വയനാട്ടില്‍ വന്‍ വ്യാജ വാറ്റ് വേട്ട; മൂന്ന് പേര്‍ പിടിയില്‍
By വയനാട്ടില്‍ വന്‍ വ്യാജ വാറ്റ് വേട്ട; മൂന്ന് പേര്‍ പിടിയില്‍
വയനാട് മാാനന്തവാടി മേഖലയില്‍ എക്സൈസിന്റെ നേതൃത്വത്തില്‍ വന്‍ വ്യാജവാറ്റ് വേട്ട. കാട്ടിമൂല, വെണ്‍മണി, വാളാട് ടൗണ്‍, മേലേ വരയാല്‍ തുടങ്ങിയ പ്രദേശങ്ങളില്‍ നിന്നാണ് വ്യാജവാറ്റ് പിടികൂടിയത്. എക്‌സൈസ് സംഘം നടത്തിയ പരിശോധനയില്‍ പത്ത് ലിറ്റര്‍ ചാരായവും 430 ലിറ്റര്‍ വാഷും വാറ്റിന് ഉപയോഗിക്കുന്ന ഉപകരണങ്ങളും പിടികൂടി.
രണ്ട് സംഭവങ്ങളിലായി മൂന്ന് പേരെ അറസ്റ്റ് ചെയ്തിട്ടുണ്ട്. വാളാട് എടത്തന കരയോത്തിങ്കല്‍ ബാലചന്ദ്രന്‍ (51) ആലക്കല്‍ പുത്തന്‍മിറ്റം വെള്ളന്‍ എന്ന സതീഷ് (30), ഉക്കിടി രാജന്‍ (29) എന്നിവരാണ് എക്സൈസിന്റെ പിടിയിലായത്. ബാലചന്ദ്രനില്‍ നിന്നാണ് അഞ്ച് ലിറ്റര്‍ ചാരായവും 430 ലിറ്റര്‍ വാഷും പിടികൂടിയത്.
ചാരായത്തിന്റെ ആവശ്യക്കാരെന്ന വ്യാജേനെയാണ് എക്‌സൈസ് സംഘം ഇയാളെ സമീപിച്ചത്. രണ്ട് ബാരലും വാറ്റിന് ഉപയോഗിക്കുന്ന ഉപകരണങ്ങളും ഇയാളില്‍ നിന്നും പിടിച്ചെടുത്തിട്ടുണ്ട്. സതീഷ്, രാജന്‍ എന്നിവരില്‍ നിന്ന് അഞ്ച് ലിറ്റര്‍ ചാരായവും വാറ്റുപകരണങ്ങളുമാണ് കണ്ടെടുത്തത്.
മാനന്തവാടി എക്‌സൈസ് റെയിഞ്ച് ഇന്‍സ്‌പെക്ടര്‍ ടി.ഷറഫുദീന്റെ നേതൃത്വത്തില്‍ സിവില്‍ എക്‌സൈസ് ഓഫീസര്‍മാരായ കെ.കെ. അജയകുമാര്‍, പി. വിജേഷ് കുമാര്‍, കെ.എം. അഖില്‍, രാജേഷ്, പി. വിപിന്‍ എന്നിവരാണ് പരിശോധന നടത്തിയത്.
- നോട്ട് നിരോധന വാർത്ത; സാമ്പത്തിക കേരളത്തെ ഞെട്ടിച്ചു
- ചിയാൻ വിക്രമിന്റെ ആക്ഷൻ ത്രില്ലർ എന്റെർറ്റൈനെർ “വീര ധീര ശൂരൻ” മാർച്ച് 27ന് തിയേറ്ററുകളിലേക്ക്
- അഖില ഭാരത ശ്രീമദ് ഭാഗവതാമൃത സത്രത്തിന്‌ മള്ളിയൂരിൽ തിരിതെളിഞ്ഞു.
- ബൈക്ക് മോഷ്ടാക്കളെ അറസ്റ്റ് ചെയ്തു
- ധീരജവാന്മാര്‍ക്ക് സ്‌നേഹാദരം സമ്മാനിച്ച് ഡിഫറന്റ് ആര്‍ട് സെന്ററിലെ ഭിന്നശേഷിക്കാര്‍
- അപ്പാർട്മെന്റിൽ അതിക്രമിച്ച് കയറി കൊലപാതകശ്രമം നടത്തിയ പ്രതിയെ കളമശ്ശേരി പോലീസ് അറസ്റ്റ് ചെയ്തു
- സ്വീഡനിൽ ജോലി വാഗ്ദാനം നൽകി നിരവധി പേരിൽ നിന്നും ലക്ഷങ്ങൾ തട്ടിയ കേസിലെ പ്രതി പിടിയിൽ
- എം ഡി എം എ യുമായി യുവതിയുൾപ്പടെ രണ്ട് പേർ പോലീസ് പിടിയിൽ
- പോക്സോ കേസിലെ പ്രതിയെ 53 വർഷം കഠിന തടവിനു ശിക്ഷിച്ചു
- St Thomas School | UKG കുട്ടികളെ മര്‍ദ്ദിച്ച സംഭവത്തില്‍ ഏഴാം മൈല്‍ സെന്‍റ് തോമസ്‌ സ്കൂളിന് എതിരെ പ്രതിഷേധം ശക്തമാവുന്നു
Leave a Reply
You must be logged in to post a comment.