വിമാനത്താവളത്തിലെ സുരക്ഷാപരിശോധന; രക്ഷപ്പെടാന് പൈലറ്റ് വേഷം കെട്ടിയ ആള് അറസ്റ്റില്
By ന്യൂഡല്ഹി: ഡല്ഹി ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലെ സുരക്ഷാപരിശോധനയില്നിന്നും നീണ്ട ക്യൂവില്നിന്നും രക്ഷപ്പെടാന് ലുഫ്താന്സ എയര്ലൈന്സ് പൈലറ്റായി ആള്മാറാട്ടം നടത്തിയ ആളെ സി.ഐ.എസ്.എഫ് അറസ്റ്റ് ചെയ്തതു രാജന് മഹ്ബുബാനി എന്ന 48 കാരനാണ് അറസ്റ്റിലായത്.തിങ്കളാഴ്ചയാണ് സംഭവം അരങ്ങേറിയത്.
കൊല്ക്കത്തിയിലേക്കുള്ള എയര് ഏഷ്യാ വിമാനത്തിലേക്ക് കയറുന്നതിനു തൊട്ടുമുമ്പാണ് രാജന് അറസ്റ്റിലായത്. വിശദമായ അന്വേഷണത്തിന് രാജനെ ഡല്ഹി പോലീസിന് കൈമാറി. വസന്ത്കുഞ്ച് മേഖലയിലെ താമസക്കാരനാണ് രാജന്. ലുഫ്താന്സയുടെ ചീഫ് സെക്യൂരിറ്റി ഓഫീസറാണ് സംശയകരമായ രീതിയില് ലുഫ്താന്സ എയര്ലൈന്സ് ക്യാപ്റ്റന്റെ വസ്ത്രം ധരിച്ച യാത്രക്കാരനെ കുറിച്ചുള്ള വിവരം സി.ഐ.എസ്.എഫിന് കൈമാറിയത്.
സ്ഥിരമായി വിമാനയാത്ര ചെയ്യുന്നയാളാണെന്നും എളുപ്പത്തില് സുരക്ഷാ പരിശോധന കഴിഞ്ഞുകിട്ടാനും സുരക്ഷാ ഏജന്സികളുടെയും വിമാനക്കമ്പനികളുടെയും പരിഗണന ലഭിക്കാനും അന്താരാഷ്ട്ര വിമാനക്കമ്പനികളുടെ പൈലറ്റായി വേഷം മാറാറുണ്ടെന്നും രാജന് പറഞ്ഞതായി ഡെപ്യൂട്ടി കമ്മീഷണര് സഞ്ജയ് ഭാട്ടിയ വ്യക്തമാക്കി.
Leave a Reply