കാസര്‍കോട് ഇരട്ടക്കൊലപാതകം: അന്വേഷണം ക്രൈംബ്രാഞ്ചിന്

കാസര്‍കോട് ഇരട്ടക്കൊലപാതകം: അന്വേഷണം ക്രൈംബ്രാഞ്ചിന് കാസര്‍കോട്ട് യൂത്ത് കോണ്‍ഗ്രസ് പ്രവര്‍ത്തകരായ കൃപേഷിനെയും ശരത് ലാലിനെയും വെട്ടിക്കൊലപ്പെടുത്തിയ കേസിന്റെ അന്വേഷണം ക്രൈംബ്രാഞ്ചിന് കൈമാറി. അന്വേഷണം ക്രൈംബ്രാഞ്ചിന് കൈമാറാന്‍ ഡി.ജി.പി ലോക്നാഥ് ബെഹ്‌റയാണ് ഉത്തരവിട്ടത്. കേസ് സി.ബി.ഐ അന്വേഷിക്കണമെന്ന് കോണ്‍ഗ്രസ് ആവശ്യപ്പെടുന്നതിനിടെയാണ് ക്രൈംബ്രാഞ്ച് അന്വേഷണം പ്രഖ്യാപിച്ചിരിക്കുന്നത്. അന്വേഷണത്തിന്റെ മേല്‍നോട്ടച്ചുമതല ഐ.ജി ശ്രീജിത്തിന് നല്‍കിയതായാണ് റിപ്പോര്‍ട്ടുകള്‍. നിലവില്‍ ജില്ലാപൊലീസ് മേധാവി എ.ശ്രീനിവാസിന്റെ മേല്‍നോട്ടത്തില്‍ പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. അന്വേഷണ സംഘത്തിലുള്ളവരെ ഐ.ജി തീരുമാനിക്കും. അതേസമയം കൊലപാതകവുമായി ബന്ധപ്പെട്ട് പൊലീസ് കസ്റ്റഡിയിലുണ്ടായിരുന്ന അഞ്ചുപേരുടെ അറസ്റ്റുകൂടി ഇന്ന് രേഖപ്പെടുത്തി. എച്ചിലടുക്കം സ്വദേശികളായ കെ.എം.സുരേഷ്, കെ,?അനില്‍കുമാര്‍, കുണ്ടംകുഴി സ്വദേശി അശ്വിന്‍, കല്യോട്ട് സ്വദേശികളായ ശ്രീരാഗ്, ഗിജിന്‍ എന്നവരെയാണ് ഇന്ന് അറസ്റ്റുചെയ്തത്. ഇതോടെ കേസില്‍ അറസ്റ്റിലായവരുടെ എണ്ണം ഏഴായി.

മതിയായി; ഫേസ്ബൂക്കിനോട് വിടപറഞ്ഞ് പ്രിയനന്ദന്‍

മതിയായി; ഫേസ്ബൂക്കിനോട് വിടപറഞ്ഞ് പ്രിയനന്ദന്‍ സംവിധായകന്‍ പ്രിയനന്ദനന്‍ ഫേസ്ബുക്കില്‍ നിന്ന് വിടപറയുന്നു. തന്റെ ഫെയ്‌സ്ബുക്കിലൂടെയാണ് പ്രിയനന്ദനന്‍ ഇക്കാര്യം വെളിപ്പെടുത്തിയത്. മുഖപുസ്തത്തില്‍ നിന്നും വിട പറയുന്നു. എന്നെ സുന്ദരവും അസുന്ദരവുമാക്കിയ എല്ലാ ലഹരിക്കും നന്ദിയുണ്ട്. എന്നാണ് പ്രിയനന്ദനന്‍ തന്റെ ഫേസ്ബുക്കില്‍ കുറിച്ചത്. ശബരിമല വിഷയത്തില്‍ തന്റെ ഫേസ്ബുക്കില്‍ പങ്കുവച്ച കുറിപ്പിന്റെ പേരില്‍ പ്രിയാനന്ദനന് നേരെ കുറച്ച് ദിവസങ്ങള്‍ക്ക് മുന്‍പ് ആക്രമണം നടന്നിരുന്നു. ഇതിനിടയില്‍ ആര്‍എസ്എസുകാര്‍ തന്റെ തലയില്‍ ചാണക വെള്ളം ഒഴിച്ചെന്നു ആരോപിക്കുകയും പരാതി നല്‍കുകയും ചെയ്തിരുന്നു. സംഭവത്തില്‍ തൃശ്ശൂര്‍ വല്ലച്ചിറ സ്വദേശി സരോവര്‍ അറസ്റ്റിലായിരുന്നു.

മാതാപിതാക്കളെ വൃദ്ധസദനത്തിലാക്കിയാല്‍ സ്വത്ത് ഇനി സര്‍ക്കാരിലേയ്ക്ക്

മാതാപിതാക്കളെ വൃദ്ധസദനത്തിലാക്കിയാല്‍ സ്വത്ത് ഇനി സര്‍ക്കാരിലേയ്ക്ക് പ്രായമായ മാതാപിതാക്കളെ വൃദ്ധസദനങ്ങളിലാക്കിയാല്‍ അവര്‍ക്ക് താല്‍പര്യമുണ്ടെങ്കില്‍ ഇനി സ്വത്ത് സര്‍ക്കാരിലേക്ക് നല്‍കാം. ഇങ്ങനെ ലഭിക്കുന്ന സ്വത്ത് ഏറ്റെടുത്ത് കൈകാര്യം ചെയ്യാന്‍ വയോജനക്ഷേമ ട്രസ്റ്റ് രൂപവത്കരിക്കുന്നതിനുള്ള നടപടികള്‍ പുരോഗമിച്ചു വരികയാണ്. ഈ ട്രസ്റ്റിന്റെ ഘടനയും പ്രവര്‍ത്തനവും സംബന്ധിച്ച കരട് രേഖ സാമൂഹിക നീതി വകുപ്പ് തയ്യാറാക്കി വരികയാണ്. ജൂണിന് മുന്‍പ് ട്രസ്റ്റ് നിലവില്‍ വരുമെന്നാണ് റിപ്പോര്‍ട്ട്. സര്‍ക്കാരിന്റെ വൃദ്ധസദനങ്ങളില്‍ എത്തിച്ചേരുന്ന പലരും ശേഷിക്കുന്ന സ്വത്തും പണവും സര്‍ക്കാറിന് സംഭാവന ചെയ്യാന്‍ താത്പര്യം പ്രകടിപ്പിക്കാറുണ്ട്. നിലവില്‍ ഇത്തരത്തില്‍ ലഭിക്കുന്ന സംഭാവനകള്‍ ഏറ്റെടുക്കാന്‍ സര്‍ക്കാര്‍ സംവിധാനം ഇല്ല. ഇതാണ് ഇത്തരമൊരു ട്രസ്റ്റ് രൂപീകരിക്കാന്‍ പ്രേരണയായത്. വയോജന ക്ഷേമ ട്രസ്റ്റ് രൂപവത്കരിച്ച് ഇത്തരത്തില്‍ എത്തുന്ന സ്വത്തുക്കള്‍ പരിപാലിക്കാനാണ് സര്‍ക്കാര്‍ നീക്കം. സാമൂഹികനീതി മന്ത്രി ചെയര്‍മാനായ സീനിയര്‍ സിറ്റിസണ്‍ കൗണ്‍സിലിന് കീഴിലാകും ട്രസ്റ്റ് പ്രവര്‍ത്തിക്കുക. പണമായും ഭൂമിയായും…

ആറു വയസുകാരന്‍ 200 അടി താഴ്ചയുള്ള കുഴല്‍ക്കിണറില്‍ വീണു: രക്ഷാപ്രവര്‍ത്തനം തുടരുന്നു

ആറു വയസുകാരന്‍ 200 അടി താഴ്ചയുള്ള കുഴല്‍ക്കിണറില്‍ വീണു: രക്ഷാപ്രവര്‍ത്തനം തുടരുന്നു ആറു വയസുകാരന്‍ 200 അടി താഴ്ചയുള്ള കുഴല്‍ക്കിണറില്‍ വീണു. മഹാരാഷ്ട്ര പൂനയിലെ ഒരു ഗ്രാമത്തിലാണു സംഭവം. കുഴല്‍ക്കിണറില്‍ പത്തടി താഴ്ചയിലാണ് കുട്ടി കുടുങ്ങിക്കിടക്കുന്നത്. ദേശീയ ദുരന്ത നിവാരണ സേനയും പോലീസും രക്ഷാപ്രവര്‍ത്തനം ആരംഭിച്ചിട്ടുണ്ട്. കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ക്ഷാമ ബത്ത മൂന്നു ശതമാനം വര്‍ധിപ്പിക്കാന്‍ തീരുമാനം കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ഡിയര്‍നെസ് അലവന്‍സ് (ക്ഷാമ ബത്ത) വര്‍ധിപ്പിക്കാന്‍ തീരുമാനം. ക്ഷാമ ബത്ത മൂന്നു ശതമാനം വീതം വര്‍ധിപ്പിക്കാന്‍ പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് തീരുമാനം. ഈ തീരുമാനം 2019 ജനുവരി ഒന്നു മുതല്‍ പ്രാബല്യത്തില്‍ വരുമെന്ന രീതിയിലാണ് റിപ്പോര്‍ട്ടുകള്‍. ഈ ആനുകൂല്യം 1.1 കോടി കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ലഭിക്കും. 48.41 ലക്ഷം കേന്ദ്ര ജീവനക്കാര്‍ക്കും…

കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ക്ഷാമ ബത്ത മൂന്നു ശതമാനം വര്‍ധിപ്പിക്കാന്‍ തീരുമാനം

കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ക്ഷാമ ബത്ത മൂന്നു ശതമാനം വര്‍ധിപ്പിക്കാന്‍ തീരുമാനം കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ഡിയര്‍നെസ് അലവന്‍സ് (ക്ഷാമ ബത്ത) വര്‍ധിപ്പിക്കാന്‍ തീരുമാനം. ക്ഷാമ ബത്ത മൂന്നു ശതമാനം വീതം വര്‍ധിപ്പിക്കാന്‍ പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് തീരുമാനം. ഈ തീരുമാനം 2019 ജനുവരി ഒന്നു മുതല്‍ പ്രാബല്യത്തില്‍ വരുമെന്ന രീതിയിലാണ് റിപ്പോര്‍ട്ടുകള്‍. ഈ ആനുകൂല്യം 1.1 കോടി കേന്ദ്ര സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ലഭിക്കും. 48.41 ലക്ഷം കേന്ദ്ര ജീവനക്കാര്‍ക്കും 62.03 ലക്ഷം പെന്‍ഷന്‍കാര്‍ക്കും ഇതിന്റെ ഗുണഫലം ലഭിക്കുമെന്ന് കേന്ദ്ര ധനകാര്യമന്ത്രി അരുണ്‍ ജെയ്റ്റ്ലി അറിയിച്ചു. പുതിയ തീരുമാനത്തോടെ നിലവിലെ 9 ശതമാനത്തില്‍ നിന്ന് 12 ശതമാനമായി ഡിഎ ഉയര്‍ന്നതായി അദ്ദേഹം പറഞ്ഞു. ഏഴാം കേന്ദ്ര ശമ്പള പരിഷ്‌ക്കരണ കമ്മീഷന്റെ ശുപാര്‍ശ പ്രകാരമുള്ള സാധാരണ തീരുമാനമാണിതെന്നും അദ്ദേഹം…

സമൂഹ മനസാക്ഷിയെ ഞെട്ടിക്കുന്ന കുറ്റകൃത്യമെന്ന് കോടതി: പീതാംബരനെ 7 ദിവസം പോലീസ് കസ്റ്റഡിയില്‍ വിട്ടു

പെരിയയിലെ യൂത്ത് കോണ്‍ഗ്രസ് പ്രവര്‍കത്തകരുടെ ഇരട്ടക്കൊലപാതകത്തില്‍ അറസ്റ്റിലായ മുന്‍ സിപിഎം ലോക്കല്‍ കമ്മിറ്റി അംഗം പീതാംബരനെ പൊലീസ് കസ്റ്റഡിയില്‍ വിട്ടു. ഹൊസ്ദുര്‍ഗ് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് പീതാംബരനെ ഹാജരാക്കിയത്. കേസിന്റെ തുടര്‍ന്നുള്ള അന്വേഷണത്തിനും ചോദ്യംചെയ്യലിനുമായി പീതാംബരനെ കസ്റ്റഡിയില്‍വിട്ടുകിട്ടാന്‍ പോലീസ് അപേക്ഷ നല്‍കിയിരുന്നു. ഇത് പരിഗണിച്ച് പ്രതിയെ ഏഴുദിവസത്തെ പോലീസ് കസ്റ്റഡിയില്‍ വിടുന്നതായി കോടതി ഉത്തരവിട്ടു. പെരിയ ഇരട്ടക്കൊലപാതകം സമൂഹ മനസാക്ഷിയെ ഞെട്ടിക്കുന്ന കുറ്റകൃത്യമാണെന്നും രാഷ്ട്രീയവിരോധമാണ് കൊലപാതകങ്ങളില്‍ കലാശിച്ചതെന്നും കോടതി നിരീക്ഷിച്ചു. പീതാംബരനെയും കൊണ്ട് പൊലീസ് തെളിവെടുപ്പിനായി സംഭവ സ്ഥലത്തെത്തിയപ്പോള്‍ കയ്യേറ്റ ശ്രമം ഉണ്ടായി. ഇവിടെനിന്നും കൊലപാതകത്തിന് ഉപയോഗിച്ച ഇരുമ്പ് ദണ്ഡുകളും വാളുകളും കണ്ടെത്തിയിരുന്നു.

BREAKING NEWS: കൊച്ചിയില്‍ വന്‍ തീപിടുത്തം; നാവിക സേനയുടെ സഹായം തേടി

കൊച്ചിയില്‍ വന്‍ തീപിടുത്തം കൊച്ചിയില്‍ വന്‍ തീപിടുത്തം. എറണാകുളം സൗത്ത് റെയിവേ സ്റ്റേഷന് സമീപമുള്ള ചെരുപ്പ് കമ്പനിയുടെ ഗോഡൗണിനാണ് തീപിടിച്ചത്. പാരഗന്‍ കമ്പനിയുടെ ചെരുപ്പ് ഗോഡൗണ്‍ ആണിത്. രാവിലെ പതിനൊന്ന് മണിയോടുകൂടിയാണ് തീപിടുത്തം ഉണ്ടായത്. തീ നിയന്ത്രണ വിധേയമാക്കാനുള്ള ശ്രമങ്ങള്‍ തുടരുകയാണ്. സമീപത്തുള്ള കെട്ടിടങ്ങളിലേക്ക് തീ പടരാതിരിക്കാനുള്ള ശ്രമം തുടരുകയാണ്. ആറു നിലകളിലായി തീ ആളിപ്പടരുകയാണ്. റബ്ബര്‍ കത്തി ഉണ്ടാകുന്ന കനത്ത പുക ഉയരുന്നത് സമീപ പ്രദേശത്തുള്ള ഫ്ലാറ്റുകളില്‍ ഓഫീസുകളില്‍ ഉള്ളവര്‍ക്ക് ശാരീരിക അസ്വസ്ഥത ഉണ്ടാക്കുന്നുണ്ട്. സമീപത്തെ കെട്ടിടത്തില്‍ ഉള്ളവരെയും ലോഡ്ജുകളില്‍ താമസിക്കുന്നവരെയും ഒഴിപ്പിച്ചു. പത്തു യൂണിറ്റു ഫയര്‍ എന്‍ജിനുകള്‍ തീയണയ്ക്കാനുള്ള ശ്രമത്തിലാണ്. ഇതുവരെ ആളപായമൊന്നും റിപ്പോര്‍ട്ട്‌ ചെയ്തിട്ടില്ല.

കാസര്‍ഗോഡ്‌ ഇരട്ടകൊലപാതകം; കഞ്ചാവ് ലഹരിയില്‍ വെട്ടിയത് താനെന്ന് പീതാംബരന്‍: വിശ്വസിക്കാതെ പോലീസ്

കാസര്‍ഗോഡ്‌ ഇരട്ടകൊലപാതകം; കഞ്ചാവ് ലഹരിയില്‍ വെട്ടിയത് താനെന്ന് പീതാംബരന്‍: വിശ്വസിക്കാതെ പോലീസ് കാസര്‍ഗോഡ്‌: കാസര്‍ഗോഡ്‌ ഇരട്ടകൊലപാതക കേസില്‍ ശരത്തിനെയും കൃപേഷിനെയും വെട്ടിയത് താനാണെന്ന് സി പി എം ലോക്കല്‍ കമ്മറ്റിയംഗം പീതാംബരന്റെ മൊഴി. കഞ്ചാവ് ലഹരിയിലാണ് താന്‍ കൊല നടത്തിയതെന്നാണ്‌ പീതാംബരന്‍ പോലീസിന് നല്‍കിയിരിക്കുന്ന മൊഴി. കൃപേഷും ശരത്തും ചേര്‍ന്ന് തന്നെ ആക്രമിച്ചതില്‍ പാര്‍ടി നടപടി എടുക്കാതിരുന്നതില്‍ നിരാശയുണ്ടായിരുന്നു. തന്നെ ആക്രമിച്ചതിലുള്ള അപമാനവും പകയും നിരാശയുമാണ്‌ കൊലപാതകം ചെയ്യാന്‍ പ്രേരിപ്പിച്ചതെന്നാണ് പീതാംബരന്റെ മൊഴിയില്‍ പറയുന്നതും. എന്നാല്‍ പീതാംബരന്റെ മൊഴി പോലീസ് പൂര്‍ണ്ണമായും വിശ്വസിച്ചിട്ടില്ല. അന്വേഷണം മറ്റുള്ളവരിലേക്ക് എത്താതിരിക്കനാണ് പീതാംബരന്‍ ഇത്തരത്തില്‍ ഒരു മൊഴി നല്‍കിയതെന്നാണ് അന്വേഷണ സംഘത്തിന്‍റെ വിലയിരുത്തല്‍. തന്നെ ആക്രമിച്ച വിഷയത്തില്‍ പാര്‍ട്ടി കാര്യാമായി ഇടപെട്ടില്ല. നേരത്തെ ശരത്തും കൃപേഷും പീതംബാരനെ ആക്രമിച്ച് കൈ ഒടിഞ്ഞിരുന്നു. ഈ കേസില്‍ ശരത്ത് ദിവസങ്ങള്‍ക്ക് മുന്‍പാണ് ജാമ്യത്തിലിറങ്ങിയത്. എന്നാല്‍…

നാളെ ആറ്റുകാല്‍ പൊങ്കാല: അനുഗ്രഹം തേടി ഭക്തലക്ഷങ്ങള്‍

നാളെ ആറ്റുകാല്‍ പൊങ്കാല: അനുഗ്രഹം തേടി ഭക്തലക്ഷങ്ങള്‍ തലസ്ഥാനത്ത് നാളെ ആറ്റുകാല്‍ പൊങ്കാല. ആറ്റുകാല്‍ അമ്മയുടെ അനുഗ്രഹം തേടി ഭക്തലക്ഷങ്ങള്‍ നാളെ പൊങ്കാലയിടും. പൊങ്കാലയ്ക്ക് ഒരുദിവസം മാത്രം ബാക്കി നില്‍ക്കെ ആറ്റുകാല്‍ ക്ഷേത്രത്തിലും പരിസരത്തും അടുപ്പുകള്‍ കൂട്ടി കാത്തിരിക്കുകയാണ് ഭക്തലക്ഷങ്ങള്‍. കുംഭമാസത്തിലെ പൂരം നാളും പൗര്‍ണമിയും ഒത്തുചേരുന്ന നാളെ രാവിലെ 10.15 ന് പണ്ടാര അടുപ്പിന് തീ പകരുന്നതോടെയാണ് പൊങ്കാല തുടക്കമാവുക. 40 ലക്ഷത്തോളം സ്ത്രീകള്‍ ഇത്തവണ പൊങ്കാലയ്‌ക്കെത്തുമെന്നാണ് ക്ഷേത്രം ഭാരവാഹികള്‍ പറയുന്നത്. പൊങ്കാലയുടെ ബന്ധപെട്ടു തിരുവനതപുരത്ത് പല പ്രധാന ഭാഗങ്ങളിലും ഗതാഗത നിയന്ത്രണം ഏര്‍പ്പെടുത്തി. കഴക്കൂട്ടം-കോവളം ദേശീയ പാത ബൈപാസില്‍ വാഹനങ്ങള്‍ പ്രവേശിക്കുന്നത് തടയാനായി ബാരിക്കേഡുകള്‍ സ്ഥാപിച്ചിട്ടുണ്ട്. ആറ്റുകാല്‍ ക്ഷേത്രത്തിന് ചുറ്റുമുള്ള പ്രധാന റോഡുകള്‍, ദേശീയ പാത, എം.ജി. റോഡ്, എം.സി. റോഡ്, ബണ്ട് റോഡ് എന്നിവിടങ്ങളില്‍ പൊങ്കാല സമയത്ത് വാഹനങ്ങള്‍ പാര്‍ക്ക് ചെയ്യാന്‍ പാടില്ല.…

സാംസ്‌കാരിക നായകര്‍ തങ്ങളുടെ നാക്കും വാക്കും സിപിഎമ്മിന് പണയപ്പെടുത്തിയിരിക്കുകയാണ്; കെ എം അഭിജിത്

സാംസ്‌കാരിക നായകര്‍ തങ്ങളുടെ നാക്കും വാക്കും സിപിഎമ്മിന് പണയപ്പെടുത്തിയിരിക്കുകയാണ്; കെ എം അഭിജിത് സിപിഎമ്മിന് മുന്നില്‍ കുനിഞ്ഞിരിക്കുന്ന നാറികളാണ് സാംസ്‌കാരിക നായകരെന്ന് കെഎസ്‌യു സംസ്ഥാന പ്രസിഡന്റ് കെ എം അഭിജിത്. തങ്ങളുടെ നാക്കും വാക്കും സാംസ്‌കാരിക നായകര്‍ സിപിഎമ്മിന് പണയപ്പെടുത്തിയിരിക്കുകയാണെന്നും സര്‍ക്കാര്‍ നല്‍കുന്ന അപ്പക്കഷണം പ്രതീക്ഷിച്ചിരിക്കുകയാണ് ഇക്കൂട്ടരെന്നും കെ എം അഭിജിത് ആരോപിച്ചു. സാംസ്‌കാരിക രംഗത്തുനിന്നും കാസര്‍കോട്ടെ യൂത്ത് കോണ്‍ഗ്രസ് പ്രവര്‍ത്തകരുടെ ഇരട്ടക്കൊലപാതകത്തില്‍ വേണ്ടത്ര പ്രതിഷേധം ഉയരുന്നില്ലെന്നാണ് കെഎസ്‌യു പറയുന്നത്. ആശയങ്ങളെ കഠാര കൊണ്ട് നേരിടാനാണെങ്കില്‍ ജീവന്‍ കളയാനും കെഎസ്‌യു പ്രവര്‍ത്തകര്‍ തയ്യാറാണ്. അക്രമങ്ങള്‍ തടയാന്‍ മുഖ്യമന്ത്രി തയ്യാറായില്ലെങ്കില്‍ കെഎസ്‌യു തിരിച്ചടിക്കുമെന്നും അഭിജിത് വ്യക്തമാക്കി. കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരായ കൃപേഷിന്റേയും ശരത് ലാലിന്റേയും സഹോദരിമാരുടെ പഠനച്ചെലവ് കെഎസ്‌യു ഏറ്റെടുക്കുമെന്നും അഭിജിത് പറഞ്ഞു.