വാട്ട്‌സ്ആപ്പില്‍ ഇനി കളി സൂക്ഷിച്ച്; അല്ലെങ്കില്‍ കോടതി കയറേണ്ടി വരും

വാട്ട്‌സ്ആപ്പില്‍ ഇനി കളി സൂക്ഷിച്ച്; അല്ലെങ്കില്‍ കോടതി കയറേണ്ടി വരും ചട്ടലംഘനം നടത്തുന്ന വ്യക്തികളെയും സ്ഥാപനങ്ങളെയും കോടതി കയറ്റാന്‍ ഒരുങ്ങുകയാണ് വാട്ട്‌സ്ആപ്പ്. വാട്ട്‌സ്ആപ്പ് ചട്ടങ്ങള്‍ക്ക് വിരുദ്ധമായി പ്രവര്‍ത്തിക്കുന്നവര്‍ക്കെതിരെ ചട്ടലംഘനത്തിന് കേസെടുക്കുകയും കോടതി കയറ്റുകയും ചെയ്യുമെന്നാണ് വാട്ട്‌സ്ആപ്പ് അധികൃതര്‍ വെളിപ്പെടുത്തുന്നത്. ഡിസംബര്‍ ഏഴ് മുതലാണ് വാട്ട്‌സ്ആപ്പ് ചട്ടങ്ങള്‍ പാലിക്കാത്തവര്‍ക്ക് എതിരെ നടപടി എടുക്കുന്നത്. വ്യാജവാര്‍ത്തകള്‍ പ്രചരിപ്പിക്കാനായി ബള്‍ക്ക് മെസ്സേജിങ് സോഫ്റ്റ്‌വെയറുകള്‍ ഉള്‍പ്പെടെയുള്ളവ തടയാനാണ് പുതിയ നീക്കത്തിലൂടെ ലക്ഷ്യമിടുന്നത്. ചട്ടങ്ങളൊക്കെ സ്വീകാര്യമാണെന്നും അവ പാലിക്കുമെന്നും ഉറപ്പ് നല്‍കി എഗ്രീ ബട്ടണ്‍ ക്ലിക്ക് ചെയ്താണ് വാട്ട്‌സ്ആപ്പ് ഇന്‍സ്റ്റാള്‍ ചെയ്യുന്നത്. എന്നാല്‍ ഇത്തരം ഉറപ്പുകള്‍ പാലിക്കപ്പെടാതെ വ്യാജവാര്‍ത്തകള്‍ പ്രചരിപ്പിക്കാനും വ്യക്തിഹത്യ നടത്താനും ആപ്പിനെ വ്യാപകമായി ദുരുപയോഗം ചെയ്യുന്നത് ശ്രദ്ധയില്‍പ്പെട്ടതോടെയാണ് ചട്ടലംഘനം നിയമപരമായ കുറ്റമാക്കാന്‍ കമ്പനി തീരുമാനിച്ചത്. ഉപയോക്താക്കളുടെ പ്രവര്‍ത്തനങ്ങള്‍ കര്‍ശനമായി നിരീക്ഷിച്ച് നിയമങ്ങള്‍ പാലിക്കാത്ത 20 ലക്ഷം അക്കൗണ്ടുകള്‍ വീതം ഓരോ മാസവും…

ശാസ്ത്രലോകത്തിന് കൗതുകമായി സൂര്യന്റെ മാറ്റം

ശാസ്ത്രലോകത്തിന് കൗതുകമായി സൂര്യന്റെ മാറ്റം പുത്തൻ രൂപമാറ്റവുമായി സൂര്യൻ ,സൂര്യന്‍റെ പുതിയ രൂപമാറ്റം ആശങ്കയോടെയും കൗതുകത്തോടെയും നിരീക്ഷിക്കുകയാണ് ശാസ്ത്രലോകം. 16 ദിവസങ്ങളായി സൂര്യന് ഒരു പൊട്ടോ പാടുകളോ ഇല്ലാത്ത അവസ്ഥയാണ്. പൊട്ടിത്തെറിച്ചും തിളച്ചു മറിഞ്ഞുമാണ് സൂര്യന്‍റെ പ്രതലം നിലകൊള്ളുന്നത്. അപ്പോള്‍ പൊട്ടുകളും പാടുകളുമൊക്കെ സൂര്യനില്‍ കാണാം. എന്നാല്‍ കുറച്ച് ദിവസങ്ങളായി ശാന്തമായാണ് സൂര്യന്റെ അവസ്ഥ. സോളാര്‍ മിനിമം എന്ന പ്രതിഭാസമാണ് ഇതെന്നാണ് ശാസ്ത്രലോകം പറയുന്നത്. എന്നാല്‍ ഭൂമിയിലെ ജീവന് ഈ പ്രതിഭാസം ഭീഷണിയാകില്ലെന്നാണ് കരുതുന്നത്. എന്നാല്‍ ഭൂമിക്ക് പുറച്ചെ ഉപഗ്രഹങ്ങളെയും ബഹിരാകാശ സഞ്ചാരികളേയും ഇത് പ്രതികൂലമായി ബാധിച്ചേക്കാം. 11 വര്‍ഷം കൂടുമ്പോള്‍ സംഭവിക്കുന്ന പ്രതിഭാസമാണ് ഇത്. ഇത് വിഭിന്നമായി സോളാര്‍ മാക്സിമം എന്ന പ്രതിഭാസവും ഉണ്ട്.ഈ സമയത്ത് ജൂപ്പിറ്റര്‍ ഗ്രഹത്തിന്‍റെ അത്ര വലിപ്പമുള്ള സണ്‍ സ്പോട്ടുകള്‍ സൂര്യനില്‍ കാണാന്‍ കഴിയും. 1650 മുതല്‍ 1710 വരെ നീണ്ടു…

4ജി സ്‌പെക്‌ട്രം ലഭിക്കാതെ ബിഎസ്എൻഎൽ

4ജി സ്‌പെക്‌ട്രം ലഭിക്കാതെ ബിഎസ്എൻഎൽ പ്രതിസന്ധികളിൽ ആടിയുലഞ്ഞ് ബിഎസ്എൻഎൽ , 4ജി സ്‌പെക്‌ട്രം ഇല്ലാതെ നഷ്ടത്തിലേക്ക് നീങ്ങുന്ന ബി.എസ്‌.എന്‍.എല്‍ വലിയ പ്രതിസന്ധി അഭിമുഖീകരിക്കുന്നു. ഇന്ത്യയില്‍ 20 സര്‍ക്കിളുകളില്‍ ടെലികോം സേവനം നല്‍കുന്ന ബിഎസ്എന്‍എല്ലിന് കേരളം ഒഴികെയുള്ള സംസ്‌ഥാനങ്ങളില്‍ നഷ്ടമാണ് ഇപ്പോള്‍ സംഭവിക്കുന്നത്. ഈ നിലതുടര്‍ന്നാല്‍ ഒന്നര ലക്ഷത്തില്‍ അധികം വരുന്ന ജീവനക്കാരുടെ ഭാവിപോലും ആശങ്കയിലാകുമെന്നുന്നാണ് ബിഎസ്എന്‍എല്ലിലെ തൊഴിലാളി സംഘടനകള്‍ ഭയക്കുന്നത്. എന്നാൽ കൃത്യമായി പറഞ്ഞാൽ 2014 വരെ ലാഭത്തിലായിരുന്ന ബി.എസ്‌.എന്‍.എല്‍. റിലയന്‍സ് ജിയോയുടെ വരവോടെയാണു മുരടിച്ചത്‌. ബി.എസ്‌.എന്‍.എല്ലിന്‍റെ പശ്‌ചാത്തല സൗകര്യങ്ങള്‍ ഉപയോഗിക്കാന്‍ ജിയോക്ക്‌ അനുമതിയുണ്ടായിരുന്നു. തുടക്കത്തില്‍ ജിയോയുടെ പ്ലാനുകളെ കടത്തിവെട്ടി ബി.എസ്‌.എന്‍.എല്‍. അവതരിപ്പിച്ച പ്ലാനുകള്‍ക്കു വന്‍ ജനപിന്തുണയാണ്‌ ലഭിച്ചിരുന്നത്‌. എന്നാല്‍ പിന്നീട്‌, വലിയ ഓഫറുകളുമായി ജിയോ അടിക്കടി വളര്‍ന്നപ്പോള്‍ ബി.എ.എന്‍.എല്‍. കൂപ്പുകുത്തി. 2014-നു ശേഷം എന്തുകൊണ്ടോ ബി.എസ്‌.എന്‍.എലിന്റെ നവീകരണം മന്ദഗതിയിലായിയെന്നു നാഷണല്‍ യൂണിയന്‍ ഓഫ്‌ ബി.എസ്‌.എന്‍.എല്‍. വര്‍ക്കേഴ്‌സ്‌…

ഈ ഹാൻഡ് ബാ​ഗ് വേ​ഗം മേടിക്ക് കേട്ടോ; ടാക്സി വിളിച്ച് തരുന്ന ഹാൻഡ്ബാ​ഗ് വിപണിയിൽ

ഈ ഹാൻഡ് ബാ​ഗ് വേ​ഗം മേടിക്ക് കേട്ടോ; ടാക്സി വിളിച്ച് തരുന്ന ഹാൻഡ്ബാ​ഗ് വിപണിയിൽ ഹാൻഡ് ബാ​ഗുകൾ വിപണി ഇനി കീഴടക്കുക ദാ ഇത്തരത്തിലൂ ടാകാം, ടെക്നോളജി വളർന്ന് എത്രത്തോളമെത്തിയെന്നത് നിങ്ങളെ അത്ഭുതപ്പെടുത്തുമെന്ന് തീർച്ച. ടെക്നോളജിയുടെ ഉപയോഗം നിങ്ങളുടെ ഹാൻഡ് ബാഗിലൂടെ നിങ്ങളെ സഹായിച്ചാലോ? സാധനങ്ങള്‍ വെയ്ക്കാന്‍ മാത്രമല്ല, വേണമെങ്കില്‍ ടാക്സി/ യൂബര്‍ വിളിക്കാനും നിങ്ങളുടെ ഫോണ്‍ കണ്ടെനും ഈ ബാഗിന് കഴിയുമത്രേ. ന്യൂയോര്‍ക്കിലെ ‘Bee and Kin’ എന്ന കമ്പനിയാണ് ഇങ്ങനെയൊരു സംരംഭത്തിന് തുടക്കമിടുന്നത്. മുൻകൂട്ടി പ്രോഗ്രാം ചെയ്തുവെച്ചിരിക്കുന്ന ഒരു സ്മാര്‍ട്ട് ബട്ടണിന്‍റെ (smart buttons) സഹായത്തോടെയാണ് ബാഗ് ഇത്തരത്തില്‍ പ്രവര്‍ത്തിക്കുന്നതെന്നും കമ്പനിഉടമകള്‍ പറയുന്നു. എന്നാൽ ഉപഭോക്താവിന്‍റെ ആവശ്യം അനുസരിച്ച് പ്രോഗ്രാം ചെയ്യാമെന്നാണ് കമ്പനിക്കാര്‍ പറയുന്നത്. നേരത്തെ പ്രോഗ്രാം ചെയ്തിവെച്ചിരിക്കുന്ന സ്മാര്‍ട്ട് ബട്ടണില്‍ അമര്‍ത്തിയാല്‍ മാത്രം മതി. അപ്പോള്‍ തന്നെ ഫോണ്‍ ബെല്‍ അടിക്കും. ഇത്തരത്തില്‍…

വാവേയുടെ പുതിയ ഓപ്പറേറ്റിങ് സിസ്റ്റത്തിന് ഗൂഗിളിന്റെ ആന്‍ഡ്രോയ്ഡിനേക്കാള്‍ 60% വേഗതയെന്ന് റിപ്പോര്‍ട്ട്

വാവേയുടെ പുതിയ ഓപ്പറേറ്റിങ് സിസ്റ്റത്തിന് ഗൂഗിളിന്റെ ആന്‍ഡ്രോയ്ഡിനേക്കാള്‍ 60% വേഗതയെന്ന് റിപ്പോര്‍ട്ട് വാവേയുടെ പുതിയ ഓപ്പറേറ്റിങ് സിസ്റ്റത്തിന് ഗൂഗിളിന്റെ ആന്‍ഡ്രോയിഡിനേക്കാള്‍ 60% വേഗമുണ്ടെന്ന് റിപ്പോര്‍ട്ട്. മറ്റ് സ്മാര്‍ട്ട്‌ഫോണ്‍ നിര്‍മ്മാണ കമ്പനികളുടെ റിപ്പോര്‍ട്ടിലാണ് ഹോങ്‌മെങ് ഒഎസിന് ആന്‍ഡ്രോയിഡിനേക്കാള്‍ വേഗത കൂടുതലാണെന്ന് അവകാശ വാദം ഉന്നയിച്ചിരിക്കുന്നത്. വിലക്ക് നേരിടുന്ന വാവേ പുതിയ ഓപറേറ്റിങ് സിസ്റ്റത്തിലുള്ള ഫോണുകള്‍ വിപണിയിലിറക്കുമെന്നാണ് റിപ്പോര്‍ട്ടുകള്‍ വന്നുകൊണ്ടിരിക്കുന്നത്. ഓപ്പോ. വിവോ, ടെന്‍സെന്റ് എന്നീ കമ്പനികള്‍ വാവേയുടെ ഓപറേറ്റിങ് സിസ്റ്റം പരീക്ഷിച്ചതായാണ് റിപ്പോര്‍ട്ടുകള്‍ വ്യക്തമാക്കുന്നത്. ഒക്ടോബറില്‍ പത്ത് ലക്ഷം പുതിയ ഫോണുകള്‍ പുറത്തിറക്കുമെന്നാണ് വാവേ അധികൃതര്‍ അറിയിച്ചത്. പുതിയ ഒഎസിലുള്ള ഫോണുകള്‍ ചൈനയിലാകും ആദ്യം അവതരിപ്പിക്കുക. പദ്ധതി വിജയിച്ചാല്‍ മറ്റ് സ്മാര്‍ട്ട്‌ഫോണ്‍ നിര്‍മ്മാതാക്കളും വാവേ ഓപറേറ്റിങ് സിസ്റ്റം പരീക്ഷിക്കാന്‍ സാധ്യതയുണ്ട്.

ആപ്പ് വിവരങ്ങള്‍ കൈമാറിയാല്‍ ഫെയ്‌സ്ബുക്ക് നിങ്ങള്‍ക്ക് ഇനി പ്രതിഫലം തരും

ആപ്പ് വിവരങ്ങള്‍ കൈമാറിയാല്‍ ഫെയ്‌സ്ബുക്ക് നിങ്ങള്‍ക്ക് ഇനി പ്രതിഫലം തരും ഉപഭോക്താക്കളുടെ വിവരങ്ങള്‍ ശേഖരിക്കാന്‍ പുതിയ ആപ്ലിക്കേഷനുമായി ഫെയ്‌സ്ബുക്ക്. ഉപഭോക്താക്കള്‍ ഡിവൈസ് എങ്ങനെ ഉപയോഗിക്കുന്നുവെന്നും എന്തെല്ലാം ആപ്പുകള്‍ ഇന്‍സ്റ്റാള്‍ ചെയ്തിട്ടുണ്ടെന്നും തുടങ്ങി വിവരങ്ങള്‍ ശേഖരിക്കുക എന്ന ലക്ഷ്യത്തോടെയാണ് സ്റ്റഡി എന്ന ആപ്പ് കമ്പനി പുറത്തിറക്കിയിരിക്കുന്നത്. എത്ര സമയം ആപ്പുകള്‍ ഉപയോഗിക്കുന്നു, ഡിവൈസ് ഉപയോഗിച്ച് എന്തെല്ലാം കാര്യങ്ങള്‍ ചെയ്യുന്നു തുടങ്ങിയ വിവരങ്ങള്‍ ആപ്പ് ശേഖരിക്കും. ഉപഭോക്താക്കള്‍ ഈ വിവരങ്ങള്‍ കൈമാറുന്നതിന് തിരിച്ച് പ്രത്യുപകാരമായി അവര്‍ക്ക് പണം നല്‍കുമെന്നും ഫെയ്‌സ്ബുക്ക് അറിയിച്ചിട്ടുണ്ട്. എന്നാല്‍ എത്ര പണം നല്‍കുമെന്നത് വ്യക്തമാക്കിയിട്ടില്ല. തുടക്കത്തില്‍ ഇന്ത്യയിലും അമേരിക്കയിലും മാത്രമാണ് ആപ്പ് ലഭ്യമാകുക. ഫെയ്‌സ്ബുക്ക് നല്‍കുന്ന ഒരു പരസ്യ ലിങ്കില്‍ പ്രവേശിച്ച് വേണം ആപ്പ് ഉപയോഗിക്കുന്നതിന് യോഗ്യത നേടാന്‍ ആപ്പ് ഉപയോഗിക്കാന്‍ അനുമതി ലഭിച്ചാല്‍ പ്ലേ സ്റ്റോറില്‍ നിന്ന് സ്റ്റഡി ആപ്പ് ഡൗണ്‍ലോഡ് ചെയ്ത് ഉപയോഗിക്കാം.…

പോക്കറ്റിലിട്ട് ചാര്‍ജ് ചെയ്ത ഫോണ്‍ പൊട്ടിത്തെറിച്ച് പന്ത്രണ്ടുകാരന്‍ മരിച്ചു

പോക്കറ്റിലിട്ട് ചാര്‍ജ് ചെയ്ത ഫോണ്‍ പൊട്ടിത്തെറിച്ച് പന്ത്രണ്ടുകാരന്‍ മരിച്ചു ഫോണ്‍ പൊട്ടിത്തെറിച്ച് പന്ത്രണ്ടു വയസ്സുകാരന്‍ മരിച്ചു. ബംഗ്ലാദേശിലെ ഹബിഗഞ്ച് ജില്ലിയിലാണ് സംഭവം. സാജു മിയയുടെ പോക്കറ്റിലിരുന്ന ഫോണാണ് പൊട്ടിത്തെറിച്ചത്. ബുധനാഴ്ച രണ്ടു മണിയോടെയാണ് അപകടം. ചാര്‍ജറുമായി കണക്ട് ചെയ്ത ഫോണ്‍ പോക്കറ്റിലിട്ടാണ് ബാലന്‍ ഉറങ്ങിയത്. പൊട്ടിത്തെറിയില്‍ നെഞ്ചില്‍ മാരകമായി മുറിവേറ്റ ബാലനെ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.

ചന്ദ്രയാന്‍-2 വിക്ഷേപണം ജൂലൈ 15ന്

ചന്ദ്രയാന്‍-2 വിക്ഷേപണം ജൂലൈ 15ന് ന്യൂഡല്‍ഹി: ചാന്ദ്രപരിവേഷണത്തിനുളള ഐഎസ്ആര്‍ഒയുടെ രണ്ടാം ദൗത്യമായ ചന്ദ്രയാന്‍ രണ്ട് ജൂലൈ 15 ന് വിക്ഷേപിക്കും. പുലര്‍ച്ചെ 2.51 ന് വിക്ഷേപിക്കുക. ചന്ദ്രയാന്‍ രണ്ടിന്റെ ഓര്‍ബിറ്ററും ലാന്‍ഡറും ഉള്‍പെടുന്ന പേടകത്തിന്റെ ദൃശ്യങ്ങള്‍ ഐഎസ്ആര്‍ഒ പുറത്തുവിട്ടിരുന്നു. ‘വിക്രം’ എന്ന് പേരിട്ടിരിക്കുന്ന ലാന്‍ഡര്‍ മൊഡ്യൂള്‍ ചന്ദ്രോപരിതലത്തില്‍ ഇറങ്ങുംവിധമാണ് ദൗത്യം. ചന്ദ്രനിലെ രാസഘടനയെ പറ്റി പഠിക്കുക എന്ന ലക്ഷ്യമാണ് ചന്ദ്രയാന്‍-2 ദൗത്യത്തിനുള്ളത്. പ്രത്യേകിച്ച് ചന്ദ്രനിലെ ഹീലിയത്തിന്റെ അളവ് എത്രത്തോളമുണ്ടെന്ന് അറിയുകയാണ് ലക്ഷ്യം. ശ്രീഹരിക്കോട്ടയിലെ വിക്ഷേപണ കേന്ദ്രത്തില്‍ നിന്ന് ജിഎസ്എല്‍വി മാര്‍ക്ക് 3 റോക്കറ്റിലാണ് പേടകം വിക്ഷേപിക്കുക.പേടകത്തെ ചന്ദ്രന്റെ നൂറ് കിലോമീറ്റര്‍ അകലെയുള്ള ഭ്രമണ പഥത്തില്‍ എത്തിക്കുകയാണ് ആദ്യം ചെയ്യുക. പിന്നീട് സെപ്റ്റംബര്‍ ആറിനാണ് റോവര്‍ ദൗത്യത്തെ ചന്ദ്രോപരിതലത്തിലേക്ക് ഇറക്കുക. റോവറിന് ഒരു വര്‍ഷമാണ് കാലാവധി നിശ്ചയിച്ചിരിക്കുന്നത്.

ഇന്ത്യയില്‍ ഏറ്റവും സ്വാധീനമുള്ള ബ്രാന്‍ഡുകളുടെ പട്ടികയില്‍ ഗൂഗിള്‍ ഒന്നാമത്

ഇന്ത്യയില്‍ ഏറ്റവും സ്വാധീനമുള്ള ബ്രാന്‍ഡുകളുടെ പട്ടികയില്‍ ഗൂഗിള്‍ ഒന്നാമത് ഡല്‍ഹി: ഇന്ത്യയില്‍ ഏറ്റവും സ്വാധീനമുള്ള ബ്രാന്‍ഡുകളുടെ പട്ടികയില്‍ ഗൂഗിള്‍ ഒന്നാം സ്ഥാനത്ത്. മുകേഷ് അംബാനിയുടെ ഉടമസ്ഥതയിലുള്ള റിലയന്‍സ് ജിയോ രണ്ടാം സ്ഥാനത്തെത്തി. ഐപോസ് നടത്തിയ സര്‍വെയിലാണ് ഇത് വ്യക്തമായിരിക്കുന്നത്. ആമസോണ്‍, പേടിഎം, സാംസങ് തുടങ്ങി ആദ്യ 10 സ്ഥാനങ്ങളില്‍ എത്തിയ ബ്രാന്‍ഡുകള്‍ ഐടി, ടെക്‌നോളജി, ടെലികോം എന്നിവയുമായി ബന്ധപ്പെട്ടുള്ളതാണെന്നതും ശ്രദ്ധേയമാണ്. പ്രാദേശിക ബ്രാന്‍ഡുകളെ സംബന്ധിച്ചിടത്തോളം ആദ്യ 10 സ്ഥാനങ്ങളില്‍ എത്തുക എന്നതും അത് നിലനിര്‍ത്തുക എന്നതും ശ്രമകരമാണെന്നാണ് ഐപോസ് ഇന്ത്യയുടെ മാനേജിംഗ് ഡയറക്റ്റര്‍ വിവേക് ഗുപ്ത പറയുന്നത്. കഴിഞ്ഞ വര്‍ഷത്തെ റാങ്കിംഗില്‍ ഗൂഗിളിനും ആമസോണിനും പിന്നാലെ മൂന്നാം സ്ഥാനത്താണ് ജിയോ ഉണ്ടായിരുന്നത്. ഫ്ളിപ്കാര്‍ട്ട് ഒമ്പതാം സ്ഥാനത്താണ്. വിജയ് ശേഖര്‍ വര്‍മ നേതൃത്വം നല്‍കുന്ന പേടിഎമ്മാണ് പട്ടികയിലെ മൂന്നാംസ്ഥാനത്ത് ഇത്തവണ എത്തിയിട്ടുള്ളത്. ആമസോണ്‍ ഇത്തവണ അഞ്ചാം സ്ഥാനത്താണ്. മാര്‍ക്ക്…

ഫോണിന്‍റെ ബാറ്ററി പൊട്ടിത്തെറിച്ച് പന്ത്രണ്ടുകാരന് ദാരുണാന്ത്യം

ഫോണിന്‍റെ ബാറ്ററി പൊട്ടിത്തെറിച്ച് പന്ത്രണ്ടുകാരന് ദാരുണാന്ത്യം മൊബൈല്‍ ഫോണ്‍ ചാര്‍ജ് ചെയ്യുന്നതിനിടെ ഫോണിന്‍റെ ബാറ്ററി പൊട്ടിത്തെറിച്ച് പന്ത്രണ്ടുകാരന് ദാരുണാന്ത്യം. മധ്യപ്രദേശിലെ ധര്‍ ജില്ലയിലാണ് അപകടം സംഭവിച്ചത്. ധര്‍ ജില്ലയിലെ ലിഖേദി വില്ലേജില്‍ താമസിക്കുന്ന ലഖാന്‍ സിങ്കാര്‍ എന്ന ബാലനാണ് മരിച്ചത്. കുട്ടി മൊബൈല്‍ ഫോണ്‍ ചാര്‍ജിലിട്ട ഉടനെ ബാറ്ററി പൊട്ടിത്തെറിക്കുകയും ഗുരുതരമായി പരിക്കേല്‍ക്കുകയും ചെയ്തുകയായിരുന്നു. പൊട്ടിത്തെറിയില്‍ കുട്ടിയുടെ മുഖത്തും നെഞ്ചിലും പരിക്കേറ്റു. ഉടനെ ലഖാനെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പൊട്ടിത്തെറിയുടെ ശബ്ദം കേട്ട് ഓടിയെത്തിയപ്പോഴാണ് കുട്ടി മുറിവേറ്റ് കിടക്കുന്നത് കണ്ടതെന്ന് ബന്ധുക്കള്‍ പറഞ്ഞു. അപകടത്തില്‍ മൊബൈല്‍ ചാര്‍ജ്ജറും ബാറ്ററിയും പൂര്‍ണാമായി പൊട്ടിത്തെറിച്ചിരുന്നു.