കേരളം ജലക്ഷാമത്തിലേക്ക്; ഡാമുകളില്‍ അവശേഷിക്കുന്നത് ഒന്നര ആഴ്ചത്തേയ്ക്കുള്ള വെള്ളം മാത്രം

കഴിഞ്ഞ വര്‍ഷം കേരളം മഹാപ്രളയം നേരിട്ടപ്പോള്‍ സംസ്ഥാനത്തെ മിക്ക ഡാമുകളും നിറഞ്ഞുകവിഞ്ഞിരുന്നു. ജലസംഭരണികളിലെല്ലാം നിറഞ്ഞുകവിഞ്ഞതോടെ ഡാമുകളുടെ ഷട്ടറുകള്‍ ഉയര്‍ത്തി വെള്ളം ഒഴുക്കി കളയേണ്ട അവസ്ഥയായിരുന്നു.

എന്നാല്‍ ഇത്തവണ മഴ വലിയ തോതില്‍ കുറഞ്ഞതോടെ സംസ്ഥാനത്ത് ജലക്ഷാമം നേരിടുകയാണ്. സംസ്ഥാനത്തെ ഡാമുകളില്‍ ഉള്ളത് ഒന്നര ആഴ്ചത്തേക്ക് കൂടിയുള്ള വെള്ളം മാത്രം. ജലവിഭവ വകുപ്പ് മന്ത്രി കെ.കൃഷ്ണന്‍കുട്ടിയാണ് ഇക്കാര്യം നിയമസഭയില്‍ അറിയിച്ചത്.

ഇനിയും മഴ ലഭിക്കാതെ വന്നാല്‍ നിയന്ത്രണം വേണ്ടിവരുമെന്നും മന്ത്രി അറിയിച്ചു. സാധാരണ നിലയില്‍ ലഭിക്കേണ്ട മണ്‍സൂണ്‍ മഴ കേരളത്തില്‍ ഇതുവരെ ലഭിച്ചിട്ടില്ല. കേരളം കടുത്ത ജലക്ഷാമത്തിലേക്കാണ് നീങ്ങുന്നതെന്ന് വ്യക്തമാക്കുന്നതായിരുന്നു മന്ത്രിയുടെ പ്രതികരണം.


വൈദ്യുതി ഉത്പാദനം വലിയ തോതില്‍ കുറയാനാണ് സാധ്യത. അങ്ങനെ വന്നാല്‍ വൈദ്യുതി നിയന്ത്രണം ഉള്‍പ്പെടെയുള്ള കാര്യങ്ങളെ കുറിച്ച് സര്‍ക്കാരിന് ചിന്തിക്കേണ്ടി വരും.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments


Leave a Reply