ലോകകപ്പിലെ ഓരോ ടീമിന്റെയും മത്സര ഫലങ്ങള്‍ പ്രവചിച്ച് ബ്രണ്ടന്‍ മക്കല്ലം

ഐസിസി ലോകകപ്പില്‍ നിരവധി ആളുകള്‍ പലതരത്തിലുള്ള പ്രവചനങ്ങളുമായി രംഗത്ത് വരുന്നുണ്ട്. കൂടുതല്‍ പേരും ഇംഗ്ലണ്ടിനെയാണ് കപ്പ് നേടുമെന്ന് പ്രവചിച്ചത്. ഇന്ത്യയെയും പ്രവചിച്ച് ആരാധകര്‍ എത്തിയിട്ടുണ്ട്. എന്നാല്‍ അത്തരത്തില്‍ മറ്റുള്ളവരെ വ്യത്യസ്തനാക്കി കൊണ്ട് പ്രവചനം നടത്തുകയാണ് ന്യൂസിലന്‍ഡ് മുന്‍ താരം ബ്രണ്ടന്‍ മക്കല്ലം. ഇന്ത്യയും ഇംഗ്ലണ്ടും വളരെ മികച്ചതായി തന്നെ സെമിഫൈനലില്‍ എത്തുമെന്നാണ് താരം വ്യക്തമാക്കുന്നത്. എന്നാല്‍ കിരീട സാധ്യത ആര്‍ക്കെന്ന് താരം പ്രവചിച്ചിട്ടില്ല. മഴയുടെയും ഭാഗ്യത്തിനെയും പിന്തുണയോടെ ന്യൂസിലാന്‍ഡ് ആയിരിക്കും നാലാം ടീമെന്നും മക്കല്ലം എഴുതി. ഒമ്പതു മത്സരങ്ങളില്‍ എട്ടുവീതം ജയങ്ങളുമായി ഇംഗ്ലണ്ടും ഇന്ത്യയുമാകും പോയന്റ് പട്ടികയില്‍ ആദ്യ രണ്ടു സ്ഥാനങ്ങളിലെത്തുകയെന്നും മക്കല്ലം പ്രവചിച്ചു. പാകിസ്താനെതിരായ മത്സരത്തില്‍ ഇന്ത്യയ്ക്കായിരിക്കും വിജയം. എട്ടുകളികള്‍ ജയിക്കുമ്പോള്‍ ഇംഗ്ലണ്ട് ഓസ്‌ട്രേലിയയോട് തോല്‍ക്കുമെന്നും മക്കല്ലം പറയുന്നു. തന്റെ ഇന്‍സ്റ്റ്ഗ്രാമിലൂടെയാണ് താരം ഈ പ്രവചനങ്ങള്‍ കുറിച്ചത്. പ്രവചനമെഴുതിയ ഡയറിയുടെ ഫോട്ടോയും മക്കല്ലം പോസ്റ്റ് ചെയ്തിട്ടുണ്ട്.…

ചരിഞ്ഞ ആനയെ സംസ്‌കരിക്കാന്‍ പണമില്ലാതെ ഉടമ

ചരിഞ്ഞ ആനയെ സംസ്‌കരിക്കാന്‍ പണമില്ലാതെ ഉടമ ചരിഞ്ഞ ആനയുടെ സംസ്‌കാരത്തിനു വേണ്ട പണമില്ലാതെ ഓടി നടക്കുകയാണ് ആനയുടമ. പാലക്കാട് രാജേന്ദ്രന്‍ എന്ന ആനയുടെ ഉടമയായ ശരവണനാണ് പോസ്റ്റ്‌മോര്‍ട്ടത്തിനും സംസ്‌കാരത്തിനും വേണ്ട പണമില്ലാതെ വലയുന്നത്. ശരവണന് സഹായവുമായി ആനപ്രേമി സംഘമുള്‍പ്പെടെ നിരവധിപേര്‍ എത്തിയിട്ടുണ്ടെങ്കിലും ആവശ്യമുളള പണം ഇനിയും ലഭിച്ചിട്ടില്ല. ആനക്കമ്പം മൂത്ത് കഴിഞ്ഞ വര്‍ഷമാണ് ഓട്ടോ ഡ്രൈവറായ ശരവണന്‍ കോട്ടയത്തുനിന്ന് ഈ ആനയെ വാങ്ങിയത്. ആന അസുഖം ബാധിച്ച് ആഴ്ചകളായി ചികിത്സയിലായിരുന്നു. ശരവണന്‍ ഓട്ടോ ഓടിച്ചുകിട്ടുന്ന വരുമാനം കൊണ്ടാണ് ആനയെ പരിപാലിച്ചിരുന്നത്. ആനയെ ഉത്സവ എഴുന്നളളത്തിനും കൊണ്ടുപോകുമായിരുന്നു. അതേസമയം ആന ചരിഞ്ഞതോടെ ശരവണന്‍ ശരിക്കും പ്രതിസന്ധിയിലായിരിക്കുകയാണ്. ആനയുടെ സംസ്‌കാരത്തിന് പത്ത് ടണ്ണ് വെറക്, മുപ്പത് ലിറ്റര്‍ ഡീസല്‍, 25 കിലോ പഞ്ചസാര, മഞ്ഞപ്പൊടി, ടയറുകള്‍ പിന്നെ ക്രെയിന്‍ എന്നിവയെല്ലാം ആവശ്യമാണ്. ഇവയുടെ ചെലവുകള്‍ എങ്ങനെ കണ്ടെത്തുമെന്ന ആശങ്കയിലാണ് ശരവണന്‍.…

മൂത്ത ജ്യേഷ്ഠനെ യുവാവ് വെടിവച്ചു കൊന്നു; കാരണം വിവാഹേതര ബന്ധവും ധൂര്‍ത്തും…!

മൂത്ത ജ്യേഷ്ഠനെ യുവാവ് വെടിവച്ചു കൊന്നു; കാരണം വിവാഹേതര ബന്ധവും ധൂര്‍ത്തും…! ഡല്‍ഹിയില്‍ യുവാവ് മൂത്ത ജ്യേഷ്ഠനെ വെടിവെച്ചു കൊലപ്പെടുത്തി. ഡല്‍ഹി ദ്വാരക ജാഫര്‍പൂരിലാണ് സംഭവം. ജ്യേഷ്ഠന്റെ വിവാഹേതര ബന്ധത്തിലും കുടുംബസ്വത്ത് പാഴാക്കുന്നതിലും പ്രകോപിതനായാണ് യുവാവ് കൊല ചെയ്തത്. പ്രതി ജ്യേഷ്ഠന്റെ ഭാര്യയുടെയും കുഞ്ഞിന്റെയും മുന്നില്‍വെച്ചാണ് കൊല നടത്തിയത്. നിരവധി സ്ത്രീകളുമായി വിവാഹേതര ബന്ധമുണ്ടെന്നും ആര്‍ഭാടമായ ജീവിതം നയിക്കാന്‍ കുടുംബസ്വത്ത് വിറ്റുവെന്നും എല്ലാവരുടെയും മുന്നില്‍വെച്ച് സമ്മതിപ്പിച്ച ശേഷമായിരുന്നു ശിവ്കുമാര്‍ യാദവിനെ സഹോദരനായ മനോജ് യാദവ് വെടിവെച്ചു കൊന്നത്. ശിവ്കുമാറിനെ തോക്ക് ചൂണ്ടിക്കാട്ടി വീടിന് പുറത്തിറക്കിയശേഷം പ്രതി മൂന്നുതവണ വെടിയുതിര്‍ക്കുകയായിരുന്നു. കുടുംബത്തിന്റെ എല്ലാ പ്രശ്‌നങ്ങള്‍ക്കും ജ്യേഷ്ഠനാണ് കാരണമെന്ന് ഇയാള്‍ വിളിച്ചുപറഞ്ഞ ശേഷം തോക്ക് കൊണ്ട് വെടിയുതിര്‍ക്കുകയായി രുന്നെന്നാണ് ദ്വാരക ഡെപ്യൂട്ടി പൊലീസ് കമ്മീഷണര്‍ ആന്റോ അല്‍ഫോണ്‍സ് പറയുന്നത്.

മുള്ളന്‍പന്നിയെ കൊന്ന് കറിവെച്ചു: രണ്ട് പേര്‍ അറസ്റ്റില്‍

മുള്ളന്‍പന്നിയെ കൊന്ന് കറിവെച്ചു: രണ്ട് പേര്‍ അറസ്റ്റില്‍ മുള്ളന്‍പന്നിയെ വെടിവെച്ച് കൊന്ന് കറിവെച്ച രണ്ട് പേര്‍ പിടിയില്‍. ബേഡഡുക്ക മുള്ളങ്കോട്ടെ പി. മനോഹരന്‍ (45), അമ്മങ്കോട്ടെ എ. കമലാക്ഷന്‍ (46) എന്നിവരാണ് അറസ്റ്റിലായത്. ഇവര്‍ക്കൊപ്പമുണ്ടായിരുന്ന ഭാസ്‌കരന്‍ കൃഷ്ണന്‍ നായര്‍ എന്നിവരെ നേരത്തെ പൊലീസ് അറസ്റ്റ് ചെയ്തിരുന്നു. ജനുവരി 26 നാണ് മുള്ളന്‍പന്നിയുടെ കറിയുമായി ഇവരെ വനംവകുപ്പ് പിടികൂടിയത്. ബാക്കിയുള്ള നാല് പേര്‍ രക്ഷപ്പെടുകയായിരുന്നു. ഇവര്‍ ജാമ്യാപേക്ഷ നല്‍കിയപ്പോള്‍ ഹര്‍ജി പരിഗണിച്ച ഹൈക്കോടതി അന്വേഷണ ഉദ്യോഗസ്ഥനു മുമ്പാകെ ഹാജരാകാന്‍ നിര്‍ദേശം നല്‍കുകയായിരുന്നു. ഇതോടെയാണ് മനോഹരനും കമലാക്ഷനും കീഴടങ്ങിയത്. ഇവരുടെ അറസ്റ്റ് രേഖപ്പെടുത്തിയ ശേഷം ജാമ്യം നല്‍കാന്‍ അന്വേഷണ ഉദ്യോഗസ്ഥനായ റേഞ്ച് ഓഫീസര്‍ക്കും കോടതി നിര്‍ദേശം നല്‍കി. അംബുജാക്ഷന്‍, രാമചന്ദ്രന്‍ എന്നിവരെയാണ് കേസില്‍ ഇനി പിടികൂടാനുള്ളത്.

ശബരിമലയെ വെറുതെ വിട്ടുകൂടേ? സ്ത്രീകള്‍ക്ക് പോകാന്‍ വേറെ എത്രയോ ക്ഷേത്രങ്ങളുണ്ട്; പൃഥ്വിരാജ്

ശബരിമലയെ വെറുതെ വിട്ടുകൂടേ? സ്ത്രീകള്‍ക്ക് പോകാന്‍ വേറെ എത്രയോ ക്ഷേത്രങ്ങളുണ്ട്; പൃഥ്വിരാജ് ശബരിമല യുവതീപ്രവേശനവുമായി ബന്ധപ്പെട്ട വിഷയത്തില്‍ പ്രതികരണവുമായി പൃഥ്വിരാജ്. ഒരു മാധ്യമത്തിന് നല്‍കിയ അഭിമുഖത്തിലാണ് പൃഥ്വി പ്രതികരിച്ചത്. ശബരിമലയില്‍ ദര്‍ശനത്തിന് പോയ സ്ത്രീകള്‍ അയ്യപ്പനില്‍ അടിയുറച്ച് വിശ്വസിക്കുന്നവരാണോ എന്നറിഞ്ഞാല്‍ അഭിപ്രായം പറയാം. വിശ്വാസികളല്ലാതെ, വെറുതെ കാട്ടില്‍പ്പോയി അയ്യപ്പനെ കണ്ടേക്കാം എന്നാണെങ്കില്‍ പോകാന്‍ വേറെ എത്രയോ ക്ഷേത്രങ്ങളുണ്ടെന്ന് പൃഥ്വി ചോദിക്കുന്നു. ശബരിമലയെ വെറുതെ വിട്ടുകൂടെ? അതിന്റെ പേരില്‍ എന്തിനാണ് ഇത്രയും പേര്‍ക്ക് ബുദ്ധിമുട്ടുണ്ടാക്കുന്നത്? പ്രായം കൂടുംതോറും ദൈവങ്ങളിലും ബിംബങ്ങളിലുമൊക്കെയുള്ള വിശ്വാസം എനിക്ക് നഷ്ടപ്പെടുകയാണ്. മതത്തില്‍ തീരെ വിശ്വാസമില്ല. പ്രപഞ്ചത്തെ നിയന്ത്രിക്കുന്ന ഒരു ശക്തിയുണ്ടെന്നാണ് കരുതുന്നത്. കുട്ടിക്കാലം തൊട്ടേ ക്ഷേത്രങ്ങളില്‍ പോയി പ്രാര്‍ത്ഥിച്ചിരുന്നതിനാല്‍ ഇപ്പോഴും അത് തുടരുന്നു. അമ്പലങ്ങളില്‍ പോകാറുണ്ട്. വീട്ടില്‍ പൂജാമുറിയിലും പ്രാര്‍ത്ഥിക്കും. പള്ളികളിലും പോകും”പൃഥ്വി പറഞ്ഞു. പുതിയ സിനിമയായ 9നെക്കുറിച്ചും ലൂസിഫറിനെക്കുറിച്ചുമുള്ള വിശേഷങ്ങളും പൃഥ്വി മാധ്യമങ്ങളുമായി…

സുരക്ഷയില്ലാതെ സ്ത്രീകള്‍ക്ക് ശബരിമലയില്‍ പ്രവേശിക്കാന്‍ അവസരം ഉണ്ടാകണം: സിസ്റ്റര്‍ ലൂസി കളപ്പുരയ്ക്കല്‍

sister lucy kalappurakkal statement on sabarimala women entry

സുരക്ഷയില്ലാതെ സ്ത്രീകള്‍ക്ക് ശബരിമലയില്‍ പ്രവേശിക്കാന്‍ അവസരം ഉണ്ടാകണം: സിസ്റ്റര്‍ ലൂസി കളപ്പുരയ്ക്കല്‍ പാലക്കാട്: കുട്ടിക്ക് ജന്മം നല്‍കുക എന്ന ഉദാത്തമായ കര്‍മ്മം അനുഷ്ടിക്കുന്ന യുവതികളെ ആര്‍ത്തവത്തിന്റെ പേരു പറഞ്ഞ് അകറ്റി നിര്‍ത്തരുതെന്നും പൊലീസ് സുരക്ഷയില്ലാതെ തന്നെ സ്ത്രീകള്‍ക്ക് ശബരിമലയില്‍ പ്രവേശിക്കാന്‍ അവസരം ഉണ്ടാകണമെന്നും സിസ്റ്റര്‍ ലൂസി കളപ്പുരയ്ക്കല്‍ അഭിപ്രായപ്പെട്ടു. പാലക്കാട് വിക്‌ടോറിയ കോളേജ് വുമണ്‍സ് ഡെവലപ് മെന്റ് സെല്‍ സംഘടിപ്പിച്ച ചടങ്ങില്‍ സംസാരിക്കുകയായിരുന്നു അവര്‍. നവമായ ഉഥാനം യുവതികളിലൂടെ മാത്രമാണ് സാധ്യമാകുകയെന്നും അതിനായി സ്ത്രീകള്‍ മുന്നിട്ടിറങ്ങണമെന്നും അവര്‍ ആഹ്വാനം ചെയ്തു. Also Read >> അനാശാസ്യ പ്രവര്‍ത്തനത്തിന് പാലയില്‍ മൂന്നുപേര്‍ പിടിയില്‍ പാലയില്‍ അനാശാസ്യ പ്രവര്‍ത്തനത്തിന് ഗൃഹനാഥനും കൂട്ടാളികളും പോലീസ് പിടിയില്‍. വീടു കേന്ദ്രീകരിച്ച് ഇവര്‍ അനാശാസ്യം നടത്തിവന്നിരുന്നത്. പൈക മല്ലികശേരി സ്വദേശി ജോസ് (67) ഉം, കൂട്ടാളികളായ ഇടപാടുകാരുമായ തിരുവാര്‍പ്പ് സ്വദേശിയായ ശ്യാംകുമാര്‍ (27), ആലപ്പുഴ…

കനകദുര്‍ഗയും ബിന്ദുവും ശബരിമലയില്‍ ദര്‍ശനം നടത്തിയത് സര്‍ക്കാരിന്റെ അറിവോടെയെന്ന് സത്യവാംങ്മൂലം

കനകദുര്‍ഗയും ബിന്ദുവും ശബരിമലയില്‍ ദര്‍ശനം നടത്തിയത് സര്‍ക്കാരിന്റെ അറിവോടെയെന്ന് സത്യവാംങ്മൂലം കനകദുര്‍ഗയും ബിന്ദുവും ശബരിമലയില്‍ ദര്‍ശനം നടത്തിയത് സര്‍ക്കാരിന്റെ അറിവോടെയെന്ന് കോടതിയില്‍ സത്യവാംങ്മൂലം. പത്തനംതിട്ട എസ്പിയാണ് ഹൈക്കോടതിയില്‍ സത്യവാംങ്മൂലം നല്‍കിയത്. പമ്പയില്‍നിന്നും നാല് പോലീസുകാരുടെ സുരക്ഷാ അകമ്പടിയോടെയാണ് ഇരുവരും സന്നിധാനത്ത് ദര്‍ശനത്തിനെത്തിയതെന്ന് സത്യവാംങ്മൂലത്തില്‍ പറയുന്നു. ശബരിമല നിരീക്ഷക സമിതിയുടെ റിപ്പോര്‍ട്ടിനു മറുപടിയായാണ് എസ്പി സത്യവാംങ്മൂലം നല്‍കിയത്. സുരക്ഷ ആവശ്യപ്പെട്ട യുവതികള്‍ക്ക് സിവില്‍ വേഷത്തിലാണ് പോലീസ് ദര്‍ശനത്തിനു സൗകര്യം ഒരുക്കിക്കൊടുത്തത്. പ്രതിഷേധക്കാരെ ഒഴിവാക്കാനായിരുന്നു പതിനെട്ടാംപടി വഴി പ്രവേശിക്കാതെ വിഐപി ഗേറ്റ് വഴി യുവതികളെ കൊണ്ടുപോയത്. നിരീക്ഷക സമിതിയോട് അനാദരവ് കാട്ടിയിട്ടില്ലെന്നും എസ്പി സത്യവാംങ്മൂലത്തില്‍ വ്യക്തമാക്കി. പമ്പയില്‍നിന്നും നാല് പോലീസുകാരുടെ സുരക്ഷാ അകമ്പടിയോടെയാണ് ഇരുവരും സന്നിധാനത്ത് ദര്‍ശനത്തിനെത്തിയതെന്ന് സത്യവാംങ്മൂലത്തില്‍ പറയുന്നു. ശബരിമല നിരീക്ഷക സമിതിയുടെ റിപ്പോര്‍ട്ടിനു മറുപടിയായാണ് എസ്പി സത്യവാംങ്മൂലം നല്‍കിയത്. സുരക്ഷ ആവശ്യപ്പെട്ട യുവതികള്‍ക്ക് സിവില്‍ വേഷത്തിലാണ് പോലീസ്…

പൊന്നമ്പലമേട്ടില്‍ മകര വിളക്ക് തെളിഞ്ഞു

ശബരിമല സന്നിധാനത്തെ ഭക്തി സാന്ദ്രമാക്കികൊണ്ട് പൊന്നമ്പലമേട്ടില്‍ മകര വിളക്ക് തെളിഞ്ഞു. നിരവധി ഭക്തരാണ് മകരജ്യോതി ദര്‍ശിക്കുവാന്‍ ശബരിമലയില്‍ എത്തിയത്. പൊന്നമ്പലമേടിന്റെ ആകാശത്ത് മകരസംക്രമനക്ഷത്രവും തെളിഞ്ഞു. സന്നിധാനത്ത് എട്ട് കേന്ദ്രങ്ങളില്‍ മകരജ്യോതി ദര്‍ശനത്തിനായി ഒരുക്കിയിരുന്നത്. ദിവസങ്ങളായി പര്‍ണശാലകള്‍ കെട്ടി കാത്തിരുന്ന ഭക്തലക്ഷങ്ങളാണ് മകരജ്യോതി കണ്ട് തൊഴുതത്. വൈകിട്ട് ആറേകാലോടെ തിരുവാഭരണം സന്നിധാനത്തെത്തി. ഇക്കൊല്ലം മകരസംക്രമപൂജയ്ക്കുള്ള മുഹൂര്‍ത്തം വൈകിട്ട് 7.52-നാണ്. കവടിയാര്‍ കൊട്ടാരത്തില്‍ നിന്ന് ദൂതന്‍ വഴി എത്തിച്ച അയ്യപ്പമുദ്രയിലെ നെയ്യാണ് വിഗ്രഹത്തില്‍ അഭിഷേകം ചെയ്യുന്നത്. ഇതിനായി തിരുവാഭരണം അഴിച്ചുമാറ്റി വീണ്ടും ചാര്‍ത്തിയാണ് പൂജ നടത്തുക.

എരുമേലി വാവര്‍ പള്ളിയില്‍ സ്ത്രീകള്‍ സന്ദര്‍ശിക്കുന്നതിന് വിലക്കില്ലെന്ന് മഹല്ല് കമ്മിറ്റി

ശബരിമല തീര്‍ത്ഥാടനത്തിന്റെ ഭാഗമായ വാവര്‍ പള്ളി സന്ദര്‍ശനത്തിന് സ്ത്രീകള്‍ക്ക് വിലക്കില്ലെന്ന് മഹല്ല് കമ്മിറ്റി അറിയിച്ചു. ശബരിമല സ്ത്രീ പ്രവേശനം അനുവദിച്ചു കൊണ്ടുള്ള സുപ്രീംകോടതി വിധി വന്നതിന് പിന്നാലെ നടക്കുന്ന പ്രചരണങ്ങളില്‍ വ്യക്തത വരുത്തി കൊണ്ടാണ് എരുമേലി വാവര്‍ പള്ളി അധികൃതര്‍ ഇക്കാര്യം അറിയിച്ചത്. യുവതീപ്രവേശന വിധിയ്ക്ക് മുന്‍പോ ശേഷമോ വാവര്‍ പള്ളിയില്‍ ഒരു തരത്തിലുള്ള നിയന്ത്രങ്ങളും ഏര്‍പ്പെടുത്തിയിട്ടില്ലെന്ന് വാവര് പള്ളി അധികൃതര്‍ അറിയിച്ചു. വിധി വരുന്നതിനും വളരെ കാലം മുന്‍പേ തന്നെ വാവര് പള്ളിയില്‍ സ്ത്രീകള്‍ എത്താറുണ്ടായിരുന്നു. പള്ളിയ്ക്കുള്ളില്‍ കയറി വലം വച്ച ശേഷമാണ് തീര്‍ത്ഥാടകര്‍ പമ്പ യ്ക്ക് പോയിരുന്നത്. വാവര്‍ പള്ളിയിലെത്തുന്ന എല്ലാ വിശ്വാസികള്‍ക്കും അവരുടെ വിശ്വാസത്തിനനുസരിച്ചള്ള ആചാരനുഷ്ഠാനങ്ങള്‍ തുടരാമെന്ന് മഹല്ല് പ്രസി. അഡ്വ.പി എച്ച് ഷാജഹാന്‍ വ്യക്തമാക്കി.

മന്ത്രി സുധാകരന് ജെട്ടി നല്‍കി പ്രതിഷേധം; യുവമോര്‍ച്ച പ്രവര്‍ത്തകര്‍ അറസ്റ്റില്‍

Protest Against Min Sudhakaran

മന്ത്രി സുധാകരന് ജെട്ടി നല്‍കി പ്രതിഷേധം; യുവമോര്‍ച്ച പ്രവര്‍ത്തകര്‍ അറസ്റ്റില്‍ ആലപ്പുഴ: ശബരിമല തന്ത്രിയേയും മേല്‍ശാന്തിയേയും അധിക്ഷേപിച്ച മന്ത്രി ജി സുധാകരനെതിരെ പ്രതിഷേധം.മന്ത്രിക്ക് ജെട്ടി നല്‍കി പ്രതിഷേധിച്ച യുവമോര്‍ച്ച പ്രവര്‍ത്തകരെ പോലീസ് അറസ്റ്റ് ചെയ്തു.സംസ്ഥാന സ്കൂൾ കലോത്സവത്തിന്റെ അവലോകന യോഗത്തിന് എത്തിയപ്പോഴായിരുന്നു പ്രതിഷേധം. Also Read >> കോപ്പിയടി ടീച്ചര്‍ക്കൊപ്പം വേദി പങ്കിടരുതെന്ന് ജാതകത്തിലുണ്ട്!! തിരിച്ചടിച്ച് ഊര്‍മ്മിള ഉണ്ണി നേരത്തെ പൂജാരിമാര്‍ അടിവസ്ത്രം ധരിക്കാറില്ലെന്ന സുധാകരന്‍റെ പ്രസ്താവന ഏറെ വിവാദമായിരുന്നു.ആലപ്പുഴ കൊട്ടാരം സ്കൂളിലെത്തിയ മന്ത്രിയെ യുവ മോർച്ച പ്രവർത്തകർ വേദിയിലെത്തി ജട്ടി നൽകി പ്രതിഷേധിക്കാൻ ശ്രമിക്കുകയായിരുന്നു. ജില്ല പ്രസിഡന്റ് എസ്.സാജൻ, അമ്പലപ്പുഴ മണ്ഡലം പ്രസിഡന്റ് പി.ആരോമൽ,മണ്ഡലം വൈസ് പ്രസിഡന്റ് ആദർശ് മുരളി എന്നിവരടക്കമുള്ളവരാണ് അറസ്റ്റിലായത്.