കുറിതൊട്ട് അഭിനയിച്ച പെണ്കുട്ടിയെ മദ്രസയില് നിന്നും പുറത്താക്കിയെന്ന് പിതാവ്
By കുറിതൊട്ട് അഭിനയിച്ച പെണ്കുട്ടിയെ മദ്രസയില് നിന്നും പുറത്താക്കി ; കല്ലെറിഞ്ഞു കൊല്ലാൻ വിധിക്കാത്തത് ഭാഗ്യമെന്ന് പിതാവ്
ഷോര്ട്ട് ഫിലിമില് പോട്ട് തൊട്ട് അഭിനയിച്ചതിന് പെണ്കുട്ടിയെ മദ്രസയില് നിന്നും പുറത്താക്കി. പെണ്കുട്ടിയുടെ പിതാവ് ഉമ്മര് മലയില് തന്റെ ഫേസ് ബൂക്കിലൂടെയാണ് ഇക്കാര്യം അറിയിച്ചത്. പഠനത്തിലും കലാപരമായ കഴുവുകളിലും ഏറെ മികവ് പുലര്ത്തിയ കുട്ടിയാണ് മകള് ഹെന്ന.
അതുകൊണ്ടാണ് അഭിനയിക്കാന് അനുവദിച്ചത്. മകളെ ഒരു ഷോര്ട്ട് ഫിലിമില് അഭിനയിക്കാന് അനുവദിച്ചതാണ് മദ്രസയില് നിന്നും പുറത്താക്കാന് കാരണമെന്ന് ഉമ്മര് ഫേസ് ബുക്ക് കുറിപ്പില് പറയുന്നു. പോട്ട് തൊട്ട് ഹിന്ദു പെണ്കുട്ടിയായി അഭിനയിച്ചതിനാണ് തന്റെ മകളെ മദ്രസയില് നിന്നും പുറത്താക്കിയതെന്ന ഉമ്മറിന്റെ ഫേസ് ബുക്ക് വാദപ്രതിവാദങ്ങളും പ്രതികരണങ്ങളും നിറയുകയാണ്.
ഫേസ് ബുക്ക് പോസ്റ്റിന്റെ പൂര്ണ്ണ രൂപം
മകൾ ഹെന്ന മലയിൽ (ഒരുഷോർട് ഫിലിം കോസ്റ്റൂമിൽ) പഠനത്തിനോടൊപ്പം തന്നെ പാട്ട്, പ്രസംഗം, അഭിനയം തുടങ്ങിയവയിലൊക്കെ കഴിവ് തെളിയിച്ച കുട്ടി, സ്കൂളിലും മദ്രസ്സയിലും എന്നും ഒന്നാം സ്ഥാനക്കാരി. സബ് ജില്ല, ജില്ല തലങ്ങളിൽ മികവ് തെളിയിച്ചവൾ.
കഴിഞ്ഞ അഞ്ചാം ക്ളാസ്സ് മദ്രസ്സ പൊതു പരീക്ഷയിൽ അഞ്ചാം റാങ്കുകാരി. എന്നിട്ടും മദ്രസ്സയിൽ നിന്നും ഈ വർഷം പുറത്താക്കപ്പെട്ടു. കാരണം പൊട്ടുതൊട്ട് സിനിമയിൽ അഭിനയിച്ചു എന്ന കുറ്റം. എന്താല്ലേ…? (കല്ലെറിഞ്ഞു കൊല്ലാൻ വിധിക്കാത്തത് ഭാഗ്യം).
Leave a Reply