ഞാൻ കാത്തിരിക്കുന്ന സിനിമ; അച്ഛന്റെ വരാനിരിക്കുന്ന തകർപ്പൻ ചിത്രത്തെ കുറിച്ച് വെളിപ്പെടുത്തി ഗോകുൽ സുരേഷ്

മലയാളസിനിമയിൽ ഒരു കാലത്ത് ശക്തമായ കഥാപാത്രങ്ങളിലൂടെ സൂപ്പർ സ്റ്റാർ എന്ന പദവി അലങ്കരിച്ച നടനാണ് ബാലതാരമായി സിനിമയിലെത്തി പിന്നീട് ശ്രദ്ധേയമായ കഥാപാത്രങ്ങളിലൂടെ പ്രേക്ഷകമനസിലിടം നേടിയ സുരേഷ് ഗോപി. മോഹൻലാൽ നായകനായ രാജാവിന്റെ മകനിലൂടെ വില്ലനായി സിനിമാരംഗത്ത് സജീവമായ സുരേഷ് ഗോപിയെ സൂപ്പർ താരനിരയിലേക്ക് ഉയർത്തുന്നതിൽ പ്രധാന പങ്കുവഹിച്ച ചിത്രമാണ് കമ്മീഷ്ണർ. പിന്നീട് ലേലം,​ കളിയാട്ടം, തെങ്കാശിപ്പട്ടണം,​ മണിച്ചിത്രത്താഴ് തുടങ്ങിയ ഒട്ടേറെ ശ്രദ്ധിക്കപ്പെട്ട സിനിമകളിൽ അഭിനയിച്ചു.

രാഷ്ട്രീയത്തിലേക്കുള്ള രംഗപ്രവേശത്തിനു ശേഷം സിനിമകളിൽ സജീവമല്ലായിരുന്ന അദ്ദേഹം ഇപ്പോൾ സത്യൻ അന്തിക്കാടിന്റെ മകൻ അനൂപ് സത്യൻ സംവിധാനം ചെയ്ത് ദുൽഖർ നിർമിക്കുന്ന ചിത്രത്തിലൂടെ വീണ്ടും സജീവമാകാൻ ഒരുങ്ങുകയാണ്. ശോഭന, കല്യാണി പ്രിയദർശൻ എന്നിവരാണ് സിനിമയിലെ മറ്റുതാരങ്ങൾ.അച്ഛന്റെ വഴിയെ ശ്രദ്ധേയമായ കഥാപാത്രങ്ങളിലൂടെ ശക്തമായ പ്രകടനങ്ങളിലൂടെ സിനിമയിലേക്കെത്തിയ താരമാണ് മകൻ ഗോകുൽ സുരേഷും. “വളരെ വെയിറ്റ് ചെയ്യുന്ന ഒരു സിനിമയാണത്. ദുൽഖർ സൽമാൻ,​ പ്രിയൻ സാറിന്റെ മകൾ കല്യാണി പ്രിയദർശൻ ഇവരും ഈ സിനിമയുടെ ഭാഗമാണ്. അതിന്റെ ഒരു എക്സെെറ്റ്മെന്റ് കാരണം പലപ്പോഴും ചിത്രത്തെക്കുറിച്ച് ആലോചിക്കാറില്ല; ടെൻഷൻ വരും. അച്ഛന്റെ സ്റ്റീരിയോടെെപ്പ്-ആക്ഷൻ പടമല്ല ഇത്. കുറച്ചുകൂടി ഒരു ഫാമിലി എന്റർടെെനർ പടമാണ്. എന്നാൽ,​ അതിനകത്ത് ആക്ഷൻ സീക്വൻസും ഉണ്ട്. അനൂപ് ചേട്ടൻ ഒരു മാസ്റ്റർ പീസ് തന്നെ ക്രിയേറ്റ് ചെയ്യട്ടേയെന്ന് പ്രതീക്ഷിക്കുന്നു” ഗോകുൽ സുരേഷ് പറഞ്ഞു.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments