ചുണ്ട് ഭം​ഗി കൂട്ടാം ഇങ്ങനെ

ചുണ്ട് ഭം​ഗി കൂട്ടാം ഇങ്ങനെ നല്ല ഭംഗിയുള്ള ചുണ്ടുകൾക്ക് സൗന്ദര്യത്തിലുള്ള പങ്ക് പ്രത്യേകിച്ച് പറയേണ്ടതല്ലല്ലോ. എന്നാൽ ചുണ്ടിലെ ഇരുണ്ട നിറം പലരും നേരിടുന്ന പ്രശ്നമാണ് ഇത് പരിഹരിക്കുന്നതിന് പകരം ലിപ്‌സ്റ്റികുകൾ ഉപയോഗിച്ച് മറയ്ക്കുകയാണ് മിക്ക സ്ത്രീകളും ചെയ്യാറുള്ളത്. എന്നാൽ ചുണ്ടുകളിലെ ഇരുണ്ട നിറം അകറ്റുന്നതിനുള്ള വിദ്യകൾ നമുക്ക് വീട്ടിൽ തന്നെ ചെയ്യാം. വെളിച്ചെണ്ണ ഇല്ലാത്ത വീടുകൾ അപൂർവമായിരുക്കും. ചുണ്ടിനെ ഇരുണ്ട നിറം അകറ്റാൻ വെളിച്ചെണ്ണക്ക് കഴിവുണ്ട്. അല്പം വെളിച്ചെണ്ണയെടുത്ത് ദിവസം കിടക്കുന്നതിന് മുൻപായി ചുണ്ടുകളിൽ തേച്ചുപിടിപ്പിക്കുക. ഇത് ദിവസേന ചെയ്യുന്നതിലൂടെ ചുണ്ടുകളിലെ ഇരുണ്ട നിറത്തെ ഇല്ലാതാക്കാം. നാരങ്ങ നീരും തേനും ചേർത്ത മിശ്രിതം ചുണ്ടുകളിൽ തേച്ചുപിടിപ്പിക്കുകയാണ് മറ്റൊരു വിദ്യ. ചുണ്ടുകളുടെ സ്വാഭാവിക വീണ്ടെടുകാൻ ഇത് സഹായിക്കും. ചുണ്ടുകളിലെ ഇരുണ്ട നിറവും കറുത്ത പാടുകളും നീക്കം ചെയ്യാൻ നാരങ്ങ നീരും തേനും ചേർന്ന മിശ്രിതത്തിന് സാധിക്കും. ചുണ്ടുകളിലെ ഇരുണ്ട…

‘ഉയരം അതൊരു പ്രശ്‌നമേ അല്ല’..തന്റെ സെല്‍ഫിക്കുള്ളില്‍ ബുര്‍ജ് ഖലീഫയെ ഒതുക്കി ഗിന്നസ് പക്രു

‘ഉയരം അതൊരു പ്രശ്‌നമേ അല്ല’..തന്റെ സെല്‍ഫിക്കുള്ളില്‍ ബുര്‍ജ് ഖലീഫയെ ഒതുക്കി ഗിന്നസ് പക്രു നായകനായും സഹനടനായും ജനഹൃദയങ്ങളില്‍ കടന്നുചെന്ന താരമാണ് ഗിന്നസ് പക്രു. ലോകത്തിലെ ഏറ്റവും ഉയരം കൂടിയ ബുര്‍ജ് ഖലീഫയ്ക്ക് ചുവടെ നിന്നുകൊണ്ടുള്ള സെല്‍ഫിയുമായാണ് പക്രു എത്തിയിട്ടുള്ളത്. ചിത്രത്തിന് താഴെ അടിക്കുറിപ്പായി ഉയരം ഒരു പ്രശ്‌നമേയല്ല എന്ന ക്യാപ്ഷനും നല്‍കിയിട്ടുണ്ട്. എന്നാല്‍ ചിത്രത്തിന്റെ താഴെ നിരവധി കമന്റുകളാണ് വന്നുകൊണ്ടിരിക്കുന്നത്. എന്തായാലും താരത്തിന്റെ ചിത്രം സോഷ്യല്‍ മീഡിയ ഒന്നടങ്കം ഏറ്റെടുത്തിരിക്കുകയാണ്. പക്രു ഇളയരാജയിലാണ് അവസാനമായി അഭിനയിച്ചത്. ഫാന്‍സി ഡ്രസ്സാണ് പക്രുവിന്റേതായി ഇറങ്ങാനിരിക്കുന്ന പുതിയ ചിത്രം.

കികി ചലഞ്ചിന് ശേഷം എത്തുന്നു വാക്വം ചലഞ്ച്; അത്യന്തം അപകടകാരി

കികി ചലഞ്ചിന് ശേഷം എത്തുന്നു വാക്വം ചലഞ്ച്; അത്യന്തം അപകടകാരി ന്യൂയോര്‍ക്ക്: ലോകമെങ്ങും ഓടുന്ന വാഹനത്തില്‍ നിന്നും ചാടി ഇറങ്ങി ഡാന്‍സ് കളിക്കുന്ന കികി ചലഞ്ച് ഓണ്‍ലൈനില്‍ ഇടക്കാലത്ത് വൈറലായിരുന്നു. എന്നാല്‍ ഇതിന്‍റെ അപകടം തിരിച്ചറിഞ്ഞതോടെ ഇതിന്‍റെ ആവേശം കെട്ടടങ്ങി. പക്ഷെ കാര്യം അവിടെ നിന്നില്ല, ഇപ്പോള്‍ ഇന്‍സ്റ്റഗ്രാമിലും, ട്വിറ്ററിലും വൈറലാകുകയാണ് വാക്വം ചലഞ്ച്. അതീവ അപകടകരം എന്ന് പറയാവുന്ന ഈ ചലഞ്ചിന്‍റെ രീതി ഇങ്ങനെയാണ്. ഈ ​ഗെയിമിനായി ആളുകള്‍ വലിയൊരു ഗാര്‍ബേജ് ബാഗിനുള്ളില്‍ കയറും. അതിനുശേഷം ബാഗിനുള്ളില്‍ ഉള്ള വായു ഒരു വാക്വം ക്ലീനര്‍ ഉപയോഗിച്ച് വലിച്ചെടുക്കും. അപ്പോള്‍ ബാഗിനകത്തെ വായു മുഴുവന്‍ പുറത്തേക്ക് പോയി ബാഗ് ആളുകളുടെ ദേഹത്ത് ഒട്ടിപിടിക്കും. ഇതോടെ അയാള്‍ക്ക് അനങ്ങാന്‍ വയ്യാതെ വരും. കാര്യം ആളുകൾ തമാശക്കായാണെങ്കിലും ഇത്തരത്തിൽ ചെയ്യുമ്പോൾ ഇതിനുപിന്നില്‍ അപകടം നിറഞ്ഞിരിപ്പുണ്ട്. ഈ ചലഞ്ച് ചെയ്ത ഒരു…

പാകിസ്ഥാന്‍ ക്രിക്കറ്റ് ടീമിനെ അഭിനന്ദിച്ച് സാനിയ മിര്‍സ; വിമര്‍ശനവുമായി ആരാധകര്‍

പാകിസ്ഥാന്‍ ക്രിക്കറ്റ് ടീമിനെ അഭിനന്ദിച്ച് സാനിയ മിര്‍സ; വിമര്‍ശനവുമായി ആരാധകര്‍ പാകിസ്ഥാന്‍ ക്രിക്കറ്റ് പടയെ അഭിനന്ദിച്ച് ഇന്ത്യന്‍ ടെന്നീസ് താരം സാനിയ മിര്‍സ. ഏകിദിന ക്രിക്കറ്റില്‍ തുടര്‍ച്ചയായി 12 പരാജയങ്ങള്‍ക്ക് ശേഷം കരുത്തരായ ഇംഗ്ലണ്ടിനെ വീഴ്ത്തിയാണ് പാകിസ്ഥാന്‍ മിന്നുന്ന പ്രകടനം കാഴ്ച വെച്ചത്. ഈ പ്രകടനത്തിന് ടീമിനെ അഭിനന്ദിച്ച് നിരവധി പേര്‍ രംഗത്തെത്തിയിരുന്നെങ്കിലും പാക് പടയെ അഭിനന്ദിച്ച സാനിയ മിര്‍സയുടെ ട്വീറ്റിനെതിരെ ഒരു കൂട്ടം ആരാധകര്‍ രംഗത്തെത്തിയിരിക്കുകയാണ്. പാക് ടീമിന് അഭിനന്ദനങ്ങള്‍. എപ്പോഴത്തെയും പോലം അപ്രതീക്ഷിതമായി തന്നെ അവര്‍ തിരിച്ച് വന്നിരുന്നുവെന്നാണ് സാനിയയുടെ ട്വീറ്റ്. സാനിയയുടെ ഭര്‍ത്താവ് ഷുഐബ് മാലിക്കും പാക് ടീമിലുണ്ട്. ഇംഗ്ലണ്ടിനെതിരെ മാലികും കളിച്ചിരുന്നു.

യാത്രക്കാരെ തോക്ക് ചൂണ്ടി ഭീഷണിപ്പെടുത്തി കവര്‍ച്ച നടത്താന്‍ ശ്രമിച്ച മൂവര്‍ സംഘം അറസ്റ്റില്‍

യാത്രക്കാരെ തോക്ക് ചൂണ്ടി ഭീഷണിപ്പെടുത്തി കവര്‍ച്ച നടത്താന്‍ ശ്രമിച്ച മൂവര്‍ സംഘം അറസ്റ്റില്‍ കൊല്ലം ഹൈവേയില്‍ യാത്രക്കാരെ തോക്ക് ചൂണ്ടി ഭീഷണിപ്പെടുത്തി കവര്‍ച്ച നടത്താന്‍ ശ്രമിച്ച മൂവര്‍ സംഘം അറസ്റ്റില്‍. ആലപ്പുഴ തോട്ടപ്പള്ളി സ്വദേശികളായ അര്‍പ്പിത് നായര്‍, മിഥില്‍ രാജ്, ശ്രീജിത്ത് എന്നിവരെയാണ് ഓച്ചിറ പൊലീസ് അറസ്റ്റ് ചെയ്തത്. ഇന്ന് പുലര്‍ച്ചെ രണ്ട് മണിയോടെയായിരുന്നു അറസ്റ്റ്. എറണാകുളത്ത് വൈറ്റിലയില്‍ പോയശേഷം തിരികെ വരികയായിരുന്ന കോയിവിള സ്വദേശി പ്രകാശും, ഭാര്യയും, ബന്ധുക്കളായ മൂന്ന് സ്ത്രീകളും ഉള്‍പ്പെടുന്നവര്‍ സഞ്ചരിച്ച കാറ് തടഞ്ഞാണ് കവര്‍ച്ചയ്ക്ക് ശ്രമം നടന്നത്. പ്രകാശ് ഓടിച്ചിരുന്ന വാഹനത്തെ ആലപ്പുഴ ഭാഗത്ത് നിന്നും ആഢംബര കാറില്‍ പിന്‍തുടര്‍ന്ന സംഘം പലയിടത്ത് വച്ചും കാര്‍ തടയാന്‍ ശ്രമിച്ചു. ഇതോടെ കൃഷ്ണപുരത്ത് എത്തിയ പ്രകാശ് ഓച്ചിറ പൊലീസിനെ വിവരം അറിയിച്ചു. പിന്നീട് ഓച്ചിറ ജംഗ്ഷനില്‍ വന്‍ സന്നാഹവുമായി അണി നിരന്ന പൊലീസ്…

കൃഷ്ണമൃഗത്തെ വേട്ടയാടി കൊലപ്പെടുത്തിയ കേസില്‍ താരങ്ങള്‍ക്ക് വീണ്ടും നോട്ടീസ്

കൃഷ്ണമൃഗത്തെ വേട്ടയാടി കൊലപ്പെടുത്തിയ കേസില്‍ താരങ്ങള്‍ക്ക് വീണ്ടും നോട്ടീസ് ജയ്പൂര്‍: കൃഷ്ണമൃഗത്തെ കൊലപ്പെടുത്തിയ കേസില്‍ താരങ്ങള്‍ക്ക് വീണ്ടും നോട്ടീസ് അയച്ച് രാജസ്ഥാന്‍ ഹൈക്കോടതി. കേസിലെ കൂട്ടുപ്രതികളായ സെയ്ഫ് അലിഖാന്‍,നീലം തബു, സൊനാലി ബിന്ദ്ര, ദുഷ്യന്ത് സിങ് എന്നിവര്‍ക്കാണ് കോടതി നോട്ടീസ് അയച്ചിരിക്കുന്നത്. 1998 ഒക്ടോബര്‍ ഒന്നിന് ‘ഹം സാത് സാത് ഹേന്‍’ എന്ന സിനിമയുടെ ചിത്രീകരണത്തിനിടെ സല്‍മാന്‍ഖാന്‍ കൃഷ്ണമൃഗത്തെ വേട്ടയാടിയെന്നാണ് കേസ്. ജോഡ്പൂറിലെ ഗ്രാമവാസികളാണ് താരങ്ങള്‍ക്കെതിരെ പരാതി നല്‍കിയിരുന്നത്. വന്യജീവി സംരക്ഷണ വകുപ്പിലെ സെക്ഷന്‍ 51 പ്രകാരമാണ് കേസ് രജിസ്റ്റര്‍ ചെയ്തത്. കേസില്‍ വിചാരണ കോടതി ഇവരെ വെറുതെ വിട്ടിരുന്നു. ഇതിനെതിരെ സര്‍ക്കാര്‍ ചെയ്ത അപ്പീലിലാണ് നോട്ടീസ്.രണ്ട് മാസത്തിന് ശേഷം കേസില്‍ ഹൈക്കോടതിയില്‍ വാദം കേള്‍ക്കും.

ആനക്കൊമ്പ് കേസ്: മോഹന്‍ലാലിന് വേണ്ടി ഹാജരായത് ചീഫ് ജസ്റ്റിസ് രഞ്ജന്‍ ഗൊഗോയുടെ മകള്‍

ആനക്കൊമ്പ് കേസ്: മോഹന്‍ലാലിന് വേണ്ടി ഹാജരായത് ചീഫ് ജസ്റ്റിസ് രഞ്ജന്‍ ഗൊഗോയുടെ മകള്‍ അനധികൃതമായി ആനക്കൊമ്പ് സൂക്ഷിച്ച കേസില്‍ മോഹന്‍ലാലിന് വേണ്ടി ഹൈക്കോടതിയില്‍ ഹാജരായത് ചീഫ് ജസ്റ്റിസ് രഞ്ജന്‍ ഗൊഗോയുടെ മകള്‍ രശ്മി ഗൊഗോയ്. 2012 ജൂണിലാണ് കേസിനാസ്പദമായ സംഭവം. ആനക്കൊമ്പ് കൈവശം വെക്കാന്‍ ലൈസന്‍സ് ഇല്ലാത്ത മോഹന്‍ലാല്‍ മറ്റ് രണ്ടുപേരുടെ ലൈസന്‍സിലാണ് ആനക്കൊമ്പുകള്‍ സൂക്ഷിച്ചത് എന്നായിരുന്നു അന്വേഷണസംഘം കണ്ടെത്തിയത്. റെയ്ഡില്‍ ആനക്കൊമ്പ് കണ്ടെത്തിയതിനെ തുടര്‍ന്ന് കോടനാട് ഫോറസ്റ്റ് അധികൃതര്‍ കേസെടുക്കുകയായിരുന്നു. എന്നാല്‍ പിന്നീട് കേസ് റദ്ദാക്കി. കേസ് റദ്ദാക്കിയതിന് പിന്നാലെ നിലവിലെ നിയമം പരിഷ്‌ക്കരിച്ച് മോഹന്‍ലാലിന് ആനക്കൊമ്പുകള്‍ കൈവശം വെയ്ക്കാന്‍ സര്‍ക്കാര്‍ അനുമതി നല്‍കി. അഴിമതി നിരോധന നിയമം ലംഘിച്ചെന്ന് കാണിച്ച് നേരത്തെ കേസില്‍ മോഹന്‍ലാലിനും തിരുവഞ്ചൂരിനുമെതിരെ മൂവാറ്റുപുഴ വിജിലന്‍സ് കോടതി ത്വരിതാന്വേഷണത്തിന് ഉത്തരവിട്ടിരുന്നു. എന്നാല്‍ ഇതിനെ ചോദ്യം ചെയ്ത മോഹന്‍ലാല്‍ ഹൈക്കോടതിയെ സമീപിച്ചിരുന്നു. ത്വരിതാന്വേഷണത്തിന്…

ശക്തമായ ഇടിമിന്നലിന് സാധ്യത: സംസ്ഥാനത്ത് ജാഗ്രതാ നിര്‍ദേശം

ശക്തമായ ഇടിമിന്നലിന് സാധ്യത: സംസ്ഥാനത്ത് ജാഗ്രതാ നിര്‍ദേശം കേരളത്തില്‍ ഇടിമിന്നല്‍ ജാഗ്രത നിര്‍ദേശവുമായി സംസ്ഥാന ദുരന്തനിവാരണ അതോറിറ്റി. വേനല്‍ മഴയുടെ ഭാഗമായി ഉച്ചയ്ക്ക് 2 മണിമുതല്‍ രാത്രി 8 മണിവരെ അടുത്ത അഞ്ച് ദിവസം ശക്തമായ ഇടിമിന്നലിന് സാധ്യതയുണ്ട്. അതിനാല്‍ ജനങ്ങള്‍ കൂടുതല്‍ ജാഗ്രത പുലര്‍ത്തണമെന്ന് ദുരന്തനിവാരണ അതോറിറ്റി മുന്നറിയിപ്പ് നല്‍കി. ഇടിമിന്നലുള്ള സമയത്ത് ടെറസിലോ മുറ്റത്തോ ഇറങ്ങുന്നത് ഒഴിവാക്കണം, തുറസായ സ്ഥലത്ത് കളിക്കുന്നതില്‍ നിന്നും കുട്ടികളെ തടയണമെന്നും നിര്‍ദേശം നല്‍കിയിട്ടുണ്ട്. തെരഞ്ഞെടുപ്പ് പ്രചാരണ വേദികളില്‍ ഇടിമിന്നലുള്ള സമയത്ത് മൈക്കുകള്‍ ഉപയോഗിക്കരുതെന്നും നിര്‍ദ്ദേശമുണ്ട്. മുന്‍കരുതലുകള്‍ -ഉച്ചക്ക് 2 മണി മുതല്‍ വൈകിട്ട് 8 മണിവരെയുള്ള സമയത്ത് കുട്ടികളെ തുറസായ സ്ഥലത്ത് കളിക്കാന്‍ അനുവദിക്കരുത്. -അലക്കിയിട്ട തുണികളെടുക്കാന്‍ ടെറസിലേക്കോ മുറ്റത്തക്കോ പോകരുത് തെരഞ്ഞെടുപ്പ് പ്രചാരണവുമായി ബന്ധപെട്ട പ്രസംഗ വേദികളില്‍ ഇടിമിന്നല്‍ ഉള്ള സമയം നിന്നുകൊണ്ടുള്ള പ്രസംഗം ഒഴിവാക്കുക. പ്രാസംഗികര്‍…

സ്വന്തം വിവാഹ ക്ഷണക്കത്ത് തയ്യാറാക്കാന്‍ സഹായിയായി വന്ന എട്ടു വയസ്സുകാരിയെ പീഡിപ്പിച്ച വരന്‍ അറസ്റ്റില്‍

സ്വന്തം വിവാഹ ക്ഷണക്കത്ത് തയ്യാറാക്കാന്‍ സഹായിയായി വന്ന എട്ടു വയസ്സുകാരിയെ പീഡിപ്പിച്ച വരന്‍ അറസ്റ്റില്‍ തന്‍റെ വിവാഹത്തിന് ക്ഷണക്കത്തുകള്‍ തയ്യാറാക്കാന്‍ സഹായിയായി എത്തിയ അയല്‍വാസിയായ എട്ടു വയസ്സുകാരിയായ പെണ്‍കുട്ടിയെ പീഡിപ്പിച്ച പ്രതിശ്രുത വരന്‍ അറസ്റ്റില്‍. തിരുവനന്തപുരം നെടുമങ്ങാട് വേങ്കോട് മേൽപ്പാലോട് ചന്ദ്രോദയം വീട്ടിൽ ആർ.പ്രവീൺ (28) നെയാണ് നെടുമങ്ങാട് പൊലീസ് അറസ്റ്റ് ചെയ്തത്. പോക്സോ നിയമപ്രകാരമാണ് ഇയാളെ അറസ്റ്റ് ചെയ്തത്. മാതാപിതാക്കള്‍ ജോലിക്ക് പോയ സമയത്ത് പെണ്‍കുട്ടി ഇയാളുടെ വീട്ടില്‍ എത്തുകയായിരുന്നു. അടുത്ത് നടക്കാനിരിക്കുന്ന ഇയാളുടെ വിവാഹത്തിന് ക്ഷണക്കത്തുകള്‍ തയ്യാറാക്കുന്നത്തിന് എത്തിയ പ്രായപൂര്‍ത്തിയാകാത്ത പെണ്‍കുട്ടിയെയാണ് ഇയാള്‍ പീഡിപ്പിച്ചത്. പെണ്‍കുട്ടിയുടെ മാതാപിതാക്കളുടെ പരാതിയില്‍ നെടുമങ്ങാട് സിഐ കെ.അനിൽകുമാറാണ് ഇയാളെ അറസ്റ്റ് ചെയ്തത്. പെണ്‍കുട്ടിയെ വൈദ്യ പരിശോധനയ്ക്ക് വിധേയയാക്കിയ ശേഷം പ്രവീണിനെ അറസ്റ്റ് ചെയ്തു. കോടതിയില്‍ ഹാജരാക്കിയ ഇയാളെ റിമാണ്ട് ചെയ്തു.

ന്യൂയോര്‍ക്കിലെ സെന്റ് പാട്രിക്സ് കത്തീഡ്രലില്‍ പെട്രോള്‍ ജാറുകളുമായെത്തിയാള്‍ അറസ്റ്റില്‍

ന്യൂയോര്‍ക്കിലെ സെന്റ് പാട്രിക്സ് കത്തീഡ്രലില്‍ പെട്രോള്‍ ജാറുകളുമായെത്തിയാള്‍ അറസ്റ്റില്‍ പെട്രോള്‍ ജാറുകളുമായി ന്യൂയോര്‍ക്കിലെ പ്രശസ്തമായ സെന്റ് പാട്രിക്സ് കത്തീഡ്രലില്‍ എത്തിയ ആളെ പൊലീസ് അറസ്റ്റ് ചെയ്തു. ന്യൂജേഴ്സി സ്വദേശിയെയാണ് അറസ്റ്റ് ചെയ്തത്. ബുധനാഴ്ച വൈകുന്നേരം 7.55 നായിരുന്നു സംഭവം. രണ്ടു പെട്രോള്‍ ജാറുകളും ലൈറ്ററുമായി കത്തീഡ്രലിലേക്ക് പ്രവേശിക്കാന്‍ ശ്രമിക്കുമ്പോഴായിരുന്നു ഇയാളെ പൊലീസ് അറസ്റ്റ് ചെയ്തത്. കത്തീഡ്രല്‍ ജീവനക്കാരന്‍ ഇയാളെ തടഞ്ഞതോടെ ഓടി രക്ഷപ്പെടാന്‍ ശ്രമിച്ചെങ്കിലും പിന്നീട് പിടികൂടുകയായിരുന്നു. കഴിഞ്ഞദിവസം പാരീസിലെ ചരിത്രപ്രസിദ്ധമായ നോട്ടര്‍ഡാം കത്തീഡ്രലിന്റെ മേല്‍ക്കൂരയും ഗോപുരവും തീപിടിത്തത്തില്‍ കത്തിനശിച്ചിരുന്നു. ഇതൊരു ആക്രമണ ശ്രമമാണോയെന്ന് സംശയിക്കുന്നതിനിടെയാണ് ഈ സംഭവവും ഉണ്ടായിരിക്കുന്നത്.