ഭിക്ഷാടന മാഫിയ തഴച്ചു വളരുന്നു….നഷ്ടമാകുന്ന ബാല്യങ്ങള്‍ക്ക്‌ ആരാണ് ഉത്തരവാദി ??

ഭിക്ഷാടന മാഫിയ തഴച്ചു വളരുന്നു….നഷ്ടമാകുന്ന ബാല്യങ്ങള്‍ക്ക്‌ ആരാണ്  ഉത്തരവാദി ?? ഭിക്ഷാടനം ഉപജീവന മാര്‍ഗ്ഗം ആക്കിയ മാഫിയ സംഘം കേരളം അടക്കി വാഴുന്നു. നിയമങ്ങള്‍ സംരക്ഷിക്കേണ്ട പോലിസ് തന്നെ വേണ്ട ഒത്താശ ചെയ്യുന്നു എന്നത് ദയനീയം…..യാചക നിരോധന മേഖല എന്ന ബോര്‍ഡ് പേരിനു മാത്രം..ചാവക്കാട്, ഗുരുവായൂര്‍, തൃപ്രയാര്‍, കൊടുങ്ങല്ലൂര്‍ മേഖലകളാണ് ഭിക്ഷാടന മാഫിയയുടെ പ്രധാന വരുമാന സ്രോതസ്സ്. വീടുകള്‍, കച്ചവട സ്ഥാപനങ്ങള്‍, ബസ് സ്റ്റാന്‍ഡുകള്‍, ആരാധനാലയങ്ങള്‍ എന്നിവിടങ്ങളില്‍നിന്നാണ് പണം പിരിക്കുന്നത്. തമിഴ്നാട്, കര്‍ണാടക, ആന്ധ്രപ്രദേശ്, ഒഡിഷ, ബംഗാള്‍ എന്നിവിടങ്ങളില്‍ നിന്ന് ഇത്തരക്കാരെ എത്തിക്കാന്‍ നിരവധി സംഘങ്ങളാണ് ജില്ലയില്‍ പ്രവര്‍ത്തിക്കുന്നത്. പ്രളയക്കെടുതി, രോഗങ്ങള്‍, അംഗഭംഗം, വിവാഹം തുടങ്ങി നിരവധി പ്രശ്നങ്ങള്‍ ഉന്നയിച്ചാണ് ഇത്തരക്കാര്‍ ആളുകളെ സമീപിക്കുന്നത്. ജില്ലയില്‍ അലഞ്ഞുതിരിയുന്നവരെയും റോഡരികിലും കടത്തിണ്ണകളിലും അന്തിയുറങ്ങുന്നവരെയും കണ്ടത്തെി പുനരധിവാസ കേന്ദ്രങ്ങളിങ്ങളില്‍ പൊലീസ് എത്തിക്കാറുണ്ട്. എന്നാല്‍, ഭിക്ഷാടന സംഘങ്ങളില്‍പെടുന്നവര്‍ പൊലീസിനന്‍റെ  കെണിയില്‍പെടാറില്ല. സംഘം…

ആലപ്പുഴയില്‍ വീട്ടമ്മയെ മരിച്ച നിലയില്‍ കണ്ടെത്തി

ആലപ്പുഴയില്‍ വീട്ടമ്മയെ മരിച്ച നിലയില്‍ കണ്ടെത്തി വീട്ടമ്മയെ വീടിന്റെ വരാന്തയില്‍ മരിച്ച നിലയില്‍ കണ്ടെത്തി. ആലപ്പുഴ തുമ്പോളിയിലെ തയ്യില്‍ വീട്ടില്‍ മറിയാമ്മ (70) യെയാണ് മരിച്ച നിലയില്‍ കണ്ടെത്തിയത്. വരാന്തയില്‍ ചോര വാര്‍ന്ന നിലയിലാണ് മൃതദേഹം കിടന്നിരുന്നത്. സംഭവത്തില്‍ പോലീസ് അന്വേഷണം ആരംഭിച്ചു.

ക്ലാസ് ലീഡര്‍ തെരഞ്ഞെടുപ്പില്‍ പരാജയപ്പെട്ടു; പതിമൂന്ന് വയസ്സുകാരന്‍ ആത്മഹത്യ ചെയ്തു

ക്ലാസ് ലീഡര്‍ തെരഞ്ഞെടുപ്പില്‍ പരാജയപ്പെട്ടു; പതിമൂന്ന് വയസ്സുകാരന്‍ ആത്മഹത്യ ചെയ്തു ക്ലാസ് ലീഡര്‍ തെരഞ്ഞെടുപ്പില്‍ പരാജയപ്പെട്ടതിന്റെ മനോവിഷമത്തില്‍ പതിമൂന്നുകാരന്‍ ആത്മഹത്യ ചെയ്തു. തെലങ്കാനയിലെ ബോണ്‍ഗിറില്‍ എട്ടാം ക്ലാസ് വിദ്യാര്‍ഥിയായ ചരണ്‍(13) ആണ് ജീവനൊടുക്കിയത്. വ്യാഴാഴ്ച രാവിലെ മുതല്‍ കാണാതായ കുട്ടിയെ മരിച്ച നിലയില്‍ വെള്ളിയാഴ്ചെ രാമണ്ണപ്പേട്ട് റെയില്‍വെ ട്രാക്കില്‍ നിന്നും കണ്ടെത്തുകയായിരുന്നു. പൊലീസ് അന്വേഷണം നടത്തുന്നതിനിടെയാണ് മൃതദേഹം കണ്ടെത്തിയത്. വ്യാഴാഴ്ച സ്‌കൂള്‍ കഴിഞ്ഞ് കുട്ടി വീട്ടിലെത്താതെ വന്നതോടെ വീട്ടുകാര്‍ പൊലീസില്‍ പരാതി നല്‍കുകയായിരുന്നു. ക്ലാസ് ലീഡര്‍ സ്ഥാനത്തിന് ഒരു പെണ്‍കുട്ടിയോട് തോല്‍ക്കേണ്ടി വന്നെന്ന് കുട്ടി പരാതി പറഞ്ഞിരുവെന്നും സ്‌കൂളില്‍ ലീഡര്‍ സ്ഥാനത്തിന് വേണ്ടി നടന്ന തെരഞ്ഞെടുപ്പില്‍ തോറ്റതിന് ശേഷം കുട്ടി അസ്വസ്ഥനായിരുന്നെന്നും മാതാപിതാക്കള്‍ പൊലീസിന് മൊഴി നല്‍കി. അതേസമയം, സ്‌കൂള്‍ അധികൃതര്‍ക്കെതിരെ ചരണിന്റെ മാതാപിതാക്കള്‍ പൊലീസില്‍ പരാതി നല്‍കി. സംഭവത്തില്‍ വിശദമായ അന്വേഷണം നടത്തുമെന്ന് ബോണ്‍ഗിര്‍ ഡിസിപി…

വിഴിഞ്ഞത്ത് നിന്ന് കാണാതായ മത്സ്യത്തൊഴിലാളികള്‍ തിരിച്ചെത്തി

വിഴിഞ്ഞത്ത് നിന്ന് കാണാതായ മത്സ്യത്തൊഴിലാളികള്‍ തിരിച്ചെത്തി വിഴിഞ്ഞത്തു നിന്നും കാണാതായ നാല് മത്സ്യത്തൊഴിലാളികളും തിരിച്ചെത്തി. ബുധനാഴ്ചയാണ് കടലില്‍ മത്സ്യബന്ധനത്തിനു പോയ തൊഴിലാളികളെ കാണാതായത്. പുല്ലുവിള സ്വദേശികളായ യേശുദാസന്‍, ആന്റണി, പുതിയതുറ സ്വദേശികളായ ലൂയിസ്, ബെന്നി എന്നിവരാണ് തിരിച്ചെത്തിയത്. കോസ്റ്റ് ഗാര്‍ഡും ഹെലികോപ്റ്ററും ചേര്‍ന്ന് നടത്തിയ തെരച്ചിലിനൊടുലില്‍ ഉള്‍ക്കടലില്‍ നിന്നാണ് ഇവരെ കണ്ടെത്തിയത്. ഉള്‍ക്കടലില്‍നിന്ന് ഇന്ന് ഉച്ചയ്ക്ക് 12-മണിയോടെയാണ് ഇവരെ കണ്ടെത്തിയത്. ഇവര്‍ സഞ്ചരിച്ചിരുന്ന മത്സ്യബന്ധന ബോട്ടിന്റെ എഞ്ചിന്‍ നടുക്കടലില്‍ വച്ച് തകരാറാകുകയായിരുന്നു. ഒപ്പം ശക്തമായ കാറ്റും മഴയും എത്തിയതും തീരത്തേയ്ക്കുള്ള മടക്കം വൈകിപ്പിച്ചുവെന്ന് മത്സ്യത്തൊഴിലാളികള്‍ പറഞ്ഞു. അതേസമയം ക്ഷീണിതരായ നാല് മത്സ്യതൊഴിലാളികളേയും ആശുപത്രിയിലേയ്ക്ക് മാറ്റി. മത്സ്യബന്ധനത്തിനു പോയ ഇവര്‍ വ്യാഴാഴ്ച തിരിച്ചെത്തേണ്ടതായിരുന്ന ഇവര്‍ വെള്ളിയാഴ്ചയും എത്തിച്ചേരാത്തതിനേത്തുടര്‍ന്നാണ് തിരച്ചില്‍ നടത്തണമെന്ന് മത്സ്യത്തൊഴിലാളികള്‍ ആവശ്യപ്പെട്ടത്. അതേസമയം, കൊല്ലം നീണ്ടകരയില്‍ ബോട്ട് തകര്‍ന്ന് കാണാതായവര്‍ക്കായുള്ള തെരച്ചില്‍ തുടരുകയാണ്.

നിര്‍ത്തിയിട്ടിരുന്ന ട്രെയിനിന് മുകളില്‍ കയറി സെല്‍ഫിയെടുക്കാന്‍ ശ്രമിച്ച കോളേജ് വിദ്യാര്‍ത്ഥിക്ക് ഷോക്കേറ്റു

നിര്‍ത്തിയിട്ടിരുന്ന ട്രെയിനിന് മുകളില്‍ കയറി സെല്‍ഫിയെടുക്കാന്‍ ശ്രമിച്ച കോളേജ് വിദ്യാര്‍ത്ഥിക്ക് ഷോക്കേറ്റു നിര്‍ത്തിയിട്ടിരുന്ന ഗുഡ്സ് വാഗണിന് മുകളില്‍ കയറി സെല്‍ഫിയെടുക്കാന്‍ ശ്രമിച്ച വിദ്യാര്‍ത്ഥിക്ക് ഷോക്കേറ്റു. പാലക്കാട് ജങ്ഷന്‍ റെയില്‍വേ സ്റ്റേഷന് സമീപം ഗുഡ്സ് യാഡിലാണ് സംഭവം. വടക്കാഞ്ചേരി കൊന്നഞ്ചേരി സ്വദേശി ആദര്‍ശിനാണ് (20) വാഗണിന് മുകളിലൂടെ കടന്നുപോകുന്ന വൈദ്യുതലൈനില്‍നിന്ന് ഷോക്കേറ്റത്. ഗുരുതരമായി പരിക്കേറ്റ ആദര്‍ശിനെ തൃശ്ശൂര്‍ മെഡിക്കല്‍ കോളേജില്‍ പ്രവേശിപ്പിച്ചു. തലക്കേറ്റ സാരമായ പരിക്കിനുപുറമേ നെഞ്ചിലും ഇടതുകാലിലും പരിക്കുണ്ട്. പാമ്പാടി സ്വകാര്യകോളേജിലെ വിദ്യാര്‍ഥിയാണ് ആദര്‍ശ്. വെള്ളിയാഴ്ച ഉച്ചതിരിഞ്ഞ് 3.10ഓടെയാണ് സംഭവം. സെല്‍ഫിയെടുക്കാനുള്ള ശ്രമത്തിനിടെ വാഗണിന് മുകളിലൂടെ കടന്നുപോകുന്ന വൈദ്യുത ലൈനില്‍ നിന്നും വിദ്യാര്‍ത്ഥിക്ക് ഷോക്കേല്‍ക്കുകയായിരുന്നു. ഷോക്കേറ്റ് വാഗണിന് മുകളില്‍ നിന്ന് തെറിച്ച ആദര്‍സ് യാഡ് പ്ളാറ്റ്ഫോമിന്റെ സിമന്റ് തറയിലേക്ക് തലയടിച്ചാണ് വീണത്. ആദര്‍ശ് സുഹൃത്ത് ജെബ്രിനൊപ്പം സ്‌കൂട്ടറിലാണ് റെയില്‍വേ സ്റ്റേഷനില്‍ എത്തിയത്. തുടര്‍ന്ന് ഇവര്‍ ഗുഡ്സ് ഷെഡ്ഡിന്…

നിര്‍ത്താതെയുള്ള കരച്ചില്‍ ശല്യമായി: പിതാവ് ഒന്നര വയസ്സുകാരിയെ നിലത്തടിച്ച് കൊന്നു

നിര്‍ത്താതെയുള്ള കരച്ചില്‍ ശല്യമായി: പിതാവ് ഒന്നര വയസ്സുകാരിയെ നിലത്തടിച്ച് കൊന്നു കുഞ്ഞിന്റെ നിര്‍ത്താതെയുള്ള കരച്ചില്‍ ശല്യമായതോടെ പിതാവ് കുട്ടിയെ നിലത്തടിച്ചു കൊന്നു. മധ്യപ്രദേശിലെ ജബല്‍പുരിലാണ് സംഭവം. രുപാലി എന്ന ഒന്നരവയസുകാരിയാണ് കൊല്ലപ്പെട്ടത്. സംഭവത്തില്‍ കുട്ടിയുടെ പിതാവിനെ പൊലീസ് അറസ്റ്റ് ചെയ്തു. സംഭവസമയത്ത് പ്രതി മദ്യലഹരിയിലായിരുന്നു. കൊലപാതക ശേഷം കുഞ്ഞിന്റെ ശരീരം ഇയാള്‍ അടുത്തുള്ള അഴുക്കുചാലിന് സമീപത്തെ ഒരു കല്ലിനടിയില്‍ ഉപേക്ഷിച്ചു. ശുചീകരണത്തിനെത്തിയ തൊഴിലാളികളാണ് കുഞ്ഞിന്റെ ശരീരം ആദ്യം കണ്ടത്. കൊലപാതകക്കുറ്റത്തിനാണ് പിതാവിനെതിരെ കേസെടുത്തിരിക്കുന്നത്. കൊലപ്പെടുത്തിയ കുഞ്ഞിനെക്കൂടാതെ ഇയാള്‍ക്ക് വേറെയും മൂന്ന് മക്കളുണ്ട്. സംഭവസമയത്ത് ഭാര്യയെ പ്രസവത്തിനായി ആശുപത്രിയില്‍ അഡ്മിറ്റ് ചെയ്തിരിക്കുകയായിരുന്നു. മൂന്നും അഞ്ചും വയസുള്ള കുട്ടികള്‍ കൃത്യം നടന്ന സമയത്ത് വീട്ടിലുണ്ടായിരുന്നു.

കൊല്ലത്ത് തെങ്ങ് വീണ് ഗൃഹനാഥന്‍ മരിച്ചു

കൊല്ലത്ത് തെങ്ങ് വീണ് ഗൃഹനാഥന്‍ മരിച്ചു കൊല്ലം അഞ്ചാലുംമൂട് കാറ്റില്‍ തെങ്ങ് കടപുഴകിവീണ് ഗൃഹനാഥന്‍ മരിച്ചു. പനയം ചോനംചിറ കുന്നില്‍തൊടിയില്‍ വീട്ടില്‍ ദിലീപ് കുമാര്‍ (55) ആണ് മരിച്ചത്. വീട്ടുമുറ്റത്തുനിന്ന ദിലീപിന്റെ മുകളിലേക്ക് തെങ്ങ് കടപുഴകി വീഴുകയായിരുന്നു. അദ്ദേഹത്തെ ഉടന്‍തന്നെ ജില്ലാ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

കനത്ത മഴ: കാസര്‍കോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ അവധി

കനത്ത മഴ: കാസര്‍കോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ അവധി കനത്ത മഴയെ തുടര്‍ന്നു കാസര്‍കോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും കളക്ടര്‍ ശനിയാഴ്ച അവധി പ്രഖ്യാപിച്ചു. പ്രൊഫഷണല്‍ കോളജുകള്‍ ഉള്‍പ്പെടെയാണ് അവധി. കനത്ത മഴയെ തുടര്‍ന്നാണ് അവധി. വടക്കന്‍ കേരളത്തിന്റെ പലഭാഗങ്ങളിലും മഴ ഇപ്പോഴും ശക്തമായി തുടരുകയാണ്. പല സ്ഥലങ്ങളിലും ആളുകളെ ഇതിനോടകം തന്നെ മാറ്റിപ്പാര്‍പ്പിച്ചു. ഇടുക്കി ജില്ലയിലെ പാംബ്ല (ലോവര്‍ പെരിയാര്‍), കല്ലാര്‍കുട്ടി ഡാമുകളുടെ ഷട്ടറുകള്‍ ഉയര്‍ത്താന്‍ ജില്ലാ കളക്ടര്‍ നിര്‍ദേശം നല്‍കി. ഇതേത്തുടര്‍ന്ന് പെരിയാറിന്റെ തീരത്തുള്ളവര്‍ ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു. സംസ്ഥാനത്ത് ഇന്നുമുതല്‍ ചൊവ്വാഴ്ച വരെ വിവിധ ജില്ലകളില്‍ റെഡ്, ഓറഞ്ച് അലേര്‍ട്ടുകള്‍ പ്രഖ്യാപിച്ചിട്ടുണ്ട്.

പ്രമുഖ സീരിയല്‍ ബാലതാരം വാഹനാപകടത്തില്‍ മരിച്ചു; അമ്മ ഗുരുതരാവസ്ഥയില്‍

പ്രമുഖ സീരിയല്‍ ബാലതാരം വാഹനാപകടത്തില്‍ മരിച്ചു; അമ്മ ഗുരുതരാവസ്ഥയില്‍ ഹിന്ദി സീരിയലുകളിലൂടെ ശ്രദ്ധേയനായ ബാലനടന്‍ ശിവലേഖ് സിംഗ് (14) വാഹനാപകടത്തില്‍ മരിച്ചു. മാതാപിതാക്കള്‍ക്കൊപ്പം യാത്ര ചെയ്യവെ റായ്പൂരില്‍ വച്ചാണ് അപകടം. വ്യാഴാഴ്ച്ച വൈകീട്ട് 3 മണിയോടെയാണ് അപകടമുണ്ടായത്. അപകടത്തില്‍ കുട്ടിയുടെ മാതാപിതാക്കള്‍ക്കും മറ്റൊരാള്‍ക്കും പരുക്കേറ്റു. ശിവ്ലേഖും കുടുംബവും സഞ്ചരിച്ച കാര്‍ ട്രക്കിനു പിന്നില്‍ ഇടിക്കുകയായിരുന്നു. ശിവലേഖ് സംഭവസ്ഥലത്തു തന്നെ മരിച്ചു. മാതാപിതാക്കളായ ലേഖ്‌ന, ശിവേന്ദ്ര സിങ് എന്നിവര്‍ക്കും നവീന്‍ സിങ് എന്നൊരാള്‍ക്കും പരിക്കേറ്റു. ഇതില്‍ അമ്മ ലേഖ്നയുടെ നില ഗുരുതരമാണ്. ബിലാസ്പുരില്‍ നിന്ന് ഇവര്‍ റായ്പുരിലേക്ക് വരികയായിരുന്നു. വാഹനം എതിര്‍ വശത്തുനിന്നും വരുന്ന ട്രക്കില്‍ ഇടിക്കുകയായിരുന്നു. ട്രക്ക് ഡ്രൈവര്‍ അപ്പോള്‍ തന്നെ ഓടി രക്ഷപെട്ടു. ഡ്രൈവര്‍ക്കുള്ള തിരച്ചില്‍ തുടരുകയാണെന്ന് പോലീസ് അറിയിച്ചു. സങ്കട് മോചന്‍ ഹനുമാന്‍, സസുരള്‍ സിമര്‍ കാ തുടങ്ങിയ സീരിയലുകളിലാണ് അഭിനയിച്ചിരുന്നത്. റിയാലിറ്റി ഷോ…

കർക്കിടക കഞ്ഞിയും അത് സേവിക്കേണ്ട വിധവും

കർക്കിടക കഞ്ഞിയും അത് സേവിക്കേണ്ട വിധവും 17ഓരോ ഋതുക്കള്‍ മാറുമ്പോഴും പ്രകൃതിയിലുണ്ടാകുന്ന മാറ്റങ്ങള്‍ മനുഷ്യ ശരീരത്തിലും മാറ്റങ്ങള്‍ ഉണ്ടാക്കുന്നു. ഓരോ ഋതുക്കളിലും പ്രത്യേകം പ്രത്യേകം ചര്യകളുണ്ട്. ചൂടില്‍ നിന്നും തണുപ്പിലേക്ക് ഉള്ള മാറ്റമാണ് കര്‍ക്കിടകത്തില്‍ സംഭവിക്കുന്നത് ആ സമയം ശരീരം ബലഹീനമാകും അതിനു പ്രതിരോധം എടുക്കേണ്ടത് ആവശ്യമാണ് ഇല്ലെങ്കില്‍ അകാല വാര്‍ദ്ധക്യം ഉണ്ടാകും. ഈ സമയം മനസ്സിനും ശരീരത്തിനും സുഖം പ്രദാനം ചെയ്യുന്ന ചികിത്സ ആവശ്യമാണ് . ത്രിദോഷങ്ങള്‍ (വാതം, പിത്തം, കഫം ) വര്‍ദ്ധിക്കുന്നത് മഴക്കാലത്താണ് . ഇതില്‍ ഏതെങ്കിലും ദോഷങ്ങള്‍ അധികമാകുമ്പോള്‍ രോഗങ്ങള്‍ ഉണ്ടാകുന്നു. സുഖ ചികിത്സക്ക് പ്രായ പരിധിയില്ല. ചെറു പ്രായക്കാര്‍ക്കും പ്രായം ഉള്ളവര്‍ക്കും സുഖ ചികിത്സ നടത്താവുന്നതാണ് . സുഖ ചികിത്സ നടത്തുന്നതിലൂടെ രക്ത ചംക്രമണം സാധാരണ നിലയില്‍ ആകുന്നു ഒപ്പം ദഹനപ്രക്രീയയും സാധാരണ നിലയില്‍ ആകുന്നു . ഇത് മൂലം…