അച്ഛന് വേണ്ടി ക്യാമറയെടുത്ത് മകന്‍- ഫോട്ടോ പകര്‍ത്തി സരിത ജയസൂര്യയും

അച്ഛന് വേണ്ടി ക്യാമറയെടുത്ത് മകന്‍- ഫോട്ടോ പകര്‍ത്തി സരിത ജയസൂര്യയും

ജയസൂര്യ നായകനായെത്തുന്ന പുതിയ ചിത്രം ‘സൂഫിയും സുജാതയും’ ജൂലൈയില്‍ പ്രദര്‍ശനത്തിന് എത്തുകയാണ്. ആമസോണ്‍ പ്രൈമില്‍ റിലീസ് ചെയ്യുന്ന ആദ്യ മലയാള സിനിമ കൂടിയാകും സൂഫിയും സുജാതയും.

കോവിഡ് വ്യാപനം മൂലം സിനിമയുടെ പതിവ് രീതിയിലുള്ള പ്രമോഷന്‍ പരിപാടികള്‍ മുടങ്ങിയ സാഹചര്യത്തില്‍, ഡിജിറ്റല്‍ പ്രമോഷനാണ് എല്ലാവരും ആശ്രയിക്കുന്നത്. ജയസൂര്യയെ പ്രമോഷന്‍ പരിപരിപാടികള്‍ക്ക് സഹായിക്കുന്നത് മറ്റാരുമല്ല, മകന്‍ അദ്വൈത് ആണ്.

ജയസൂര്യയുടെ ഭാര്യ സരിതയാണ് മകന്‍ അച്ഛന് വേണ്ടി ക്യാമറയെടുക്കുന്നതിന്റെ ചിത്രം പങ്കുവച്ചിരിക്കുന്നത്. വീട്ടില്‍ ക്യാമറാമാന്‍ ഉള്ളപ്പോള്‍ പിന്നെ എന്തിനാണ് പേടിക്കുന്നതെന്നും, സൂഫിയും സുജാതയും പ്രമോഷന് വേണ്ടി അച്ഛനെ സഹായിക്കുന്ന തിരക്കിലാണ് അദ്വൈത് എന്നും സരിത ചിത്രത്തോടൊപ്പം കുറിച്ചു.

അതിഥി റാവു ഹൈദരിയാണ് ചിത്രത്തിലെ നായിക. സംസാരശേഷിയില്ലാത്ത സുജാതയ്ക്ക് (അതിഥി റാവു ഹൈദരി) സൂഫി സന്യാസിയായ ദേവ് മോഹനോട് തോന്നുന്ന പ്രണയമാണ് ചിത്രം പറയുന്നത്. അതിഥി അവതരിപ്പിക്കുന്ന കഥാപാത്രത്തിന്റെ ഭര്‍ത്താവിന്റെ വേഷത്തിലാണ് ജയസൂര്യ എത്തുന്നത്.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments


Leave a Reply

Your email address will not be published. Required fields are marked *

*
*