കെവിന്‍ കേസ്; എ എസ് ഐ യെ പിരിച്ചുവിട്ടു; എസ് ഐക്കും പണി പോകും
By കെവിന്‍ കേസ്; എ എസ് ഐ യെ പിരിച്ചുവിട്ടു; എസ് ഐക്കും പണി പോകും
കോട്ടയം: കോട്ടയം കെവിന്‍ ജോസഫിനെ കൊലപ്പെടുത്തിയ പ്രതികളെ സഹായിച്ച എ എസ് ഐ യെ സര്‍വീസില്‍ നിന്നും പിരിച്ചു വിട്ടു.
ഗാന്ധിനഗര്‍ എ എസ് ഐ ടി എം ബിജുവിനെയാണ് പോലീസ് സര്‍വീസില്‍ നിന്നും പിരിച്ചുവിട്ടത്. പ്രതികളില്‍ നിന്നും കോഴ സഹായിച്ചതിനാണ് വാങ്ങിയതിനാണ് നടപടി.
സസ്പെന്‍ഡ് ചെയ്യപ്പെട്ട ഗാന്ധിനഗര്‍ മുന്‍ എസ് ഐ എം എസ് ഷിബുവിനെ സര്‍വീസില്‍ നിന്നും പുറത്താക്കുന്നതിനുള്ള നടപടികളും ആരംഭിച്ചു.
എറണാകുളം റേഞ്ച് ഐ ജി വിജയ്‌ സാക്കറെയാണ് ഇരുവര്‍ക്കുമെതിരെ നടപടിയെടുത്തത്. ഇവരോടൊപ്പം കോഴ കൈപ്പറ്റിയ പോലീസ് ഡ്രൈവര്‍ അജയകുമാറിന്റെ മൂന്ന് വര്‍ഷത്തെ ഇന്ക്രിമെന്റ് പിടിച്ചുവെയ്ക്കും.
മകളെ പ്രണയിച്ചതിന്റെ പേരില്‍ പിതാവും സഹോദരനും സുഹൃത്തുക്കളും ചേര്‍ന്ന് കെവിന്‍ ജോസഫിനെ തട്ടിക്കൊണ്ട് പോയി കൊലപ്പെടുത്തുകയായിരുന്നു.
ഈ കേസിന്റെ വിചാരണ നടക്കുകയാണ്. കേസിലെ മുഖ്യ പ്രതിയായ സാനു ചാക്കോയില്‍ നിന്ന് കോഴ വാങ്ങി കെവിനെ കൊലപ്പെടുത്താന്‍ സഹായിച്ചതിനാണ് ഇവര്‍ക്കെതിരെ നടപടി ഉണ്ടായത്.
Leave a Reply
You must be logged in to post a comment.