ശ്രീശാന്തിന്റെ വിലക്ക് അവസാനിക്കുന്നു: അടുത്ത സെപ്റ്റംബറില്‍ കളിക്കളത്തിലിറങ്ങാം

ശ്രീശാന്തിന്റെ വിലക്ക് അവസാനിക്കുന്നു: അടുത്ത സെപ്റ്റംബറില്‍ കളിക്കളത്തിലിറങ്ങാം ക്രിക്കറ്റ് താരം ശ്രീശാന്തിന്റെ ആജീവനാന്ത വിലക്ക് അവസാനിക്കുന്നു. അടുത്ത വര്‍ഷം സെപ്റ്റംബറില്‍ വിലക്ക് അവസാനിക്കും. ഒത്തുകളി ആരോപണത്തില്‍ ബി.സി.സി.ഐ ഏര്‍പ്പെടുത്തിയ ആജീവനാന്ത വിലക്ക് ഏഴ് വര്‍ഷമായി കുറച്ചതോടെയാണ് താരത്തിന് ക്രിക്കറ്റിലേക്ക് തിരികെ വരാന്‍ അവസരമൊരുങ്ങുന്നത്. ബിസിസിഐ ഓംബുഡ്സുമാന്‍ ഡികെ ജെയിനാണ് ഉത്തരവിറക്കിയത്. അടുത്ത വര്‍ഷം സെപ്റ്റംബറിന് ശേഷം ബി.സി.സി.ഐക്ക് കീഴിലുള്ള ഏത് മത്സരങ്ങളിലും പങ്കെടുക്കാന്‍ ശ്രീശാന്തിന് സാധിക്കും. 2013 സെപ്റ്റംബര്‍ 13നായിരുന്നു ശ്രീശാന്തിനു വിലക്കേര്‍പ്പെടുത്തിയത്. ശ്രീശാന്ത് കളത്തിലിറങ്ങിയിട്ട് ആറു വര്‍ഷമായി. ആ വര്‍ഷത്തെ ഐ.പി.എല്ലില്‍ രാജസ്ഥാന്‍ റോയല്‍സ് താരമായിരുന്ന ശ്രീശാന്ത് ഒത്തുകളിച്ചെന്ന് ആരോപിച്ചായിരുന്നു ഈ വിലക്ക്. പിന്നീട് കോടതി ശ്രീശാന്തിനെ കുറ്റവിമുക്തനാക്കിയെങ്കിലും വിലക്ക് പിന്‍വലിക്കാന്‍ ബി.സി.സി.ഐ തയ്യാറായിരുന്നില്ല. ഒടുവില്‍ ശ്രീശാന്തിന്റെ ഹര്‍ജിയില്‍ ഇടപെട്ട സുപ്രീം കോടതി ആജീവനാന്ത വിലക്ക് നീക്കി അന്തിമ തീരുമാനം ബി.സി.സി.ഐയ്ക്ക് വിടുകയായിരുന്നു. എന്തു നടപടി…

ബിഗ് ബോസില്‍ ആത്മഹത്യ ശ്രമം; താരത്തെ പുറത്താക്കി

ബിഗ് ബോസില്‍ ആത്മഹത്യ ശ്രമം; താരത്തെ പുറത്താക്കി ബിഗ്‌ ബോസിന്റെ തമിഴ് പതിപ്പില്‍ ആത്മഹത്യാ ശ്രമം. ബിഗ്‌ ബോസില്‍ മത്സരാര്‍ത്ഥിയായ നടിയാണ് ആത്മഹത്യാ ശ്രമം നടത്തിയത്. സഹ മത്സരാര്‍ത്ഥികളുമായുണ്ടായ തര്‍ക്കമാണ് നടിയെ ആത്മഹത്യ ചെയ്യാന്‍ പ്രേരിപ്പിച്ചതെന്നാണ് റിപ്പോര്‍ട്ടുകള്‍. കൈത്തണ്ടയിലെ ഞരന്പ് മുറിച്ചാണ് നടി ആത്മഹത്യ ചെയ്യാന്‍ ശ്രമിച്ചത്‌. തമിഴ് നടി മധുമിതയാണ് ബിഗ്‌ ബോസ് റീയാലിറ്റി പരിപാടിക്കിടെ ആത്മഹത്യാ ശ്രമം നടത്തിയത്. സംഭവം വിവാദമായതോടെ നടിയെ ബിഗ്‌ ബോസില്‍ നിന്നും പുറത്താക്കി. ഇന്ത്യയില്‍ തന്നെ ഏറെ ഹിറ്റായ ടെലിവിഷന്‍ ഷോയാണ് ബിഗ്ബോസ്. തമിഴില്‍ ബിഗ്ബോസിന്‍റെ മൂന്നാം പതിപ്പിലാണ് ഏറെ വിവാദവും വിമര്‍ശനവും നേരിട്ട സംഭവം ഉണ്ടായത്. ഉലക നായകന്‍ കമലഹാസനാണ് തമിഴ് ബിഗ്ബോസിന്റെ അവതാരകന്‍. ഈ സംഭവത്തില്‍ താന്‍ ഏറെ ദുഖിതനാണെന്നും സ്വയം മുറിവേല്‍പ്പിച്ച് മറ്റുള്ളവരെ കാണിക്കുന്നത് മോശം പ്രവര്‍ത്തിയാണെന്നും കമലഹാസന്‍ അഭിപ്രായപ്പെട്ടു. വൈള്‍ഡ് കാര്‍ഡ് എന്‍ട്രിയിലൂടെ…

സോയിൽ പൈപ്പിംഗ്: ജാഗ്രത വേണമെന്ന് മുന്നറിയിപ്പ്

സോയിൽ പൈപ്പിംഗ്: ജാഗ്രത വേണമെന്ന് മുന്നറിയിപ്പ് മലയോര മേഖലയെ ഭീതിയിലാഴ്ത്തി പുതിയ പ്രതിഭാസം. സോയിൽ പൈപ്പിം​ഗ് എന്ന പ്രതിഭാസമാണ് കോഴിക്കോട് കണ്ടത്. മണ്ണിനടിയിൽ നിന്ന് വെള്ളത്തോടൊപ്പം ചെളിയും മണലും പുറത്തേക്ക് ഒഴുകി വരുന്ന പ്രതിഭാസമാണ് സോയിൽ പൈപ്പിംഗ്. കോഴിക്കോട് കാരശ്ശേരിയിലാണ് ഇത്തരം ഒരു പ്രതിഭാസം കണ്ടെത്തിയത്. കാരശ്ശേരി പഞ്ചായത്തിലെ തോട്ടക്കാട് എന്ന സ്ഥലത്താണ് സോയിൽ പൈപ്പിംഗ് ആദ്യം ശ്രദ്ധയില്‍പെട്ടത്. തോട്ടക്കാട് പൈക്കാടന്‍ മലയില്‍ ബാലകൃഷ്ണന്റെ കൃഷിയിടതാണ് ഇത്തരത്തില്‍ മണ്ണും ചളിയില്‍ കലര്‍ന്ന ഒഴികിവരുന്നത്‌. അസാധാരണ പ്രതിഭാസം കണ്ടെത്തിയതിനെ തുടര്‍ന്ന് പഞ്ചായത്തിലെ കൂടുതല്‍ പ്രദേശത്ത് സോയിൽ പൈപ്പിംഗിന് സാധ്യതയുണ്ടെന്ന് സ്ഥലം സന്ദര്‍ശിച്ച സെന്‍റർ ഫോർ എർത്ത് സ്റ്റഡീസിലെ ഉദ്യോഗസ്ഥർ അറിയിച്ചു. ഇത്തരം പ്രതിഭാസം ഉണ്ടായാല്‍ മണ്ണിടിച്ചിലിന് സാധ്യത ഉള്ളതിനാല്‍ പ്രദേശവാസികള്‍ ജാഗ്രത പാലിക്കണമെന്ന് ഉദ്യോഗസ്ഥര്‍ മുന്നറിയിപ്പ് നല്‍കി.

കര്‍ണാടക മുന്‍ മുഖ്യമന്ത്രി എസ്.എം കൃഷ്ണയുടെ മരുമകനും കഫേ കോഫീ ഡേ സ്ഥാപകനുമായ വി.ജി സിദ്ധാര്‍ത്ഥിനെ കാണാതായി

കര്‍ണാടക മുന്‍ മുഖ്യമന്ത്രി എസ്.എം കൃഷ്ണയുടെ മരുമകനും കഫേ കോഫീ ഡേ സ്ഥാപകനുമായ വി.ജി സിദ്ധാര്‍ത്ഥിനെ കാണാതായി കര്‍ണാടക മുന്‍ മുഖ്യമന്ത്രിയും ബിജെപി നേതാവുമായ എസ്.എം.കൃഷ്ണയുടെ മരുമകനും കഫേ കോഫീ ഡേയുടെ സ്ഥാപകനുമായ വി.ജി.സിദ്ധാര്‍ത്ഥിനെ (63) കാണാതായി. ഇന്നലെ വൈകുന്നേരം മുതലാണ് അദ്ദേഹത്തിനെ കാണാതായത്. കേരളത്തിലേക്കുളള യാത്രക്കിടെ മംഗലാപുരത്തിനിടുത്തുള്ള നേത്രാവതി നദി പാലത്തിന് സമീപത്ത് നിന്നാണ് ഇയാളെ കാണാതായത്. നദിയില്‍ ചാടിയതാണെന്ന നിഗമനത്തില്‍ നേത്രാവതി നദിയില്‍ പോലീസ് തിരച്ചില്‍ നടത്തി വരികയാണ്. തിങ്കളാഴ്ച ചിക്കമംഗളൂരുവിലേക്ക് ഒരു ബിസിനസ് യാത്ര സിദ്ധാര്‍ഥ് പോയിരുന്നു. ഇവിടെ നിന്ന് കേരളത്തിലേക്ക് വരികയായിരുന്നു. ഇന്നോവ കാറില്‍ സിദ്ധാര്‍ത്ഥിനൊപ്പം ഡ്രൈവറുമുണ്ടായിരുന്നു. എന്നാല്‍ മംഗളൂരു ദേശീയ പാതയ്ക്ക് സമീപമെത്തിയപ്പോള്‍ ഡ്രൈവറോട് വാഹനം നിറുത്താന്‍ ആവശ്യപ്പെടുകയും ഇറങ്ങി പോകുകയുമായിരുന്നു. എന്നാല്‍ ഏറെ സമയം കഴിഞ്ഞിട്ടും ഇയാള്‍ തിരിച്ചു വരാത്തതിനെ തുടര്‍ന്ന് ഡ്രൈവര്‍ കുടുംബാംഗങ്ങളെ വിളിച്ച് കാര്യം അറിയിച്ചു.…

ആതിഥേയരായ ഇംഗ്ലണ്ട് ലോകകപ്പ് ചാമ്പ്യന്മാര്‍

ആതിഥേയരായ ഇംഗ്ലണ്ട് ലോകകപ്പ് ചാമ്പ്യന്മാര്‍ ലോകകപ്പ് ക്രിക്കറ്റ് ഫൈനലില്‍ ന്യൂസീലന്‍ഡ് -ഇംഗ്ലണ്ട് പോരാട്ടം സൂപ്പര്‍ ഓവറിലേക്ക് നീണ്ട മത്സരത്തിലാണ് ഇംഗ്ലണ്ട് വിജയം പിടിച്ചെടുത്തത്. ഒരു ഓവറില്‍ 15 റണ്‍്‌സ് എടുത്ത് ഇംഗ്ലണ്ട്. എന്നാല്‍ അതും ഇരുവരും സമനിലയില്‍ ആകുകയായിരുന്നു. പക്ഷെ ഇംഗ്ലണ്ടിന്റെ ബൗണ്ടറിക്കരുത്ത് ടീമിന് വിജയം സമ്മാനിച്ചു.നിശ്ചിത 50 ഓവറില്‍ ഇരു ടീമുകളും ടൈ ആയതോടെയാണ് സൂപ്പര്‍ ഓവര്‍ വേണ്ടിവന്നത്. ആദ്യം ബാറ്റ് ചെയ്ത ന്യൂസീലന്‍ഡ് 50 ഓവറില്‍ 24്1 റണ്‍സാണ് നേടിയത്. ഇംഗ്ലണ്ട് 50 ഓവറില്‍ 241 റണ്‍സിന് ഓള്‍ഔട്ടായി. അവസാന പന്തിലാണ് അവര്‍ക്ക് അവസാന വിക്കറ്റ് നഷ്ടമായത്. ജെയ്‌സണ്‍ റോയി (20 പന്തില്‍ 17), ജോ റൂട്ട് (30 പന്തില്‍ ഏഴ്), ജോണി ബെയര്‍‌സ്റ്റോ (55 പന്തില്‍ 36), ക്യാപ്റ്റന്‍ ഒയിന്‍ മോര്‍ഗന്‍ (22 പന്തില്‍ ഒന്‍പത്) എന്നിവരാണ് ഇംഗ്ലണ്ട് നിരയില്‍ പുറത്തായ മറ്റുള്ളവര്‍.…

ലോകകപ്പ് ഫൈനല്‍ കാണാതെ ഇന്ത്യ പുറത്ത്

ലോകകപ്പ് ഫൈനല്‍ കാണാതെ ഇന്ത്യ പുറത്ത് മാഞ്ചസ്റ്റര്‍: അവസാന ഓവര്‍ വരെ കൂട്ടിനെത്തിയ സെമി പോരാട്ടത്തില്‍ ന്യൂസീലന്‍ഡിനോടു തോറ്റ് ഇന്ത്യ ലോകകപ്പ് ഫൈനല്‍ കാണാതെ പുറത്ത്. 240 റണ്‍സ് വിജയലക്ഷ്യവുമായി ബാറ്റിങ്ങിന് ഇറങ്ങിയ ഇന്ത്യ, 49.3 ഓവറില്‍ 221 റണ്‍സിന് ഓള്‍ഔട്ടായി. തോല്‍വി 18 റണ്‍സിന്. ഇതോടെ തുടര്‍ച്ചയായ ലോകകപ്പിലും ഇന്ത്യ സെമിയില്‍ പുറത്തായി. ന്യൂസീലന്‍ഡ് ആകട്ടെ, തുടര്‍ച്ചയായ രണ്ടാം ലോകകപ്പിലും ഫൈനലിനും യോഗ്യത നേടി. രവീന്ദ്ര ജഡേജയും മഹേന്ദ്ര സിങ് ധോണിയും അവസാനം വരെ പോരാടുകയായിരുന്നു. മുന്‍നിര ബാറ്റ്‌സ്മാന്‍മാര്‍ കൂട്ടത്തോടെ പുറത്തായതോടെ തോല്‍വി ഉറപ്പിച്ച ഇന്ത്യയ്ക്ക്, ഏഴാം വിക്കറ്റില്‍ സെഞ്ചുറി കൂട്ടുകെട്ടുമായി മഹേന്ദ്രസിങ് ധോണി രവീന്ദ്ര ജഡേജ സഖ്യം മോഹം നല്‍കിയാണ്. എന്നാല്‍, അവസാന ഓവറുകളില്‍ കൂടിക്കൂടി വന്ന ഉയര്‍ന്ന റണ്‍റേറ്റിന്റെ സമ്മര്‍ദ്ദത്തില്‍ ഇരുവരും വമ്പനടികള്‍ക്കു ശ്രമിച്ചു പുറത്തായി. ജഡേജ 59 പന്തില്‍ 77 റണ്‍സും…

ആദ്യ സെമിയില്‍ ന്യൂസീലന്‍ഡിന് ടോസ്; ബാറ്റിങ് തെരഞ്ഞെടുത്തു

മാഞ്ചസ്റ്റര്‍: ലോകകപ്പ് ക്രിക്കറ്റ് സെമിഫൈനല്‍ മത്സരത്തില്‍ ഇന്ത്യയ്ക്കെതിരെ ടോസ് നേടിയ ന്യൂസീലന്‍ഡ് ബാറ്റിങ് തെരഞ്ഞെടുത്തു. മാഞ്ചസ്റ്ററിലെ ഓള്‍ഡ് ട്രാഫഡ് സ്റ്റേഡിയത്തിലാണ് മത്സരം. ചൊവ്വാഴ്ച മഴയ്ക്ക് സാധ്യത പറയുന്നുണ്ടെങ്കിലും കളിയെ ബാധിക്കില്ലെന്നാണ് വിലയിരുത്തല്‍. പ്രാഥമിക റൗണ്ടില്‍, കളിച്ച എട്ടില്‍ ഏഴു മത്സരങ്ങളും ജയിച്ച് പോയന്റ് പട്ടികയില്‍ ഒന്നാം സ്ഥാനക്കാരായാണ് ഇന്ത്യ സെമിയിലെത്തിയത്. എന്നാല്‍, പ്രാഥമിക ഘട്ടത്തിന്റെ അവസാനഘട്ടം വരെ ഒന്നാമതായിരുന്ന ന്യൂസീലന്‍ഡ് ഒടുവില്‍ തുടര്‍ച്ചയായി മൂന്നു മത്സരങ്ങള്‍ തോറ്റ് ഭാഗ്യത്തിന്റെ സഹായത്തോടെയാണ് അവസാന നാലിലെത്തിയത്. ഏഴാം സെമിഫൈനലിനാണ് ഇന്ത്യ ഇന്ന് ഇറങ്ങുന്നത്. ഇതിനിടെ രണ്ടുവട്ടം കിരീടം നേടി. 1983 ലോകകപ്പില്‍ ഇന്ത്യ ആദ്യമായി കിരീടം നേടിയത് ഇംഗ്ലണ്ടിലായിരുന്നു.

മികച്ച പ്രകടനം പുറത്തെടുത്തിട്ടും കാര്യമുണ്ടായില്ല; റഫറിമാര്‍ക്കെതിരെ രൂക്ഷ വിമര്‍ശനവുമായി മെസി

മികച്ച പ്രകടനം പുറത്തെടുത്തിട്ടും കാര്യമുണ്ടായില്ല; റഫറിമാര്‍ക്കെതിരെ രൂക്ഷ വിമര്‍ശനവുമായി മെസി കോപ്പ അമേരിക്കയില്‍ വിവാദങ്ങളുടെ പുകച്ചിലാണ്. ബ്രസീലിന് റഫറി അനുകൂലമായി നില്‍ക്കുന്നുവെന്ന് ആരോപണവുമായി ലയണല്‍ മെസി രംഗത്തെത്തയിരിക്കുകയാണ്. ലൂസേഴ്സ് ഫൈനലില്‍ ചുവപ്പ് കാര്‍ഡ് കണ്ട് പുറത്തായ ശേഷമായിരുന്നു മെസിയുടെ പ്രതികരണം. മൂന്നാം സ്ഥാനക്കാര്‍ക്കായുള്ള മെഡല്‍ വാങ്ങാനും മെസി എത്തിയില്ല. ഇവിടെ നടക്കുന്നത് അഴിമതിയാണ്. റഫറിമാര്‍ ഞങ്ങളെ ഫൈനലിലെത്താന്‍ അനുവദിച്ചില്ല. ബ്രസീലിനെതിരെ മികച്ച പ്രകടനം പുറത്തെടുത്തിട്ടും കാര്യമുണ്ടായില്ല. കാരണം ഈ കോപ്പ ബ്രസീലിനായി എഴുതിയിരിക്കുന്നതാണ്. ഫൈനലില്‍ പെറുവിന് മത്സരിക്കാം പക്ഷേ കാര്യമുണ്ടെന്ന് തോന്നുന്നില്ല. മെസി പറഞ്ഞു. പതിനാല് വര്‍ഷത്തിന് ശേഷം ഒരിക്കല്‍ കൂടി ചുവപ്പ് കാര്‍ഡ് വാങ്ങി പുറത്ത് പോയ ശേഷമുള്ള മെസിയുടെ പ്രതികരണമാണിത്. റഫറിമാര്‍ക്കെതിരായ ആരോപണണങ്ങള്‍ക്കുള്ള പ്രതികാരമാണ് ഈ ചുവപ്പ് കാര്‍ഡ്. റഫറി മത്സരത്തില്‍ അമിതമായി ഇടപെട്ടു. മഞ്ഞക്കാര്‍ഡില്‍ ഒതുക്കാവുന്ന തെറ്റേയുണ്ടായിരുന്നുള്ളൂവെന്നും മെസി കൂട്ടിച്ചേര്‍ത്തു. മെസിയുടെ ആരോപണത്തിന്…

‘താരത്തില്‍ നിന്നും ഒരുപാട് കാര്യങ്ങള്‍ പഠിക്കാനുണ്ട്..തീര്‍ച്ചയായും ലോകം മുഴുവന്‍ അദ്ദേഹത്തെ മിസ്സ് ചെയ്യും’; ഹോപ് പറയുന്നു

‘താരത്തില്‍ നിന്നും ഒരുപാട് കാര്യങ്ങള്‍ പഠിക്കാനുണ്ട്..തീര്‍ച്ചയായും ലോകം മുഴുവന്‍ അദ്ദേഹത്തെ മിസ്സ് ചെയ്യും’; ഹോപ് പറയുന്നു അഫ്ഗാനിസ്താനെതിരായ അവസാന മത്സരത്തിന് ശേഷം വെസ്റ്റ് ഇന്‍ഡീസ് താരം ക്രിസ് ഗെയ്ല്‍ വിരമിക്കുന്നതോടെ ലോകം മുഴുവന്‍ അദ്ദേഹത്തെ മിസ് ചെയ്യുമെന്ന് വിന്‍ഡീസ് താരം ഷായ് ഹോപ്. ക്രിസ് ഗെയ്‌ലിന്റെ അവസാന ലോകകപ്പായിരുന്നു ഇത്. ക്രിസ് ഗെയ്‌ലില്‍ നിന്നും ഒരുപാട് കാര്യങ്ങള്‍ പഠിക്കാനുണ്ടെന്നും അദ്ദേഹത്തെ ലോകം മുഴുവന്‍ മിസ്സ ചെയ്യുമെന്നും ഹോപ് പറഞ്ഞു. ഗെയ്ല്‍ നേരത്തെ നടത്തിയ വിരമിക്കല്‍ പ്രഖ്യാപനം പിന്‍വലിച്ചെങ്കിലും അടുത്ത ലോകകപ്പിന് ഉണ്ടാകാന്‍ സാധ്യതയില്ല. വിന്‍ഡീസ് അന്താരാഷ്ട്ര ക്രിക്കറ്റ് ടീമിലെ ജമൈക്കന്‍ ക്രിക്കറ്റ് താരമാണ് ക്രിസ് ഗെയ്ല്‍. ക്രിക്കറ്റിന്റെ എല്ലാ ഫോര്‍മാറ്റുകളിലും സെഞ്ചുറി നേടിയ ആദ്യ കളിക്കാരനാണ് ഗെയ്ല്‍. മാത്രമല്ല ടെസ്റ്റ് ക്രിക്കറ്റില്‍ 2 ട്രിപ്പിള്‍ സെഞ്ചുറി നേടിയ 4 കളിക്കാരില്‍ ഒരാളുമാണ് ക്രിസ് ഗെയ്ല്‍. സൗത്ത് ആഫ്രിക്കയ്‌ക്കെതിരെ…