyam l Rashtrabhoomi

ഇനി ജീവനക്കാര്‍ക്ക് ഇരുന്ന് ജോലി ചെയ്യാം ; നിയമ ഭേദഗതിക്ക് അംഗീകാരം ഇനി ജീവനക്കാര്‍ക്ക് ഇരുന്ന് ജോലി ചെയ്യാം. തുണിക്കടകളിലും മറ്റ് സ്ഥാപനങ്ങളിലും ജീവനക്കാര്‍ നിന്ന് ജോലി ചെയ്യുന്നത് ആരോഗ്യ പ്രശ്നങ്ങള്‍ക്ക് കാരണമായിരുന്നു. ഇത് സംബധിച്ച് കേരള ഷോപ്‌സ് ആന്റ് കൊമേഴ്‌സ്യല്‍ എസ്റ്റാബ്ലിഷ്മന്റെ് നിയമത്തില്‍ ഭേദഗതി വരുത്തി. നിയമ ഭേദഗതിക്ക് മത്രിസഭ അംഗീകാരം നല്‍കി. കേരള ഷോപ്‌സ് ആന്റ് കൊമേഴ്‌സ്യല്‍ എസ്റ്റാബ്ലിഷ്മന്റെ് നിയമത്തിന് കീഴില്‍ വരുന്ന എല്ലാ സ്ഥാപനങ്ങളിലെ ജീവനക്കാര്‍ക്കും ഇതിന്റെ ആനുകൂല്യം ലഭിക്കും. ജീവനക്കാര്‍ക്ക് ഇടവേളകളില്‍ ഇരിക്കാനുള്ള സൗകര്യം ഒരുക്കണമെന്നാണ് പുതിയ ഭേദഗതിയില്‍ ഉള്ളത്. ഇത് കൂടാതെ വനിതാ ജീവനക്കാര്‍ക്ക് എതിരെയുള്ള ലൈംഗീക അതിക്രമങ്ങള്‍ തടയുന്നതിനുള്ള വ്യവസ്ഥകളും പുതുക്കിയ ഭേദഗതിയിലുണ്ടെന്നു തൊഴില്‍ വകുപ്പ് മന്ത്രി ടി പി രാമകൃഷ്ണന്‍ പറഞ്ഞു. കൂടാതെ ഈ നിയമത്തിന് കീഴില്‍ വരുന്ന സ്ഥാപനങ്ങളിലെ ജീവനക്കാര്‍ക്ക് ആഴ്ചയില്‍ ഒരു ദിവസം അവധി…

മലയാളിയെ വിഷം കലര്‍ന്ന മീന്‍ കഴിപ്പിക്കാന്‍ മറുനാടന്‍ ലോബി ; ഫോര്‍മാലിന്‍ കലര്‍ത്തിയ 4000 കിലോ മീന്‍ പിടികൂടി

മലയാളിയെ വിഷം കലര്‍ന്ന മീന്‍ കഴിപ്പിക്കാന്‍ മറുനാടന്‍ ലോബി ; ഫോര്‍മാലിന്‍ കലര്‍ത്തിയ 4000 കിലോ മീന്‍ പിടികൂടി l Formalin added in fish l Rashtrabhoomi

മലയാളിയെ വിഷം കലര്‍ന്ന മീന്‍ കഴിപ്പിക്കാന്‍ മറുനാടന്‍ ലോബി ; ഫോര്‍മാലിന്‍ കലര്‍ത്തിയ 4000 കിലോ മീന്‍ പിടികൂടി പാലക്കാട് വാളയാറില്‍ രാസവസ്തു കലര്‍ത്തിയ മീന്‍ പിടികൂടി. ഫോര്‍മാലിന്‍ കലര്‍ത്തിയ 4 ടണ്‍ മീനാണ് ഭക്ഷ്യ സുരക്ഷാ വകുപ്പ് പിടികൂടിയത്. ആന്ധ്രയില്‍ നിന്ന് എറണാകുളത്തേക്ക് കടത്തുന്നതിനിടെയാണ് മീന്‍ പിടികൂടിയത്. വാഹനത്തില്‍ നിന്ന് പിടിച്ചെടുത്ത മീനില്‍ നടത്തിയ പ്രാഥമിക പരിശോധനയില്‍ ഫോര്‍മാലിന്റെ അംശം കണ്ടെത്തിയതിനേ തുടര്‍ന്ന് വിശദമായ പരിശോധനയ്ക്കായി മീന്‍ എറണാകുളം കാക്കനാട്ടെ ലാബിലേക്ക് അയച്ചു. 4000 കിലോ മീനിലും ഫോര്‍മാലിന്‍ കലര്‍ന്നിട്ടുണ്ടോയെന്നും പരിശോധനയില്‍ കണ്ടെത്തും. വാഹനങ്ങള്‍ കസ്റ്റഡിയില്‍ എടുത്തിട്ടുണ്ട്. മീനുകള്‍ കേടു വരാതിരിക്കാനാണ് ഫോര്‍മാലിന്‍ കലര്‍ത്തിയെന്നാാണ് വാഹനം ഓടിച്ചയാള്‍ പറയുന്നത്. കഴിഞ്ഞ ദിവസം ആന്ധ്രയില്‍ നിന്ന് കൊണ്ടുവന്ന 14000 കിലോ മീന്‍ രാസവസ്തു കലര്‍ത്തിയതിനെ തുടര്‍ന്ന് പിടികൂടിയിരുന്നു. ഇതിന്റെ പശ്ചാത്തലത്തില്‍ അതിര്‍ത്തി മേഖലയിലെ ചെക്ക്‌പോസ്റ്റുകളില്‍ ഭക്ഷ്യ സുരക്ഷാ…