കൊളംബോയിലെ സ്ഫോടനത്തില്‍ നിന്നും രാധിക ശരത്കുമാര്‍ രക്ഷപ്പെട്ടത് തലനാരിഴക്ക്

കൊളംബോയിലെ സ്ഫോടനത്തില്‍ നിന്നും രാധിക ശരത്കുമാര്‍ രക്ഷപ്പെട്ടത് തലനാരിഴക്ക് കൊളംബോയില്‍ ഈസ്റ്റര്‍ ദിനത്തില്‍ നടന്ന സ്‌ഫോടന പരമ്പരകളില്‍ നിന്ന് തലനാരിഴക്കാണ് രക്ഷപെട്ടതെന്ന് നടി രാധിക ശരത്കുമാര്‍. ശ്രീലങ്ക സന്ദര്‍ശിക്കാന്‍ പോയ രാധിക താമസിച്ചിരുന്നത് സിന്നമണ്‍ ഗ്രാന്‍ഡ് ഹോട്ടലിലായിരുന്നു. രാധിക ഹോട്ടലില്‍ നിന്ന് ഇറങ്ങി അല്‍പ്പ സമയത്തിനുള്ളിലാണ് സ്‌ഫോടനം നടന്നത്. രാധിക തന്നെയാണ് ഈ വിവരം ട്വിറ്ററിലൂടെ അറിയിച്ചത്. ആക്രമണത്തെ അപലപിക്കുന്നുവെന്നും രാധിക ട്വിറ്ററില്‍ കുറിച്ചു. കൊളംബോയിലെ മൂന്ന് പള്ളികളിലും മൂന്ന് പഞ്ചനക്ഷത്ര ഹോട്ടലുകളിലുമായി ആറിടങ്ങളിലാണ് സ്‌ഫോടനം നടന്നത്. സ്‌ഫോടനത്തില്‍ മരണസംഖ്യ 160 ആയെന്നും പരിക്കേറ്റവരുടെ എണ്ണം നാനൂറിലേറെയാണെന്നും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

ബോളിവുഡ് താരം സണ്ണി ഡിയോള്‍ ബിജെപിയിലേക്ക്

ബോളിവുഡ് താരം സണ്ണി ഡിയോള്‍ ബിജെപിയിലേക്ക് ബോളിവുഡ് താരം സണ്ണി ഡിയോള്‍ ബിജെപിയിലേക്ക്. കഴിഞ്ഞ വെള്ളിയാഴ്ച സണ്ണി ബിജെപി അദ്ധ്യക്ഷന്‍ അമിത് ഷായുമായി കൂടികാഴ്ച നടത്തിയിരുന്നു. എന്നാല്‍ അദ്ദേഹത്തെ കാണുകയും ഒരു ചിത്രമെടുക്കുകയുമാണ് ചെയ്തതെന്നും അതില്‍ കൂടുതല്‍ ഒന്നുമില്ലെന്നുമാണ് സണ്ണി ഡിയോള്‍ അന്നു പറഞ്ഞിരുന്നത്. അതേ സമയം ഇപ്പോള്‍ ബിജെപിയില്‍ ചോരുന്നതോടെ ലോക്‌സഭാ തെരഞ്ഞെടുപ്പില്‍ അമൃതസറിലോ ഗുരുദാസ് പൂരിലോ ഇദ്ദേഹം ബിജെപി സ്ഥാനാര്‍ത്ഥിയായി മത്സരിക്കുമെന്നാണ് റിപ്പോര്‍ട്ട്. പഞ്ചാബില്‍ 3 സീറ്റുകളില്‍ ആണ് ബിജെപി മത്സരിക്കുന്നത്. അമൃതസര്‍, ഗുരുദാസ്പൂര്‍, ഹോസിയാപൂര്‍. ബോര്‍ഡര്‍ പോലുള്ള രാജ്യസ്‌നേഹ, പട്ടാള സിനിമകളിലൂടെ പ്രശസ്തനാണ് 62 വയസുകാരനായ സണ്ണി ഡിയോള്‍. നേരത്തെ അമൃതസറില്‍ നിന്നും ബിജെപി സ്ഥാനാര്‍ത്ഥിയായി പൂനം ദില്ലന്റെയും, മോഹന്‍ സിംഗ് ചിന്നയുടെയും പേരുകളായിരുന്നു ഉയര്‍ന്നു കേട്ടത്. ഇതിനിടെയാണ് സണ്ണി ഡിയോളിന്റെ പേരും ഉയര്‍ന്നുവരുന്നത്.

സ്ഫടികം 2: ഭദ്രന്റെ അനുമതിയില്ലാതെ രണ്ടാം ഭാഗം ചിത്രീകരിക്കാന്‍ ശ്രമിച്ചതിന് പോലീസ് കേസ്

സ്ഫടികം 2: ഭദ്രന്റെ അനുമതിയില്ലാതെ രണ്ടാം ഭാഗം ചിത്രീകരിക്കാന്‍ ശ്രമിച്ചതിന് പോലീസ് കേസ് സ്ഫടികം സിനിമയുടെ രണ്ടാം ഭാഗമെന്ന് അവകാശപ്പെട്ട് ടീസര്‍ പുറത്തിറക്കിയ സംഭവത്തില്‍ പൊലീസ് കേസെടുത്തു. സ്ഥടികം സംവിധായകന്‍ ഭദ്രന്റെ അനുമതിയില്ലാതെ രണ്ടാം ഭാഗം ചിത്രീകരിക്കാന്‍ ശ്രമിച്ചതിനാണ് ഏഴാച്ചേരി സ്വദേശി കടയ്ക്കല്‍ ബിജുവിനെതിരെ പോലീസ് അന്വേഷണം ആരംഭിച്ചത്. സ്ഥടികം രണ്ടാം ഭാഗത്തിനെതിരെ പകര്‍പ്പവകാശ നിയമപ്രകാരമാണ് സംവിധായകന്‍ ഭദ്രന്‍ പോലീസില്‍ പരാതി നല്‍കിയിരിക്കുന്നത്. ഭദ്രന്റെയോ മറ്റു ചലച്ചിത്ര പ്രവര്‍ത്തകരുടെയോ അനുവാദമില്ലാതെയാണ് രണ്ടാം പതിപ്പിന്റെ പ്രചാരണം നടത്തിയതും ടീസര്‍ പുറത്തുവിട്ടതും. യൂട്യൂബില്‍ പ്രചരിപ്പിച്ച ടീസര്‍ പഴയ സ്ഫടികത്തിലെ കഥാപാത്രങ്ങളെ തികച്ചും വികലമാക്കിയാണ് ചിത്രീകരിച്ചിരിക്കുന്നത്.

‘ഞങ്ങള്‍ സമം നിങ്ങള്‍’ പുതിയ മുദ്രാവാക്യവുമായി തിരഞ്ഞെടുപ്പിനെ നേരിടാനൊരുങ്ങി സിനിമാതാരം പ്രവീണ്‍

‘ഞങ്ങള്‍ സമം നിങ്ങള്‍’ പുതിയ മുദ്രാവാക്യവുമായി തിരഞ്ഞെടുപ്പിനെ നേരിടാനൊരുങ്ങി സിനിമാതാരം പ്രവീണ്‍ തന്റെ ജനാധിപത്യ സമവാക്യം കൂടുതല്‍ ജനങ്ങളിലേക്ക് എത്തിക്കുന്നതിനായി ലോക്സഭ തിരഞ്ഞെടുപ്പില്‍ സ്ഥാനാര്‍ത്ഥിയായി മത്സരിക്കാനൊരുങ്ങുകയാണ് നടനും സംവിധായകനുമായ പ്രവീണ്‍ റാണ. അദ്ദേഹം തൃശൂര്‍ വയനാട് മണ്ഡലങ്ങളിലാണ് സ്വതന്ത്ര സ്ഥാനാര്‍ത്ഥിയായി ജനവിധി തേടുന്നത്. തന്റെ ഈ സ്ഥാനാര്‍ത്ഥിത്വം ജനാധിപത്യം എന്നാല്‍ എന്താന്നെന്ന് ജനങ്ങള്‍ക്ക് മനസിലാക്കി കൊടുക്കാന്‍ വേണ്ടിയാണ് എന്നാണ് പ്രവീണ്‍ പ്രഖ്യാപിക്കുന്നത്. ‘ഞങ്ങളാണ് നിങ്ങളെ നിങ്ങളാക്കിയത്, നിങ്ങളാണ് ഞങ്ങളെ ഞങ്ങളാക്കിയത്, ഞങ്ങള്‍ നിങ്ങളെ നിങ്ങളാക്കുമ്പോള്‍ നിങ്ങള്‍ ഞങ്ങളെ നിങ്ങളാക്കണം’ എന്ന ജനാധിപത്യ തത്വമാണ് താന്‍ ഉയര്‍ത്തി പിടിക്കുന്നതെന്നും പ്രവീണ്‍ റാണ പറയുന്നു. ജനങ്ങളുടെ വോട്ടു നേടി ഇവരുടെ അടിസ്ഥാനപരമായ പ്രശ്നങ്ങളില്‍ പോലും ഇടപെടാതെ മാറി ഉന്നത സ്ഥാനങ്ങളില്‍ എത്തിയിരിക്കുന്ന ഓരോ നേതാക്കന്മാര്‍ക്കുള്ള മുന്നറിയിപ്പുമായാണ് ഈ മുദ്രാവാക്യം ഉയരുന്നത്. തങ്ങളുടെ നേതാക്കന്മാരുടെ വളര്‍ച്ചയ്ക്കനുസരിച്ച് തങ്ങള്‍ക്കും ഉയര്‍ച്ചയുണ്ടാകുമെന്നുള്ള പ്രതീക്ഷയോടെയാണ് ഓരോ…

ഫഹദും നസ്രിയയും ഒന്നിക്കാന്‍ കാരണം താനാണെന്ന് നിത്യ മേനോന്‍

ഫഹദും നസ്രിയയും ഒന്നിക്കാന്‍ കാരണം താനാണെന്ന് നിത്യ മേനോന്‍ മലയാളത്തിന്റെ പ്രിയപ്പെട്ട താരദമ്പതികളായ ഫഹദ് ഫാസിലും നസ്രിയയും തമ്മില്‍ വിവാഹം കഴിക്കാന്‍ കാരണക്കാരി താനാണെന്ന് വെളിപ്പെടുത്തി നിത്യ മേനോന്‍. ഒരു ടെലവിഷന്‍ ചാനലിന് നല്‍കിയ ഇന്റവ്യൂവിലാണ് താരം രസകരമായ തുറന്നു പറച്ചില്‍ നടത്തിയത്. അഞ്ജലി മേനോന്‍ സംവിധാനം ചെയ്ത ഹിറ്റ് ചിത്രമായ ബാംഗ്ലൂര്‍ ഡെയ്‌സില്‍ ഒരു അതിഥി വേഷത്തിലാണ് നിത്യ അഭിനയിച്ചത്. ചിത്രത്തില്‍ നസ്രിയയുടെ കഥാപാത്രത്തെ വിവാഹം ചെയ്യുന്ന ഫഹദിന്റെ കഥാപാത്രത്തിന്റെ മുന്‍കാമുകിയായാണ് നിത്യ എത്തിയത്. പ്രധാനകഥാപാത്രമായ ദിവ്യക്കു വേണ്ടിയാണു അഞ്ജലി മേനോന്‍ നിത്യയെ ക്ഷണിച്ചത്. എന്നാല്‍ മറ്റു ചില ചിത്രങ്ങളുടെ തിരക്കില്‍പെട്ട് നിത്യക്ക് ആ വേഷം ചെയ്യാനായില്ല. പിന്നീട് നസ്രിയ പ്രധാന വേഷം ചെയ്യുകയായിരുന്നു. സിനിമ റിലീസായ ശേഷം ആ വേഷം ചെയ്യാന്‍ കഴിയാത്തതില്‍ വിഷമം തോന്നിയോ എന്ന ചോദ്യത്തിന് നിത്യ രസകരമായി മറുപടി നല്‍കി.…

14 വര്‍ഷത്തെ കാത്തിരിപ്പിനൊടുവില്‍ അച്ഛനായതിന്റെ സന്തോഷത്തിലിരിക്കുന്ന കുഞ്ചാക്കോ ബോബനോട് അഭ്യര്‍ഥനയുമായി ആരാധിക…!

14 വര്‍ഷത്തെ കാത്തിരിപ്പിനൊടുവില്‍ അച്ഛനായതിന്റെ സന്തോഷത്തിലിരിക്കുന്ന കുഞ്ചാക്കോ ബോബനോട് അഭ്യര്‍ഥനയുമായി ആരാധിക…! 14 വര്‍ഷത്തെ കാത്തിരിപ്പിനൊടുവില്‍ നടന്‍ കുഞ്ചാക്കോ ബോബന് ആണ്‍കുഞ്ഞ് പിറന്നിരിക്കുകയാണ്. താരം തന്നെയാണ് ഈ വാര്‍ത്ത സാമൂഹിക മാധ്യമങ്ങളിലൂടെ ആരാധകരെ അറിയിച്ചത്. ‘ഒരു ആണ്‍ കുഞ്ഞ് പിറന്നിരിക്കുന്നു. നിങ്ങളുടെ സ്നേഹത്തിനും, പ്രാര്‍ത്ഥനകള്‍ക്കും, കരുതലിനും നന്ദി. ജൂനിയര്‍ കുഞ്ചാക്കോ നിങ്ങള്‍ക്കെല്ലാവര്‍ക്കും അവന്റെ സ്നേഹം നല്‍കുന്നു’ -കുഞ്ചാക്കോ ബോബന്‍ ചാക്കോച്ചനും പ്രിയയ്ക്കും അഭിനന്ദം അറിയിച്ച് നിരവധി സഹപ്രവര്‍ത്തകരും ആരാധകരും രംഗത്തെത്തിയിട്ടുണ്ട്. ടൊവീനോ, സംയുക്ത മേനോന്‍, ഷറഫുദ്ദീന്‍, ഷെയിന്‍ നിഗം,റിമ കലിങ്കല്‍ അടക്കം നിരവധി താരങ്ങള്‍ ആശംസകള്‍ അറിയിച്ചു. ഇപ്പോഴിത ചാക്കോച്ചനോട് ഒരു അഭ്യര്‍ഥനയുമായി ഒരു ആരാധിക രംഗത്തെത്തിയിരിക്കുകയാണ്. കുഞ്ഞിന്റെ പേരിനെ കുറിച്ചാണ് ഇപ്പോഴത്തെ സോഷ്യല്‍ മീഡിയയിലെ ചര്‍ച്ച. ഈ അവസരത്തില്‍ ഇങ്ങനെ പറയാമോ എന്ന് അറിയില്ല. എന്ന ആമുഖത്തോടെയാണ് ആരാധികയുടെ അഭ്യര്‍ഥന. കുഞ്ഞിന് ബോബന്‍ എന്നോ ബോബി…

നടി മീര വാസുദേവന്റെ മുന്‍ഭര്‍ത്താവ് ജോണ്‍ കോക്കനും തെന്നിന്ത്യന്‍ താരസുന്ദരിയും വിവാഹിതരായി

നടി മീര വാസുദേവന്റെ മുന്‍ഭര്‍ത്താവ് ജോണ്‍ കോക്കനും തെന്നിന്ത്യന്‍ താരസുന്ദരിയും വിവാഹിതരായി നടി മീര വാസുദേവിന്റെ മുന്‍ ഭര്‍ത്താവും നടനുമായ ജോണ്‍ കോക്കന്‍ വീണ്ടും വിവാഹിതനായി. തെലുങ്ക് ബിഗ് ബോസിലൂടെ ശ്രദ്ധേയായ നടി പൂജ രാമചന്ദ്രനാണ് വധു. ലളിതമായി നടത്തിയ വിവാഹത്തിന്റെ ചിത്രങ്ങള്‍ സോഷ്യല്‍ മീഡിയ പേജിലൂടെ പുറത്ത് വിട്ടത് നടി തന്നെയാണ്. വിഷുദിനത്തിലാണ് ഇരുവരും വിവാഹിതരായത്. ഹിന്ദു മതാചാര പ്രകാരമായിരുന്നു വിവാഹച്ചടങ്ങുകള്‍. ഏറെ കാലമായി പ്രണയത്തിലായിരുന്നു ഇരുവരും. ഈ വിഷു ഏറ്റവും സന്തോഷം നിറഞ്ഞതാകുന്നു. എന്റെ ഉറ്റ സുഹൃത്തിനെയാണ് വിവാഹം കഴിച്ചതെന്നും പൂജ പോസ്റ്റില്‍ വ്യക്തമാക്കുന്നു. താരജോഡികള്‍ക്ക് ആശംസകളുമായി ആരാധകരും സുഹൃത്തുക്കളുമെത്തിയിരുന്നു. പൂജ പിസ്സ, നന്‍പന്‍, കാഞ്ചന 2 എന്നീ സിനിമകളില്‍ അഭിനയിച്ചിട്ടുണ്ട്. മലയാളം ചിത്രങ്ങളായ ലക്കി സ്റ്റാറിലും, ഡി കമ്പനിയിലും പൂജ അഭിനയിച്ചിട്ടുണ്ട്. വീഡിയോ ജോക്കി, അവതാരക, മോഡല്‍ എന്നിങ്ങനെ വിവിധ മേഖലകളില്‍ കഴിവ്…

ടിക്ക് ടോക്ക് നിരോധിച്ചതില്‍ വിഷമിക്കുന്ന യുവാക്കള്‍ക്കായ് സന്തോഷ് പണ്ഡിറ്റിന്റെ കുറിപ്പ്

ടിക്ക് ടോക്ക് നിരോധിച്ചതില്‍ വിഷമിക്കുന്ന യുവാക്കള്‍ക്കായ് സന്തോഷ് പണ്ഡിറ്റിന്റെ കുറിപ്പ് ചൈനീസ് ആപ്പായ ടിക്ക് ടോക്ക് ഇന്ത്യയില്‍ നിരോധിച്ച വിവരം കഴിഞ്ഞ ദിവസമായിരുന്നു പുറത്തുവന്നത്. എന്നാല്‍ ആപ്പിന് നിയന്ത്രണം ഏര്‍പ്പെടുത്തിയത് യുവതലമുറ ഒന്നടങ്കം സങ്കടത്തിലാഴ്ത്തിയിരിക്കുകയാണ്. ചിലര്‍ ആപ്പ് ദുരുപയോഗം ചെയ്യുന്നുവെന്ന പരാതിയിന്മേലാണ് ടിക്ക് ടോക്കിന് ഇന്ത്യയില്‍ നിരോധനം വന്നത്. അതേസമയം ആരാധകരെ ആശ്വസിപ്പിച്ചുകൊണ്ട് സന്തോഷ് പണ്ഡിറ്റ് സോഷ്യല്‍ മീഡിയയില്‍ ഒരു കുറിപ്പ് പങ്കുവച്ചിരിക്കുകയാണ്. ടിക്- ടോക്ക് നഷ്ടപ്പെട്ട വിഷമത്തില്‍ നില്‍ക്കുന്നവര്‍ തന്റെ പാട്ടുകളും വീഡിയോകളും യൂട്യൂബിലൂടെ കണ്ട് രസിക്കാനും അതോടെ ആ വിഷമം പോയിക്കിട്ടുമെന്നുമാണ് സന്തോഷ് പണ്ഡിറ്റ് അഭിപ്രായപ്പെടുന്നത്. സന്തോഷ് പണ്ഡിറ്റ് തന്റെ ഫെയ്‌സ്ബുക്കില്‍ കുറിച്ചതിങ്ങനെ, മക്കളേ….അങ്ങനെ ടിക്-ടോക്ക് ഗൂഗിള്‍ നിരോധിച്ചല്ലോ. ആ ആപ്പ് ചില ആളുകള്‍ അപകടകരമാം വിധം മിസ് യൂസ് ചെയ്തു, അഥവാ ചെയ്യുന്നു. അത് കാരണം കുറേ അപകടം ഉണ്ടാകുന്നു എന്നും പറഞ്ഞ്…

ഇന്‍സ്റ്റാഗ്രാമില്‍ ആദ്യ ചിത്രം പോസ്റ്റ് ചെയ്ത് പ്രഭാസ്

ഇന്‍സ്റ്റാഗ്രാമില്‍ ആദ്യ ചിത്രം പോസ്റ്റ് ചെയ്ത് പ്രഭാസ് ബാഹുബലി നായകന്‍ പ്രഭാസ് ഇന്‍സ്റ്റാഗ്രാമില്‍ തന്റെ ആദ്യ ചിത്രം പോസ്റ്റ് ചെയ്തു. ബാഹുബലി ചിത്രത്തിലെ ഒരു ഫോട്ടോയാണ് താരം പോസ്റ്റ് ചെയ്തിരിക്കുന്നത്. പോസ്റ്റ് ചെയ്ത് മണിക്കൂറുകള്‍ക്കകം തന്നെ ചിത്രം ലൈക്ക് ചെയ്തവരുടെ എണ്ണം രണ്ടര ലക്ഷം കവിഞ്ഞു. https://www.instagram.com/p/BwXE4Zmgeuf/ ഈ മാസം രണ്ടാം വാരമാണ് താരം ഇന്‍സ്റ്റാഗ്രാമില്‍ അക്കൗണ്ട് തുറന്നത്. ഇന്‍സ്റ്റാഗ്രാം പേജിന് നിലവില്‍ 8.5 ലക്ഷത്തിലേറെ ഫോളോവേഴ്‌സ് ഉണ്ട്. ഇപ്പോള്‍ തൃഭാഷാ ചിത്രം സാഹോയുടെ ഷൂട്ടിംഗ് ലൊക്കേഷനിലാണ് പ്രഭാസ്. പൊതുവേ വളരെ ഒതുങ്ങി കഴിയാന്‍ ഇഷ്ടപ്പെടുന്ന പ്രഭാസ് ആരാധകരുടെ അഭ്യര്‍ഥന മാനിച്ചാണ് ഇന്‍സ്റ്റഗ്രാമില്‍ അക്കൗണ്ട് തുറന്നത്. ഫേസ്ബുക്കിലും താരത്തിന് ധാരാളം ആരാധകവൃന്ദമുണ്ട്.യുവി ക്രിയേഷന്‍സിന്റെ ബാനറില്‍ ഹിന്ദി, തമിഴ്, തെലുങ്ക് ഭാഷകളില്‍ ഇറങ്ങുന്ന ബിഗ് ബജറ്റ് ചിത്രമായ സാഹോയാണ് പ്രഭാസിന്റെ അടുത്ത് വരാനിരിക്കുന്ന ചിത്രം. ആഗസ്റ്റ് 15-ന് തീയറ്ററുകളില്‍…

രണ്ട് സീരിയല്‍ താരങ്ങള്‍ വാഹനാപകടത്തില്‍ മരിച്ചു

രണ്ട് സീരിയല്‍ താരങ്ങള്‍ വാഹനാപകടത്തില്‍ മരിച്ചു തെലങ്കാനയിലെ വിക്രമബാദിലുണ്ടായ വാഹനാപകടത്തില്‍ രണ്ട് സീരീയല്‍ നടിമാര്‍ മരിച്ചു. സീരിയല്‍ താരങ്ങളായ ഭാര്‍ഗവി (20), അനുഷ റെഡ്ഡി (22) എന്നിവരാണ് കൊല്ലപ്പെട്ടത്. ഒരു ടലിവിഷന്‍ സീരിയലിന്റെ ഷൂട്ടിങ് കഴിഞ്ഞ് മടങ്ങുമ്പോഴായിരുന്നു അപകടം. വിക്രമാബാദിലെ അനന്തഗിരി കാട്ടിലെ ചിത്രീകരണം കഴിഞ്ഞ് ഹൈദരാബാദിലേയ്ക്ക് മടങ്ങുകയായിരുന്നു ഇവര്‍. ഇവര്‍ സഞ്ചരിച്ചിരുന്ന കാര്‍ എതിര്‍വശത്ത് വന്ന ട്രക്കിനെ ഇടിക്കുന്നത് ഒഴിവാക്കാനായി വെട്ടിച്ച് മാറ്റിയപ്പോള്‍ റോഡരികിലെ മരത്തില്‍ ഇടിക്കുകയായിരുന്നു. ഭാര്‍ഗവി അപകടസ്ഥലത്ത് വച്ചു തന്നെ മരിച്ചു. അനുഷയെ ഹൈദരാബാദിലെ ഉസ്മാനിയ ആശുപത്രിയില്‍ എത്തിച്ചെങ്കിലും ജിവന്‍ രക്ഷിക്കാനായില്ല. ഇവര്‍ക്കൊപ്പം ഉണ്ടായിരുന്ന കാറിന്റെ ഡ്രൈവര്‍ ചക്രി, സഹായിയായ വിനയ് കുമാര്‍ എന്നിവര്‍ പരിക്കേറ്റ് ചികിത്സയിലാണ്.