ഉന്നാവ് പെണ്കുട്ടിയുടെ മൃതദേഹം സംസ്കരിച്ചു
By ലഖ്നോ: ഉത്തര് പ്രദേശിലെ ഉന്നാവില് കൂട്ടബലാത്സംഗത്തിനിരയാക്കിയവര് ജാമ്യത്തിലിറങ്ങി ചുട്ടുകൊന്ന പെണ്കുട്ടിയുടെ മൃതദേഹം ഒടുവില് സംസ്കരിച്ചു.സംസ്കാര ചടങ്ങുകള്ക്ക് കനത്ത സുരക്ഷയാണ് ഒരുക്കിയത്. മൃതദേഹം മറവ് ചെയ്യുകയായിരുന്നു. മൃതദേഹം മറവ് ചെയ്യുമെന്നും ചിതയില് വെക്കാന് ഒന്നും ബാക്കിയില്ലെന്നും നേരത്തെ പെണ്കുട്ടിയുടെ സഹോദരന് നേരത്തെ തന്നെ വ്യക്തമാക്കിയിരുന്നു. സമാജ് വാദി പാര്ട്ടി നേതാക്കളടക്കം പ്രമുഖര്ഗ്രാമത്തില് എത്തിയിരുന്നു.
ഇന്നലെ ഡല്ഹി സഫ്ദര്ജങ് ആശുപത്രിയിലെ പോസ്റ്റുമോര്ട്ടത്തിനു ശേഷം ആംബുലന്സില് രാത്രിയാണ് മൃതദേഹം ഉന്നാവിലെ ഗ്രാമത്തില് എത്തിയത്. ഇന്ന് രാവിലെ തന്നെ സംസ്കരിക്കുമെന്നാണ് നേരത്തെ അറിയിച്ചിരുന്നത്. ഇതേതുടര്ന്ന് ലഖ്നോ ഡിവിഷണല് കമീഷ്ണര് അടക്കം മുതിര്ന്ന പൊലീസ് ഉദ്യോഗസ്ഥര് നടത്തിയ ദീര്ഘ ചര്ച്ചക്കൊടുവിലാണ് മൃതദേഹം സംസ്കരിക്കാന് കുടുംബം സമ്മതിച്ചത്.
കൊല്ലപ്പെട്ട യുവതിയുടെ സഹോദരിക്ക് സര്ക്കാര് ജോലി, കുടുംബത്തിന് പൊലീസ് സംരക്ഷണം, സഹോദരന് തോക്ക് ലൈസന്സ് എന്നിവയാണ് കുടുംബവുമായുള്ള ചര്ച്ചയില് തീരുമാനമായത്. പ്രധാനമന്ത്രി ആവാസ് യോജന പദ്ധതിയില് രണ്ട് വീടുകളും കുടുംബത്തിന് നിര്മിച്ചു നല്കും. കുടുംബത്തിന്റെ നിബന്ധനകളെല്ലാം അംഗീകരിച്ചുവെന്ന് സംസ്ഥാന സര്ക്കാറും അറിയിച്ചു.
സംസ്കാര ചടങ്ങുകള്ക്ക് കനത്ത സുരക്ഷയാണ് ഒരുക്കിയത്. സമാജ് വാദി പാര്ട്ടി നേതാക്കളടക്കം ഗ്രാമത്തില് എത്തിയിരുന്നു.
പെണ്കുട്ടി കൊല്ലപ്പെട്ടുവെന്ന വാര്ത്ത അതീവ ദുഃഖമുണ്ടാക്കുന്നതാണെന്ന് മുഖ്യമന്ത്രി ആദിത്യനാഥ് േനരത്തെ പ്രതികരിച്ചിരുന്നു. അതിവേഗ കോടതികള് സ്ഥാപിച്ച് കേസിലെ വിചാരണ നടത്തുമെന്നും കുറ്റക്കാര്ക്ക് കടുത്ത ശിക്ഷ നല്കുമെന്നും അദ്ദേഹം വ്യക്തമാക്കിയിരുന്നു. യുവതിയുടെ കുടുംബത്തിന് 25 ലക്ഷം നഷ്ടപരിഹാരവും വീട് നിര്മിച്ച് നല്കുമെന്നും സംസ്ഥാന സര്ക്കാര് നേരത്തെ പ്രഖ്യാപിച്ചിരുന്നു.
യുവതിയുടെ കുടുംബത്തെ സന്ദര്ശിക്കാന് ആദിത്യനാഥിന്റെ നിര്ദേശപ്രകാരമെത്തിയ മന്ത്രിമാരായ കമല്റാണി വരുണിനെയും സ്വാമി പ്രസാദ് മൗര്യയെയും ഗ്രാമീണര് തടഞ്ഞ് കടുത്ത പ്രതിഷേധമുയര്ത്തിയിരുന്നു.
- സ്റ്റേഷൻ വളപ്പിൽ സൂക്ഷിച്ചിരുന്നു ഇന്നോവ കാർ കടത്തിയ പ്രതി പിടിയിൽ
- കലാസാഗർ പുരസ്കാരത്തിനുള്ള നാമനിർദ്ദേശം ക്ഷണിക്കുന്നു
- വിദ്യാഭ്യാസ സ്ഥാപനങ്ങൾക്ക് ഇന്ന് അവധി
- ഡെങ്കിപ്പനി കേസുകൾ കൂടുന്നു, കുട്ടികളിലും?
- കുഞ്ഞുങ്ങള്ക്ക് ഭക്ഷണം എന്ത്… എങ്ങനെ കൊടുക്കാം
- ലോക ഓട്ടിസം ദിനത്തില് അവബോധ സന്ദേശവുമായി ‘പ്രേരണ’ നൃത്താവിഷ്കാരവും, ശില്പശാലയും, സംഗീതവിരുന്നും കൊച്ചിയില് നടക്കും
- ബൈക്കു മോഷണം പ്രതികൾ പിടിയിൽ
- വിവാഹ വാഗ്ദാനം നൽകി പീഡനം: പ്രതി അറസ്റ്റിൽ
- മയക്കു മരുന്നായ MDMA യുമായി യുവാവ് പിടിയിൽ
- അമ്മമാരെ അലട്ടുന്ന പ്രധാന പ്രശ്നമാണ് വിരശല്യം
- കുട്ടിക്ക് വിരല് കുടിക്കുന്ന ശീലമുണ്ടോ? പരിഹാരം ഇതാ
- സ്കൂൾ സ്കൂൾ വിദ്യാർത്ഥിനിക്ക് നേരെ നഗ്നത പ്രദർശനം നടത്തിയ മധ്യവയസ്കൻ അറസ്റ്റിൽ
- കഞ്ചാവുമായി യുവാക്കൾ പിടിയിൽ
- അടുത്ത അഞ്ചു ദിവസം അതിശക്തമായ മഴയ്ക്ക് സാധ്യത
- നാഷണൽ സർവ്വീസ് സ്കീം ദിനം : രക്തദാന ക്യാമ്പ് സംഘടിപ്പിച്ചു
Leave a Reply