രാഹുല്‍ ഗാന്ധി കോണ്‍ഗ്രസ് അധ്യക്ഷ സ്ഥാനം രാജിവെച്ചു
By രാഹുല്‍ ഗാന്ധി കോണ്‍ഗ്രസ് അധ്യക്ഷ സ്ഥാനം രാജിവെച്ചു
കോണ്‍ഗ്രസ് അധ്യക്ഷ സ്ഥാനത്തുനിന്ന് രാജിവച്ചെന്ന് രാഹുല്‍ ഗാന്ധി. കോണ്‍ഗ്രസ് പ്രവര്‍ത്തക സമിതി പുതിയ അധ്യക്ഷനെ എത്രയും പെട്ടെന്ന് തീരുമാനിക്കണമെന്നും രാഹുല്‍ ഗാന്ധി ബുധനാഴ്ച വ്യക്തമാക്കി. രാജിവെക്കുന്നതിന്റെ കാരണവും പ്രവര്‍ത്തകര്‍ക്കുള്ള സന്ദേശവും ഉള്‍ക്കൊള്ളിച്ച് നാല് പേജുള്ള കത്ത് രാഹുല്‍ ട്വീറ്റ് ചെയ്തു.
ഇന്ത്യയെ സേവിച്ച കോണ്‍ഗ്രസ് പാര്‍ട്ടിയുടെ ഭാഗമാകാന്‍ കഴിഞ്ഞതില്‍ അഭിമാനമുണ്ടെന്നും, പാര്‍ട്ടിക്കു വേണ്ടി എന്നും പ്രവര്‍ത്തനസജ്ജനായി ഉണ്ടാകുമെന്നും സൂചിപ്പിച്ചു. പക്ഷേ അധ്യക്ഷസ്ഥാനത്ത് തുടരില്ല. കോണ്‍ഗ്രസ്സിന്റെ തിരിച്ചു വരവിനു കടുത്തതീരുമാനങ്ങള്‍ അനിവാര്യമാണ്. ബിജെപിയോട് വിരോധമൊന്നുമില്ലെങ്കിലും, അവരുടെ ആശയത്തിനെതിരെയാണ് പോരാടുമെന്നും രാഹുല്‍ അറിയിച്ചു.
രാഹുല്‍ ഗാന്ധിയുടെ രാജിക്കത്തിന്റെ പൂര്‍ണരൂപം
കോണ്‍ഗ്രസ് പാര്‍ട്ടിയെ സേവിക്കുന്നത് എന്നെ സംബന്ധിച്ചിടത്തോളം ഒരു ബഹുമതിയാണ്. രാജ്യത്തോടും എന്റെ പ്രസ്ഥാനത്തോടും നന്ദിയും കടപ്പാടും രേഖപ്പെടുത്തുന്നു
2019 ലെ തിരഞ്ഞെടുപ്പില്‍ പരാജയപ്പെട്ടതിന് കോണ്‍ഗ്രസ് പാര്‍ട്ടി പ്രസിഡന്റ് എന്ന നിലയില്‍ ഞാന്‍ ഉത്തരവാദിയാണ്. തെരഞ്ഞെടുപ്പ് പരാജയത്തിന്റെ ഉത്തരവാദിത്തം ഏറ്റെടുക്കേണ്ടത് പാര്‍ട്ടിയുടെ ഭാവിക്ക് അത്യന്താപേക്ഷിതമാണ്.
പാര്‍ട്ടിയെ പുനര്‍നിര്‍മ്മിക്കുന്നതിന് കടുത്ത തീരുമാനങ്ങള്‍ ആവശ്യമുണ്ട്, കൂടാതെ 2019 ലെ പരാജയത്തെ മറികടക്കാന്‍ കൂടുതല്‍ പേരെ ഉത്തരവാദിത്വത്തിലേക്ക് കൊണ്ടു വരേണ്ടതുണ്ട്.
എന്റെ സഹപ്രവര്‍ത്തകരില്‍ പലരും അടുത്ത കോണ്‍ഗ്രസ് പ്രസിഡന്റിനെ നാമനിര്‍ദ്ദേശം ചെയ്യാന്‍ നിര്‍ദ്ദേശിച്ചു. ഞങ്ങളുടെ പാര്‍ട്ടിയെ നയിക്കുന്നത് പുതിയ ഒരാള്‍ക്ക് പ്രധാനമാണെങ്കിലും, ആ വ്യക്തിയെ ഞാന്‍ തിരഞ്ഞെടുക്കുന്നത് ശരിയല്ല.
അഗാധമായ ചരിത്രവും പൈതൃകവുമുള്ള ഒരു പാര്‍ട്ടിയാണ് നമ്മുടേത്, ഞാന്‍ അഗാധമായി ബഹുമാനിക്കുന്ന പോരാട്ടവും അന്തസ്സുമുള്ള പാര്‍ട്ടി. ധൈര്യം, സ്‌നേഹം, വിശ്വസ്തത എന്നിവയോടെ ആരാണ് ഞങ്ങളെ നയിക്കുന്നത് എന്നതിനെക്കുറിച്ച് പാര്‍ട്ടി തീരുമാനമെടുക്കുമെന്ന് ഞാന്‍ വിശ്വസിക്കുന്നു.
പുതിയ പ്രസിഡന്റിനായുള്ള അന്വേഷണം ആരംഭിക്കുകയെന്ന ചുമതല ഒരു കൂട്ടം ആളുകളെ ഏല്‍പ്പിക്കണമെന്ന കാര്യം, രാജിവച്ച ഉടനെ, കോണ്‍ഗ്രസ് വര്‍ക്കിംഗ് കമ്മിറ്റിയിലെ എന്റെ സഹപ്രവര്‍ത്തകരോട് ഞാന്‍ നിര്‍ദ്ദേശിച്ചിട്ടുണ്ട്. പുതിയ പ്രസിഡന്റിനെ കണ്ടെത്തുന്ന നടപടിക്ക് എന്റെ പൂര്‍ണ പിന്തുണയുണ്ടാകും. ഇത്രയുംകാലത്തെ അനുഭവത്തില്‍നിന്ന് അവര്‍ക്ക് അത് സാധിക്കുമെന്ന് ഉറപ്പാണ്.
എന്റെ പോരാട്ടം ഒരിക്കലും രാഷ്ട്രീയ അധികാരത്തിനായുള്ള പോരാട്ടമായിരുന്നില്ല. എനിക്ക് ബിജെപിയോട് വിദ്വേഷമോ കോപമോ ഇല്ല, പക്ഷേ എന്റെ ശരീരത്തിലെ ഓരോ ജീവനുള്ള കോശവും ഇന്ത്യയെക്കുറിച്ചുള്ള അവരുടെ ആശയത്തെ സഹജമായി എതിര്‍ക്കുന്നു.
ഇതൊരു പുതിയ യുദ്ധമല്ല, ആയിരക്കണക്കിനു വര്‍ഷങ്ങളായി ഇത് നമ്മുടെ മണ്ണില്‍ നടക്കുന്നു. അവര്‍ വ്യത്യാസങ്ങള്‍ കാണുന്നിടത്ത് ഞാന്‍ സമാനത കാണുന്നു. അവര്‍ വിദ്വേഷം കാണുന്നിടത്ത്, ഞാന്‍ സ്‌നേഹം കാണുന്നു. അവര്‍ ഭയപ്പെടുന്നത് ഞാന്‍ സ്വീകരിക്കുന്നു.
- നോട്ട് നിരോധന വാർത്ത; സാമ്പത്തിക കേരളത്തെ ഞെട്ടിച്ചു
- ചിയാൻ വിക്രമിന്റെ ആക്ഷൻ ത്രില്ലർ എന്റെർറ്റൈനെർ “വീര ധീര ശൂരൻ” മാർച്ച് 27ന് തിയേറ്ററുകളിലേക്ക്
- അഖില ഭാരത ശ്രീമദ് ഭാഗവതാമൃത സത്രത്തിന്‌ മള്ളിയൂരിൽ തിരിതെളിഞ്ഞു.
- ബൈക്ക് മോഷ്ടാക്കളെ അറസ്റ്റ് ചെയ്തു
- ധീരജവാന്മാര്‍ക്ക് സ്‌നേഹാദരം സമ്മാനിച്ച് ഡിഫറന്റ് ആര്‍ട് സെന്ററിലെ ഭിന്നശേഷിക്കാര്‍
- അപ്പാർട്മെന്റിൽ അതിക്രമിച്ച് കയറി കൊലപാതകശ്രമം നടത്തിയ പ്രതിയെ കളമശ്ശേരി പോലീസ് അറസ്റ്റ് ചെയ്തു
- സ്വീഡനിൽ ജോലി വാഗ്ദാനം നൽകി നിരവധി പേരിൽ നിന്നും ലക്ഷങ്ങൾ തട്ടിയ കേസിലെ പ്രതി പിടിയിൽ
- എം ഡി എം എ യുമായി യുവതിയുൾപ്പടെ രണ്ട് പേർ പോലീസ് പിടിയിൽ
- പോക്സോ കേസിലെ പ്രതിയെ 53 വർഷം കഠിന തടവിനു ശിക്ഷിച്ചു
- St Thomas School | UKG കുട്ടികളെ മര്‍ദ്ദിച്ച സംഭവത്തില്‍ ഏഴാം മൈല്‍ സെന്‍റ് തോമസ്‌ സ്കൂളിന് എതിരെ പ്രതിഷേധം ശക്തമാവുന്നു
Leave a Reply
You must be logged in to post a comment.