പെണ്‍കുട്ടിയെ തട്ടിക്കൊണ്ടു പോയ സംഭവം; മകനെ സംരക്ഷിക്കില്ലെന്ന് പിതാവ്

പെണ്‍കുട്ടിയെ തട്ടിക്കൊണ്ടു പോയ സംഭവം; മകനെ സംരക്ഷിക്കില്ലെന്ന് പിതാവ്

കൊല്ലം: കൊല്ലം ഓച്ചിറയില്‍ നിന്നും പെണ്‍കുട്ടിയെ തട്ടിക്കൊണ്ട് പോയ സംഭവത്തില്‍ മകനെ സംരക്ഷിക്കില്ലെന്ന് പിതാവ് നവാസ് പറഞ്ഞു. കഴിഞ്ഞ ദിവസം രാത്രിയാണ് സി പി ഐ ബ്രാഞ്ച് സെക്രട്ടറി കൂടിയായ നവാസിന്‍റെ മകന്‍ റോഷനും സംഘവും പെണ്‍കുട്ടിയെ തട്ടിക്കൊണ്ടു പോയത്.

മകന്‍ കുറ്റം ചെയ്തെങ്കില്‍ ശിക്ഷിക്കപ്പെടണമെന്ന് നവാസ് പറഞ്ഞു. അതേസമയം പെണ്‍കുട്ടി സ്വമേധയ മകന്‍റെ കൂടെ പോയതാണെന്നും തട്ടിക്കൊണ്ടു പോയതാല്ലെന്നും നവാസ് വ്യക്തമാക്കി. എന്നാല്‍ ഗുണ്ടാ സംഘത്തിന്‍റെ സഹായത്തോടെയാണ് പെണ്‍കുട്ടിയെ കടത്തിക്കൊണ്ടു പോയതെന്ന് പോലീസിന് വിവരം ലഭിച്ചു.

നിരവധി ക്രിമിനല്‍ കേസുകളിലെ പ്രതി പ്യാരിയുടെ സംഘമാണ് പെണ്‍കുട്ടിയെ തട്ടിക്കൊണ്ടു പോകാന്‍ റോഷനെ സഹായിച്ചത്. ഇയാള്‍ ഒളിവിലാണ്. ഓച്ചിറ മേമന സി പി ഐ ബ്രാഞ്ച് സെക്രട്ടറി നവാസിന്‍റെ മകനാണ് റോഷന്‍.

ഇയാള്‍ക്കെതിരെ കാപ്പ ചുമത്തിയേക്കും. സംഘം ഉപയോഗിച്ച കാര്‍ കഴിഞ്ഞ ദിവസം കായംകുളത്തുനിന്നും കണ്ടെത്തിയിരുന്നു. നാലുപെരടങ്ങുന്ന സംഘമാണ് പെണ്‍കുട്ടിയെ രാത്രി തട്ടിക്കൊണ്ടു പോയത്. ഈ സംഘത്തിലെ രണ്ടുപേരെ ഓച്ചിറ പോലീസ് കസ്റ്റഡിയില്‍ എടുത്തു.

ഇവരെ ചോദ്യം ചെയ്തതില്‍ നിന്നാണ് കൂടുതല്‍ വിവരങ്ങള്‍ പോലീസിന് ലഭിച്ചത്. ഓച്ചിറയില്‍ നിന്നും തട്ടിക്കൊണ്ട് പോയ പെണ്‍കുട്ടിയേയും റോഷനെയും എറണാകുളം റയില്‍വേ സ്റ്റേഷനില്‍ ഇറക്കി വിട്ടെന്നാണ് കസ്റ്റഡിയിലുള്ള പ്രതികള്‍ നല്‍കിയ വിവരം.

പെണ്‍കുട്ടിക്കും റോഷനും ബംഗാളുരുവിലേക്ക് പോകാനുള്ള ടിക്കറ്റ്‌ എടുത്തു നല്‍കിയെന്നും ഇവര്‍ മൊഴിനല്‍കി. മൊഴിയുടെ അടിസ്ഥാനത്തില്‍ പെണ്‍കുട്ടിയെ കണ്ടുപിടിക്കാനായി പോലീസ് സംഘം ബംഗാളുരുവിലേക്ക് തിരിച്ചിട്ടുണ്ട്.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments


Leave a Reply

Your email address will not be published. Required fields are marked *

*
*