അഭിനന്ദനെ പാകിസ്ഥാന്‍ നാളെ വിട്ടയക്കും; കൈമാറുക വാഗാ അതിര്‍ത്തി വഴി
By അഭിനന്ദനെ പാകിസ്ഥാന്‍ നാളെ വിട്ടയക്കും; കൈമാറുക വാഗാ അതിര്‍ത്തി വഴി
ഇന്ത്യന്‍ വ്യോമസേനാ വിംഗ് കമാന്‍ഡര്‍ അഭിനന്ദന്‍ വര്‍ദ്ധമാനെ വിട്ടയക്കാന്‍ പാകിസ്ഥാന്‍ തീരുമാനം. അഭിനന്ദന്‍ വര്‍ദ്ധമാനെ ഇന്ത്യക്ക് കൈമാറുക വാഗാ അതിര്‍ത്തി വഴിയാണ്. പാകിസ്ഥാന്‍ പ്രധാനമന്ത്രി ഇമ്രാന്‍ ഖാനാണ് അഭിനന്ദനെ നാളെ ഇന്ത്യയ്ക്ക് കൈമാറുമെന്ന് വ്യക്തമാക്കിയത്.
അഭിനന്ദനെ തിരിച്ചയക്കുന്നത് ഇരുരാജ്യങ്ങള്‍ക്കുമിടയില്‍ സമാധാനം പുനസ്ഥാപിക്കാനാണെന്ന് ഇമ്രാന്‍ ഖാന്‍ പറഞ്ഞു. സംഘര്‍ഷ പശ്ചാത്തലത്തില്‍ പാക്‌സിസ്ഥാന്‍ പാര്‍ലമെന്റിന്റെ സംയുക്ത സമ്മേളനം വിളിച്ചു ചേര്‍ത്തിരുന്നു.
ഇതിനിടെയാണ് അഭിനന്ദനെ തിരിച്ചയക്കുമെന്ന കാര്യം ഇമ്രാന്‍ഖാന്‍ പ്രഖ്യാപിച്ചത്. ഇതോടൊപ്പം മേഖലയില്‍ സമാധാനം നിലനില്‍ക്കുന്നുണ്ടെന്ന് ഉറപ്പാക്കാന്‍ അന്താരാഷ്ട്ര സമൂഹം ഇടപെടണമെന്നും ഇമ്രാന്‍ഖാന്‍ ആവശ്യപ്പെട്ടു.
പാകിസ്ഥാന്‍ പാര്‍ലമെന്റ് അംഗങ്ങള്‍ അഭിനന്ദന്റെ മോചനം ആരവങ്ങളോടെയാണ് സ്വീകരിച്ചത്. പാകിസ്ഥാന്‍ വിദേശകാര്യമന്ത്രി നേരത്തെ വ്യക്തമാക്കിയിരുന്നത് ഇന്ത്യ സംഘര്‍ഷത്തിന് അയവ് വരുത്താന്‍ തയ്യാറാവുന്ന പക്ഷം അഭിനന്ദനെ വിട്ടയക്കുന്ന കാര്യം പരിഗണിക്കാമെന്നായിരുന്നു.
പക്ഷെ യാതൊരു ഉപാധികളും കൂടാതെ അഭിനന്ദനെ വിട്ടയക്കണം എന്നായിരുന്നു ഇന്ത്യയുടെ ഉറച്ച നിലപാട്. അമേരിക്ക, സൗദി അറേബ്യ തുടങ്ങിയ രാജ്യങ്ങള്‍ ഇന്ത്യയോടും പാകിസ്ഥാനോടും മേഖലയില്‍ സമാധാനം പുനസ്ഥാപിക്കാന്‍ വേണ്ട നടപടികള്‍ സ്വീകരിക്കണമെന്ന് ആവശ്യപ്പെട്ടിരുന്നു. ഇതിനിടെയാണ് പാകിസ്ഥാന്‍ അഭിനന്ദനെ വിട്ടയക്കുന്ന കാര്യം അറിയിച്ചത്.
Leave a Reply
You must be logged in to post a comment.