ആരോ​ഗ്യമുള്ള എല്ലിന് വേണ്ടി കഴിക്കാം ഈ ഭക്ഷണങ്ങൾ

ആരോ​ഗ്യമുള്ള എല്ലിന് വേണ്ടി കഴിക്കാം ഈ ഭക്ഷണങ്ങൾ

നല്ല ആഹാരശീലങ്ങളിലൂടെ ആരോ​ഗ്യം കാത്ത് സൂക്ഷിക്കാമെന്ന് നമുക്കെല്ലാവർക്കും അറിയാവുന്നതാണ്. എല്ലുകളുടെ പോഷണവും വളർച്ചയും നമ്മൾ കഴിയ്ക്കുന്ന ആഹാരത്തെ അടിസ്ഥാനമാക്കിയായിരിയ്ക്കുമെന്ന് ഡോക്ടർമാർ വ്യക്തമാക്കിയിട്ടുമുള്ളതാണ് . അസ്ഥി സംബന്ധമായ വേദനകളെ പടിക്ക് പുറത്ത് നിർത്താൻ നമ്മൾ ആ​ഹാരചര്യകളിൽ കാതലായ മാറ്റം വരുത്തേണ്ടതുണ്ട്.

മുളപ്പിച്ച ചെറുപയർ , ബീൻസ് , ഇലക്കറികൾ , മുട്ട, സോയാബീൻ, എന്നിവയെല്ലാം പ്രായഭേദമന്യെ ആഹാരത്തിൽ ഉൾപ്പെടുത്തേണ്ടതാണ്.

ബ്രോക്കോളി, കോളിഫ്ലവർ എന്നവയും സ്ഥിരമായി ഉൾപ്പെടുത്തുന്നത് ഏറെ നല്ലതാണ് .പാലും പാൽ ഉത്പന്നങ്ങളും ആഹാരത്തിൽ ഉൾപ്പെടുത്തുന്നത് ശരീരത്തിൽ കാത്സ്യത്തിന്റെ അളവ് നിലനിർത്തി നമ്മെ ആരോ​ഗ്യമുള്ളവരാക്കിതീർക്കും.

അസ്ഥി വേദനയുടെ പ്രധാന കാരണമായ വരാറുള്ളത് വിറ്റമിൻ ഡിയുടെ അഭാവമാണ് , ഇതില്ലാതാക്കാനായി ദിനംപ്രതി ഇളവെയിൽ കൊള്ളുന്നത് ശീലമാക്കാം.

വിറ്റമിൻ ഡിയുടെ അഭാവം ശരീരത്തിൽ കഴിയ്ക്കുന്ന ആഹാരത്തിൽ നിന്ന് കാത്സ്യംത്തെ ആ​ഗിരണം ചെയ്യുന്നതിൽ നിന്ന് തടയുകയും തുടർന്ന് അസ്ഥി ക്ഷയം അടക്കമുള്ളവ സംഭവിക്കുകയും ചെയ്യും.

തൊടികളിൽ വിളയുന്ന ഇലക്കറികൾ, ചെറുമീനുകൾ, മുളപ്പിച്ച ചെറുപയർ എന്നിവയെല്ലാം ഉൾപ്പെടുത്തി വീട്ടിൽ തന്നെ ഫലപ്രദമായും ഉപയോ​ഗപ്രദവുമായ ആഹാര രീതി പിന്തുടരാവുന്നതാണ്. നല്ല ഭക്ഷണത്തിലൂടെ ശരീരത്തെ എന്നും ആരോ​ഗ്യമുള്ളതാക്കി നിലനിർത്താവുന്നതാണ്.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments