കോട്ടയം മെഡിക്കല്‍ കോളജില്‍ കണ്ടെത്തിയ കത്തിക്കരിഞ്ഞ മൃതദേഹം ലോട്ടറി വില്‍പ്പനക്കാരിയുടേത്

കോട്ടയം മെഡിക്കല്‍ കോളജില്‍ കണ്ടെത്തിയ കത്തിക്കരിഞ്ഞ മൃതദേഹം ലോട്ടറി വില്‍പ്പനക്കാരിയുടേത് കോട്ടയം മെഡിക്കല്‍ കോളജില്‍ കത്തിക്കരിഞ്ഞ നിലയില്‍ കണ്ടെത്തിയ മൃതദേഹം തിരിച്ചറിഞ്ഞു. ലോട്ടറി വില്‍പ്പനക്കാരി തൃക്കൊടിത്താനം പടിഞ്ഞാറേപ്പറമ്പില്‍ പൊന്നമ്മ (55)യുടെതാണു മൃതദേഹം. മെഡിക്കല്‍ കോളജിലെ കാന്‍സര്‍ വാര്‍ഡിനു സമീപം ശനിയാഴ്ച ഉച്ചയ്ക്കാണ് മൃതദേഹം കണ്ടത്. എട്ടു ദിവസം മുമ്പ്് മുതല്‍ അമ്മയെ കാണാനില്ലെന്ന പരാതിയുമായി തൃക്കൊടിത്താനം സ്വദേശിയായ യുവതി മെഡിക്കല്‍ കോളജിലെ പോലീസ് എയ്ഡ് പോസ്റ്റില്‍ എത്തിയിരുന്നു. ഇതേതുടര്‍ന്ന് ഇവരെ വിളിച്ചു വരുത്തിയ പോലീസ് സംഘം വസ്ത്രങ്ങളും മൃതദേഹത്തില്‍നിന്നു ലഭിച്ച വളയും കാണിച്ചു. ഇതോടെയാണ് മൃതദേഹം പൊന്നമ്മയുടേതാണെന്ന് സൂചന ലഭിച്ചത്. മെഡിക്കല്‍ കോളജ് പരിസരത്ത് ലോട്ടറി വില്‍പ്പന നടത്തുന്ന പൊന്നമ്മ ആഴ്ചയിലൊരിക്കലാണ് മകളുടെ വീട്ടിലേക്ക് പോകുന്നത്. കഴിഞ്ഞ ആഴ്ച ഇവര്‍ വീട്ടില്‍ എത്താതെ വന്നതോടെയാണ് മകള്‍ പരാതിയുമായെത്തിയത്. ഇതിനിടെ പൊലീസ് നടത്തിയ അന്വേഷണത്തില്‍ കഴിഞ്ഞ 8 ദിവസമായി…

സി.പി.എം അപവാദപ്രചാരണം തുടര്‍ന്നാല്‍ മക്കള്‍ക്കൊപ്പം ആത്മഹത്യ ചെയ്യുമെന്ന് സാജന്റെ ഭാര്യ

സി.പി.എം അപവാദപ്രചാരണം തുടര്‍ന്നാല്‍ മക്കള്‍ക്കൊപ്പം ആത്മഹത്യ ചെയ്യുമെന്ന് സാജന്റെ ഭാര്യ സിപിഎമ്മിനെതിരേ രൂക്ഷ വിമര്‍ശനവുമായി ആന്തൂരില്‍ ആത്മഹത്യ ചെയ്ത പ്രവാസി വ്യവസായിയുടെ ഭാര്യ ബീനയും മക്കളും. തനിക്കും കുടുംബത്തിനുമെതിരെ പാര്‍ട്ടി അപവാദപ്രചാരണം നടത്തുകയാണെന്നും, പാര്‍ട്ടി മുഖപത്രത്തിനെതിരേ നിയമനടപടി സ്വീകരിക്കുമെന്നും ബീന വാര്‍ത്താ സമ്മേളനത്തില്‍ പറഞ്ഞു. അപവാദപ്രചാരണം തുടര്‍ന്നാല്‍ ഭര്‍ത്താവ് പോയ വഴയില്‍ മക്കളെയും കൊണ്ട് തനിക്കും പോകേണ്ടിവരുമെന്നും ബിന പറഞ്ഞു. അപവാദം പ്രചരിപ്പിക്കുന്നവര്‍ തന്റെ മകളെ കുറിച്ചെങ്കിലും ഓര്‍ക്കണം. കുട്ടികള്‍ തനിക്കെതിരെ മൊഴി നല്‍കിയെന്നത് വ്യാജപ്രചാരണം മാത്രമാണ്. ഒരു വിധ കുടുംബ പ്രശ്നങ്ങളും ഉണ്ടായിരുന്നില്ല. ലോകം ഒരുപാട് കണ്ട സാജന്‍ ഒരു നിസാര കാരണത്തിന്റെ പേരില്‍ ആത്മഹത്യ ചെയ്യില്ലെന്നും ബീന പറഞ്ഞു. കുടംബപ്രശ്നങ്ങള്‍ ഉണ്ടായിട്ടുണ്ടെന്ന് മൊഴി നല്‍കിയിട്ടില്ലെന്ന് മകളും വാര്‍ത്താ സമ്മേളനത്തില്‍ പറഞ്ഞു. വീട്ടില്‍ പ്രശ്നങ്ങള്‍ ഉണ്ടായിരുന്നില്ലെന്നാണ് താന്‍ നല്‍കിയ മൊഴി. അത് റെക്കോര്‍ഡുകള്‍ പരിശോധിച്ചാല്‍ മനസിലാകുമെന്നും…

സ്‌കൂളില്‍ പോകാതിരിക്കാന്‍ തട്ടികൊണ്ടുപോകല്‍ നാടകം; ഒന്‍പതാം ക്ലാസുകാരന്റെ കള്ളപ്പരാതിയില്‍ വെട്ടിലായി യുവാവ്

സ്‌കൂളില്‍ പോകാതിരിക്കാന്‍ തട്ടികൊണ്ടുപോകല്‍ നാടകം; ഒന്‍പതാം ക്ലാസുകാരന്റെ കള്ളപ്പരാതിയില്‍ വെട്ടിലായി യുവാവ് സ്‌കൂളില്‍ പോകാതിരിക്കാന്‍ ഒന്‍പതാം ക്ലാസുകാരന്റെ സംഭവിച്ചിട്ടില്ലാത്ത തട്ടിക്കൊണ്ട് പോകല്‍ പരാതിയില്‍ പുലിവാല്‍ പിടിച്ച് ചാലക്കുടി സ്വദേശി ദിലീപ് നാരായണന്‍. കഴിഞ്ഞ തിങ്കളാഴ്ചയാണ് സംഭവം. ആലപ്പുഴ ആദിക്കാട്ടുകുളങ്ങര സ്വദേശിയായ വിദ്യാര്‍ത്ഥിയെ തട്ടിക്കൊണ്ട് പോകാന്‍ ശ്രമിച്ചെന്ന കള്ളപ്പരാതിയില്‍ വെട്ടിലായിരിക്കുകയാണ് ദിലീപ്. തട്ടിക്കൊണ്ട് പോകാന്‍ വന്നവരില്‍ നിന്ന് രക്ഷപെട്ടെന്ന പേരില്‍ വിദ്യാര്‍ത്ഥി അടുത്തുള്ള വീട്ടില്‍ ഓടിക്കയറുകയായിരുന്നു. കറുത്ത ജീപ്പിലാണ് തന്നെ തട്ടിക്കൊണ്ട് പോകാന്‍ ശ്രമിച്ചതെന്നാണ് കുട്ടി പറഞ്ഞത്. വാഹനത്തിന്റെ നമ്പര്‍ സഹിതം കുട്ടി നാട്ടുകാരോടും പൊലീസിനോടും പറയുകയായിരുന്നു. തുടര്‍ന്ന് പൊലീസ് നടത്തിയ അന്വേഷണത്തില്‍ വാഹനം ചാലക്കുടി സ്വദേശിയുടേതാണെന്ന് കണ്ടെത്തി. വാഹന ഉടമയുടെ വീട്ടിലെത്തിയ ചാലക്കുടി പൊലീസ് വണ്ടിയും ഉടമയും വീട്ടില്‍ തന്നെയുണ്ടെന്ന് നൂറനാട് പൊലീസിനെ അറിയിച്ചു. ഇതിനിടയില്‍ കുട്ടിയെ തട്ടിക്കൊണ്ട് പോകാന്‍ ശ്രമിച്ചെന്ന പേരില്‍ വണ്ടിയുടെ വിഡിയോ പ്രചരിക്കുകയും…

ആലപ്പുഴ മെഡിക്കല്‍ കോളേജില്‍ വൃദ്ധയുടെ മാല പൊട്ടിക്കാന്‍ ശ്രമിച്ച തമിഴ്നാട് സ്വദേശിനി പിടിയില്‍

ആലപ്പുഴ മെഡിക്കല്‍ കോളേജില്‍ വൃദ്ധയുടെ മാല പൊട്ടിക്കാന്‍ ശ്രമിച്ച തമിഴ്നാട് സ്വദേശിനി പിടിയില്‍ ആലപ്പുഴ മെഡിക്കല്‍ കോളേജില്‍ വൃദ്ധയുടെ മാല പൊട്ടിക്കാന്‍ ശ്രമിച്ച യുവതി പിടിയില്‍. തമിഴ്നാട് സേലം പിള്ളയാര്‍കോവില്‍ ദിവ്യ (30) ആണ്് പിടിയിലായത്. ആലപ്പുഴ വടക്കന്‍ ആര്യാട് കുന്നേല്‍വെളിയില്‍ തിലകന്റെ ഭാര്യ മീനാക്ഷി (65)യുടെ മാലയാണ് ഇവര്‍ മോഷ്ടിക്കാന്‍ ശ്രമിച്ചത്. ആലപ്പുഴ വണ്ടാനം മെഡിക്കല്‍ കോളേജിലെ ആര്‍ എസ് ബി വൈ കൗണ്ടറിനു മുന്നില്‍ വെച്ച് വെള്ളിയാഴ്ച ഉച്ചക്ക് ഒരു മണിയോടെയാണ് സംഭവം. അത്യാഹിത വിഭാഗത്തില്‍ ഗുരുതരാവസ്ഥയില്‍ക്കഴിയുന്ന ഭര്‍ത്താവിന്റെ ചികിത്സക്കായി പണമടയ്ക്കാന്‍ നില്‍ക്കുകയായിരുന്നു മീനാക്ഷി. തുടര്‍ന്ന് ഇവരുടെ മാലപൊട്ടിക്കാന്‍ ശ്രമം നടത്തിയ ദിവ്യയെ മീനാക്ഷിയും മറ്റുള്ളവരും ചേര്‍ന്ന് പിടികൂടുകയായിരുന്നു. ദിവ്യ നേരത്തേയും മാല മോഷണത്തിന് ജയില്‍ ശിക്ഷ അനുഭവിച്ചിട്ടുണ്ടെന്ന് പോലീസ് അറിയിച്ചു.

ആദിവാസി കുടുംബങ്ങള്‍ക്ക് വീട് വാഗ്ദാനം നല്‍കി പറ്റിച്ചെന്ന പരാതി; മഞ്ജു വാര്യരോട് ഹിയറിങിന് ഹാജരാകാന്‍ നിര്‍ദ്ദേശം

ആദിവാസി കുടുംബങ്ങള്‍ക്ക് വീട് വാഗ്ദാനം നല്‍കി പറ്റിച്ചെന്ന പരാതി; മഞ്ജു വാര്യരോട് ഹിയറിങിന് ഹാജരാകാന്‍ നിര്‍ദ്ദേശം ആദിവാസി കുടുംബങ്ങള്‍ക്ക് വീട് നിര്‍മിച്ച് നല്‍കാമെന്ന് വാഗ്ദാനം നല്‍കി വഞ്ചിച്ചെന്ന പരാതിയില്‍ നേരിട്ട് ഹാജരാകാന്‍ നടി മഞ്ജു വാര്യര്‍ക്ക് ജില്ലാ ലീഗല്‍ സര്‍വീസസ് അതോറിറ്റിയുടെ നോട്ടീസ്. തിങ്കളാഴ്ച ഓഫീസില്‍ വെച്ച് നടക്കുന്ന സിറ്റിങ്ങില്‍ നടി നേരിട്ട് ഹാജരാകണമെന്നാണ് റിപ്പോര്‍ട്ടില്‍ പറയുന്നത്. 2017 ജനുവരി 20നാണ് മഞ്ജുവാര്യര്‍ നേരിട്ട് നടത്തുന്ന ഫൗണ്ടേഷന്‍ പനമരം പഞ്ചായത്തിലെ പണിയാ വിഭാഗത്തിലെ 57 കുടുംബങ്ങള്‍ക്ക് വീട് നിര്‍മിച്ച് തരാമെന്ന് വാഗ്ദാനം ചെയ്തിരുന്നത്. പ്രളയത്തില്‍ വ്യാപക നാശമുണ്ടായ സ്ഥലങ്ങളാണ് പരക്കുനി, പരപ്പില്‍ പ്രദേശങ്ങള്‍. പ്രളയത്തെ തുടര്‍ന്ന് പുനരധിവാസ ഫണ്ട് വിനിയോഗം സംബന്ധിച്ച ആലോചനയില്‍ ഒന്നേമുക്കാല്‍ കോടിയിലധികം രൂപ ചെലവഴിച്ച് മഞ്ജു വാര്യര്‍ ഫൗണ്ടേഷന്‍ 57 ആദിവാസി കുടുംബങ്ങള്‍ക്ക് വീടു നിര്‍മിച്ചുനല്‍കുമെന്ന് വാഗ്ദാനം ചെയ്തതിനാല്‍ ഇനി ഇവിടെ വേറെ…

സുഹൃത്തുക്കളുടെ മാനസിക പീഡനം: നിയമ വിദ്യാര്‍ത്ഥി ആത്മഹത്യ ചെയ്തു

സുഹൃത്തുക്കളുടെ മാനസിക പീഡനം: നിയമ വിദ്യാര്‍ത്ഥി ആത്മഹത്യ ചെയ്തു നോയിഡയില്‍ സുഹൃത്തുക്കളുടെ മാനസിക പീഡനത്തെ തുടര്‍ന്ന് നിയമ വിദ്യാര്‍ത്ഥി ആത്മഹത്യ ചെയ്തു. തന്റെ മരണകാരണം സുഹൃത്തുക്കളുടെ ഉപദ്രവും മാനസിക പീഡനവുമാണെന്ന് മരിക്കുന്നതിനു മുന്‍പ് യുവാവ് മൊബൈല്‍ ഫോണില്‍ ചിത്രീകരിച്ച വീഡിയോയില്‍ പറഞ്ഞിരുന്നു. സംഭവത്തില്‍ വിദ്യാര്‍ത്ഥിയുടെ പിതാവ് നല്‍കിയ പരാതിയുടെ അടിസ്ഥാനത്തില്‍ യുവാവിന്റെ സുഹൃത്തുക്കളായ നാലുപേര്‍ക്കെതിരെ കേസെടുത്തു. ഇവര്‍ക്കെതിരെ ആത്മഹത്യാ പ്രേരണക്കുറ്റമാണ് ചുമത്തിയിരിക്കുന്നത്. വിപിന്‍ വര്‍മ(20) ശാസ്ത്രി നഗര്‍ റോഡിലെ വീട്ടില്‍ വെച്ചാണ് ആത്മഹത്യ ചെയ്തത്. ജൂലൈ 11-നാണ് വിപിനെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്. മൂന്നാം വര്‍ഷ നിയമ വിദ്യാര്‍ത്ഥിയായിരുന്നു വിപിന്‍. ജൂണ്‍ 14 മുതല്‍ നാലുസുഹൃത്തുക്കള്‍ ചേര്‍ന്ന് തന്നെ മാനസികമായി പീഡിപ്പിക്കുകയാണെന്നും മനോവിഷമം താങ്ങാനാവാത്തത് കൊണ്ടാണ് ആത്മഹത്യ ചെയ്യുന്നതെന്നും ആത്മഹത്യയ്ക്ക് മുന്‍പ് ചിത്രീകരിച്ച വീഡിയോയില്‍ വിദ്യാര്‍ത്ഥി പറയുന്നു. വീട്ടില്‍ ആരുമില്ലാതിരുന്ന സമയത്താണ് വിപിന്‍ ആത്മഹത്യ…

യൂണിവേഴ്‌സിറ്റി കോളജില്‍ വിദ്യാര്‍ത്ഥിയെ കുത്തിപ്പരിക്കേല്‍പ്പിച്ച കേസില്‍ പ്രതികളായ എസ്എഫ്ഐ നേതാക്കള്‍ പിഎസ്സി പട്ടികയിലെ ഉന്നത റാങ്കുകാര്‍: ദുരൂഹത

യൂണിവേഴ്‌സിറ്റി കോളജില്‍ വിദ്യാര്‍ത്ഥിയെ കുത്തിപ്പരിക്കേല്‍പ്പിച്ച കേസില്‍ പ്രതികളായ എസ്എഫ്ഐ നേതാക്കള്‍ പിഎസ്സി പട്ടികയിലെ ഉന്നത റാങ്കുകാര്‍: ദുരൂഹത തിരുവനന്തപുരം യൂണിവേഴ്‌സിറ്റി കോളജില്‍ മൂന്നാം വര്‍ഷ ബിരുദ വിദ്യാര്‍ത്ഥി അഖിലിനെ കുത്തിപ്പരിക്കേല്‍പ്പിച്ച കേസില്‍ പ്രതികളായ എസ്എഫ്ഐ നേതാക്കള്‍ പിഎസ്സി റാങ്ക് പട്ടികയിലെ ഉന്നത റാങ്കുകാര്‍. കണ്ണൂര്‍ ആസ്ഥാനമായ കെഎപി 4 ബറ്റാലിയനിലെ പോലീസ് കോണ്‍സ്റ്റബിള്‍ നിയമനത്തിനുള്ള റാങ്ക് പട്ടികയിലാണ് പ്രതികള്‍ എല്ലാവരും ഇടംപിടിച്ചത്. കേസിലെ ഒന്നാം പ്രതിയും എസ്എഫ്ഐ യൂണിറ്റ് പ്രസിഡന്റുമായ ശിവരഞ്ജിത്താണ് റാങ്ക് പട്ടികയില്‍ ഒന്നാം സ്ഥാനത്തുള്ളത്. കേസിലെ രണ്ടാം പ്രതിയും എസ്എഫ്ഐ യൂണിറ്റ് സെക്രട്ടറിയുമായ എ.എന്‍. നസീം പട്ടികയിലെ 28ാം റാങ്കുകാരനാണ്. 65.33 മാര്‍ക്കാണ് നസീമിന് ലഭിച്ചത്. പട്ടികയിലെ മൂന്നാം റാങ്കുകാരന്‍ പി.പി. പ്രണവും എസ്എഫ്ഐ യൂണിറ്റ് കമ്മിറ്റി അംഗമാണ്. ഇവരെല്ലാം കാസര്‍ഗോട്ടെ പരീക്ഷ തിരുവനന്തപുരത്തെ യൂണിവേഴ്സിറ്റി കോളേജിലാണ് എഴുതിയത്. ഇവയെല്ലാം വിരല്‍ ചൂണ്ടുന്നത് പി…

മുക്കത്ത് ജ്വല്ലറിയില്‍ തോക്ക് ചൂണ്ടിക്കവര്‍ച്ച: നാല്‍പ്പത് പവനില്‍ അധികം സ്വര്‍ണം കവര്‍ന്നു

മുക്കത്ത് ജ്വല്ലറിയില്‍ തോക്ക് ചൂണ്ടിക്കവര്‍ച്ച: നാല്‍പ്പത് പവനില്‍ അധികം സ്വര്‍ണം കവര്‍ന്നു കോഴിക്കോട് ഓമശ്ശേരിയില്‍ തോക്ക് ചൂണ്ടി ജ്വല്ലറിയില്‍ നിന്ന് സ്വര്‍ണം കവര്‍ന്നു. ജ്വല്ലറിയില്‍ നിന്ന് നാല്‍പ്പത് പവനില്‍ അധികം സ്വര്‍ണം കവര്‍ന്നു. കവര്‍ച്ചാ സംഘത്തില്‍ ഉണ്ടായിരുന്ന ഒരാളെ ജ്വല്ലറി ജീവനക്കാര്‍ പിടികൂടി. മറ്റുള്ളവര്‍ ഓടി രക്ഷപ്പെട്ടു. മുക്കം ഓമശ്ശേരിയില്‍ പ്രവര്‍ത്തിക്കുന്ന ശാന്തി ജ്വല്ലറിയിലാണ് കവര്‍ച്ച നടന്നത്. രാത്രി ഏഴരയോടെ ജ്വല്ലറി അടയ്ക്കാന്‍ തുടങ്ങുന്ന സമയത്താണ് നാല് ഇതര സംസ്ഥാനക്കാര്‍ കവര്‍ച്ചക്കായി എത്തിയത്. ഇവര്‍ തോക്കുചൂണ്ടി എല്ലാവരെയും ഭയപ്പെടുത്തി സ്വര്‍ണാഭരണങ്ങള്‍ കവരുകയായിരുന്നു. ഇവര്‍ മുഖംമൂടി ധരിച്ചിരുന്നു. ആഭരണങ്ങളുമായി കടന്നുകളയാനുള്ള ശ്രമത്തിനിടെയാണ് സംഘത്തിലെ ഒരാളെ ജ്വല്ലറി ജീവനക്കാര്‍ കീഴ്‌പ്പെടുത്തിയത്. ആക്രമണത്തില്‍ രണ്ട് ജീവനക്കാര്‍ക്ക് പരിക്കേറ്റിട്ടുണ്ട്. സംഭവത്തില്‍ പൊലീസ് അന്വേഷണം ആരംഭിച്ചു.

കണ്ണൂര്‍ വിമാനത്താവളത്തില്‍ ചെരുപ്പിനുള്ളില്‍ ഒളിപ്പിച്ചു കടത്താന്‍ ശ്രമിച്ച ഹാഷിഷ് പിടികൂടി

കണ്ണൂര്‍ വിമാനത്താവളത്തില്‍ ചെരുപ്പിനുള്ളില്‍ ഒളിപ്പിച്ചു കടത്താന്‍ ശ്രമിച്ച ഹാഷിഷ് പിടികൂടി കണ്ണൂര്‍ വിമാനത്താവളം വഴി ഹാഷിഷ് ഒളിപ്പിച്ചു കടത്താന്‍ ശ്രമിച്ച യാത്രക്കാരന്‍ പിടിയില്‍. ചെരുപ്പിനുള്ളില്‍ ഒളിപ്പിച്ചു കടത്താന്‍ ശ്രമിച്ച ഏഴു ലക്ഷം രൂപ വില മതിക്കുന്ന 910 ഗ്രാം ഹാഷിഷാണ് സി.ഐ.എസ്.എഫ് പിടികൂടിയത്. തായേത്തേര് സ്വദേശി അജാസ് വലിയബല്ലത്താണ് അറസ്റ്റിലായത്. ചെരുപ്പിന്റെ തോല്‍ പൊളിച്ച് പ്രത്യേകം അറയുണ്ടാക്കി ഇതിനകത്ത് ഒളിപ്പിച്ച നിലയിലാണ് ഹാഷിഷ് പിടികൂടിയത്. പ്രതിയെ നിയമനടപടികള്‍ക്കായി നാര്‍ക്കോട്ടിക്സ് കണ്‍ട്രോള്‍ ബ്യൂറോയ്ക്ക് കൈമാറി.

ഡല്‍ഹിയില്‍ റബ്ബര്‍ ഫാക്ടറിയില്‍ വന്‍ തീപിടിത്തം: അഞ്ച് മരണം

ഡല്‍ഹിയില്‍ റബ്ബര്‍ ഫാക്ടറിയില്‍ വന്‍ തീപിടിത്തം: അഞ്ച് മരണം ഡല്‍ഹിയില്‍ റബ്ബര്‍ ഫാക്ടറിയില്‍ തീപ്പിടുത്തം. തീപിടിത്തത്തില്‍ അഞ്ചു പേര്‍ മരിച്ചു. വടക്കുകിഴക്കന്‍ ഡല്‍ഹിയിലെ ജില്‍മില്‍ വ്യവസായിക മേഖലയിലാണ് അപകടം. ഇന്ന് രാവിലെ ഒന്‍പതരയോടെയാണ് തീപിടിത്തമുണ്ടായത്. അഗ്‌നിശമന സേനയുടെ 26 യൂണിറ്റുകളാണ് തീയണയ്ക്കാന്‍ എത്തിയത്. അപകടത്തില്‍ നാല് നിലകളുള്ള കെട്ടിടം കത്തിനശിച്ചു. തീപിടിക്കാനുള്ള കാരണം വ്യക്തമല്ല, സംഭവത്തില്‍ പോലീസ് അന്വേഷണം പ്രഖ്യാപിച്ചു.