പമ്പാനദീതീര ജൈവവൈവിധ്യ പുനര്‍ജീവന പദ്ധതി; പമ്പാ തീരത്ത് തൈകള്‍ നട്ടു




പമ്പാനദീതീര ജൈവവൈവിധ്യ പുനര്‍ജീവന പദ്ധതി; പമ്പാ തീരത്ത് തൈകള്‍ നട്ടു

കേരള സംസ്ഥാന ജൈവവൈവിധ്യ ബോര്‍ഡിന്റെ സഹകരണ ത്തൊടെ നടപ്പിലാക്കി വരുന്ന പമ്പാനദീതീര ജൈവവൈവിധ്യ പുനര്‍ജീവന പദ്ധതിയുടെ ഭാഗമായി പരിസ്ഥിതി ദിനത്തില്‍ പെരുന്തേനരുവി പമ്പാതീരത്ത് വനഫലവൃക്ഷതൈകള്‍ നട്ടു.

രണ്ടാംഘട്ടമായി നടന്ന പരിപാടിയില്‍ വെച്ചൂച്ചിറ ഗ്രാമപഞ്ചായത്ത് പ്രസിഡന്റ് ടി.കെ ജെയിംസ് ഫലവൃക്ഷതൈ നട്ട് ഉദ്ഘാടനം നിര്‍വഹിച്ചു.

പദ്ധതിയുടെ ആദ്യഘട്ടമായി 250 തൈകള്‍ നട്ട് പരിപാലിച്ചു വരുന്ന തായും രണ്ടാംഘട്ടമായി പമ്പാതീരത്ത് ആയിരം തൈകളും കൈതോടുകളിലും പമ്പാതീരത്തെ വീട്ടുവളപ്പുകളിലുമായി ആയിരം തൈകളും നട്ടുപിടിപ്പിക്കാനാണു ലക്ഷ്യമിടുന്നതെന്ന് അദ്ദേഹം പറഞ്ഞു.

പഞ്ചായത്തിന്റെ അധീനതയിലുള്ള കുന്നത്തും തലമുട്ടിയാനിയിലും ജൈവവൈവിധ്യ പാര്‍ക്ക് ആരംഭിക്കുന്നതിന് പദ്ധതിയിടുന്നതായും പഞ്ചായത്ത് പ്രസിഡന്റ് പറഞ്ഞു.

തൊഴിലുറപ്പ് അംഗങ്ങളെയാണ് പമ്പാതീരത്തും കൈവഴികളിലും തൈകള്‍ നട്ട് പരിപാലിക്കു ന്നതിന് ചുമതലപെടുത്തിയിരിക്കുന്നത്. 12 കീലോമീറ്റര്‍ ദൂരം തീരം മൂന്നായി വിഭജിച്ച് ഒന്‍പത് പേര്‍ക്ക് വീതം ചുമതല നല്‍കി തൈകള്‍ക്ക് ജൈവവേലികെട്ടി വേനല്‍കാലത്ത് നനച്ച് തൈകളുടെ സംരക്ഷണം ഉറപ്പ് വരുത്തും.

ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ പൊന്നമ്മ ചാക്കോ, ഗ്രാമപഞ്ചായത്ത് അംഗം പ്രസന്ന ടീച്ചര്‍, പഞ്ചായത്ത്തല ബി.എം.സി കണ്‍വീനര്‍ രാജപ്പന്‍ വേങ്ങഴ, എന്‍.ആര്‍.ഇ.ജി.എസ് അസിസ്റ്റന്റ് എന്‍ജീനിയര്‍ ജെസ്റ്റിന്‍ സെബാസ്റ്റ്യന്‍, ഓവര്‍സീയര്‍ ജിതില്‍ വി. ദാസ് എന്നിവര്‍ പങ്കെടുത്തു.

വായനക്കാരുടെ അഭിപ്രായങ്ങളും പ്രതികരണങ്ങളും താഴെ എഴുതാവുന്നതാണ്. ഇവിടെ ചേര്‍ക്കുന്ന അഭിപ്രായങ്ങളും പ്രതികരണങ്ങളും രാഷ്ട്രഭൂമിയുടെതായി കാണരുത് . അതു വായനക്കാരുടെതു മാത്രമാണ് . അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

comments


Leave a Reply

Your email address will not be published. Required fields are marked *

*
*