താമരശേരി ചുരത്തില്‍ കെ.എസ്.ആര്‍.ടി.സി ബസുകള്‍ കൂട്ടിയിടിച്ച് അപകടം: അഞ്ചുപേര്‍ക്ക് പരിക്ക്

താമരശേരി ചുരത്തില്‍ കെ.എസ്.ആര്‍.ടി.സി ബസുകള്‍ കൂട്ടിയിടിച്ച് അപകടം: അഞ്ചുപേര്‍ക്ക് പരിക്ക് താമരശേരി ചുരത്തില്‍ കെ.എസ്.ആര്‍.ടി.സി ബസുകള്‍ കൂട്ടിയിടിച്ച് അപകടം. അഞ്ച് യാത്രക്കാര്‍ക്ക് അപകടത്തില്‍ പരിക്കേറ്റു. താമരശേരി ചുരത്തിലെ അഞ്ചാം വളവിന് സമീപമാണ് അപകടം നടന്നത്. അപകടത്തില്‍പ്പെട്ടവരുടെ പരിക്ക് സരമുള്ളതല്ല. സംഭവത്തിനു ശേഷം ചുരത്തിലൂടെയുള്ള ഗതാഗതം ഭാഗീകമായി തടസപ്പെട്ടു.

നിരത്തുകളിലെ മിന്നും താരമെന്ന ഖ്യാതിയുമായെത്തിയ ഹെക്ടറിന്റെ ബുക്കിംങ് കമ്പനി നിർത്തി; ചങ്കിടിപ്പോടെ വാഹനപ്രേമികൾ: കാരണം ഇതാണ്

നിരത്തുകളിലെ മിന്നും താരമെന്ന ഖ്യാതിയുമായെത്തിയ ഹെക്ടറിന്റെ ബുക്കിംങ് കമ്പനി നിർത്തി; ചങ്കിടിപ്പോടെ വാഹനപ്രേമികൾ: കാരണം ഇതാണ് മുംബൈ: മോറിസ് ഗാരേജസിന്റെ ഇന്ത്യയിലെ ആദ്യ മോഡലായ ഹെക്ടര്‍ എസ്‍യുവി അടുത്തിടെയാണ് ഇന്ത്യന്‍ വിപണിയിലെത്തിയത്. കിടിലന്‍ ഫീച്ചറുകളോടെ മോഹവിലയില്‍ എത്തിയ വാഹനത്തിന്റെ ബുക്കിങ് കമ്പനി താത്കാലികമായി നിര്‍ത്തുകയാണെന്നാണ് പുതിയ റിപ്പോര്‍ട്ട്. വമ്പന്‍ ബുക്കിങ് ലഭിച്ചതോടെ കൂടുതല്‍ വാഹനങ്ങള്‍ നിര്‍മ്മിക്കാന്‍ ശേഷിയില്ലാത്തതിനാലാണ് താത്കാലികമായി ബുക്കിങ് നിര്‍ത്താന്‍ കമ്പനി ഒരുങ്ങുന്നതെന്നാണ് റിപ്പോര്‍ട്ട്. ഈ വര്‍ഷം ഒക്ടോബറോടെ ഹലോല്‍ നിര്‍മാണ കേന്ദ്രത്തിലെ മാസംതോറുമുള്ള പ്രൊഡക്ഷന്‍ കപ്പാസിറ്റി 3,000 യൂണിറ്റാക്കി ഉയര്‍ത്താനാണ് നീക്കം. നിലവില്‍ ഇത് 2000 യൂണിറ്റാണ്. കേന്ദ്രസര്‍ക്കാരിന്‍റെ മേക്ക് ഇന്‍ ഇന്ത്യ പദ്ധതിയുടെ ചുവടുപിടിച്ചാണ് ഇന്ത്യയിലെ ആദ്യ ഇന്റര്‍നെറ്റ് അധിഷ്ഠിത കാറെന്നു പേരുള്ള ഹെക്ടറുമായി കമ്പനി ഇന്ത്യയിലെത്തിയത്. 12.18 ലക്ഷം മുതൽ 16.88 ലക്ഷം വരെയാണ് സ്റ്റൈൽ, സൂപ്പർ, സ്മാർട്, ഷാർപ് എന്നീ…

ഒറിജിനലിലെ വെല്ലുന്ന വ്യാജൻ; ഫെറാരിക്കും, ലംബോര്‍ഗിനിക്കും വ്യാജന്മാരെ സൃഷ്ട്ടിച്ച് വിത്പന നടത്തിവന്ന വര്‍ക് ഷോപ്പ് പൂട്ടിച്ച് പോലീസ്

ഒറിജിനലിലെ വെല്ലുന്ന വ്യാജൻ; ഫെറാരിക്കും, ലംബോര്‍ഗിനിക്കും വ്യാജന്മാരെ സൃഷ്ട്ടിച്ച് വിത്പന നടത്തിവന്ന വര്‍ക് ഷോപ്പ് പൂട്ടിച്ച് പോലീസ് ഫെറാരിക്കും, ലംബോര്‍ഗിനിക്കും വ്യാജൻ പതിപ്പുകള്‍ നിർമ്മിക്കുന്ന ബ്രസീലിയന്‍ വര്‍ക് ഷോപ്പ് പോലീസ് പൂട്ടിച്ചു. കോടികള്‍ വിലയുള്ള ആഡംബര കാറുകളുടെ വ്യാജപതിപ്പുകള്‍ ഉണ്ടാക്കുന്ന അച്ഛനും മകനുമാണ് അറസ്റ്റിലായത്. സോഷ്യല്‍ മീഡിയയിലൂടെയായിരുന്നു ആവശ്യക്കാരെ ഇവര്‍ കണ്ടെത്തിയിരുന്നത്. തെക്കന്‍ ബ്രസീലിലെ സംസ്ഥാനമായ സാന്റ കറ്ററീനയിലാണ് സംഭവം. ഇറ്റാലിയന്‍ ആഡംബര കാര്‍ കമ്പനികളായ ഫെറാരി, ലംബോര്‍ഗിനി തുടങ്ങിയവയുടെ വ്യാജ മോഡലുകള്‍ രഹസ്യമായി നിര്‍മിച്ചിരുന്ന വര്‍ക്ക്‌ഷോപ്പാണ് ബ്രസീലിയന്‍ പോലീസ് അടച്ചു പൂട്ടിയത്. ഇറ്റാലിയന്‍ ബ്രാന്‍ഡുകളുടെ ഒർജിനലിനെ വെല്ലുന്ന തരത്തിലുള്ള ലോഗോയും ആക്‌സസറികളും ഉപയോഗിച്ചാണ് വ്യാജ ആഡംബര കാറുകളും ഉണ്ടാക്കിയതെന്നാണ് പുറത്തുവന്ന ചിത്രങ്ങള്‍ നല്‍കുന്ന സൂചന. ഭാഗികമായി നിര്‍മാണം പൂര്‍ത്തിയാക്കിയ എട്ട് വ്യാജ മോഡലുകള്‍ ഇവിടെ നിന്നും പൊലീസ് പിടിച്ചെടുത്തു. എന്നാൽ ഇതുവരെ എത്രപേർക്ക് സൂപ്പർകാറുകൾ നിർമിച്ച്…

കെഎസ്ആര്‍ടിസി അടക്കമുള്ള ബസുകളില്‍ പരസ്യം വേണ്ട; ഹൈക്കോടതി

കെഎസ്ആര്‍ടിസി അടക്കമുള്ള ബസുകളില്‍ പരസ്യം വേണ്ട; ഹൈക്കോടതി കെഎസ്ആര്‍ടിസി ഉള്‍പ്പടെയുള്ള വാഹനങ്ങളില്‍ പരസ്യം പാടില്ലെന്ന കര്‍ശന നിര്‍ദേശവുമായി ഹൈക്കോടതി. കാല്‍നടയാത്രക്കാരുടെയും ഡ്രൈവര്‍മാര്‍മാരുടെയും ശ്രദ്ധതിരിക്കുന്ന തരത്തിലുള്ള പരസ്യങ്ങള്‍, ചിത്രങ്ങള്‍ എന്നിവ വാഹനത്തിന്റെ ഗ്ലാസില്‍ പതിപ്പിക്കുന്നതിനെതിരെയാണ് കോടതി ഉത്തരവിട്ടത്. കഴിഞ്ഞ ദിവസം നിര്‍ത്തിയിട്ട കെഎസ്ആര്‍ടിസി ബസിന് പിന്നിലിടിച്ചു ബൈക്ക് യാത്രക്കാരന്‍ മരിച്ച സംഭവത്തില്‍ കെഎസ്ആര്‍ടിസി ഡ്രൈവറുടെ ലൈസന്‍സ് സസ്‌പെന്‍ഡ് ചെയ്തിരുന്നു. ഇതിനെതിരെ ഡ്രൈവര്‍ കെ എം സജി സമര്‍പ്പിച്ച ഹര്‍ജി പരിഗണിക്കവേയാണ് കോടതിയുടെ ഉത്തരവ്. ആകര്‍ഷകമായ പരസ്യങ്ങള്‍ പ്രദര്‍ശിപ്പിക്കുന്നതിന് ദേശീയ പാതയോരങ്ങളില്‍ നിയന്ത്രണമുണ്ട്. എന്നാല്‍ പലയിടങ്ങളിലും ഇത് പാലിക്കപ്പെടുന്നില്ലെന്നും ഇത് സംബന്ധിച്ച് കേന്ദ്ര റോഡ് ഗതാഗതമന്ത്രാലയം റിപ്പോര്‍ട്ട് തേടിയിട്ടുണ്ടെന്നും കോടതി വ്യക്തമാക്കി. കെഎസ്ആര്‍ടിസി, കെയുആര്‍ടിസി ബസുകള്‍ ദേശീയപാതയില്‍ ഓടുന്നതിനാല്‍ പരസ്യങ്ങള്‍ അനുവദിക്കാനാവില്ലെന്നും കോടതി അറിയിച്ചു.

വാഹനവില്പനയിൽ ഇടിവ്; പ്രതിസന്ധിയിൽ വാഹന വിപണി

വാഹനവില്പനയിൽ ഇടിവ്; പ്രതിസന്ധിയിൽ വാഹന വിപണി മുംബൈ: കഴിഞ്ഞ മാസം ആഭ്യന്തര വിപണിയിൽ വാഹനവില്പന കുത്തനെ ഇടിഞ്ഞു. ജൂണില്‍ അവസാനിച്ച മൂന്ന് മാസത്തെ വില്പനയില്‍ 12 ശതമാനത്തിന്റെ കുറവ് രേഖപ്പെടുത്തി. ചെലവ് കുറയ്ക്കുന്നതിന്റെ ഭാഗമായി പല കമ്പനികളും ജീവനക്കാരെ പിരിച്ചുവിടുന്നത് ഉള്‍പ്പടെയുള്ള നടപടികളിലേക്ക് കടക്കുകയാണെന്നാണ് വിവരം. 2008-09 കാലഘട്ടത്തിന് ശേഷം രേഖപ്പെടുത്തിയ ഏറ്റവും വലിയ ഇടിവാണ് ഇത്. 17 ശതമാനമായിരുന്നു അന്ന് വില്പന ഇടിഞ്ഞത്.യാത്രവാഹനങ്ങളുടെ വില്പന മുൻ വർഷം ജൂണിലെ 2,73,748 യൂണിറ്റുകളിൽ നിന്ന് 17.54 ശതമാനം കുറഞ്ഞ് 2,25,732 യൂണിറ്റുകളായി. ഇരു ചക്രവാഹനങ്ങളുടെ വില്പന 18,67,884 യൂണിറ്റുകളിൽ നിന്ന് 11.69 ശതമാനം കുറഞ്ഞ് 16,49,477 യൂണിറ്റുകളായി. വാണിജ്യവാഹനങ്ങളുടെ വില്പന 80, 670 യൂണിറ്റുകളിൽ നിന്ന് 12.27 ശതമാനം കുറഞ്ഞ് 70,771 യൂണിറ്റുകളായി. കാർ വില്പന 25 ശതമാനവും മറ്റ് യാത്രാ വാഹനങ്ങളുടെ വില്പന 18 ശതമാനവും…

ഇനി വരുന്നത് കോനയുടെ നാളുകൾ

ഇനി വരുന്നത് കോനയുടെ നാളുകൾ ന്യൂഡല്‍ഹി: ഇന്ത്യയുടെ ഇലക്ട്രിക് വാഹനലോകത്തേക്ക് കോന എന്ന കിടിലന്‍ മോഡലുമായി ഹ്യൂണ്ടായി എത്തുന്നു. വാഹനം നാളെ ഇന്ത്യയിലല്‍ അവതരിപ്പിക്കും. രാജ്യത്തെ നിരത്തുകളില്‍ സമ്പൂര്‍ണ ഇലക്ട്രിക്ക് വാഹനങ്ങളെന്ന സ്വപ്‌നമാണ് കേന്ദ്ര സര്‍ക്കാര്‍ പങ്കുവയ്ക്കുന്നത്. കഴിഞ്ഞ ദിവസത്തെ ബജറ്റിലും ഈ ആശയം നിറഞ്ഞിരുന്നു. അതിനാല്‍ തന്നെ ഈ സാധ്യതകള്‍ മുന്നില്‍ കണ്ടാണ് കോനയും എത്തുന്നത്. 2018ല്‍ ഡല്‍ഹി ഓട്ടോ എക്സ്പോയില്‍ കോന ഇവി ഹ്യുണ്ടായ് പ്രദര്‍ശിപ്പിച്ച വാഹനം സ്റ്റാന്‍ഡേര്‍ഡ്, എക്‌സ്റ്റന്‍ഡ് എന്നിങ്ങനെ രണ്ട് വകഭേദങ്ങളിലാണ് എത്തുക. ഒറ്റചാര്‍ജില്‍ 300 കിലോ മീറ്റര്‍ ദൂരം പിന്നിടാന്‍ ശേഷിയുള്ളതാണ് സ്റ്റാന്‍ഡേര്‍ഡ് വകഭേദം. എക്‌സ്റ്റന്‍ഡിന് ഒറ്റ ചാര്‍ജില്‍ 470 കിലോ മീറ്റര്‍ ദൂരം സഞ്ചരിക്കാന്‍ കഴിയുമെന്നാണ് കമ്പനിയുടെ അവകാശവാദം. സാധാരണ എസ്.യു.വികളുടെ രൂപഭാവങ്ങളാണ് കോനയും പിന്തുടരുന്നത് ഗില്ലിന്റെ ഡിസൈന്‍ അല്‍പം വ്യത്യസ്തമാണെന്ന് മാത്രം. ചാര്‍ഡിങ് സോക്കറ്റ് നല്‍കിയിരിക്കുന്നത് വാഹനത്തിന്റെ…

നിയന്ത്രണം വിട്ട മീന്‍ലോറിയിടിച്ച് അമ്മയ്ക്കും മകള്‍ക്കും ദാരുണാന്ത്യം

നിയന്ത്രണം വിട്ട മീന്‍ലോറിയിടിച്ച് അമ്മയ്ക്കും മകള്‍ക്കും ദാരുണാന്ത്യം കൊടുങ്ങല്ലൂരില്‍ അമിതവേഗത്തിലെത്തിയ മീന്‍ ലോറിയിടിച്ച് ബൈക്ക് യാത്രികരായ വൃദ്ധയ്ക്കും, മകള്‍ക്കും ദാരുണാന്ത്യം. ഇന്ന് ഉച്ചയോടെ ശ്രീനാരായണപുരത്താണ് അപകടം നടന്നത്. കൊടുങ്ങല്ലൂര്‍ കറപ്പംവീട്ടില്‍ ഹുസൈന്റെ ഭാര്യ നദീറ (60), മകള്‍ നിഷ (39) എന്നിവരാണ് മരിച്ചത്. അമിത വേഗത്തില്‍ വരികയായിരുന്ന മീന്‍ ലോറി നിയന്ത്രണം വിട്ട് ഇരുവരും സഞ്ചരിച്ചിരുന്ന സ്‌കൂട്ടറിലിടിക്കുകയായിരുന്നു. തെറിച്ചുവീണ നദീറ തല്‍ക്ഷണം മരിച്ചു. മകള്‍ നിഷ ആശുപത്രിയിലെത്തിക്കും വഴിയാണ് മരിച്ചത്. ചാവക്കാട് ചരക്ക് ഇറക്കി മടങ്ങുകയായിരുന്നു മീന്‍ ലോറിയുടെ ഡ്രൈവര്‍. ഇതിനിടെ, ഡ്രൈവര്‍ക്ക് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് നിയന്ത്രണം വിട്ട ലോറി ഒരു കാറിലും, സ്‌കൂട്ടറിലും ഇടിച്ച ശേഷം മതില്‍ തകര്‍ത്താണ് ഇടിച്ചു നിന്നത്. ലോറി ഡ്രൈവര്‍ക്കെതിരെ പോലീസ് കേസെടുത്തു.

1 കിലോമീറ്റർ ഓടാൻ 50 പൈസ മാത്രം; ഇന്ധനവിലയെ ഭയക്കേണ്ടെന്ന് മുഖ്യമന്ത്രി

1 കിലോമീറ്റർ ഓടാൻ 50 പൈസ മാത്രം; ഇന്ധനവിലയെ ഭയക്കേണ്ടെന്ന് മുഖ്യമന്ത്രി തിരുവനന്തപുരം: കുതിച്ചുയരുന്ന ഇന്ധനവിലയെ ഇനി ഭയക്കേണ്ടതില്ല. കേരള നീംജി എന്ന ഇലക്ട്രിക് ഒട്ടോറിക്ഷകളുടെ നിര്‍മ്മാണം ആരംഭിച്ചു. ഒരു കിലോമീറ്റര്‍ ഓടാന്‍ 50 പൈസ മാത്രമാണ് കേരളത്തിന്റെ സ്വന്തം ഇലക്ട്രിക് ഓട്ടോറിക്ഷയുടെ ചിലവ്. പൊതുമേഖലാ സ്ഥാപനമായ കേരള ഓട്ടോമൊബൈല്‍സ് ലിമിറ്റഡാണ് കേരള നീംജി എന്ന ഇലക്ട്രിക് ഓട്ടോറിക്ഷകള്‍ നിര്‍മ്മിക്കുന്നത്. കേരളം വൈദ്യുതി വാഹനങ്ങളുടെ നാടായി മാറാന്‍ പോവുകയാണെന്ന് ഇലക്ട്രിക് ഓട്ടോയുടെ വ്യാവസായികാടിസ്ഥാനത്തിലുള്ള നിര്‍മ്മാണോദ്ഘാടനം നിര്‍വ്വഹിച്ചുകൊണ്ട് മുഖ്യമന്ത്രി പിണറായി വിജയന്‍ പറഞ്ഞു. കേന്ദ്ര മോട്ടോര്‍ വാഹന നിയമപ്രകാരം രാജ്യത്ത് ആദ്യമായാണ് ഒരു പൊതുമേഖലാ സ്ഥാപനം ഇലക്ട്രിക് ഓട്ടോ നിര്‍മ്മാണത്തിന് യോഗ്യത നേടുന്നത്. തിരുവനന്തപുരം ആറാലുംമൂട്ടിലുള്ള കേരള ഓട്ടോമൊബാല്‍സ് ലിമിറ്റഡ് അഞ്ച് മാസം കൊണ്ടാണ് നീംജി രൂപകല്‍പ്പന ചെയ്തത്. 5000 കിലോമീറ്റര്‍ പരീക്ഷണയോട്ടം നടത്തിയ വാഹനം ഓട്ടോമോട്ടീവ് റിസര്‍ച്ച്…

ബുക്കിങ് കുതിക്കുന്നു..അതിശയിപ്പിക്കുന്ന നേട്ടവുമായി വെന്യു

ബുക്കിങ് കുതിക്കുന്നു..അതിശയിപ്പിക്കുന്ന നേട്ടവുമായി വെന്യു ഹ്യുണ്ടായിയുടെ പുത്തന്‍ വാഹനം വെന്യു അതിശയിപ്പിക്കുന്ന ബുക്കിങ് നേടി മുന്നേറുകയാണ്. ഏറ്റവും ഒടുവില്‍ കമ്പനി പുറത്തുവിട്ട കണക്കുകളനുസരിച്ച് പുറത്തിറങ്ങി ഒരു മാസത്തിനുള്ളില്‍ 33,000 ബുക്കിങ്ങാണ് വെന്യുവിന് ലഭിച്ചത്. ആവശ്യക്കാരുടെ എണ്ണം ഉയര്‍ന്നതിനെ തുടര്‍ന്ന് ആറ് മാസം വരെ ബുക്കിങ് കാലാവധി ഉയര്‍ന്നേക്കാമെന്നാണ് സൂചന. മെയ് 21നാണ് വാഹനം വിപണയിലെത്തിയത്. ഏപ്രില്‍ മുതല്‍ വെന്യുവിനുള്ള ബുക്കിങ് കമ്പനി ആരംഭിച്ചിരുന്നു. ഇന്ത്യയില്‍ ഹൈദരാബാദിലാണ് വെന്യുവിന് ഏറ്റവുമധികം ആവശ്യക്കാരുള്ളത്. അതുകൊണ്ട് തന്നെ ഇവിടുത്തെ 20 നഗരങ്ങളില്‍ നിലവില്‍ ആറ് മാസമാണ് ഈ വാഹനത്തിന്റെ ബുക്കിങ് കാലാവധി. കേരളം ഉള്‍പ്പെടെയുള്ള സംസ്ഥാനങ്ങളിലും വെന്യുവിന് മികച്ച ബുക്കിങ്ങാണ് ലഭിക്കുന്നത്. രാജ്യത്തെ ആദ്യ കണക്ടഡ് എസ്യുവിയായ വെന്യുവിന് 6.50 ലക്ഷം മുതല്‍ 10.84 ലക്ഷം രൂപ വരെയാണ് എക്സ്ഷോറൂം വില. വലിയ സാങ്കേതികവിദ്യകളുള്ള വലിയ വാഹനം എന്ന വിശേഷണം ഏറ്റവും…

അനധികൃത പാര്‍ക്കിങിന് ഇനി ഇവിടെ ഭീമന്‍ തുക പിഴ നല്‍കേണ്ടി വരും!

അനധികൃത പാര്‍ക്കിങിന് ഇനി ഇവിടെ ഭീമന്‍ തുക പിഴ നല്‍കേണ്ടി വരും! മുംബൈ: നിരോധിത മേഖലകളില്‍ വാഹനങ്ങള്‍ അനധികൃതമായി പാര്‍ക്ക് ചെയ്യുന്നവരില്‍ നിന്നും ഭീമന്‍ തുക ഈടാക്കാന്‍ മുംബൈ നഗരസഭ. തീരുമാനം ഇന്നുമുതല്‍ നിലവില്‍ വന്നു. 5,000 രൂപ മുതല്‍ 23,000 രൂപ വരെ പിഴ ഈടാക്കനാണ് തീരുമാനം. ആദ്യ ഘട്ടത്തില്‍, ബദല്‍ പാര്‍ക്കിങ് സൗകര്യമുള്ള പ്രദേശങ്ങളിലായിരിക്കും ഉത്തരവ് നടപ്പാക്കുക. ഘട്ടംഘട്ടമായി ഇത് മറ്റു സ്ഥലങ്ങളിലേക്കും വ്യാപിപ്പിക്കും. നിര്‍ത്തിയിട്ട വാഹനത്തിന്റെ മൂല്യവും സ്ഥലത്തിന്റെ വാണിജ്യപ്രാധാന്യവും കണക്കിലെടുത്താവും പിഴ സംഖ്യ തീരുമാനിക്കുക. പിഴയടയ്ക്കാന്‍ വൈകിയാല്‍ തുക വീണ്ടും ഉയരും. വലിയ വാഹനങ്ങളാണെങ്കില്‍ അത് 15,000 രൂപ മുതല്‍ 23,000 രൂപ വരെയായി ഉയരും. നഗരത്തിലെ 26 അംഗീകൃത പാര്‍ക്കിങ് സ്ഥലങ്ങളുടെയും 20 ബെസ്റ്റ് ഡിപ്പോകളുടെയും 500 മീറ്റര്‍ ചുറ്റളവിലാണ് ആദ്യഘട്ടത്തില്‍ വര്‍ധിച്ച പിഴ ഏര്‍പ്പെടുത്തുക. അനധികൃതമായി വാഹനങ്ങള്‍ പാര്‍ക്കു…