മരട് കേസ്; സംസ്ഥാന സര്‍ക്കാരിനെ രൂക്ഷമായി വിമര്‍ശിച്ച് സുപ്രീം കോടതി

മരട് കേസ്; സംസ്ഥാന സര്‍ക്കാരിനെ രൂക്ഷമായി വിമര്‍ശിച്ച് സുപ്രീം കോടതി മരട് ഫ്‌ലാറ്റ് കേസില്‍ സംസ്ഥാന സര്‍ക്കാരിനെ രൂക്ഷമായി വിമര്‍ശിച്ച് സുപ്രീം കോടതി. ഫ്ളാറ്റ് പൊളിക്കാന്‍ എത്ര സമയം വേണമെന്നും കേരളം നിയമലംഘകരെ സംരക്ഷിക്കുകയാണെന്നും സുപ്രീംകോടതി ചോദിച്ചു. കേരളത്തിന്റെ നിലപാടില്‍ ഞെട്ടലുണ്ടെന്നും ഇത്തരം തീരുമാനങ്ങള്‍ കൊണ്ടാണ് ദുരന്തങ്ങള്‍ ആവര്‍ത്തിക്കുന്നതെന്നും കോടതി വിമര്‍ശിച്ചു. കേരളത്തിലെ എല്ലാ നിയമലംഘനങ്ങളും പരിശോധിക്കേണ്ടി വരുമെന്ന് വ്യക്തമാക്കിയ കോടതി ചീഫ് സെക്രട്ടറിയെയും രൂക്ഷമായി വിമര്‍ശിച്ചു. ഉദ്യോഗസ്ഥരുടെ ഇത്തരം സമീപനം അംഗീകരിക്കാന്‍ സാധിക്കില്ലെന്നും കേരളത്തിന്റെ പദ്ധതി എന്താണെന്ന് സത്യവാങ്മൂലം കണ്ടാലറിയാമെന്നും കോടതി ചൂണ്ടിക്കാണിച്ചു.

ജോലിയില്‍ നിന്ന് പിരിച്ചുവിട്ട മേലുദ്യോഗസ്ഥനെ യുവാവ് കുത്തിക്കൊന്നു

ജോലിയില്‍ നിന്ന് പിരിച്ചുവിട്ട മേലുദ്യോഗസ്ഥനെ യുവാവ് കുത്തിക്കൊന്നു ജോലിയില്‍ നിന്ന് പിരിച്ചുവിട്ട മേലുദ്യോഗസ്ഥനെ യുവാവ് കുത്തിക്കൊന്നു. മുംബൈയില്‍ ട്യൂട്ടോറിയല്‍ സ്ഥാപനം നടത്തുകയായിരുന്ന മായങ്ക് മണ്ഡോടാണ് കൊല്ലപ്പെട്ടത്. സംഭവവുമായി ബന്ധപെട്ടു ഗണേഷ് പവാര്‍ എന്നയാളെ പന്ത് നഗര്‍ പോലീസ് അറസ്റ്റ് ചെയ്തു. ജോലിയില്‍ നിന്ന് പിരിച്ച് വിട്ടതിനെ തുടര്‍ന്ന് ഞായറാഴ്ച വൈകുന്നേരം 6.30- ഓടെ മണ്ഡോട്ടിന്റെ സ്ഥാപനത്തിലെത്തിയ ഗണേഷ് പവാര്‍ ഇയാളുമായി വാക്കേറ്റത്തില്‍ ഏര്‍പ്പെടുകയും തുടര്‍ന്ന് കത്തി കൊണ്ട് കഴുത്തില്‍ കുത്തുകയുമായിരുന്നു. ആക്രമണത്തില്‍ പ്രതി ഗണേഷിനും നിസ്സാര പരിക്കുകള്‍ ഏറ്റിട്ടുണ്ട്. പ്രതി കുറ്റസമ്മതം നടത്തിയതായി പൊലീസ് പറഞ്ഞു. ഫെബ്രുവരി 20-തിനാണ് ഗണേഷ് ട്യൂട്ടോറിയല്‍ സ്ഥാപനത്തില്‍ ജോലിയില്‍ പ്രവേശിച്ചത്. എന്നാല്‍ സെപ്തംബര്‍ 18- ന് ഇയാളെ പിരിച്ചുവിടുകയായിരുന്നു. ഒരുമാസത്തെ ശമ്പളവും നല്‍കാതെയാണ് പിരിച്ചുവിട്ടതെന്ന് ഗണേഷ് പവാര്‍ ആരോപിക്കുന്നു.

കെഎസ്ആര്‍ടിസി ബസ്സിന് പിന്നില്‍ ബൈക്ക് ഇടിച്ച് രണ്ടുപേര്‍ മരിച്ചു

കെഎസ്ആര്‍ടിസി ബസ്സിന് പിന്നില്‍ ബൈക്ക് ഇടിച്ച് രണ്ടുപേര്‍ മരിച്ചു തിരുവനന്തപുരം പൂജപ്പുരയില്‍ വാഹനാപകടത്തില്‍ രണ്ട് പേര്‍ മരിച്ചു. ബൈക്ക് യാത്രികരായ രാജന്‍ (36), ഫ്രിന്‍സ് (21) എന്നിവരാണ് മരിച്ചത്. പേയാട് സ്വദേശികളാണ് ഇരുവരും. കാറിനെ മറികടക്കാന്‍ ശ്രമിക്കവേ നിയന്ത്രണം വിട്ട ബൈക്ക് കെഎസ്ആര്‍ടിസി ബസിനടിയില്‍ പെടുകയായിരുന്നു.

മരണവീട്ടിലേയ്ക്ക് റീത്തുമായി വന്ന വിദ്യാര്‍ത്ഥിയ്ക്ക് ബൈക്ക് അപകടത്തില്‍ ദാരുണാന്ത്യം

മരണവീട്ടിലേയ്ക്ക് റീത്തുമായി വന്ന വിദ്യാര്‍ത്ഥിയ്ക്ക് ബൈക്ക് അപകടത്തില്‍ ദാരുണാന്ത്യം മരണവീട്ടിലേക്കുള്ള റീത്തുമായി ബൈക്കില്‍ വന്ന യുവാവ് അപകടത്തില്‍ മരിച്ചു. വെള്ളിമണ്‍ ഇടവട്ടം ചുഴുവന്‍ചിറ സജീഷ് ഭവനില്‍ സജീഷ്‌കുമാറിന്റെ മകന്‍ യദുകൃഷ്ണന്‍ (17) ആണ് മരിച്ചത്. യദുകൃഷ്ണന് ഒപ്പമുണ്ടായിരുന്ന പതിമൂന്നുവയസ്സുകാരനെ ഗുരുതര പരിക്കുകളോടെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കൊട്ടിയം ശ്രീനാരായണ പോളിടെക്‌നിക്കിലെ രണ്ടാംവര്‍ഷ വിദ്യാര്‍ഥിയായ യദുകൃഷ്ണന്‍, ഒഴിവ് സമയത്ത് പൂക്കടയില്‍ സഹായിയായും ജോലിചെയ്ത് വരികയായിരുന്നു. മരണവീട്ടിലേയ്ക്ക് റീത്തുമായി വരുമ്പോഴായിരുന്നു അപകടം. ഞായറാഴ്ച രാവിലെ 11.30ന് ശിവഗിരി-പാങ്ങോട് സംസ്ഥാന പാതയില്‍ കരീപ്ര നടമേല്‍ ജങ്ഷന് സമീപത്താണ് അപകടം. മുന്നിലുണ്ടായിരുന്ന സ്‌കൂട്ടര്‍ ഇടറോഡിലേക്ക് തിരിയുന്നതുകണ്ട് ബ്രേക്ക് ചെയ്ത ബൈക്ക് നിയന്ത്രണംവിട്ട് സ്‌കൂട്ടറിലും തുടര്‍ന്ന് വൈദ്യുത തൂണിലും ഇടിക്കുകയായിരുന്നു. വൈദ്യുത തൂണില്‍ തലയിടിച്ച് പരിക്കേറ്റ യദുകൃഷ്ണനെ മീയണ്ണൂരിലെ സ്വകാര്യ ആശുപത്രിയിലെത്തിച്ചെങ്കിലും വൈകീട്ട് മൂന്നുമണിയോടെ മരിച്ചു. പൂക്കട ഉടമയായ ഇടയ്ക്കിടം ഗുരുനാഥന്‍മുകള്‍…

പാലായില്‍ വോട്ടെടുപ്പ് ആരംഭിച്ചു; ആദ്യ മണിക്കൂറില്‍ മികച്ച പോളിംഗ്

പാലായില്‍ വോട്ടെടുപ്പ് ആരംഭിച്ചു; ആദ്യ മണിക്കൂറില്‍ മികച്ച പോളിംഗ് ഉപതെരഞ്ഞെടുപ്പ് നടക്കുന്ന പാലായില്‍ വോട്ടെടുപ്പ് ആരംഭിച്ചു. കൃത്യം ഏഴ് മണിയോടെയാണ് വോട്ടെടുപ്പ് ആരംഭിച്ചത്. നിരവധി പേരാണ് വോട്ട് രേഖപ്പെടുത്താന്‍ എത്തിയിരിക്കുന്നത്. ആദ്യ മണിക്കൂറില്‍ പോളിംഗ് ഏഴു ശതമാനം രേഖപ്പെടുത്തി. ഇടതുപക്ഷ സ്ഥാനാര്‍ത്ഥിയായ മാണി സി. കാപ്പന്‍ തന്റെ കുടുംബത്തോടൊപ്പമാണ് വോട്ട് ചെയ്യാന്‍ എത്തിയത്. ഒന്നാമത് വോട്ട് ചെയ്യാന്‍ എത്തിയത് തിരഞ്ഞെടുപ്പില്‍ ഒന്നാമതാകാന്‍ പോകുന്നതിന്റെ സൂചനയാണെന്നും തനിക്ക് വന്‍ ഭൂരിപക്ഷത്തോടെ ജയിക്കാന്‍ സാധിക്കുമെന്നുമാണ് മാണി.സി കാപ്പന്‍ ഇതിനെക്കുറിച്ച് പ്രതികരിച്ചത്. ആകെ 176 പോളിംഗ് ബൂത്തുകളാണ് മണ്ഡലത്തിലുള്ളത്. ആകെ 1,79, 107 വോട്ടര്‍മാരുള്ള പാലാ നിയമസഭാ മണ്ഡലത്തില്‍ വനിതാ വോട്ടര്‍മാരുടെ എണ്ണം 91,378ഉം പുരുഷ വോട്ടര്‍മാരുടെ എണ്ണം 87,279ഉം ആണ്. 1557 പേര്‍ പുതിയതായി വോട്ടര്‍ പട്ടികയില്‍ ചേര്‍ക്കപ്പെട്ടിട്ടുണ്ട്. സര്‍വീസ് വോട്ടര്‍മാര്‍ക്ക് ഓണ്‍ലൈന്‍ വഴി വോട്ട് രേഖപ്പെടുത്താന്‍ കഴിയുന്ന ഇലക്ട്രോണിക്കലി…

ട്രാന്‍സ്‌ജെന്‍ഡറെ വധുവാക്കി മിസ്റ്റര്‍ കേരള

ട്രാന്‍സ്‌ജെന്‍ഡറെ വധുവാക്കി മിസ്റ്റര്‍ കേരള നര്‍ത്തകിയായ ട്രാന്‍സ്‌ജെന്‍ഡറെ വധുവാക്കി മിസ്റ്റര്‍ കേരള. കഴിഞ്ഞ മിസ്റ്റര്‍ കേരള മത്സരത്തില്‍ 60 കിലോഗ്രാം വിഭാഗത്തില്‍ ഒന്നാംസ്ഥാനം നേടിയ പടിയൂര്‍ മുളങ്ങില്‍ പുഷ്‌കരന്റെ മകന്‍ പ്രവീണ്‍ (33) ആണ് ആലപ്പുഴ ചെങ്ങാലൂര്‍ സ്വദേശിനിയും നൃത്താധ്യാപികയുമായ ശിഖ (34)യെ വിവാഹം ചെയ്തത്. ശിഖ ഡി.വൈ.എഫ്.ഐ ട്രാന്‍സ്ജെന്‍ഡര്‍ വിഭാഗം യൂണിറ്റ് പ്രസിഡന്റുകൂടിയാണ്. ഡി.വൈ.എഫ്.ഐ പ്രവര്‍ത്തകനായ പ്രവീണ്‍ സമൂഹമാധ്യമങ്ങളിലൂടെ പരിചയപ്പെട്ട ശിഖയുമായി പ്രണയത്തിലാവുകയായിരുന്നു. കഴിഞ്ഞമാസം തൃശൂര്‍ മാരിയമ്മന്‍ കോവിലില്‍ വച്ച് ഇവര്‍ വിവാഹിതരായിരുന്നു. തുടര്‍ന്ന് തിരുവനന്തപുരം രജിസ്ട്രാര്‍ ഓഫീസില്‍ വിവാഹം രജിസ്റ്റര്‍ ചെയ്തു. ഇരുവരുടേയും വീട്ടുകാര്‍ വിവാഹത്തിന് പിന്തുണ നല്‍കിയിരുന്നുവെന്ന് പ്രവീണ്‍ പറയുന്നു. പ്രവീണ്‍ തന്നെയാണ് വിവാഹം വിവരം ഫെയ്സ്ബുക്ക് പേജിലൂടെ ലോകത്തെ അറിയിച്ചത്. ജിമ്മില്‍ ട്രെയിനറായി ജോലി ചെയ്യുന്ന പ്രവീണ്‍ മിസ്റ്റര്‍ ഇന്ത്യ മത്സരത്തില്‍ പങ്കെടുക്കാനുള്ള തയ്യാറെടുപ്പിലാണ്.

ഒഴിഞ്ഞ പറമ്പില്‍ നിന്നും അസ്ഥികൂടം കണ്ടെത്തി: സംഭവം കോഴിക്കോട്

ഒഴിഞ്ഞ പറമ്പില്‍ നിന്നും അസ്ഥികൂടം കണ്ടെത്തി: സംഭവം കോഴിക്കോട് ഒഴിഞ്ഞ പറമ്പില്‍ അസ്ഥികൂടം കണ്ടെത്തി. കോഴിക്കോട് ഒളവണ്ണ പഞ്ചായത്തിലെ ഇരിങ്ങല്ലൂരിലാണ് അസ്ഥികൂടം കണ്ടെത്തിയത്. ഇരിങ്ങല്ലൂര്‍ ശ്മശാനത്തിന് സമീപമാണ് അസ്ഥികൂടം കണ്ടെത്തിയത്. സംഭവത്തില്‍ പന്തീരാങ്കാവ് പൊലീസ് അന്വേഷണം ആരംഭിച്ചു.

പാലാ ഉപതിരഞ്ഞെടുപ്പ്; പോളിംഗ് സാമഗ്രികളുടെ വിതരണം പൂര്‍ത്തിയായി

പാലാ ഉപതിരഞ്ഞെടുപ്പ്; പോളിംഗ് സാമഗ്രികളുടെ വിതരണം പൂര്‍ത്തിയായി പാലായില്‍ ഉപതിരഞ്ഞെടുപ്പിനോടനുബന്ധിച്ചുള്ള പോളിംഗ് സാമഗ്രികളുടെ വിതരണം പൂര്‍ത്തിയായി. ഉച്ചയോടെ വോട്ടിങ് യന്ത്രങ്ങളും വിവിപാറ്റുകളുമടക്കമുള്ള പോളിങ് സാമിഗ്രികളുടെ വിതരണം പൂര്‍ത്തിയായി. രാവിലെ 7 മുതല്‍ വൈകിട്ട് 6 മണിവരെ 176 ബൂത്തുകളിലാണ് വോട്ടെടുപ്പ് നടക്കുന്നത്. ഏറ്റവും ആധുനികമായ എം 3 വോട്ടിങ് യന്ത്രങ്ങളാണ് പോളിങിന് ഉപയോഗിക്കുക. എല്ലാ ബൂത്തുകളിലും വിവിപാറ്റ് സംവിധാനവും ഏര്‍പ്പെടുത്തിയിട്ടുണ്ട്. കൂടാതെ അഞ്ച് മാതൃക ബൂത്തുകളും ഒരു വനിതാ നിയന്ത്രിത ബൂത്തും ഉണ്ട്. നാളെ രാവിലെ ആറ് മണിയോടെ മോക്ക് പോളിങ് നടക്കും. എഴ് മണിക്ക് വോട്ടിങ് ആരംഭിക്കും. അഞ്ച് പ്രശ്‌ന ബാധിത ബൂത്തുകളാണ് ഇവിടെയുള്ളത്. ഈ ബൂത്തുകളില്‍ എല്ലാ നടപടി ക്രമീകരണങ്ങളും വീഡിയോ ചിത്രീകരണം നടത്തും. സുരക്ഷയ്ക്കായി കേന്ദ്ര സേനയെയും വിന്യസിച്ചു.

നഴ്‌സിംഗ് വിദ്യാര്‍ഥിനിയെ പീഡിപ്പിക്കാന്‍ ശ്രമം; കോളേജ് സെക്രട്ടറി അറസ്റ്റില്‍

നഴ്‌സിംഗ് വിദ്യാര്‍ഥിനിയെ പീഡിപ്പിക്കാന്‍ ശ്രമം; കോളേജ് സെക്രട്ടറി അറസ്റ്റില്‍ നഴ്‌സിംഗ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച സംഭവത്തില്‍ ആന്ധ്രയിലെ വനിതാ നഴ്‌സിംഗ് കോളേജ് സെക്രട്ടറിയെ പൊലീസ് അറസ്റ്റ് ചെയ്തു. സെക്രട്ടറി എസ്.രമേശ്(42)ആണ് അറസ്റ്റിലായത്. തന്നെ പീഡിപ്പിച്ചുവെന്നും ലൈംഗികമായി സഹകരിക്കാന്‍ ആവശ്യപ്പെട്ടുവെന്നും ചൂണ്ടിക്കാട്ടി 22കാരിയായ പെണ്‍കുട്ടി പൊലീസില്‍ നല്‍കിയ പരാതിയുടെ അടിസ്ഥാനത്തിലാണ് സെക്രട്ടറിയെ അറസ്റ്റ് ചെയ്തത്. ക്രിമിനല്‍ നിയമം, നിര്‍ഭയ ആക്ട് തുടങ്ങിയ ഇന്ത്യന്‍ ശിക്ഷാ നിയമത്തിലെ വകുപ്പുകളുടെ അടിസ്ഥാനത്തിലാണ് ഇയാളെ പൊലീസ് അറസ്റ്റ് ചെയ്തത്. ഈ വകുപ്പുകള്‍ കൂടാതെ ലൈംഗിക പീഡനം, ക്രിമിനല്‍ ഭീഷണി ഈ വകുപ്പുകള്‍ കൂടി ചേര്‍ത്തതായി അഡീഷണല്‍ പൊലീസ് സൂപ്രണ്ട് പറഞ്ഞു. പട്ടികജാതി പട്ടികവര്‍ഗ നിയമത്തിലെ വകുപ്പുകള്‍ പ്രകാരവും കേസെടുത്തിട്ടുണ്ട്. ലൈംഗിക താത്പ്പര്യത്തിന് വഴങ്ങാത്തതിനെ തുടര്‍ന്ന് കഴിഞ്ഞ ജൂലായില്‍ സെക്രട്ടറിയുടെ മുറിയിലെത്തിയ പെണ്‍കുട്ടിയെ ലൈംഗികമായി ഉപദ്രവിക്കാന്‍ ശ്രമിച്ചുവെന്നും പിന്നീട് യുവതി കോളേജ് ഹോസ്റ്റല്‍ ഒഴിയുകയായിരുന്നെന്നും…

മദ്യം ഒറ്റയ്ക്ക് കുടിച്ചു തീര്‍ത്ത സ്ത്രീയെ കൊലപ്പെടുത്തിയ ആള്‍ പിടിയില്‍

മദ്യം ഒറ്റയ്ക്ക് കുടിച്ചു തീര്‍ത്ത സ്ത്രീയെ കൊലപ്പെടുത്തിയ ആള്‍ പിടിയില്‍ കൈപ്പള്ളിമുക്കില്‍ ആള്‍പാര്‍പ്പില്ലാത്ത വീട്ടില്‍ സ്ത്രീയുടെ മൃതദേഹം കണ്ടെത്തിയ സംഭവത്തില്‍ ഏഴംകുളം താന്നിവിള വീട്ടില്‍ ബാബുവിനെ (55) ചടയമംഗലം പൊലീസ് അറസ്റ്റ് ചെയ്തു. സ്ത്രീയുടെ ഒപ്പം മൂന്നു വര്‍ഷമായി താമസിച്ചു വന്ന ബാബു സംഭവത്തിനുശേഷം അപ്രത്യക്ഷനായിരുന്നു. ഇക്കഴിഞ്ഞ നാലിനാണ് ഇടമുളയ്ക്കല്‍ തുമ്പിക്കുന്ന് സ്വദേശിനി കുഞ്ഞുമോളെ വീട്ടിന്റെ ചായ്പില്‍ മരിച്ച നിലയില്‍ കണ്ടത്. സംഭവദിവസം ഇരുവരും ഒന്നിച്ചിരുന്ന് മദ്യപിച്ചിരുന്നു. കുപ്പിയിലുണ്ടായിരുന്ന ബാക്കി മദ്യം കുഞ്ഞുമോള്‍ കുടിച്ച് തീര്‍ത്തതില്‍ പ്രകോപിതനായാണ് ബാബു കൊല ചെയ്തത്. കുഞ്ഞുമോളുടെ മൂക്കിലും വായിലും കൂട്ടിപ്പിടിച്ച് ശ്വാസംമുട്ടിച്ച് കൊലപ്പെടുത്തുകയായിരുന്നുവെന്ന് പ്രതി വെളിപ്പെടുത്തി. തിരുവനന്തപുരം മെഡിക്കല്‍ കോളേജില്‍ നടത്തിയ പോസ്റ്റുമോര്‍ട്ടത്തില്‍ ശ്വാസംമുട്ടിച്ച് കൊലപ്പെടുത്തിയതാണെന്ന് തെളിഞ്ഞിരുന്നു. ഇതോടെ കൊല്ലം റൂറല്‍ എസ്.പി ഹരിശങ്കറിന്റെയും പുനലൂര്‍ ഡിവൈ.എസ്.പി അനില്‍ എസ്. ദാസിന്റെയും നേതൃത്വത്തില്‍ രൂപീകരിച്ച സ്‌പെഷ്യല്‍ സ്‌ക്വാഡ് പ്രതിയെ പിടികൂടുകയായിരുന്നു.