ഇവനെ സൂക്ഷിക്കുക ; നിരവധി പെണ്‍കുട്ടികളെ ലൈംഗികമായി ചൂഷണം ചെയ്ത പ്രതി പിടിയില്‍

ഇവനെ സൂക്ഷിക്കുക ; നിരവധി പെണ്‍കുട്ടികളെ ലൈംഗികമായി ചൂഷണം ചെയ്ത പ്രതി പിടിയില്‍ വിവാഹിതനും, 3 കുട്ടികളുടെ അച്ഛനുമാണെന്നുള്ള വിവരം മറച്ചു വെച്ച് റോണ്‍ എന്ന വ്യജപേരില്‍ ഡിവോഴ്സ് മാട്രിമോണിയലില്‍ ഓണ്‍ലൈനായി രജിസ്റ്റര്‍ ചെയ്ത് അതുവഴി ഡിവോഴ്സ്മാട്രിമോണിയലില്‍ രജിസ്റ്റര്‍ ചെയ്തിരിക്കുന്ന വിവാഹബന്ധം വേര്‍പ്പെടുത്തിയ യുവതികളുമായി, പ്രത്യേകിച്ച് വിദേശത്ത് ജോലിയുള്ള യുവതികളുമായി സൗഹൃദം ലൈംഗികമായി ചൂഷണം ചെയ്ത പ്രതി പിടിയില്‍. സ്ത്രീകളില്‍ വിശ്വാസം നേടിയെടുത്ത് അവര്‍ക്ക് വിവാഹ വാഗ്ദാനം നല്‍കി അവരെ വിദേശത്തു നിന്നും വിളിച്ചു വരുത്തി ലൈംഗീകമായി പീഢിപ്പിക്കുകയും പണത്തിന്‍റെറ അത്യാവശ്യം പറഞ്ഞ് അവരുടെ ബാങ്ക് അക്കൌണ്ടുകളിലുള്ള പണവും, സ്വര്‍ണ്ണാഭരണങ്ങളും കൈവശപ്പെടുത്തുകയും അവരെ ലൈംഗീകമായി ചൂഷണം ചെയ്യുകയും ചെയ്ത ഇടുക്കി ജില്ല, തടിയാമ്പാടു കരയില്‍ വാഴത്തോപ്പു ഭാഗത്ത് തേങ്ങാപുരയ്ക്കല്‍ വീട്ടില്‍ ജോയിയുടെ മകന്‍ 31 വയസ്സുള്ള എര്‍വിന്‍. T. ജോയാണ് നെടുമ്പാശ്ശേരി പോലീസിന്‍റെ പിടിയിലായത്. വിദേശത്തു ജോലിയുള്ള…

ക്രൈംബ്രാഞ്ച്: രണ്ടാം ഘട്ട യോഗ്യതാപരീക്ഷ നവംബര്‍ 15ന്

അഞ്ചു വര്‍ഷത്തില്‍ കൂടുതല്‍ ക്രൈംബ്രാഞ്ചില്‍ ജോലി ചെയ്യുന്നവരെ മാറ്റി പുതിയ ഉദ്യോഗസ്ഥരെ നിയമിക്കുന്നതിനുള്ള എഴുത്തുപരീക്ഷയുടെയും അഭിമുഖത്തിന്‍റെയും രണ്ടാം ഘട്ടം വെള്ളിയാഴ്ച (നവംബര്‍ 15) തിരുവനന്തപുരത്ത് പോലീസ് ട്രെയിനിംഗ് കോളേജിലും തൃശൂര്‍ കേരള പോലീസ് അക്കാദമിയിലും നടക്കും. ലോക്കല്‍ പോലീസില്‍ ഗ്രേഡ് എസ്.ഐ മുതല്‍ സി.പി.ഒ തലം വരെയോ സമാനതസ്തികയിലോ ഉള്ള പോലീസ് ഉദ്യോഗസ്ഥര്‍ക്ക് ക്രൈംബ്രാഞ്ച് ആസ്ഥാനത്ത് നേരിട്ട് അപേക്ഷിക്കാമെന്ന് ക്രൈംബ്രാഞ്ച് എ.ഡി.ജി.പി ടോമിന്‍ ജെ തച്ചങ്കരി അറിയിച്ചു. കുറ്റാന്വേഷണത്തില്‍ പ്രാഗത്ഭ്യമുള്ളവരെ മാത്രം ഉള്‍പ്പെടുത്തി ക്രൈംബ്രാഞ്ചിനെ പുന:സംഘടിപ്പിക്കുന്നതിന് എസ്.ഐ തലം വരെയുള്ളവര്‍ക്കായി നടത്തിയ ആദ്യഘട്ട പ്രവേശന പരീക്ഷയില്‍ 96 പേര്‍ യോഗ്യത നേടി. അവരെ ക്രൈംബ്രാഞ്ചിന്‍റെ വിവിധ യൂണിറ്റുകളില്‍ നിയമിക്കുന്ന നടപടി പുരോഗമിക്കുകയാണ്.

മാലി ദ്വീപിലേക്ക് നോർക്ക വഴി സൗജന്യ റിക്രൂട്ട്‌മെന്റ്

Nurses Job Abroad Norka Roots

മാലിയിലെ പ്രമുഖ മൾട്ടി സ്‌പെഷ്യാലിറ്റി ടെർഷ്യറി കെയർ ആശുപത്രിയായ ട്രീ ടോപ്പ് ആശുപത്രിയിലേക്ക് നഴ്‌സ്, മിഡ് വൈഫ്, മെഡിക്കൽ ടെക്‌നീഷ്യൻ എന്നീ ഒഴിവുകളിലേക്ക് നോർക്ക റൂട്ട്‌സ് മുഖേന അപേക്ഷകൾ ക്ഷണിച്ചു. ഇതാദ്യമായിട്ടാണ് നോർക്ക റൂട്ട്‌സ് മുഖേന മാലിയിലേക്ക് ഉദ്ദ്യോഗാർത്ഥികളെ തെരഞ്ഞെടുക്കുന്നത്. ഇതുമായി ബന്ധപ്പെട്ട് ട്രീ ടോപ്പ് ആശുപത്രിയുമായി നോർക്ക റൂട്ട്‌സ് കരാറിൽ ഒപ്പ് വച്ചു. ബിരുദം/ ഡിപ്‌ളോമ കഴിഞ്ഞ് രണ്ട് വർഷത്തെ പ്രവർത്തിപരിചയമുള്ള നഴ്‌സുമാരേയും മെഡിക്കൽ ടെക്‌നീഷ്യന്മാരേയുമാണ് തെരഞ്ഞെടുക്കുന്നത്. 22 നും 30 നും മദ്ധ്യേ പ്രായമുള്ള വനിതകൾക്കും പുരുഷൻമാർക്കും അപേക്ഷിക്കാം. മിഡ് വൈഫ് തസ്തികയ്ക്ക് രണ്ട് വർഷത്തെ ലേബർ റൂം പ്രവർത്തി പരിചയമുള്ള വനിത നഴ്‌സുമാർക്കാണ് അവസരമുള്ളത്. നഴ്‌സുമാർക്ക് പ്രതിമാസ അടിസ്ഥാന ശമ്പളം 1000 യു എസ് ഡോളറും (ഏകദേശം 70,000 രൂപ) ടെക്‌നീഷ്യ•ാർക്ക് 1000 യു എസ് ഡോളർ മുതൽ 1200 യു എസ്…

കേളിയിലെ കലാകാരിക്ക് കേരള സർക്കാരിന്റെ അംഗീകാരം

ന്യൂ ഡൽഹി: കേരളപ്പിറവി ദിനാഘോഷങ്ങളുടെ ഭാഗമായി കേരളാ സർക്കാർ ഡൽഹിയിലെ കേരളാ ഹൗസിൽ നടത്തിയ കവിതാ പാരായണ മത്സരത്തില്‍ ഒന്നാം സ്ഥാനം കരസ്ഥമാക്കിയ ദേവികാ തമ്പി, ഡൽഹിയിലെ പ്രമുഖ കലാ സാംസ്കാരിക സംഘടനയായ ‘കേളി’യിലെ അംഗവും ആർ.കെ. പുരം കേരള സ്കൂളിലെ പ്ലസ് വൺ വിദ്യാര്‍ത്ഥിനിയുമാണ്. ഭരതനാട്യം, മോഹിനിയാട്ടം തുടങ്ങി വിവിധ നാട്യ കലകളിൽ മികവു പുലർത്തിയ ദേവിക ഡൽഹിയിലെ അറിയപ്പെടുന്ന ഒരു ഗായിക കൂടിയാണ്. അച്ഛൻ തമ്പി ജി. ഡൽഹി പോലിസ് ഉദ്യോഗസ്ഥനും അമ്മ സിന്ധു തമ്പി എയിംസിലെ സ്റ്റാഫ് നേഴ്സുമാണ്.

മുൻ മുഖ്യ തിരഞ്ഞെടുപ്പു കമ്മിഷണർ ടി.എൻ. ശേഷൻ അന്തരിച്ചു

ന്യൂഡൽഹി ∙ മുൻ മുഖ്യ തിരഞ്ഞെടുപ്പു കമ്മിഷണർ ടി.എൻ. ശേഷൻ (87) അന്തരിച്ചു. ചെന്നൈയിലായിരുന്നു അന്ത്യം. 1990 ‍ഡിസംബർ 12 മുതൽ 1996 ഡിസംബർ 11 വരെ മുഖ്യ തിരഞ്ഞെടുപ്പ് കമ്മിഷണറായിരുന്നു. രാജ്യം കണ്ട ഏറ്റവും പ്രഗത്ഭനായ തിരഞ്ഞെടുപ്പു കമ്മിഷണറെന്ന നിലയിൽ മലയാളികളുടെ അഭിമാനമാണ് ടി.എൻ.ശേഷൻ. തിരഞ്ഞെടുപ്പ് കമ്മിഷൻ എന്ന ഒരു സംവിധാനമുണ്ടെന്ന് ഇന്ത്യയിലെ സാമാന്യജനം അറിഞ്ഞത് ടി.എൻ. ശേഷൻ അതിന്റെ തലപ്പത്ത് എത്തിയപ്പോഴായിരുന്നു. ലോകത്തിലെ ഏറ്റവും വലിയ ജനാധിപത്യ രാജ്യത്തെ ജനപ്രതിധി തിരഞ്ഞെടുപ്പു നടത്തിപ്പുകാരന്റെ ചുമതലയും അധികാരവുമെന്തെന്ന് അദ്ദേഹം രാജ്യത്തെ ബോധ്യപ്പെടുത്തി. പാലക്കാട് തിരുനെല്ലായി ഗ്രാമത്തിൽ 1933 മെയ് 15നായിരുന്നു ജനനം. പിതാവ് പ്രഗത്ഭ അഭിഭാഷകനായിരുന്ന നാരായണ അയ്യർ. അമ്മ സീതാലക്ഷ്മി. എസ്എസ്‍എൽസി, ഇന്റർമീഡിയറ്റ്, ഡിഗ്രി, സിവിൽസർവീസ് പരീക്ഷകളിലെല്ലാം ഒന്നാംറാങ്കുകാരൻ എന്ന അത്യപൂർവ ബഹുമതിക്ക് ഉടമയായ ശേഷൻ 1955 –ൽ ഐഎഎസ് നേടി. തമിഴ്നാട് കേഡർ…

ആലുവയിൽ വ്യാപാരിയെ ആക്രമിച്ച പ്രതികൾ പിടിയിൽ

ആലുവ സെമിനാരിപടി ഭാഗത്ത് പെറ്റ് ഷോപ്പ് നടത്തുന്ന ആഷീർ (32) നെയും സഹായി ശ്രീജിത്തിനേയും അക്രമിക്കുകയും കട തല്ലിപ്പൊളിക്കുകയും ചെയ്ത കേസിലെ ആറ് പ്രതികളിൽ മൂന്നു പേരെ ആലുവ വെസ്റ്റ് പോലീസ് അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു. കൊല്ലം സ്വദേശിയും ആലുവ യൂ.സി. കോളേജ് ഭാഗത്ത് വാടകയ്ക്ക് താമസിക്കുകയും ചെയ്യുന്ന ആഷിറിൻറെ ആലുവ സെമിനാരിപടി ഭാഗത്തുള്ള ഷോപ്പിന് മുൻവശം പ്രതികൾ മദ്യപിക്കുകയും മയക്കുമരുന്ന് ഉൽപന്നങ്ങൾ ഉപയോഗിക്കുകയും ചെയ്തതിനെ ചോദ്യം ചെയ്തതിലുള്ള വിരോധത്തെ തുടർന്ന് 29.10.2019 രാത്രി 9.30 മണിക്ക് ഇയാളുടെ പെറ്റ് ഷോപ്പിൽ എത്തി ആറു പേർ അടങ്ങുന്ന പ്രതികൾ കമ്പി വടിയും മറ്റുമായി ആഷിർനെയും സഹായി ശ്രീജിത്തിനേയും ആക്രമിക്കുകയായിരുന്നു. കട തല്ലിത്തകർത്ത് ഒരു ലക്ഷം രൂപയുടെ നാശനഷ്ടം ഉണ്ടാക്കുകയും ചെയ്തു. ആഷിറിന്റെ കൂട്ടുകാരൻ ആൽബിയെ കൊല്ലും എന്ന് പറഞ്ഞുകൊണ്ട് ആലുവ പുഴയുടെ തീരത്തേക്ക്…

1.5 ലക്ഷം രൂപയുടെ വിദേശ മദ്യവുമായി യുവാവ് പിടിയില്‍

പെരുമ്പാവൂർ: 286 കുപ്പി വിദേശ മദ്യവുമായി ഇടുക്കി ജില്ല, മന്നാംകണ്ടം വില്ലേജ്, അടിമാലി കരയില്‍, കൊരങ്ങാട്ടി ഭാഗത്ത് മുത്താരംക്കുന്ന് അംഗന്‍വാടിക്ക് സമീപം മാവേലിപുത്തന്‍പുരയ്ക്കല്‍ വീട്ടില്‍ മോഹനന്‍ മകന്‍ 29 വയസ്സുള്ള സനില്‍ എന്ന യുവാവിനെ പെരുമ്പാവൂര്‍ കെ.എസ്.ആർ.ടി.സി ബസ് സ്റ്റാന്‍റ് ഭാഗത്ത് നിന്നും പോലീസ് അറസ്റ്റ് ചെയ്തു. ഇന്നലെ പുലര്‍ച്ചെ മാഹിയില്‍ നിന്ന് നികുതി വെട്ടിച്ച് അമിതലാഭത്തില്‍ വില്പന നടത്തുക എന്ന ഉദ്ദേശത്തോടെ വാങ്ങിയ 286 കുപ്പി വിദേശ മദ്യം കേരളത്തില്‍ എത്തിച്ച് അവധി ദിവസങ്ങളും ഉത്സവ സീസണുകളും വില്‍പന ലക്ഷ്യം വച്ച് പ്രതി തന്‍റെ പ്രൈവറ്റ് കാറില്‍ കൊണ്ട് വരികയാണ് ഉണ്ടായത്. കാറില്‍ പ്രത്യേകമായി നിര്‍മ്മിച്ച അറയില്‍ ചാക്കില്‍ നിറച്ചാണ് വിദേശ മദ്യം കടത്താന്‍ ശ്രമിച്ചത്. ആലുവ റൂറല്‍ ജില്ലാപോലീസ് മേധാവി കെ. കാര്‍ത്തിക് ഐ.പി.എസിന്‍റെ നിര്‍ദ്ദേശാനുസരണം നടത്തുന്ന ഓപ്പറേഷന്‍ ഡാര്‍ക്ക് ഹണ്ടിന്‍റെ ഭാഗമായി പെരുമ്പാവൂര്‍…

വിരമിച്ച പോലീസ് ഉദ്യോഗസ്ഥര്‍ക്ക് ആവശ്യമായ സഹായം ലഭ്യമാക്കണമെന്ന് ഡി ജി പി

വിരമിച്ച പോലീസ് ഉദ്യോഗസ്ഥര്‍ക്ക് അര്‍ഹമായ ആദരം നല്‍കുന്നതിനും സര്‍വ്വീസിലിരുന്നോ അതിനു ശേഷമോ മരണപ്പെട്ടുപോയ ഉദ്യോഗസ്ഥരുടെ കുടുംബാംഗങ്ങള്‍ക്ക് ആവശ്യമായ സഹായങ്ങള്‍ എത്തിക്കുന്നതിനുമുളള നടപടികള്‍ സ്വീകരിക്കാന്‍ സംസ്ഥാന പോലീസ് മേധാവി ലോക്നാഥ് ബെഹ്റ എല്ലാ എസ്.എച്ച്.ഒ മാര്‍ക്കും നിര്‍ദ്ദേശം നല്‍കി. കൊച്ചിയിൽ പെൺവാണിഭം; സഹായത്തിന് പോലീസും ഗുണ്ടാ സംഘവും, മസാജ് പാർലറിന്റെ മറവിൽ നടക്കുന്നത്… പോലീസ് സേനയ്ക്ക് മഹത്തായ സംഭാവനകള്‍ നല്‍കിയ ശേഷം വിരമിച്ച പോലീസ് ഉദ്യോഗസ്ഥര്‍ കരുതലും ശ്രദ്ധയും അര്‍ഹിക്കുന്നവരാണെന്നും അവരുടെയും സര്‍വ്വീസിലിരുന്നോ വിരമിച്ച ശേഷമോ മരണപ്പെട്ടുപോയ ഉദ്യോഗസ്ഥരുടെ കുടുംബത്തിന്‍റെയും ക്ഷേമം അന്വേഷിക്കേണ്ടത് പോലീസിന്‍റെ കര്‍ത്തവ്യമായി കരുതണമെന്നും നിര്‍ദ്ദേശത്തിലുണ്ട്. വിരമിച്ച പോലീസ് ഉദ്യോഗസ്ഥര്‍ സഹായം ആവശ്യപ്പെടുന്ന പക്ഷം അത് ചെയ്തുനല്‍കാന്‍ ഓരോ പോലീസ് ഉദ്യോഗസ്ഥനും തയ്യാറാകണമെന്നും അദ്ദേഹം നിര്‍ദ്ദേശിച്ചു. പോലീസ് വകുപ്പ് സംഘടിപ്പിക്കുന്ന വിവിധ പരിപാടികളില്‍ വിരമിച്ച പോലീസ് ഉദ്യോഗസ്ഥരെ പങ്കെടുപ്പിക്കണമെന്നും നിര്‍ദ്ദേശിച്ചിട്ടുണ്ട്.

തീരദേശപാതയിലെ യാത്രാദുരിതം നേരിട്ടറിയാന്‍ എം പിയെത്തി

തീരദേശ പാതയിലെ ട്രെയിന്‍ യാത്രക്കാരുടെ ദുരിതം നേരിട്ടറിയാന്‍ ആലപ്പുഴ എം പി എ എം ആരിഫ് നേരിട്ടെത്തി. ആലപ്പുഴയില്‍ നിന്നും എറണാകുളത്തേക്കുള്ള മെമു ട്രെയിനിലാണ് എ എം ആരിഫ് തിങ്ങിനിറഞ്ഞ യാത്രക്കാരോടൊപ്പം നിന്നാണ് എം പി എറണാകുളം വരെ യാത്ര ചെയ്തത്. നേരത്തെ പതിനാറു കോച്ചുകളുള്ള പാസഞ്ചര്‍ ട്രെയിനില്‍ യാത്ര തെല്ലൊരു ആശ്വാസമായിരുന്നു. എന്നാല്‍ ഈ പാസഞ്ചര്‍ ട്രെയിന്‍ മാടി പന്ത്രണ്ട് റേക്ക് ഉള്ള മേമുവിലെ യാത്ര യാത്രക്കാര്‍ക്ക് വളരെ ദുഷ്കരമാണ്. എറണാകുളത് ജോലി ചെയ്യുന്ന പതിവ് യാത്രക്കാരാണ് റെയില്‍വേയുടെ ഈ പരിഷ്ക്കരണം കൊണ്ട് ദുരുതതിലായത്. യാത്രക്കാരുടെ ദുരിതം സ്ഥിരം യാത്രക്കാരുടെ പ്രതിനിധിയായി പൊതുപ്രവര്‍ത്തകനായ വിജേഷ് നന്ദ്യാടനാണ് എം പിയുടെ ശ്രദ്ധയില്‍പെടുത്തിയത്. ഇതിന്‍റെ അടിസ്ഥാനത്തിലാണ് യാത്രക്കാരുടെ ദുരിതം നേരിട്ടറിയാം എം പി ആലപ്പുഴ മുതല്‍ എറണാകുളം വരെ യാത്ര നടത്തിയത്. നാലായിരത്തോളം സ്ഥിരം യാത്രക്കാരാണ് ഈ ട്രെയിനിനെ…

വ്യാജ പ്രചരണങ്ങള്‍ സൃഷ്ടിക്കുന്നവര്‍ക്കെതിരെ മുന്നറിയിപ്പ്

അയോധ്യ കേസ്സില്‍ ബഹു.സുപ്രീം കോടതിയുടെ വിധി അടുത്തയാഴ്ച വരാനിരിക്കുന്ന പശ്ചാത്തലത്തില്‍ മുന്നറിയിപ്പുമായി എറണാകുളം റൂറല്‍ ജില്ലാ പോലീസ്. അയോധ്യ കേസ്സില്‍ ബഹു. സുപ്രീം കോടതിയുടെ വിധി അടുത്തയാഴ്ച വരാനിരിക്കുന്ന സാഹചര്യത്തില്‍ സാമൂഹ്യ മാധ്യമങ്ങളിലൂടെയും മറ്റും വ്യാജവും, വസ്തുതാ വിരുദ്ധവും, മത സ്പര്‍ദ്ദ വളര്‍ത്തുന്നതും, പൊതു സമാധാന ലംഘനം സൃഷ്ടിക്കുന്നതുമായ പോസ്റ്ററുകളും, സന്ദേശങ്ങളും മറ്റും പ്രചരിപ്പിക്കാന്‍ ശ്രമിക്കുന്നതായി ശ്രദ്ധയില്‍പെട്ടിട്ടുള്ളതാണ്. ഇത്തരം പ്രചരണങ്ങള്‍ നടത്തുന്നവര്‍ക്കെതിരെ കര്‍ശന നിയമ നടപടികള്‍ സ്വീകരിക്കുമെന്ന് എറണാകുളം റൂറല്‍ ജില്ലാ പോലീസ് അറിയിച്ചു. സാമൂഹ്യ മാധ്യമങ്ങളിലൂടെയും മറ്റും ഇത്തരം പ്രചരണം നടത്തുന്നവരെ കണ്ടെത്തുന്നതിനായി വരും ദിവസങ്ങളില്‍ പോലീസിന്‍റെ ശക്തമായ നിരീക്ഷണം ഉണ്ടായിരിക്കും. ഇത്തരം നിയമവിരുദ്ധ സന്ദേശങ്ങള്‍ പ്രചരിപ്പിക്കുന്നതോ, പ്രചരിപ്പിക്കുന്നവരെ കുറിച്ചോ വിവരം ലഭിച്ചാല്‍ പൊതുജനങ്ങള്‍ക്ക് 9497976005 എന്ന മൊബൈല്‍ നമ്പറില്‍ വാട്ട്സ് ആപ്പ് ആയോ വിളിച്ചോ അറിയിക്കാവുന്നതാണ്. അറിയിക്കുന്നവരുടെ പേരും മറ്റ് വിവരങ്ങളും രഹസ്യമായി സൂക്ഷിക്കുന്നതാണ്.