അപകട സമയത്ത് ശ്രീറാം മദ്യപിച്ചിരുന്നു: വഫയുടെ രഹസ്യമൊഴി പുറത്ത്

അപകട സമയത്ത് ശ്രീറാം മദ്യപിച്ചിരുന്നു: വഫയുടെ രഹസ്യമൊഴി പുറത്ത് മാധ്യമപ്രവര്‍ത്തകന്‍ കെ.എം. ബഷീര്‍ കൊല്ലപ്പെടാനിടയായ അപകടസമയത്ത് ശ്രീറാം വെങ്കിട്ടരാമന്‍ മദ്യലഹരിയിലാണ് കാറോടിച്ചതെന്ന് സഹയാത്രിക വഫ ഫിറോസിന്റെ മൊഴി. അമിതവേഗത്തില്‍ വാഹനമോടിച്ച് ബഷീറിനെ കൊലപ്പെടുത്തിയ സമയത്ത് ശ്രീറാം മദ്യപിച്ചിട്ടുണ്ടായിരുന്നുവെന്നാണ് വഫ മജിസ്‌ട്രേറ്റിന് നല്‍കിയ രഹസ്യമൊഴിയില്‍ പറയുന്നത്. ഫേസ്ബുക്കിലൂടെയാണ് ശ്രീറാമിനെ പരിചയം. രാത്രി സുഹൃത്തുക്കള്‍ക്ക് ഗുഡ് നൈറ്റ് മെസേജ് അയക്കാറുണ്ട്. പലപ്പോഴും മറുപടി ലഭിക്കാറില്ല. അപകടം നടന്ന ദിവസം ഗുഡ് നൈറ്റ് മെസേജ് അയച്ചപ്പോള്‍ ശ്രീറാം മറുപടി നല്‍കി. വാഹനം ഉണ്ടോയെന്ന് ശ്രീറാം തന്നോട് മെസേജിലൂടെ ചോദിച്ചു. ഉണ്ടെന്ന് മറുപടി നല്‍കിയപ്പോള്‍ കവടിയാര്‍ വരാമോ എന്ന് ചോദിച്ചു. രാത്രി ഒന്നോടെ കവടിയാര്‍ പാര്‍ക്കിന് സമീപത്തു നിന്ന് ശ്രീറാം കാറില്‍ കയറി. ആദ്യം താനാണ് കാര്‍ ഓടിച്ചത്. പിന്നീട് ഡ്രൈവ് ചെയ്യണമെന്ന് ശ്രീറാം ആവശ്യപ്പെട്ടു. താന്‍ സമ്മതിച്ചു. ശ്രീറാം വളരെ വേഗതയിലാണ്…

നെടുമ്പാശേരി വിമാനത്താവളത്തില്‍ നിന്ന് രണ്ട് കിലോ സ്വര്‍ണ്ണം പിടികൂടി

നെടുമ്പാശേരി വിമാനത്താവളത്തില്‍ നിന്ന് രണ്ട് കിലോ സ്വര്‍ണ്ണം പിടികൂടി നെടുമ്പാശേരി അന്താരാഷ്ട്ര വിമാനത്താവളത്തില്‍ രണ്ട് കിലോ സ്വര്‍ണ്ണം പിടികൂടി. സംഭവത്തില്‍ വിമാനത്താവളത്തിലെ ജീവനക്കാരുള്‍പ്പെടെ ആറുപേരെ റവന്യൂ ഇന്റലിജന്‍സ് കസ്റ്റഡിയിലെടുത്തു. അര കിലോ തൂക്കമുള്ള നാല് സ്വര്‍ണ്ണ ബിസ്‌ക്കറ്റുകളാണ ഡിആര്‍ഐ ഉദ്യോഗസ്ഥര്‍ പിടികൂടിയത്. ദുബായില്‍ നിന്നും രാവിലെ നെടുമ്പാശേരിയിലെത്തിയ തിരുവനന്തപുരം വാമനപുരം സ്വദേശി നജീബില്‍ നിന്നുമാണ് സ്വര്‍ണ്ണം പിടികൂടിയത്. വിമാനത്തില്‍ നിന്നിറങ്ങിയ നജീബ് എമിഗ്രേഷന്‍ ഭാഗത്തുള്ള പുകവലി മുറിയിലേക്ക് പോവുകയായിരുന്നു. അവിടെ വച്ച് ഗ്രൗണ്ട് ഹാന്റ്‌ലിങ് വിഭാഗത്തിലെ ഡ്രൈവര്‍മാരായ പി.എന്‍ മിഥുനും അമല്‍ ഭാസിക്കും സ്വര്‍ണ്ണ ബിസ്‌ക്കറ്റുകള്‍ കൈമാറുന്നതിനിടെയാണ് ഡിആര്‍ഐ സംഘം മൂവരെയും പിടികൂടിയത്. തുടര്‍ന്ന് ഇവരെ ചോദ്യം ചെയ്തപ്പോള്‍ സ്വര്‍ണ്ണം വാങ്ങാനായി മൂന്ന് ഇടനിലക്കാര്‍ വിമാനത്താവളത്തിന് പുറത്ത് നില്‍പ്പുണ്ടെന്ന് വിവരം ലഭിച്ചു. ഇതോടെ ഡിആര്‍ഐ സംഘം സ്വര്‍ണ്ണം കൈമാറാനെന്ന വ്യാജേന ഇവരെ ഫോണില്‍ വിളിച്ചു വരുത്തി കസ്റ്റഡിയിലെടുക്കുകയായിരുന്നു.

പത്തനംതിട്ടയില്‍ നിയന്ത്രണം വിട്ട സ്വകാര്യ ബസ് മരത്തിലിടിച്ച് നിരവധിപേര്‍ക്ക് പരുക്ക്

പത്തനംതിട്ടയില്‍ നിയന്ത്രണം വിട്ട സ്വകാര്യ ബസ് മരത്തിലിടിച്ച് നിരവധിപേര്‍ക്ക് പരുക്ക് പത്തനംത്തിട്ട വടശ്ശേരിക്കരയില്‍ നിയന്ത്രണം വിട്ട സ്വകാര്യ ബസ് മരത്തിലിടിച്ച് അപകടം. അപകടത്തില്‍ 30 ഓളം പേര്‍ക്ക് പരുക്കേറ്റു. ആങ്ങമൂഴി അടൂര്‍ റൂട്ടില്‍ സര്‍വ്വീസ് നടത്തുന്ന ബസാണ് അപകടത്തില്‍പ്പെട്ടത്. പരുക്കേറ്റവരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. ആരുടെയും നില ഗുരുതരമല്ല.

നികുതി വെട്ടിപ്പ്: നടന്‍ വിശാലിനെതിരേ ജാമ്യമില്ലാ അറസ്റ്റ് വാറണ്ട്

നികുതി വെട്ടിപ്പ്: നടന്‍ വിശാലിനെതിരേ ജാമ്യമില്ലാ അറസ്റ്റ് വാറണ്ട് തമിഴ് നടന്‍ വിശാലിനെതിരേ നികുതിവെട്ടിപ്പ് കേസില്‍ കോടതി ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചു. വിശാലിന്റെ പേരിലുള്ള നിര്‍മ്മാണ കമ്പനി നികുതി വെട്ടിപ്പ് നടത്തിയെന്ന കേസിലാണ് എഗ്മോര്‍ കോടതി അറസ്റ്റ് വാറന്റ് പുറപ്പെടുവിച്ചത്. തമിഴ് അഭിനേതാക്കളുടെ സംഘടനയായ നടികര്‍ സംഘത്തിന്റെ പ്രസിഡന്റ് കൂടിയായ വിശാല്‍ തന്റെ നിര്‍മ്മാണക്കമ്പനിയിലെ ജീവനക്കാരുടെ ശമ്പളത്തില്‍ നിന്ന് ആദായ നികുതി ഇനത്തില്‍ പണം പിടിച്ചെങ്കിലും അത് അടച്ചിരുന്നില്ല. കഴിഞ്ഞ അഞ്ച് വര്‍ഷമായി ഇത്തരത്തില്‍ ജീവനക്കാരില്‍ നിന്ന് കമ്പനി പണം പിടിച്ചിരുന്നു. ഈ പരാതിയുമായി ബന്ധപ്പെട്ട് 2017ല്‍ വടപളനിയിലെ വിശാല്‍ ഫിലിം ഫാക്ടറിയില്‍ ആദായനികുതി വകുപ്പ് റെയ്ഡ് ചെയ്തിരുന്നു. തുടര്‍ന്നാണ് നടപടി. ജൂലൈ 24നായിരുന്നു കേസില്‍ വിശാല്‍ ഹാജരാകേണ്ടിയിരുന്നത്. എന്നാല്‍ വിശാല്‍ എത്താതിരുന്നതിനാല്‍ വിചാരണ ഓഗസ്റ്റ് 28ലേക്ക് മാറ്റിയിരിക്കുകയാണ്.

ടോമിന്‍ തച്ചങ്കരിയുടെ ഭാര്യ അനിത തച്ചങ്കരി നിര്യാതയായി

ടോമിന്‍ തച്ചങ്കരിയുടെ ഭാര്യ അനിത തച്ചങ്കരി നിര്യാതയായി എ ഡി ജി പി ടോമിന്‍ തച്ചങ്കരിയുടെ ഭാര്യ അനിത തച്ചങ്കരി നിര്യാതയായി. 54 വയസായിരുന്നു. എറണാകുളത്തെ വീട്ടില്‍ പുലര്‍ച്ചെ മൂന്നിനായിരുന്നു അന്ത്യം. ഏറെ നാളുകളായി അസുഖബാധിതയായി ചികില്‍സയിലായിരുന്നു. വസതിയില്‍ പൊതുദര്‍ശനത്തിനു ശേഷം സംസ്‌കാരം ചൊവ്വാഴ്ച രാവിലെ പതിനൊന്നിന് കൊച്ചി കോന്തുരുത്തി സെന്റ് ജോണ്‍ നെപുംസ്യാന്‍സ് പള്ളിയില്‍ നടക്കും. പരേതരായ കുറന്തോട്ടത്തില്‍ വര്‍ഗീസ് ചെറിയാന്റെയും ബഹ്‌റൈനില്‍ ഡോക്ടര്‍ ആയിരുന്ന മേരി ചാക്കോയുടെയും മകളാണ്. കൊച്ചിയിലെ സിനിമാ ,ടി വി പ്രൊഡക്ഷന്‍ സ്റ്റുഡിയോ ആയ റിയാന്‍ സ്റ്റുഡിയോയുടെ എം ഡിയായിരുന്നു അനിത തച്ചങ്കരി. വിദേശത്തെയും ഇന്ത്യയിലെയും പഠത്തിന് ശേഷം കുടുംബ ബിസിനസ് ഏറ്റെടുത്ത് നടത്തുകയായിരുന്നു അവര്‍. മൃഗസ്‌നേഹി ആയിരുന്ന അനിത, തെരുവുനായ്ക്കളുടെ ക്ഷേമത്തിനായും പ്രവര്‍ത്തിച്ചു. കാര്‍ഷിക രംഗത്ത് പ്രത്യേക വ്യക്തി മുദ്ര പതിപ്പിച്ചിരുന്ന അനിത ലണ്ടന്‍ സ്‌കൂള്‍ ഓഫ് മ്യൂസിക്കില്‍…

ശ്രീറാം വെങ്കിട്ടരാമന്റെ കാറിടിച്ച് മരണപ്പെട്ട മാധ്യമ പ്രവര്‍ത്തകന്‍ കെ എം ബഷീറിനെ ഖബറടക്കി

ശ്രീറാം വെങ്കിട്ടരാമന്റെ കാറിടിച്ച് മരണപ്പെട്ട മാധ്യമ പ്രവര്‍ത്തകന്‍ കെ എം ബഷീറിനെ ഖബറടക്കി സര്‍വ്വേ ഡയറക്ടര്‍ ശ്രീറാം വെങ്കിട്ടരാമന്റെ കാറിടിച്ച് മരിച്ച മാധ്യമ പ്രവര്‍ത്തകന്‍ കെ എം ബഷീറിനെ ഖബറടക്കി. കോഴിക്കോട് ചെറുവണ്ണൂരില്‍ കുടുംബ വീടിന് അടുത്ത് പുലര്‍ച്ചെ അഞ്ച് മണിക്കായിരുന്നു ഖബറടക്കം. ഇന്നലെ മലപ്പുറം വാണിയന്നൂരെ വീട്ടില്‍ പൊതുദര്‍ശനത്തിന് വച്ച ശേഷമാണ് മൃതദേഹം കോഴിക്കോട്ടേക്ക് കൊണ്ടുവന്നത്. നാട്ടുകാരും ബന്ധുക്കളുമടക്കം നൂറ് കണക്കിന് ആളുകളാണ് ബഷീറിന് അന്തിമോപചാരം അര്‍പ്പിക്കാനെത്തിയത്. അതേസമയം ശ്രീറാം വെങ്കിട്ടരാമനെതിരായ കേസ് അട്ടിമറിക്കാന്‍ നീക്കം നടക്കുന്നതായി സംശയമുണ്ടെന്ന് മാധ്യമപ്രവര്‍ത്തകന്‍ കെ എം ബഷീറിന്റെ ബന്ധുക്കള്‍. ഉന്നത ഐഎഎസ് ഓഫീസര്‍ പ്രതിയായതിനാല്‍ കേസ് ദുര്‍ബലമാക്കാന്‍ നീക്കം നടക്കുന്നുണ്ട്. ശ്രീറാമിന്റെ രക്തസാംപിള്‍ ശേഖരിക്കാന്‍ വൈകിയത് ഇതുകൊണ്ടാണ്. കേസിലെ സാക്ഷികളെ സ്വാധീനിക്കാന്‍ സാധ്യതയുണ്ടെന്നും ബഷീറിന്റെ സഹോദരന്‍ ആശങ്ക പ്രകടിപ്പിച്ചു. എന്നാല്‍ ശ്രീറാം വെങ്കിട്ടരാമന്റെ രക്തപരിശോധനഫലം ഇന്ന് ലഭിക്കും. അപകടം…

കോഴിക്കോട് യുവതിക്ക് നേരെ ആസിഡ് ആക്രമണം

കോഴിക്കോട് യുവതിക്ക് നേരെ ആസിഡ് ആക്രമണം കോഴിക്കോട് കാരശ്ശേരിയില്‍ യുവതിക്ക് നേരെ ആസിഡ് ആക്രമണം. കാരശ്ശേരി ആനയാത്ത് ക്ഷേത്രത്തിനടുത്ത് വച്ചായിരുന്നു ആക്രമണം. കാരശ്ശേരി സ്വദേശി സ്വപ്നയെ ആസിഡ് ഒഴിച്ച ശേഷം അക്രമി കത്തികൊണ്ട് കുത്തി പരിക്കേല്‍പ്പിക്കുകയും ചെയ്തു. വൈകീട്ട് ആറരയോടെയായിരുന്നു സംഭവം. ഗുരുതരമായി പരിക്കേറ്റ യുവതിയെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്. യുവതി നഗരത്തിലെ ആശുപത്രിയിലെ ജീവനക്കാരിയാണ്. ജോലി കഴിഞ്ഞ് വീട്ടിലേക്ക് മടങ്ങി വരുമ്പോഴായിരുന്നു ആക്രമണം. യുവതിയുടെ മുന്‍ഭര്‍ത്താവായ സുഭാഷാണ് ആക്രമണം നടത്തിയത്. സുഭാഷുമായി ബന്ധം വേര്‍പിരിഞ്ഞതാണ് യുവതി. യുവതിയ്ക്ക് ഭീഷണിയുണ്ടായിരുന്നുവെന്ന് അച്ഛന്‍ ബാലകൃഷ്ണന്‍ പറയുന്നു. യുവതിയെ ജീവിക്കാന്‍ അനുവദിക്കില്ലെന്ന് ഭര്‍ത്താവ് ഭീഷണിപ്പെടുത്തിയിരുന്നു. സംഭവത്തില്‍ മുക്കം പോലീസ് അന്വേഷണം ആരംഭിച്ചിട്ടുണ്ട്.

ന്യുമോണിയ ബാധിച്ചു: ഉന്നാവ് പെണ്‍കുട്ടിയുടെ ആരോഗ്യനില ഗുരുതരം

ന്യുമോണിയ ബാധിച്ചു: ഉന്നാവ് പെണ്‍കുട്ടിയുടെ ആരോഗ്യനില ഗുരുതരം വാഹനാപകടത്തില്‍ പരുക്കേറ്റ് ലഖ്‌നൗവിലെ കിംഗ് ജോര്‍ജ് ആശുപത്രിയില്‍ ചികിത്സയിലുള്ള ഉന്നാവ് പെണ്‍കുട്ടിക്ക് ന്യുമോണിയ ബാധിച്ചെന്ന് ഡോക്ടര്‍മാര്‍ അറിയിച്ചു. ഇതോടെ പെണ്‍കുട്ടിയുടെ ആരോഗ്യനില ഗുരുതരമായി തുടരുകയാണ്. പെണ്‍കുട്ടിക്ക് കഴിഞ്ഞ വ്യാഴാഴ്ച മുതല്‍ പനി അനുഭവപ്പെടുകയും തുടര്‍പരിശോധനയില്‍ ന്യുമോണിയ ബാധയുള്ളതായി കണ്ടെത്തുകയുമായിരുന്നു. ഇതോടെ ഡോക്ടര്‍മാര്‍ ആശങ്കയിലാണ്.

ശ്രീറാം വെങ്കിട്ടരാമന്‍ അറസ്റ്റില്‍

ശ്രീറാം വെങ്കിട്ടരാമന്‍ അറസ്റ്റില്‍ വാഹനാപകടത്തില്‍ മാധ്യമപ്രവര്‍ത്തകന്‍ കെ.എം ബഷീര്‍ കൊല്ലപ്പെട്ട സംഭവത്തില്‍ സര്‍വേ ഡയറക്ടര്‍ ശ്രീറാം വെങ്കിട്ടരാമന്‍ അറസ്റ്റില്‍. ആശുപത്രിയില്‍ എത്തിയ പൊലീസ് ജാമ്യമില്ലാ വകുപ്പ് ചുമത്തിയാണ് ശ്രീറാമിന്റെ അറസറ്റ് രേഖപ്പെടുത്തിയത്. ശ്രീറാമിനൊപ്പമുണ്ടായിരുന്ന സ്ത്രീയുടെ മൊഴിയുടെ അടിസ്ഥാനത്തിലാണ് അറസ്റ്റ്. റിമാന്‍ഡ് റിപ്പോര്‍ട്ട് മജിസ്ട്രേറ്റിന് മുന്നില്‍ ഇന്നുതന്നെ ഹാജരാക്കുമെന്നാണ് സൂചന. അതേസമയം പൊലീസ് കസ്റ്റഡിയില്‍ ശ്രീറാം ആശുപത്രിയില്‍ തുടരുമെന്നും റിപ്പോര്‍ട്ടുകളുണ്ട്. ഇന്നലെ രാത്രിയാണ് അമിതവേഗതയില്‍ വന്ന് കാറിടിച്ച് സിറാജ് ദിനപത്രത്തിലെ തിരുവനന്തപുരം യൂണിറ്റ് മേധാവി കെ എം ബഷീര്‍ മരിച്ചത്. തിരുവനന്തപുരം മ്യൂസിയം പൊലീസ് സ്റ്റേഷന് സമീപം പബ്ലിക് ഓഫീസിന് മുന്നില്‍ വെച്ചായിരുന്നു സംഭവം. കൊല്ലത്ത് സിറാജ് പ്രമോഷന്‍ കൗണ്‍സില്‍ യോഗത്തില്‍ പങ്കെടുത്ത ശേഷം തിരുവനന്തപുരം റെയില്‍വേ സ്റ്റേഷനില്‍ ഇറങ്ങി വീട്ടിലേക്ക് മടങ്ങുകയായിരുന്നു ബഷീര്‍. രാവിലെ ഡിജിപി ലോക്നാഥ് ബെഹ്റ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയിരുന്നു. സംഭവത്തില്‍…

ശ്രീറാം വെങ്കിട്ടരാമനെതിരെ കുരുക്ക് മുറുകുന്നു: ജാമ്യമില്ലാ കുറ്റം ചുമത്താന്‍ ഡി.ജി.പിയുടെ നിര്‍ദ്ദേശം

ശ്രീറാം വെങ്കിട്ടരാമനെതിരെ കുരുക്ക് മുറുകുന്നു: ജാമ്യമില്ലാ കുറ്റം ചുമത്താന്‍ ഡി.ജി.പിയുടെ നിര്‍ദ്ദേശം സിറാജ് പത്രത്തിന്റെ തിരുവനന്തപുരം യൂണിറ്റ് ചീഫ് കെഎം ബഷീറിനെ കാറിടിച്ചു കൊന്ന കേസില്‍ ഐ.എ.എസ് ഉദ്യോഗസ്ഥനായ ശ്രീറാം വെങ്കിട്ടരാമനെതിരെ കുരുക്കു മുറുകുന്നു. കേസില്‍ ശ്രീറാം വെങ്കിട്ടരാമനെതിരെ ജാമ്യമില്ലാ കുറ്റം ചുമത്താന്‍ ഡി.ജി.പി നിര്‍ദ്ദേശം നല്‍കി. അപകടമുണ്ടാക്കിയ കാറോടിച്ചത് താനല്ലെന്നും സുഹൃത്തായ യുവതിയാണെന്നുമുള്ള ശ്രീറാമിന്റെ മൊഴി തള്ളിയ പൊലീസ് വണ്ടിയോടിച്ചത് ശ്രീറാം തന്നെയാണെന്ന് സ്ഥിരീകരിച്ചു. ഇതോടെ ശ്രീറാമിനെതിരെ ജാമ്യമില്ലാ കുറ്റം ചുമത്തി കേസെടുക്കാന്‍ സംസ്ഥാന പൊലീസ് മേധാവി ലോക്‌നാഥ് ബെഹ്‌റ തിരുവനന്തപുരം സിറ്റി പൊലീസ് കമ്മീഷണര്‍ക്ക് നിര്‍ദേശം നല്‍കുകയായിരുന്നു. ഇപ്പോള്‍ തിരുവനന്തപുരത്തെ സ്വകാര്യ ആശുപത്രിയിലുള്ള ശ്രീറാമിനെ കേസില്‍ പ്രതിയാക്കിയ ശേഷം ആശുപത്രിയില്‍ എത്തി അറസ്റ്റ് രേഖപ്പെടുത്തും. ഇന്ന് വൈകീട്ട് അഞ്ച് മണിയോടെ അറസ്റ്റ് രേഖപ്പെടുത്തുമെന്ന് മ്യൂസിയം പൊലീസ് അറിയിച്ചു. കൂടാതെ അറസ്റ്റ് രേഖപ്പെടുത്തിയതിന് ശേഷം മെഡിക്കല്‍…