എം.ബി.ബി.എസ് പരീക്ഷയെഴുതിയ 42 വിദ്യാര്‍ഥികള്‍ക്ക് കൂട്ടത്തോല്‍വി: മൂല്യനിര്‍ണയത്തില്‍ പിഴവെന്ന് പരാതി
By എം.ബി.ബി.എസ് പരീക്ഷയെഴുതിയ 42 വിദ്യാര്‍ഥികള്‍ക്ക് കൂട്ടത്തോല്‍വി: മൂല്യനിര്‍ണയത്തില്‍ പിഴവെന്ന് പരാതി
തിരുവനന്തപുരം, തൃശൂര്‍ മെഡിക്കല്‍ കോളജുകളില്‍ പരീക്ഷയെഴുതിയ 42 എം.ബി.ബി.എസ് വിദ്യാര്‍ഥികള്‍ക്കും കൂട്ടത്തോല്‍വി. മൂല്യനിര്‍ണയത്തില്‍ പിഴവുണ്ടെന്നും ചില വിദ്യാര്‍ഥികളെ മനപ്പൂര്‍വം തോല്‍പ്പിച്ചെന്നും ആക്ഷേപമുണ്ട്.
തിരുവനന്തപുരം മെഡിക്കല്‍ കോളജിലെ 22 വിദ്യാര്‍ഥികള്‍ മെഡിസിന്‍ പ്രാക്ടിക്കല്‍ പരീക്ഷക്കും തൃശൂര്‍ മെഡിക്കല്‍ കോളജിലെ 20വിദ്യാര്‍ഥികള്‍ ശിശുരോഗ വിഭാഗത്തിലെ പരീക്ഷക്കുമാണ് തോറ്റത്. 2014 ബാച്ചിലെ എം.ബി.ബി.എസ് വിദ്യാര്‍ഥികളാണ് തോറ്റത്.
തിരുവനന്തപുരം മെഡിക്കല്‍ കോളജിലെ വിദ്യാര്‍ഥികളായ ആണ്‍കുട്ടികളുടെ ഹോസ്റ്റല്‍ വാര്‍ഡനായിരുന്ന ഒരു ഡോക്ടറെ മാറ്റാന്‍ വിദ്യാര്‍ഥികള്‍ പ്രതിഷേധ സമരം സംഘടിപ്പിച്ചിരുന്നു. തുടര്‍ന്ന് ഡോക്ടറെ മാറ്റുകയും ചെയ്തു. ഈ സമരത്തില്‍ പങ്കെടുത്ത വിദ്യാര്‍ഥികളാണ് പരീക്ഷയില്‍ തോറ്റത് എന്നതാണ് ആക്ഷേപം.
ഇതുസംബന്ധിച്ച് തോറ്റ വിദ്യാര്‍ഥികള്‍ പറയുന്നത് വിദ്യാര്‍ഥികള്‍ ഉന്നയിക്കുന്ന പരാതികളില്‍ അനുകൂലമായ നിലപാട് ഉണ്ടാകാറില്ലെന്നും എപ്പോഴും ഫാക്വല്‍റ്റികള്‍ക്ക് അനുകൂല നിലപാടാണ് ഉണ്ടാകുന്നതെന്നുമാണ്. കൂട്ടത്തോല്‍വിയുടെ പശ്ചാത്തലത്തില്‍ വിവരാവകാശ നിയമപ്രകാരം വിദ്യാര്‍ഥികള്‍ മാര്‍ക്ക് ലിസ്റ്റുകള്‍ എടുത്ത് പരിശോധിച്ചിരുന്നു.
അവയില്‍ ചില വിഭാഗങ്ങളില്‍ മാര്‍ക്ക് രേഖപ്പെടുത്തിയിട്ടില്ലെന്നും ചിലത് വെട്ടിത്തിരുത്തിയിട്ടുണ്ടെന്നുമാണ് വിദ്യാര്‍ഥികള്‍ പറയുന്നത്. ഇത് അധ്യാപകരുടെ ഭാഗത്തുനിന്നുള്ള വീഴ്ചയും മനപ്പൂര്‍വമായ പിശകുകളുമാണെന്നാണ് വിദ്യാര്‍ഥികളുടെ ആക്ഷേപം.
വിദ്യാര്‍ഥികള്‍ ഇക്കാര്യങ്ങള്‍ ചൂണ്ടിക്കാട്ടി ആരോഗ്യ സര്‍വകലാശാലക്ക് പരാതി നല്‍കിയിട്ടുണ്ട്. വിദ്യാര്‍ഥികളുടെ പരാതിയില്‍ പരിശോധന നടത്തിയശേഷം ഉചിതമായ തീരുമാനമെടുക്കുമെന്നാണ് സര്‍വകലാശാല അധികൃതര്‍ വ്യക്തമാക്കിയിട്ടുള്ളത്.
- നോട്ട് നിരോധന വാർത്ത; സാമ്പത്തിക കേരളത്തെ ഞെട്ടിച്ചു
- ചിയാൻ വിക്രമിന്റെ ആക്ഷൻ ത്രില്ലർ എന്റെർറ്റൈനെർ “വീര ധീര ശൂരൻ” മാർച്ച് 27ന് തിയേറ്ററുകളിലേക്ക്
- അഖില ഭാരത ശ്രീമദ് ഭാഗവതാമൃത സത്രത്തിന്‌ മള്ളിയൂരിൽ തിരിതെളിഞ്ഞു.
- ബൈക്ക് മോഷ്ടാക്കളെ അറസ്റ്റ് ചെയ്തു
- ധീരജവാന്മാര്‍ക്ക് സ്‌നേഹാദരം സമ്മാനിച്ച് ഡിഫറന്റ് ആര്‍ട് സെന്ററിലെ ഭിന്നശേഷിക്കാര്‍
- അപ്പാർട്മെന്റിൽ അതിക്രമിച്ച് കയറി കൊലപാതകശ്രമം നടത്തിയ പ്രതിയെ കളമശ്ശേരി പോലീസ് അറസ്റ്റ് ചെയ്തു
- സ്വീഡനിൽ ജോലി വാഗ്ദാനം നൽകി നിരവധി പേരിൽ നിന്നും ലക്ഷങ്ങൾ തട്ടിയ കേസിലെ പ്രതി പിടിയിൽ
- എം ഡി എം എ യുമായി യുവതിയുൾപ്പടെ രണ്ട് പേർ പോലീസ് പിടിയിൽ
- പോക്സോ കേസിലെ പ്രതിയെ 53 വർഷം കഠിന തടവിനു ശിക്ഷിച്ചു
- St Thomas School | UKG കുട്ടികളെ മര്‍ദ്ദിച്ച സംഭവത്തില്‍ ഏഴാം മൈല്‍ സെന്‍റ് തോമസ്‌ സ്കൂളിന് എതിരെ പ്രതിഷേധം ശക്തമാവുന്നു
Leave a Reply
You must be logged in to post a comment.