പ്രശസ്ത സംവിധായകന്‍ ബാബു നാരായണന്‍ അന്തരിച്ചു
By പ്രശസ്ത സംവിധായകന്‍ ബാബു നാരായണന്‍ അന്തരിച്ചു
പ്രശസ്ത സംവിധായകന്‍ ബാബു നാരായണന്‍ (59) അന്തരിച്ചു. ഇന്ന് രാവിലെ 6.45ന് തൃശൂരിലായിരുന്നു അന്ത്യം. അര്‍ബുദ രോഗത്തെ തുടര്‍ന്ന് ചികില്‍സയിലായിരുന്നു.
അനില്‍ ബാബു എന്ന ഇരട്ടസംവിധായകരില്‍ ഒരാളാണ് ബാബു നാരായണന്‍. സംവിധായകന്‍ അനില്‍ കുമാറുമായി ചേര്‍ന്ന് ‘അനില്‍ ബാബു’വെന്ന പേരില്‍ 24 ഓളം ചിത്രങ്ങള്‍ സംവിധാനം ചെയ്തു.
അനഘ എന്ന ചിത്രമായിരുന്നു ഇദ്ദേഹം ആദ്യം സംവിധാനം ചെയ്തത്. മാന്ത്രികച്ചെപ്പ്, സ്ത്രീധനം, കുടുംബവിശേഷം, അരമനവീടും അഞ്ഞൂറേക്കറും, കളിയൂഞ്ഞാല്‍, പട്ടാഭിഷേകം, ഇങ്ങനെ ഒരു നിലാപക്ഷി, രഥോത്സവം, മയില്‍പ്പീലിക്കാവ്, മന്നാടിയാര്‍പ്പെണ്ണിന് ചെങ്കോട്ടച്ചെക്കന്‍ തുടങ്ങിയവയാണ് ഇവരുടെ പ്രധാനചിത്രങ്ങള്‍.
2004ല്‍ പുറത്തിറങ്ങിയ ‘പറയാം’ എന്ന ചിത്രത്തിനുശേഷം സംവിധാനത്തില്‍ നിന്ന് വിട്ടുനിന്നു. പറയാം ആയിരുന്നു അനില്‍- ബാബു കൂട്ടുകെട്ടിലിറങ്ങിയ അവസാന ചിത്രം. 2013ല്‍ ഒരിടവേളക്ക് ശേഷം ‘നൂറ വിത്ത് ലവ്’ എന്ന ചിത്രത്തിലൂടെ സ്വതന്ത്ര സംവിധായകനായി തിരിച്ചെത്തി. ഈ ചിത്രമായിരുന്നു ബാബു നാരായണന്‍ അവസാനമായി സംവിധാനം ചെയ്തത്.
- സ്റ്റേഷൻ വളപ്പിൽ സൂക്ഷിച്ചിരുന്നു ഇന്നോവ കാർ കടത്തിയ പ്രതി പിടിയിൽ
- കലാസാഗർ പുരസ്‌കാരത്തിനുള്ള നാമനിർദ്ദേശം ക്ഷണിക്കുന്നു
- വിദ്യാഭ്യാസ സ്ഥാപനങ്ങൾക്ക് ഇന്ന് അവധി
- ഡെങ്കിപ്പനി കേസുകൾ കൂടുന്നു, കുട്ടികളിലും?
- കുഞ്ഞുങ്ങള്‍ക്ക് ഭക്ഷണം എന്ത്… എങ്ങനെ കൊടുക്കാം
Leave a Reply