125 സിസി എന്‍ജിനിൽ ഹീറോ മാസ്‌ട്രോ എഡ്‍ജ്

മാസ്ട്രായാണ് താരം, രാജ്യത്തെ ആഭ്യന്തര ഇപചക്രവാഹന നിര്‍മ്മാതാക്കളില്‍ പ്രമുഖരായ ഹിറോയുടെ ജനപ്രിയ മോഡലാണ് മാസ്‌ട്രോ എഡ്‍ജ്. ഈ മോഡല്‍ 125 സിസി എന്‍ജിനില്‍ എത്തുന്നതാണ് പുതിയ വാര്‍ത്ത. വാഹനം മേയ് 13-ന് പുറത്തിറങ്ങുമെന്നാണ് റിപ്പോർട്ടുകള്‍. പുതിയ എന്‍ജിനില്‍ പ്ലെഷര്‍ 110 മോഡലും കമ്പനി അവതരിപ്പിക്കും.

കൂടാതെ ഹീറോ പുറത്തിറക്കിയ ഡെസ്റ്റിനി 125 മോഡലിലെ അതേ 125 സിസി എന്‍ജിനാണ് മാസ്‌ട്രോ 125 മോഡലിന്‍റെയും ഹൃദയം. 8.7 ബിഎച്ച്പി പവറും 10.2 എന്‍എം ടോര്‍ക്കും ഈ എന്‍ജിന്‍ സൃഷ്‍ടിക്കും. കഴിഞ്ഞ ദില്ലി ഓട്ടോ എക്‌സ്‌പോയിലായിരുന്നു ഈ രണ്ട് മോഡലുകളും ഹീറോ ആദ്യമായി പ്രദര്‍ശിപ്പിച്ചിരുന്നത്. 110 സിസി മാസ്‌ട്രോയില്‍ നിന്ന് രൂപത്തില്‍ വലിയ മാറ്റങ്ങള്‍ 125 സിസി മാസ്‌ട്രോയ്ക്കില്ല.

കിടിലൻ അലോയി വീല്‍, എല്‍ഇഡി ഹെഡ്‌ലാമ്പ്, യുഎസ്ബി ചാര്‍ജിങ്, ഇന്ധനക്ഷമത കൂട്ടാന്‍ സഹായിക്കുന്ന ഐ3എസ് സംവിധാനം എന്നിവ മാസ്‌ട്രോ എഡ്‍ജ് 125ലുണ്ടാകും. സര്‍വീസ് റിമൈന്‍ഡര്‍, സൈഡ് സ്റ്റാന്റ് ഇന്‍ഡികേറ്റര്‍ എന്നീ മുന്നറിപ്പ് നല്‍കുന്ന ഡിജിറ്റല്‍ അനലോഗ് ഇന്‍സ്ട്രുമെന്റ് കണ്‍സോളും പുതിയ സ്‍കൂട്ടറിലുണ്ട്. ഹോണ്ട ഗ്രാസ്യ, ഹോണ്ട ആക്ടീവ 125, സുസുക്കി ആക്‌സസ് 125 എന്നിവയാണ് 125 മാസ്‌ട്രോയുടെ മുഖ്യ എതിരാളികള്‍.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments

Related News

Leave a Comment