എന്‍.ഡി.എയില്‍ വിള്ളല്‍, മുന്നണിയോഗം വിളിക്കണമെന്ന് ജെ.ഡി.യു
By പാറ്റ്‌ന: ദേശീയ പൗരത്വരജിസ്റ്റര്‍ നടപ്പാക്കുന്നതിനെചൊല്ലി എന്‍.ഡി.എയില്‍ അഭിപ്രായഭിന്നത രൂക്ഷമായതിനെ തുടര്‍ന്ന് വിഷയം ചര്‍ച്ച ചെയ്യാന്‍ മുന്നണി യോഗം വിളിക്കണമെന്ന് ജെ.ഡി.യു ആവശ്യപ്പെട്ടു.
നിതീഷ് കുമാറിന്റെ ജെ.ഡി.യു, രാം വില്വാസ് പാസ്വാന്റെ ലോക്ജനശക്തി പാര്‍ട്ടി, അസാം ഗണ പരിഷത്ത്, ശിരോമണി അകാലിദള്‍ എന്നീ എന്‍.ഡി.എ ഘടകകക്ഷികള്‍ ദേശീയ പൗരത്വ രജിസ്റ്ററിലും പൗരത്വ ഭേദഗതി നിയമത്തിലും ബി.ജെ.പിക്കെതിരെ നിലപാട് ശക്തമാക്കി. ഓരോ സഖ്യകക്ഷിയോടും പ്രധാനമന്ത്രി ചര്‍ച്ച നടത്തണമെന്നും എന്‍.ആര്‍.സിയെക്കുറിച്ചുള്ള ആശങ്ക അകറ്റണമെന്നും ജെ.ഡി.യു നേരത്തെ ആവശ്യപ്പെട്ടിരുന്നു. ഇതോടെ മറ്റ് ഘടകകക്ഷികളും ആശങ്കയിലാണ്.
നാല് പാര്‍ട്ടികളും പൗരത്വഭേദഗതി നിയമത്തിന് അനുകൂലമായ നിലപാടാണ് പാര്‍ലമെന്റില്‍ സ്വീകരിച്ചതെങ്കിലും ദേശീയതലത്തില്‍ പൗരത്വരജിസ്റ്റര്‍ നടപ്പാക്കുന്നതിനോട് വിയോജിപ്പ് പ്രകടിപ്പിച്ചിരിക്കയാണ്.
അസാമിലുണ്ടായ പ്രക്ഷോഭമാണ് അസാം ഗണപരിക്ഷത്തിന്റെ നിലപാട് മാറ്റത്തിന് പിന്നില്‍. പൗരത്വനിയമഭേദഗതിക്കെതിരെ സുപ്രീംകോടതിയെ സമീപിച്ചിരിക്കുകയാണ് പാര്‍ട്ടി.
എന്‍.ആര്‍.സി നടപ്പാക്കില്ലെന്ന് വ്യക്തമാക്കിയ എട്ടാമത്തെ സംസ്ഥാനമാണ് ബീഹാര്‍.
‘ബി.ജെ.പി ഭരിക്കുന്ന അസാം എന്‍.ആര്‍.സി നടപ്പാക്കില്ലെന്ന് പറയുമ്ബോള്‍, പിന്നെങ്ങനെയാണ് ബീഹാറില്‍ നടപ്പാക്കുക’- ജെ.ഡി.യു ദേശീയ ജനറല്‍ സെക്രട്ടറി കെ.സി ത്യാഗി ചോദിച്ചു. എന്‍.ആര്‍.സി ഒരിക്കലും നടപ്പാക്കില്ലെന്ന് ബീഹാര്‍ മുഖ്യമന്ത്രി നിതീഷ് കുമാര്‍ നേരത്തെ വ്യക്തമാക്കിയിരുന്നു.
സി.എ.എ, എന്‍.ആര്‍.സി വിരുദ്ധ പ്രക്ഷോഭം നടത്തുന്നവരോട് കേന്ദ്ര സര്‍ക്കാര്‍ സംസാരിക്കണമെന്നും ജനങ്ങളെ വിശ്വാസത്തിലെടുക്കണമെന്നും എല്‍.ജെ.പി നേതാവ് ചിരാഗ് പാസ്വാനും ആവശ്യപ്പെട്ടു.
ഇവര്‍ക്ക് പുറമെ ഒഡീഷയിലെ ബിജു ജനതാദളും രാജ്യവ്യാപക എന്‍.ആര്‍.സിക്കെതിരാണ്. ഇവര്‍ക്കൊപ്പം ശിരോമണി അകാലിദളും രംഗത്ത് വന്നതോടെ മുന്നണി എന്ന നിലയിലുള്ള എൻ.ഡി.എ-യുടെ പ്രസക്തി ചോദ്യം ചെയ്യപ്പെടുന്ന അവസ്ഥയാണ്.
- നോട്ട് നിരോധന വാർത്ത; സാമ്പത്തിക കേരളത്തെ ഞെട്ടിച്ചു
- ചിയാൻ വിക്രമിന്റെ ആക്ഷൻ ത്രില്ലർ എന്റെർറ്റൈനെർ “വീര ധീര ശൂരൻ” മാർച്ച് 27ന് തിയേറ്ററുകളിലേക്ക്
- അഖില ഭാരത ശ്രീമദ് ഭാഗവതാമൃത സത്രത്തിന്‌ മള്ളിയൂരിൽ തിരിതെളിഞ്ഞു.
- ബൈക്ക് മോഷ്ടാക്കളെ അറസ്റ്റ് ചെയ്തു
- ധീരജവാന്മാര്‍ക്ക് സ്‌നേഹാദരം സമ്മാനിച്ച് ഡിഫറന്റ് ആര്‍ട് സെന്ററിലെ ഭിന്നശേഷിക്കാര്‍
- അപ്പാർട്മെന്റിൽ അതിക്രമിച്ച് കയറി കൊലപാതകശ്രമം നടത്തിയ പ്രതിയെ കളമശ്ശേരി പോലീസ് അറസ്റ്റ് ചെയ്തു
- സ്വീഡനിൽ ജോലി വാഗ്ദാനം നൽകി നിരവധി പേരിൽ നിന്നും ലക്ഷങ്ങൾ തട്ടിയ കേസിലെ പ്രതി പിടിയിൽ
- എം ഡി എം എ യുമായി യുവതിയുൾപ്പടെ രണ്ട് പേർ പോലീസ് പിടിയിൽ
- പോക്സോ കേസിലെ പ്രതിയെ 53 വർഷം കഠിന തടവിനു ശിക്ഷിച്ചു
- St Thomas School | UKG കുട്ടികളെ മര്‍ദ്ദിച്ച സംഭവത്തില്‍ ഏഴാം മൈല്‍ സെന്‍റ് തോമസ്‌ സ്കൂളിന് എതിരെ പ്രതിഷേധം ശക്തമാവുന്നു
- സ്റ്റേഷൻ വളപ്പിൽ സൂക്ഷിച്ചിരുന്നു ഇന്നോവ കാർ കടത്തിയ പ്രതി പിടിയിൽ
- കലാസാഗർ പുരസ്‌കാരത്തിനുള്ള നാമനിർദ്ദേശം ക്ഷണിക്കുന്നു
- വിദ്യാഭ്യാസ സ്ഥാപനങ്ങൾക്ക് ഇന്ന് അവധി
- ഡെങ്കിപ്പനി കേസുകൾ കൂടുന്നു, കുട്ടികളിലും?
- കുഞ്ഞുങ്ങള്‍ക്ക് ഭക്ഷണം എന്ത്… എങ്ങനെ കൊടുക്കാം
Leave a Reply
You must be logged in to post a comment.