സംസ്ഥാനത്ത് ഇന്ന് വൈദ്യുതി നിയന്ത്രണം

സംസ്ഥാനത്ത് ഇന്ന് വൈദ്യുതി നിയന്ത്രണം സംസ്ഥാനത്ത് ഇന്ന് വൈദ്യുതി നിയന്ത്രണം ഏര്‍പ്പെടുത്തുമെന്ന് കെ.എസ്.ഇ.ബി. വൈകുന്നേരം 07.30 മുതല്‍ 10.30 വരെയുള്ള സമയത്ത് അരമണിക്കൂറായിരിക്കും വൈദ്യുതി നിയന്ത്രണം. കേന്ദ്ര വൈദ്യുതി നിലയങ്ങളില്‍ നിന്നും കേരളത്തിന് ലഭിക്കേണ്ട വൈദ്യുതിയില്‍ 250 മുതല്‍ 300 മെഗാവാട്ടിന്റെ കുറവ് വന്നതോടെയാണ് വൈദ്യുതി നിയന്ത്രണം ഏര്‍പ്പെടുത്തുന്നതെന്നാണ് കെഎസ്ഇബി അറിയിച്ചു. പത്ത് ദിവസത്തിനകം സംസ്ഥാനത്ത് വൈദ്യുതി നിയന്ത്രണം ഏര്‍പ്പെടുത്തേണ്ടിവരുമെന്ന് കഴിഞ്ഞ ദിവസം വൈദ്യുതിമന്ത്രി എം.എം. മണി പറഞ്ഞിരുന്നു.

നിയന്ത്രണം വിട്ട മീന്‍ലോറിയിടിച്ച് അമ്മയ്ക്കും മകള്‍ക്കും ദാരുണാന്ത്യം

നിയന്ത്രണം വിട്ട മീന്‍ലോറിയിടിച്ച് അമ്മയ്ക്കും മകള്‍ക്കും ദാരുണാന്ത്യം കൊടുങ്ങല്ലൂരില്‍ അമിതവേഗത്തിലെത്തിയ മീന്‍ ലോറിയിടിച്ച് ബൈക്ക് യാത്രികരായ വൃദ്ധയ്ക്കും, മകള്‍ക്കും ദാരുണാന്ത്യം. ഇന്ന് ഉച്ചയോടെ ശ്രീനാരായണപുരത്താണ് അപകടം നടന്നത്. കൊടുങ്ങല്ലൂര്‍ കറപ്പംവീട്ടില്‍ ഹുസൈന്റെ ഭാര്യ നദീറ (60), മകള്‍ നിഷ (39) എന്നിവരാണ് മരിച്ചത്. അമിത വേഗത്തില്‍ വരികയായിരുന്ന മീന്‍ ലോറി നിയന്ത്രണം വിട്ട് ഇരുവരും സഞ്ചരിച്ചിരുന്ന സ്‌കൂട്ടറിലിടിക്കുകയായിരുന്നു. തെറിച്ചുവീണ നദീറ തല്‍ക്ഷണം മരിച്ചു. മകള്‍ നിഷ ആശുപത്രിയിലെത്തിക്കും വഴിയാണ് മരിച്ചത്. ചാവക്കാട് ചരക്ക് ഇറക്കി മടങ്ങുകയായിരുന്നു മീന്‍ ലോറിയുടെ ഡ്രൈവര്‍. ഇതിനിടെ, ഡ്രൈവര്‍ക്ക് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് നിയന്ത്രണം വിട്ട ലോറി ഒരു കാറിലും, സ്‌കൂട്ടറിലും ഇടിച്ച ശേഷം മതില്‍ തകര്‍ത്താണ് ഇടിച്ചു നിന്നത്. ലോറി ഡ്രൈവര്‍ക്കെതിരെ പോലീസ് കേസെടുത്തു.

അപമാനിക്കാന്‍ ശ്രമിച്ച യുവാവിനെ പൊതിരെ തല്ലി വനിതാ ബോക്‌സര്‍

അപമാനിക്കാന്‍ ശ്രമിച്ച യുവാവിനെ പൊതിരെ തല്ലി വനിതാ ബോക്‌സര്‍ ലക്‌നൗ: അപമാനിക്കാന്‍ ശ്രമിച്ച യുവാവിനെ പൊതിരെ തല്ലി വനിതാ ബോക്‌സര്‍. 18 കാരിയായ വനിതാ ബോക്‌സിംഗ് വിദ്യാര്‍ത്ഥിയാണ് പൊതുമധ്യത്തില്‍ വച്ച് തന്നെ അപമാനിക്കാന്‍ ശ്രമിച്ച ആളെ കയ്യോടെ പിടികൂടി മര്‍ദ്ദിച്ചത്. ഉത്തര്‍പ്രദേശിലെ മുസഫര്‍ നഗറിലാണ് സംഭവം. ഇതിന്റെ വീഡിയോ സോഷ്യല്‍ മീഡിയയില്‍ വൈറലാണ്. യുവാവിന്റെ ടീ ഷര്‍ട്ടില്‍ കുത്തിപ്പിടിക്കുകയും മര്‍ദ്ദിക്കുകയും ചെയ്യുന്നത് വീഡിയോയില്‍ കാണാം. നിഷ പ്രവീണ്‍ എന്ന പെണ്‍കുട്ടിയാണ് തന്നെ അപമാനിക്കാന്‍ ശ്രമിച്ച ആളെ മര്‍ദ്ദിച്ചത്. നിഷയുടെ മര്‍ദ്ദനത്തില്‍ നിന്ന് രക്ഷപ്പെട്ട് ഓടിപ്പോകാന്‍ യുവാവ് ശ്രമിക്കുന്നുണ്ടെങ്കിലും നിലത്തുവീഴുകയും മുറിവേല്‍ക്കുകയും ചെയ്തിട്ടുണ്ട്. അമ്മയുമായി ആശുപത്രിയിലെത്തിയപ്പോഴാണ് നിഷയെ യുവാവ് അപമാനിക്കാന്‍ ശ്രമിച്ചത്.

ഇന്ത്യന്‍ സിനിമയിലെ നായകന്മാര്‍ക്ക് മക്കളുടെ പ്രായമുള്ള നായികമാരെന്ന് ചിന്മയി; ഗായികയെ ട്രോളി സോഷ്യല്‍ മീഡിയ

ഇന്ത്യന്‍ സിനിമയിലെ നായകന്മാര്‍ക്ക് മക്കളുടെ പ്രായമുള്ള നായികമാരെന്ന് ചിന്മയി; ഗായികയെ ട്രോളി സോഷ്യല്‍ മീഡിയ തെന്നിന്ത്യയില്‍ മീടുവിന് തുടക്കമിട്ടിരുന്ന ആളായിരുന്നു ഗായിക ചിന്മയി. 2013ലെ ട്വീറ്റിനെ ചൊല്ലി ചിന്മിയി ആകെ പൊല്ലാപ്പിലായിരിക്കുകയാണ്. ഗായികയെ ഒന്നടങ്കം സോഷ്യല്‍ മീഡിയ കടന്നാക്രമിക്കുകയാണ് ചെയ്യുന്നത്. ഇന്ത്യന്‍ സിനിമയിലെ നായകന്‍മാര്‍ മക്കളുടെ പ്രായമുള്ള നായികമാരെ കാസ്റ്റ് ചെയ്യുന്നത് ഒരു കീഴ്വഴക്കമായി മാറിയിട്ടുണ്ട്. ഇനിയും ഇത് അവസാനിച്ചിട്ടില്ല ഇതായിരുന്നു ചിന്‍മയിയുടെ ട്വീറ്റ്. എന്നാല്‍ ചിന്മയിയുടെ ഭര്‍ത്താവായ രാഹുല്‍ രവീന്ദ്രന്‍ സംവിധാനം ചെയ്യുന്ന ചിത്രത്തില്‍ നാഗാര്‍ജ്ജുനയും രാകുല്‍ പ്രീത് സിങ്ങുമാണ് പ്രധാന വേഷത്തിലെത്തുന്നത്. നാഗാര്‍ജ്ജുനയും രാകുലും തമ്മില്‍ എന്ത് പ്രായവ്യത്യാസം വരുമെന്നും ആദ്യം സ്വന്തം ഭര്‍ത്താവിനെ തന്നെ ഉപദേശിക്കുകയും വിമര്‍ശിക്കുകയും ചെയ്യൂ എന്നുമാണ് കൂടുതല്‍ പേരുടെയും വിമര്‍ശനം. എന്നാല്‍ താരം ഇതിനോട് പ്രതികരിച്ചിട്ടില്ല.

മികച്ച തഹസില്‍ദാര്‍ക്കുള്ള ബഹുമതി നേടിയ ഉദ്യോഗസ്ഥയുടെ വീട്ടില്‍ നിന്ന് 93 ലക്ഷം പിടിച്ചെടുത്തു

മികച്ച തഹസില്‍ദാര്‍ക്കുള്ള ബഹുമതി നേടിയ ഉദ്യോഗസ്ഥയുടെ വീട്ടില്‍ നിന്ന് 93 ലക്ഷം പിടിച്ചെടുത്തു തെലങ്കാനയില്‍ തഹസില്‍ദാറിന്റെ വീട്ടില്‍ നിന്നും അനധികൃതമായി സൂക്ഷിച്ചിരുന്ന പണവും സ്വര്‍ണവും പിടിച്ചെടുത്തു. മികച്ച തഹസില്‍ദാര്‍ക്കുള്ള തെലങ്കാന സര്‍ക്കാറിന്റെ ബഹുമതി നേടിയ രംഗറെഡ്ഡി ജില്ലയിലെ കെഷാംപെട്ടിലെ തഹസീല്‍ദാര്‍ വി. ലാവണ്യയുടെ വീട്ടില്‍നിന്നാണ് 93.5 ലക്ഷം പണവും 400 ഗ്രാം സ്വര്‍ണവും പിടിച്ചെടുത്തത്. ഹൈദരാബാദിലെ ഹയാത് നഗറിലെ ഇവരുടെ വീട്ടില്‍ അഴിമതി വിരുദ്ധ ബ്യൂറോ നടത്തിയ തെരച്ചിലിലാണ് പണവും സ്വര്‍ണവും കണ്ടെടുത്തത്. ഭൂമി രേഖകള്‍ തിരുത്തുന്നതിന് ഒരു കര്‍ഷകനില്‍ നിന്ന് 4 ലക്ഷം കൈക്കൂലി വാങ്ങിയതിന് വില്ലേജ് റവന്യൂ ഓഫീസര്‍ (വിആര്‍ഒ) പിടിയിലായതിന് പിന്നാലെയാണ് തഹസീല്‍ദാരുടെ വീട്ടിലും തെരച്ചില്‍ നടന്നത്. 8 ലക്ഷം രൂപയാണ് കര്‍ഷകനോട് ഇവര്‍ കൈക്കൂലി ആവശ്യപ്പെട്ടത്. ഇതില്‍ അഞ്ച് ലക്ഷം തഹസീല്‍ദാര്‍ക്കും മൂന്ന് ലക്ഷം വില്ലേജ് ഓഫീസര്‍ക്കും നല്‍കണമെന്നായിരുന്നു നിര്‍ദേശം. തുക…

നിധി കണ്ടെത്താന്‍ ഭാര്യയെ ഭര്‍ത്താവ് പട്ടിണിക്കിട്ടത് 50 ദിവസം

നിധി കണ്ടെത്താന്‍ ഭാര്യയെ ഭര്‍ത്താവ് പട്ടിണിക്കിട്ടത് 50 ദിവസം നിധി കണ്ടെത്താന്‍ യുവതിയെ നിര്‍ബന്ധപൂര്‍വ്വം ഭര്‍ത്താവ്  പട്ടിണിക്കിട്ടത് അമ്പത് ദിവസം. ആള്‍ദൈവത്തിന്റ ഉെപദേശപ്രകാരം മഹാരാഷ്ട്രയിലെ ചന്ദ്രപുര്‍ ജില്ലയിലായിരുന്നു സംഭവം.  കഴിഞ്ഞ വര്‍ഷം ചിമൂര്‍ തഹ്സിലിലെ ഷെഗാവ് ഗ്രാമത്തിലാണ് അഗ്‌നിപരീക്ഷ നടന്നതെന്ന് പോലീസ് പറഞ്ഞു. 2018 ഓഗസ്റ്റിലാണ് വിവാഹിതയായി യുവതി ഭര്‍ത്താവിന്റെ വീട്ടില്‍ എത്തിയത്. പട്ടിണി കിടന്ന് ചില ആചാരങ്ങള്‍ അനുഷ്ഠിച്ചാല്‍ മറഞ്ഞിരിക്കുന്ന നിധി ലഭിക്കുമെന്ന് ഭര്‍ത്താവിനോടും ബന്ധുക്കളോടും ആള്‍ദൈവം ഉപദേശിക്കുകയായിരുന്നു. ദാമ്പത്യജീവിതത്തിന്റെ  ആദ്യദിവസം മുതല്‍ ഭര്‍ത്താവും ബന്ധുക്കളും യുവതിയെ ഉപദ്രവിക്കാന്‍ തുടങ്ങി. പട്ടിണിക്കിട്ട് വേദമന്ത്രങ്ങള്‍ ജപിപ്പിച്ച് നിധി കണ്ടെത്താനായിരുന്നു ഇവരുടെ ശ്രമമെന്ന് ഷെഗാവ് പൊലീസ് പറഞ്ഞു. ശാരീരികവും മാനസികവുമായ പീഡനത്തിന് ഇരയായ യുവതിക്ക്   50 ദിവസം വരെ വളരെ ചെറിയ അളവിലുള്ള ഭക്ഷണമാണ് നല്‍കിയത്. പുലര്‍ച്ചെ 2.45 മുതല്‍ വൈകുന്നതുവരെ പൂജ ചെയ്യാനും ഇവര്‍ നിര്‍ബന്ധിക്കുമായിരുന്നു. അനുഷ്ഠാനങ്ങള്‍…

മോശം കമന്റുകൾക്ക് തടയിടാൻ സംവിധാനമൊരുക്കി ഇൻസ്റ്റ​ഗ്രാം

മോശം കമന്റുകൾക്ക് തടയിടാൻ സംവിധാനമൊരുക്കി ഇൻസ്റ്റ​ഗ്രാം വീണ്ടുമൊരു കിടിലൻ ഫീച്ചറുമായി ഇന്‍സ്റ്റഗ്രാം. സമൂഹമാധ്യമം വഴിയുള്ള വ്യക്തിഹത്യകള്‍ക്ക് തടയിടാൻ പുതിയ ആര്‍ട്ടിഫിഷ്യല്‍ ഇന്റലിജന്‍സ് സംവിധാനമാണ് അവതരിപ്പിക്കുക. ഇന്‍സ്റ്റഗ്രാമിൽ മോശം കമന്റുകള്‍ ചെയ്യുന്നതില്‍ നിന്ന് ഉപയോക്താക്കളെ ഈ ഫീച്ചർ തടയുന്നു. ഒരു ചിത്രത്തിന് താഴെ ഇത്തരത്തിൽ കമന്റു ചെയ്യുമ്പോള്‍ ‘ഇത് പോസ്റ്റ് ചെയ്യാന്‍ നിങ്ങള്‍ തീര്‍ച്ചയായും ആഗ്രഹിക്കുന്നുണ്ടോ ? എന്ന് ചോദ്യം ഉയർന്നു വരുന്ന രീതിയിലാണ് തയാറാക്കിയിരിക്കുന്നത്. എന്നാൽ നെഗറ്റീവ് കമന്റുകള്‍ പോസ്റ്റ് ചെയ്യുന്നത് ഈ സംവിധാനം വിലക്കുകയില്ലെന്നാണ് റിപ്പോർട്ട്. ഈ പുതിയ ഫീച്ചര്‍ വിജയകരമാണെന്ന് ഇതിനോടകം തെളിയിക്കപ്പെട്ടെന്നും പരീക്ഷണാടിസ്ഥാനത്തില്‍ ഈ ഫീച്ചര്‍ അവതരിപ്പിച്ചപ്പോള്‍ നിരവധിയാളുകളെ മോശം കമന്റുകള്‍ ഇടുന്നതില്‍ നിന്നും പിന്‍തിരിപ്പിക്കാന്‍ സാധിച്ചുവെന്നും ഇന്‍സ്റ്റാഗ്രാം അവകാശപ്പെടുന്നു. നിലവിൽ ഇംഗ്ലീഷ് കമന്റുകള്‍ക്ക് മാത്രം ലഭ്യമാകുന്ന ഈ സംവിധാനം വൈകാതെ ആഗോളതലത്തില്‍ ലഭ്യമാക്കിയേക്കും.

കൊച്ചിയില്‍ വിദ്യാര്‍ത്ഥിനി കായലില്‍ ചാടി: തിരച്ചില്‍ തുടരുന്നു

കൊച്ചിയില്‍ വിദ്യാര്‍ത്ഥിനി കായലില്‍ ചാടി: തിരച്ചില്‍ തുടരുന്നു കൊച്ചി അരൂര്‍ പാലത്തില്‍ നിന്നും വിദ്യാര്‍ത്ഥിനി കായലില്‍ ചാടി. എരമല്ലൂര്‍ സ്വദേശിനിയായ പെണ്‍കുട്ടിയാണ് കായലില്‍ ചാടിയത്. വിദ്യാര്‍ത്ഥിനിക്കായി ഫയര്‍ഫോഴ്സും നാട്ടുകാരും ചേര്‍ന്ന് കായലില്‍ തിരച്ചില്‍ തുടരുകയാണ്.

മഞ്ജുവിന്റെ പ്രിയ ആരാധിക ഇനി ഓര്‍മ്മ; ഗായികയും അഭിനേത്രിയുമായ ബീഗം റാബിയ അന്തരിച്ചു

മഞ്ജുവിന്റെ പ്രിയ ആരാധിക ഇനി ഓര്‍മ്മ; ഗായികയും അഭിനേത്രിയുമായ ബീഗം റാബിയ അന്തരിച്ചു ഗായികയും അഭിനേത്രിയും ആകാശവാണി ആര്‍ടിസ്റ്റുമായിരുന്ന ബീഗം റാബിയ അന്തരിച്ചു. കെ.ടി മുഹമ്മദിന്റെ നാടകങ്ങളിലൂടെ പഴയകാലത്ത് നാടകവേദികളില്‍ സജീവമായിരുന്നു. വാര്‍ദ്ധക്യ സഹജമായ അസുഖത്തെ തുടര്‍ന്നായിരുന്നു അന്ത്യം. കാതിന് ഇമ്പമേകുന്ന സ്വരമാധുര്യം കൊണ്ട് എന്നും അമ്പരപ്പിച്ചിരുന്ന ബീഗം റാബിയ കെ ടി മുഹമ്മദിന്റെ നാടകങ്ങളിലൂടെയാണ് കോഴിക്കോടന്‍ നാടകവേദികളില്‍ സജീവമാകുന്നത്. രാമുകാര്യാട്ടിന്റെ ചെമ്മീന്‍ എന്ന ചിത്രത്തിലേക്കുള്ള ക്ഷണം സ്വീകരിച്ചിരുന്നെങ്കില്‍ ലോകം അറിയുന്ന അഭിനേത്രിയാകുമായിരുന്നു ബീഗം റാബിയ പക്ഷെ ആ അവസരം നിഷേധിച്ചു. കോഴിക്കോടെത്തിയ മഞ്ജു വാര്യരരുമായുള്ള റാബിയയുടെ കൂടിക്കാഴ്ച വാര്‍ത്തയായിരുന്നു. മഞ്ജുവിന്റെ കടുത്ത ആരാധിക കൂടിയായ റാബിയയുടെ സിനിമാ പ്രവേശനത്തിനും ഈ വാര്‍ത്ത മുതല്‍ക്കൂട്ടായി.. അങ്ങനെ പന്തെന്ന ചിത്രത്തിലൂടെ വര്‍ഷങ്ങള്‍ക്ക് മുമ്പേ താന്‍ വേണ്ടെന്ന് വെച്ച വെള്ളിത്തിരയിലേക്ക് അവരെത്തി.17ാം വയസ്സില്‍ കോഴിക്കോട് ആകാശവാണിയില്‍ ആര്‍ടിസ്റ്റായെത്തിയ റാബിയ ഈയടുത്ത…

കടിച്ച പാമ്പുമായി 34 കാരി ആശുപത്രിയില്‍: അമ്പരന്ന് ഡോക്ടര്‍മാര്‍

കടിച്ച പാമ്പുമായി 34 കാരി ആശുപത്രിയില്‍: അമ്പരന്ന് ഡോക്ടര്‍മാര്‍ കടിച്ച പാമ്പിനെ തിരിച്ചറിയാന്‍ കൈയിലിരുന്നു പിടയുന്ന അണലിപ്പാമ്പുമായി ആശുപത്രിയില്‍ എത്തിയ യുവതിയെ കണ്ട് അമ്പരന്ന് ഡോക്ടര്‍മാര്‍. മകളെയും തന്നെയും പാമ്പുകടിച്ചെന്നും തിരിച്ചറിയാന്‍ വേണ്ടിയാണ് പാമ്പിനെയും കൊണ്ടു വന്നതെന്നും വീട്ടമ്മ ഡോക്ടര്‍മാരോടു പറഞ്ഞു. ചേരി പ്രദേശമായ ധാരാവിയിലെ രാജീവ് ഗാന്ധിനഗര്‍ സോനേരി ചാളിലെ താമസക്കാരി സുല്‍ത്താന ഖാന്‍ (34) ആണ് പാമ്പുമായി ആശുപത്രിയിലെത്തിയത്. ഞായറാഴ്ച രാവിലെ 11ന് ആഹാരം കഴിച്ചുകൊണ്ടിരിക്കുമ്പോള്‍ മകള്‍ സഹ്‌സീനെ(17) യാണ് ആദ്യം പാമ്പു കടിച്ചത്. കടിച്ച പാമ്പിനെ തിരിച്ചറിഞ്ഞാല്‍ ചികില്‍സ എളുപ്പമാകുമെന്നു കേട്ടിട്ടുള്ളതു കൊണ്ടാണ് സുല്‍ത്താന പാമ്പിനെ പിടിച്ച് അതുമായി സയണ്‍ ആശുപത്രിയിലെത്തിയത്. ഡോക്ടര്‍ ഉടന്‍ തന്നെ വിദഗ്ദനെ വരുത്തി. വിഷമുള്ള അണലി വര്‍ഗത്തില്‍പ്പെട്ട പാമ്പാണെന്നു വിദഗ്ദന്‍ വെളിപ്പെടുത്തുകയും ചികില്‍സ നല്‍കുകയും ചെയ്തു. പെരുമഴയ്ക്കിടെ അടുത്തുള്ള കാട്ടില്‍ നിന്നാണ് സുല്‍ത്താനയുടെ കുടിലിലേയ്ക്ക് അണലി കടന്നത്.