അഭിനന്ദനെ സ്വീകരിക്കാന്‍ മാതാപിതാക്കള്‍ വാഗാ അതിര്‍ത്തിയിലേക്ക്
By അഭിനന്ദനെ സ്വീകരിക്കാന്‍ മാതാപിതാക്കള്‍ വാഗാ അതിര്‍ത്തിയിലേക്ക്
ഭാരതത്തിന്‍റെ അഭിമാനമായ അഭിനന്ദന്‍ വര്‍ദ്ധമാനെ സ്വീകരിക്കാന്‍ അദ്ദേഹത്തിന്റെ മാതാപിതാക്കള്‍ വാഗാ അതിര്‍ത്തിയിലേക്ക് പുറപ്പെട്ടു. അഭിനന്ദന്റെ പിതാവ് സിംഹകുട്ടി വര്‍ദ്ധമാനും കുടുംബവുമാണ് വാഗാ അതിര്‍ത്തിയിലേക്ക് തിരിച്ചത്.
ചെന്നൈയില്‍ നിന്നും ഡല്‍ഹിയില്‍ എത്തുന്ന സംഘം ഡല്‍ഹിയില്‍ നിന്നും പ്രത്യേക വിമാന മാര്‍ഗമായിരിക്കും വാഗാ അതിര്‍ത്തിയിലേക്ക് എത്തുക. ഇന്ത്യന്‍ വ്യോമസേനയുടെ മുന്‍ എയര്‍ മര്‍ഷലാണ് അഭിനന്ദിന്റെ പിതാവ് സിംഹകുട്ടി വര്‍ദ്ധമാന്‍.
ഇന്ത്യന്‍ വ്യോമസേനാ വിംഗ് കമാന്‍ഡര്‍ അഭിനന്ദന്‍ വര്‍ദ്ധമാനെ വിട്ടയക്കാന്‍ പാകിസ്ഥാന്‍ നേരത്തെ തീരുമാനിച്ചിരുന്നു. അഭിനന്ദന്‍ വര്‍ദ്ധമാനെ ഇന്ത്യക്ക് കൈമാറുക വാഗാ അതിര്‍ത്തി വഴിയാണെന്നും ഇമ്രാന്‍ ഖാന്‍ അറിയിച്ചിരുന്നു. പാകിസ്ഥാന്‍ പ്രധാനമന്ത്രി ഇമ്രാന്‍ ഖാനാണ് അഭിനന്ദനെ നാളെ ഇന്ത്യയ്ക്ക് കൈമാറുമെന്ന് സംയുക്ത പാര്‍ലമെന്‍റെ സമ്മേളനത്തില്‍ വ്യക്തമാക്കിയത്.
പാകിസ്ഥാന്‍ പ്രധാനമന്ത്രി ഇമ്രാന്‍ ഖാനാണ് അഭിനന്ദനെ നാളെ ഇന്ത്യയ്ക്ക് കൈമാറുമെന്ന് സംയുക്ത പാര്‍ലമെന്‍റെ സമ്മേളനത്തില്‍ വ്യക്തമാക്കിയത്.
അഭിനന്ദനെ തിരിച്ചയക്കുന്നത് ഇരുരാജ്യങ്ങള്‍ക്കുമിടയില്‍ സമാധാനം പുനസ്ഥാപിക്കാനാണെന്ന് ഇമ്രാന്‍ ഖാന്‍ പറഞ്ഞു. സംഘര്‍ഷ പശ്ചാത്തലത്തില്‍ പാക്‌സിസ്ഥാന്‍ പാര്‍ലമെന്റിന്റെ സംയുക്ത സമ്മേളനം വിളിച്ചു ചേര്‍ത്തിരുന്നു.
ഇതിനിടെയാണ് അഭിനന്ദനെ തിരിച്ചയക്കുമെന്ന കാര്യം ഇമ്രാന്‍ഖാന്‍ പ്രഖ്യാപിച്ചത്. ഇതോടൊപ്പം മേഖലയില്‍ സമാധാനം നിലനില്‍ക്കുന്നുണ്ടെന്ന് ഉറപ്പാക്കാന്‍ അന്താരാഷ്ട്ര സമൂഹം ഇടപെടണമെന്നും ഇമ്രാന്‍ഖാന്‍ ആവശ്യപ്പെട്ടു.
Leave a Reply